Home Bollywood Actors And Actresses  
Worldknowledge1
 
 
 
 
 

Dibakar Banerjee Interview

Dibakar banerjee was born on 21 June 1969; Dibakar Banerjee proved him-self as film director and screen writer in bollywood. Initially he starter his career to direct the different commercial ads and he is also directed coca cola advertisement but in 2006 Dibarkar Banerjee started his career in bollywood as a director from the movie khosla ka ghosla. Dibarkar Banerjee got marry with richa puranesh. Dibakar banerjee was born on Karol Bagh which is situated in west Delhi, he started her education from Bal Bharti public school Delhi, after received his metric degree he studied in visual communication and graphic from nation institute of design. After completed his study he started to worked as a audio visual with film maker who’s name is sam mathew. He started his new project with his colleague who’s name is jaideep sahni. Actually his new project is that to write the the script of a movie which name is khosla ka ghosla which is released in 2006 in this movie anupam kher and boman irani perform very well in this page you will read and find Dibakar Banerjee interview in Urdu and Hindi.

 
Dibakar Banerjee

21 june 69 ko dehli me paida hone wale dibakar banerjee ne talim puri hone ke bad

Ahmadabad ke national institute of design se diploma hasil kya or phir dehli akar audio video studio me kaam shuro kar dya yahan un ki mulakat jane mane film maker perdip sarkar se hui or in ki sangat ne dibakar ko film world ki tarf mutawaja kya. Chennal v ke lye kaam karne ke bad dibakar ne dehli chor kar Mumbai ki rah li or yahan roni screw wala ke lye chote bajut ki Khonsla ka ghonsla sirf 45 dino ki shooting me mukamal kar dikhai puri film home town dehli me shoot ki gai is pehli film pr hi dibakar ko wao wao mili or is pehli koshish ne national awards hasil kya. 2008 me dosri film Oye lucky lucky oye banai is ke bad tisri movie Love sex or Dhoka 2010 me aai, dibakar ki banai tino awalain filmen real news stories pr based hain jab k chohti film shanghai 45 sal pehle likhe ek greek novel pr mabni hai. Dibakar ka kehna hai k barso pehle likhe is novel ki kahani aaj ke bharti samaj se mel khati hai lehaza ise film ki shakal me dhal kar us ne goya aaj ke bharat ki manzar kashi ki hai. Niji zindagi me dibakar ek khush bash married life guzar raha hai, wife richa purnesh ka taluk bhi advertising field se hai ye dono ekloti beti aera ke sath Mumbai ke preal area me rehaish pazair hain.

Question: Shinghai aap ki chohti directorial hai kya waja hai k aap ki films main strem or parallel cinema ke bich ki chezen samjhi jati hai?  

Dibakar: in dono terms ko do alag intahaen mana jata hai lekin mera khayal hai k aaj ke dor me is gape ko khatam karna zarori hai is bat pr ghehra yakin rakhta hon k filmon ko tafrih ka zarya hona chahye lekin sath hi ye zarori nahi k ek acha film maker, script ki demand nazar andaz karte hue viewers ki aam salahiyato ko pakarna chahe main is gape ko fill kar raha hon or agar Khonsla ka ghonsla, Oye lucky lucky oye, Love sex or Dhoka ke bad Shinghai ko bhi main strem or art cinema ka picture mana jata hai to is me khush hon.

Question: imran hashmi or abhay deol do mukhtalif category ke actors hain, in dono ke sath direct karna kis qadar mushkil sabit hua?

Dibakar: wese ab abhe ko bhi aap art filmon tak mehdud nahi kar sakte q k us ki Zindagi na mile gi dobara hit hui hai magar manta hon k imran se us ka level match nahi karta. Dono actors alag intehaon pr hain, ek tarha se inhen sath cast karma challeng tha or ek bara risk bhi agar ye element na hota to mujhe maza nahi ata jese jese film aage barhi in do adakaraon ke bich takrao hota raha to mera intrest bhi barhta raha ye ek sehat mand muqabla hai or is ke natije me product yani meri film ki worth barhi hai, apne tor pr dono actors sensible hain or role ke hawale se in ki approach positive rahi, abhe ke sath pehle bhi kaam kya hai magar imran ke sath first time tha tahum aesa laga nahi k hum pehli bar sath kaam kar rahe ho. Maze ki bat bataon k abhe ne tamil barhaman T A kirishna ka role play kya hai or is role ke lye main use munasib tasaowr nahi karta tha tahum us ke sath comfortable rehne ke khayal se ye role offer kya to us ki pehli demand ye thi k tamil tutor ka bandubast kya jae or phir hum ne ek aese teacher ka bandubast kya jo set pr har waqt mojud rehta tha, is koshish or mehnat ke bad abhe role ke lye right choise ban gya, wo ek aesa actor hai jo kirdar me amane ke lye jan tor mehnat kar sakta hai, jahan tak imran ka
sawal hai to main media ka rawaiya dekhta hon k kis tarha imran ko smocher ya kissing boy kaha jata hai magar dosri tarf us ki mfan following bhi barhti ja rahi hai or ye kahon to galat na ho ga k khan heroes ke bad sab se zyada fans imran ke hi hain. Main ne use role me fit fit hone ke siwa maqboliyat ki waja se bhi cast kya tha or phir jab us ne kaam kya to waqai ek ahal actor nazar aya film me us ke kirdar ka nam jogindar permir hai or is kirdar ke boht se shades hain.

Question: aap ki har film me 2 sal ka gap hota hai?

Dibakar: kisi idea ko conceive karne or film ki shakal me dhalne ki khatir itna waqt mujhe jagta hi hai main is kaam ko easy nahi leta k jaldi jaldi filmen banao is lye soch bhi nahi sakta k ek set se dosre set pr jaon or at a time 2, 4 filmen bana dalon, har insan me qudrat ne alag salahiyat dali hai yun samjh len k ek munasib ya achi film do sal se pehle nahi bana sakta.

Question: pehli film ke lye jo struggle ki or aaj jo sorate hal hai, us me kitna fark dekhte hain?

Dibakar: hum ek ache dor me agae hain jahan ek serious film maker ko producer mil jata hai tahum ab bhi ek masala or stars se bhari film ke moqable me bamaini or kamzor cast wali film ko paisa hasil karne me mushkil paish ati hai yani in do trha ke filmon me fark behre hal hai upar wale ka lakh ahsan hai k apni karkrdagi ki bunyad pr ab mujhe producer or bajut ke lye zyada mushkil nahi hai.

Question: stars ke sath film banai jae to maker ki zimedari kis had tak kam ho jati hai?

Dibakar: stars ek bare business ki geranty hote hain, agar aap ki film me bara star hai to bare bajute ka boht bara hissa save ho jata hai, tahum stars pr pura bojh nahi dala ja sakta
q k aaj ecovetion behre hai change ho gai hai or sirf stars ka jalwa dekhne log nahi ate. Han! Pichle dor me rajesh khanna ka chehra or adaen dekhne log ate the or film silver jobly hit hi jati thi magar aaj ke bare stars ek hafte ki genanty bhi nahi de sakte is lye film maker ki zimedari sab se zyada hai k wo kesi kahani chose karta hai or use kis tarha paish karta hai, mere hisab se yahi bat sab se aham hai.

Question: Shinghai aap ki first adaptation hai, ye idea kis tarha mechure hua?

Dibakar: aap jante hi hain k apni 3 ibtadai filmen news best stories se mutasir ho jar banai hai magar is bar larger scale pr kaam karma chahta tha lehaza jab ek dost ne greek
orther vesiles ke novel Z ko parhne ka mashwara dya to use parh kar yun laga k ek hindi film banai ja sakti hai or phir is idea ko mechure karte hue apne producer ko mister vesiles se milne or qnoni rights lene ke lye unan bheja to wo is bat pr heran hue k kis
tarh 45 sal pehle likhi jane wali ek kitab ne mujhe film banane ke lye mutasir kya hai or phir jab hamare producer ne unhen meri tasver dikhai to wok hush ho kar bolen k is shakhs ne jo chashma laga rakha hai use dekh kar andaza hota hai k boht sochta ho ga ek bare writer se apne bare me aese coments sun kar khasi khushi hui.

Question: Singhai ka central idea kya hai?

Dibakar: ye film corruption ki zarorat bayan karti hai.

Question: kya hamare samaj or mulk ko corruption ki zarorat hai? Ye bhala kya bat hui?

Dibakar: aap jo samjh rahe hain aesa nahi hai ye batane ki koshish ki gai hai k corruption ko agar koi khatam kar sakta hai to wo aap hain, ye faisla aap ko karna hai k corruption na rahe ya phir phalta phulta rahe. Ek tarha se tanzia andaz me society me barhte corruption ko exposed kya gya hai meri film ke tino lead characters yani imran, abhe or kalki system se larhte hain or bar bar khud se sawal puchte hain k larhna hai ya phir bhagna hai.

Question: is film ke promotion ke lye abhe ne inkar q kar dya hai?

Dibakar: us ne koi inkar nahi kya or na hi hamare darmiyan larai chal rahi hai, 15 march ko us ki birth day hui to main mojud tha asal me wo parishan yun hai k media me us ki or
imran ki rivalry ko le kar gair zimedarana khabren or articals shaah hue hain abhe ko dar ye hai k film ke promotion ke doran agar kisi media person ne is bare me tohin aamez rawaiya apnaya ya phir ikhlaq se gira koi sawal puch lya to wo apne tempers pr control nahi rakh pae ga. Use boht jald gussa ajata hai or kabhi kabhi apne reaction pr pachtata bhi hai lehaza nahi chahta k koi aesi wesi bat ho jae k bad me talafi tak na ho pae q k kehte hai media pr bat tir ki tarha hoti hai jo nikal jae to phir wapas nahi asakti, us ke thore boht tahafuzat hain jin ke lye main ne keh dya hai k agar aesi koi sorate hal aai to main control kar lon ga. aap dekhen ge k film ke promotion pr abhe har jaga hamare sath hoga.

Question: kya ye durse hai k imran ki tarha abhe pr koi dance number nahi filmaya gya or us ke naraz hone ki ek aham waja ye bhi hai?

Dibakar: jab ye film use offer ki thi thek tab se janta tha k us pr koi gana nahi hoga. han! Imran pr ek zabardast item number hai magar ye role or situation ki demand ke mutabik hai, abhe pr zabardasti gana filmaya jata to film apna impact lose kar jati, ye bat wo bhi samjhta hai.             

Question: kya ye bat bhi galat hai k apne role ko kamzor parta dekh kar abhe ne redabing ki farmaish ki thi?

Dibakar: ise aap insecurity na samjhe bal k ye perfection ka mamla hai. Agar koi artist ye mehsos karta hai k us ke kaam me behtari ki gunjaish hai or is ke lye waqt bhi dastiyab hai to wo aesi bat kar sakta hai film ke rash prints dekhte hue abhe ne andaza lagaya k tamil berhaman ka jawab or lehja us ne apnaya hai wo bilkul perfect nahi lehaza ye bat kahi. Main achi tarha janta hon k tamil tutor ke sath us ne pura ek sal lagaya, jab hum outdoor shooting pr hote the to apni venty van ke andar betha wo tab tak tamil lesson leta rehta tha jab tak k use short ke lye nahi bulwaya jata tha, bang a Panjabi use tamil sikhne me waqt rahi hogi lekin role ke lye us ne jitni mehnat ki hai wo gair mamuli nahi or shayad hi itni mehnat pr koi actor amada hota ho is lye har bat ko realize karne ke bad main is natije pr pohncha hon k redabing ki abhe ki demand thek thi.

Question: sunne me aya hai k abhe ko razi rakhne ke lye aap use or neto chandra ko le kar boht khamoshi se kalkata me action thriller launch kar chuke ho?

Dibakar: G nahi! Is waqt sari tawaja Shinghai ki release pr hai or is pehle agli film ko set pr nahi le ja sakta. Han ek nahi do ideas zere ghor hain lekin ye abhi teh nahi k in filmon ke lye kise cast karon ga, abhe ke sath boht kaam kya hai hamari achi understanding bhi hai magar ye zarori nahi k agli film us ke sath banaon.

Question: Love sex or Dhoka ke bad ekta kapure ke balajee films ke sath kaam na karne ki koi khas waja?  

Dibakar: koi waja nahi, ekta ke sath dosti chal rahi hai hum ek dosre ki ezat karte hain abhi 2, 3 hafte pehle hi ek coffe shop pr itafaki mulakat hui thi to boht garm joshi se mile the. Boht jald hum mil kar kaam Karen ge hum dono ko kisi aese ache subject ka intezar hai jo Love sex or Dhoka se zyada attractive q k hum nahi chahte jo kaam kar chuke hain us se piche jaen.

Question: Shinghai pr kitna beget kharch hua hai?

Dibakar: main use discuss nahi kar sakta, han! Agar mere producer se pocha jae or wo batane ko tayar hon to phir etaraz nahi, itna zaror keh sakta hon k ab tak jitni filmen banai hai un me se sab se mehangi film hai. Ek bat or kehna chahon ga k aesa film maker nahi hon jo ek lehange ya phir choli pr lakho rupee kharch karta ho meri film me script ki jo demand hogi, bejet usi pr kharch kya jae ga chunke as producer bhi kaam kar chukka hon is lye janta hon k bajut kahan zayah hota hai.

Question: kya is bat pr khushi mehsos karte hain k ab aap ki filmon ko bhi commercial state mil rahi hai?                    

Dibakar: magar meri filmen 100 charor ka bara business to nahi kar pati (qehqaha) khair ye to mazak tha sachi bat ye hai k jis tarha meri filmon ko response mil raha hai or jis tarha se mujhe asani se producers mil jate hain us se boht khush hon mere sath jitney logon ne kaam kya hai unhen acha moawza de paya hon filmon ki kamai se beti ki talim chal rahi hai or meri dal roti bhi achi tarha puri ho jati hai is se zyada kya chahye.

Question: payal rohatgi ne ilzam lagaya tha k kaam ke badle aap ne us se bed sharing ki khwahish zahir ki, is badtar ilzam pr kya kahen ge?

Dibakar: wo meri dost hua karti thi or nahi janta tha k kaam pane ki koshish me wo dost ki garden katne pr amada ho jae gi yakinan us ne logo ki tawaja hasil karne or digar films maker ko ye batane ke lye mujhe badnam kya k kaam pane ke lye kuch bhi kar sakti hai. Ye Eshoo ab purana ho gya hai or rab ka shukar hai k meri biwi or digar karibi logo ne payal pr yakin nahi kya is se meri khud etamadi barhi or ab khud ko pehle se zyada mazbut tasowr karta hon.

Filmo graphi (Up dates as on 30-4-2012)

No film Year  Produce  Stars States
1-    Khonsla ka ghonsla   2006   rani screw   anupam kher,boman erani,tara   average
2-    Oye lucky lucky oye 2008   rani screw   abhe diol,neto chandra,archana  average
3-    Love sex                    2010   ekta kapore anush manjha,nusrat,aarya         hit
4 -   Shinghai                     2012   ajey bijli     imran hashmi,abhe,kalki……..

Note

dibakar ki banai awalian do filmon Khonsla ka ghonsla or Oye lucky lucky oye ko national awards mile hain. 2006 ki Khonsla ka ghonsla sal ki behtrin film karar pai thi jab k 2008 ki Oye lucky lucky oye ko national award jeory ne sal ki best popular film karar dya tha.