Home Bollywood Actors And Actresses  
Worldknowledge1
 
 
 
 
 

Ragini khanna Biography

Ragini Khana is one of the most popular and talented Indian Actress and model. Ragini started her acting career from a drama serial which name is Radha ki Betiyan Kuch Kar Dikhayegi, this drama was aired on NDTV. Then she appeared in another drama serial which name is Bhaskar bharti in 2009, ragini also participated on a reality show which name is 10 ka Dum, she won 1,000,000 rupees from this reality show and donated all the money which was she won from the reality show. In 2010 Ragini perfomed in star plus darama serial which name is Susral Genda phool, it was the most popular darma serial where she performed very well, and audience also appreciated her performance it was a comedy show, ragini khanna also performed in bollywood she started her acting career in bllywood from the movie Teen thay bhai which is released on 2011, it was comedy film. She also performed in Panjabi film which name is Bhaji in problem. In this page you will find and read ragini khanna movies and tv shows.

 
ragini khanna

Question: dear fans aaj humare darmiyan television ki popular actress ragini khanna mojud hain jin ka nam kisi taruf ka mohtaj nahi unhon ne Susral genda phool me shandar adakari kar ke nazrin ke dil jeet lye lekin is ke bad unhen koi jandar role nahi mila chunancha dilbardashta ho kar unhon ne reality shows se rishta jor lya or khob kamyab rahin. Aap me se kai ek ye janne ke lye be chen hon ge k ragini khanna ne ye fesla kisi planning ke tehat kya ya ye mehaz itefaq tha? Yad rahe k ache jawab ke lye ache sawal ka hona shart hai kya tum tyar ho ragini?
Ragini: yes I am ready

Question: Susral genda phool khatam hone ke bad tum kya karti rahin?
Ragini: ek din ke lye bhi farig nahi bethi is doran main ne kuch fiction shows kye jin me Sapna babul ka bidai, Main lakshmi tere angan ki, or Badalte rishton ki dastan qabile zikar hain is ke elawa 2 filmon 3 the bhai, or Bhaji in problem me bhi kaam kya kai reality shows me hisa lene ke elawa anchoring bhi kar chuki hon.

Question: anchoring or acting me kise mushkil samjhti ho?
Ragini: mere khayal me acting ke muqable me anchoring zyada mushkil hai. acting me aap puri tyari ke sath camera ke samne ate hain or aap ko apne character ke bare me pata hota hai lekin hosting me aesa nahi yahan aap ko be ikhteyar bolna hota hai.

Question: tum ne career ke agaz me Susral genda phool me ek mushkil role qabol karne ka risk q lya?
Ragini: mujhe khatron se khelna pasand hai or ye chez meri shakhsiyat me shamil hai. waqai ek aesa character karna mushkil tha jo gray shade lye hue ho jabke star plus pr pehle hi tulsi (simarti irani) or parwati (sakshi tanver) jesi farma bardar bahuen apna rang jama chuki thin. Is ke elawa mera character bhi gair riwaiti tha in sab baton ke bawajud main ne risk lya or kamyab rahi.

Question: tumhara dream role kon sa hai?
Ragini: main Pakiza jesa role karna chahon gi.

Question: kya tumhen khana pakana ata hai?
Ragini: boht hi mody cook hon lekin kabhi boht zyada logon ke lye khana nahi banaya rozana khana nahi banati balke kabhi kabhi itwar ke din family ke lye kuch chezen tyar kar leti hon. Susral genda phool me kaam kar ke meri boht si adaten tabdil ho gai hain.

Question: kya tum gair mulki shows dekhti ho?
Ragini: g han mujhe gair mulki shows boht pasand hain or New girl, Big bang theory, ancient aliens jesi series baqaidgi se dekhti hon albata Indian daily shop nahi dekhti. Gair mulki shows apni kahani or concept ke lehaz se bare natural hote hain.

Question: Music se lagao hai? kis qisim ke gane sunna pasand karti hon?
Ragini: main ruhani tor pr music se juri hui hon jo koi bhi roh ki ghehrai se gata hai wo mera favourite singer hai. mosiqi ki dunya boht wasih or ghehri hai or is ke zarye aap khud ko daryaft kar sakte hain.

Question: barish ka mosam kesa lagta hai?
Ragini: boht hi roman parwar mujhe barish ke doran gili miti ki khushbu boht achi lagti hai.

Question: barish se juri kuch yaden shear karna chaho gi?
Ragini: mujhe ek hi waqya yad hai us waqt junior KG me thi or mere school ki bus ja chuki thi. Shukar hai k mere pas rain cote tha or mujhe yad agya k 2 mint ke fasle pr nani ka ghar hai mujhe ghutnon ghutnon pani me chal kar nani ke ghar jana para.

Question: wo kon sa din tha jab tumhen apne aap pr boht zyada fakhar mehsos hua?
Ragini: wo din kabhi nahi bhula sakon gi jab pehli bar apne aap ko Radha ki betiyan…. Me chote parde pr dekha us waqt mujhe ahsas hua k waqai adakara ban gai hon is ke bad main ne piche mur kar nahi dekha.

Question: Mumbai ki barish kesi lagti hai?
Ragini: sarkon pr selab ajata hai or sab log gharon me band ho kar beth jate hain ye sorate hal dekh kar bari mayosi hoti hai.

Question: chutti ka din kese guzarti ho?
Ragini: khob soti hon dopher me filmen dekhti hon or sham ko doston ki party me chali jati hon or agar koi program na ho to kisi saheli ke sath dinner kar leti hon.

Question: agar kabhi tumhen Olympics me hisa lene ka moqa mile to……….?
Ragini: ye mere lye ek aejaz ho ga lekin masla ye hai k main koi out door game nahi khelti.

Question: tum ne Susral genda phool me suhana ka role play kya tha ye batao k real life me suhana se kitni milti julti ho?
Ragini: hum dono ke mijaz or adaton me boht farq hai suhana ek amir or dil khol kar pese kharch karne wali larki hai jabke mera taluq middle class family se hai. suhana jis tarha pese kharch karti or shoping karti hai main wesa nahi kar sakti main ne zindagi me sirf pesa bachana sikha hai or kabhi bhi fazol kharch nahi rahi.

Question: tumhari nazar me zindagi ki tarif kya hai?
Ragini: zindagi heraton ka majmoa hai or aap nahi jante k agle lamhe me kya hone wala hai ye ek aesi kitab hai jis ke agle safhe pr likhi gai tehrir ke bare me hum kuch nahi jante.

Question: bachpan ki koi na qabile faramosh yad hamare sath shear kar sakti ho?
Ragini: mujhe ek gurya pasand agai jis ki qimat 5000 rupee the us zamane me ye raqam boht zyada thi jab mere bhai ko is bat ka ilm hua to us ne pese jama karna suru kar dye or 2 sal bad wo mere lye wahi gurya le kar agya use dekh kar main khushi se pholi na samai or meri samjh me nahi aya k us ka shukarya kese ada karon?

Question: agar car mojud na ho to safar ke lye kis transport ko tarjih do gi?
Ragini: chote safar ke lye cycle se achi koi sawari nahi ye jismani tor pr bhi aap ko fit rakhti hai.

Question: tumhari nazar me fashion ki kya ahmiyat hai?
Ragini: wese to har zamane me fashion ko ahmiyat di gai hai magar aaj kal to log hamari acting se zyada fashion pr tawaja dete hain is lye hamari bhi yahi koshish hoti hai k khob ban sanwar kar camera ke samne aaen or logon ko apne dresses, make up or hair style se mutasir kar saken

Question: adakara banne ka sab se bara nuqsan kya hai?
Ragini: aaj kal industry me muqabla boht sakht ho gya hai is lye aap ko har waqt acha or fit nazar ana chahye or adakara banne ka sab se bara nuqsan ye hai k kaam ke doran chutti nahi milti.

Question: apne bare me sab se zyada fazol afwah kya suni?
Ragini: mere bare me afwah phelai gai k bollywood actress anushka Sharma is lye mujh se naraz hai k main ne ranvir singh ke sath boht zyada waqt guzara jab hum dono akhathe balajee award me perform kar rahe the is afwah ne to mujhe bilkul parishan nahi kya lekin doston or family members ne bhi is pr koi tawaja nahi di qk sab jante the k ye bakwas hai.

Question: suna hai k govinda jee se tumhari rishte dari hai phir kya waja hai k tum ne filmon me career banane ke lye un ka sahara nahi lya?
Ragini: main saharon pr yaqin nahi rakhti or apne bal bute pr aage barhna chahti hon. Wo mujhe zyada se zyada ek martaba support kar den ge lekin agar mujh me talent na ho to un ki ye support bhi kisi kaam ki nahi ho gi. Wese hamare khandan me sifarish ka riwaj nahi hai agar un se kehti to wo yaqinan inkar kar dete ab bhi wo mere kaam ki tarif to zaror karte hai lekin unhon ne kisi producer ya director se meri sifarish nahi ki or na hi mujhe introduce karwaya.

Question: suna hai k tv adakara anus Rashid ke sath tumhara zor dar afear chal raha hai is me kitni sachai hai?
Ragini: main or anus ache dost zaror hain lekin is se zyada kuch nahi. Na jane akhbar walon ne kis tarha ye kahani gharh dali jabke anus ne ek interview me saf saf keh dya hai k wo showbiz ki kisi larki se shadi nahi kare ga.

Question: shadi kab karo gi?
Ragini: abhi is bare me kuch nahi socha wese bhi ye kaam mere walidain ka hai.