Home Bollywood Actors And Actresses  
Worldknowledge1
 
 
 
 
 

Vatsal Seth

Vestal sheth a famous Indian actor was born on 5 august 1980 in Mumbai, vatsal belonged from the gujarati family. He started his early education from Utpal Sanghvi school, vatsal wanted to becaome the scientist when he was in shool, after passed out from the school he admitted in Gokhilibai High school and got his degree from Mithabai collage, during the collage life he wanted to became the software engineer, he also wrote games in GW-Basic program. But he could not became the software engineer and now a day vatsal known as a famous Indian actor. He started his acting career from a drama serial which named Just mohabat. In this darama serial he fromed very well after this serial a famous film director Duo Abbas Mastan decided that vatsal play the lead role in their upcoming movie. So vatsal started his bollywood career from the the movie tarzan which was released on 2003. In this movie Asha Takkiya played the female lead role with vatsal. And ajay davgan played the role of his father, this movie was became the hit in box office and the audience appreciated to his acting. After the success of his first movie he received many offered and also appeared in different movies. The second movie of his career is Nannhe JAisalmer which was released in 2007. In 2008 he appeared in two different movies, In 2009 he played role as Jayes takhur in Paying guest, In 2010 he appeared in Toh Baat Pakki. In 2011 he showed his ability in Hostle, and in 2012 he appeared in superhit movie which named is jai ho. In this movie vatsal worked with salman khan. In jai ho he played role as a Cameo. In this page you will find and read vatsal seth interview.

 
Vatsal Seth

Vatsal Seth Movies List

  • taarzan the wonder car
  • heroes (2008)
  • paying guests
  • nanhe jaisalmer
  • hostel
  • toh baat pakki

Age : 34 Years

Profile

Adakar vatsal seth ne television show Just muhabat se apne acting career ka agaz kya or is ke bad bollywood ki rah li kai filmon me mukhtalif noiyat ke role play karne ke bad ab woe k bar phir chote parde pr wapas agya hai or star plus ke show Ek hasina thi me sanjida sheikh ke bilmuqabil markazi kirdar ada kar raha hai wo 5 august 1980 ko maharashtar ke shehar Mumbai me paida hua us ne utpul sanghwi achool se matric or mithi bai collage se BSc kya.vastal ne acting me ane se pehle ishteharat or music videos ke elawa kai products ke lye modeling bhi ki or pepsi ke ek ishtehar me use shahrukh ke sath dekha gya. Bollywood me us ki pehli film Tarzan: the wonder car thi is ke elawa wo Nanhe jesalmer, Heros, Peng guest, To bat paki,Hostel, or Jay ho (mukhtasar role0 me bhi kaam kar chukka hai us ne bator producer ek film Sorry bhai bhi banai hai.

Question: tum ne is show me negative character karna q qabol kya?
Vatsal: main ne is pehle aesa character kabhi dekha or na suna ye ek boht hi munfarid role hai is se pehle aam qisim ke character kye hain jesa ek larka bahar se ata hai ya koi khob sorat larka muhabat ki talash me hai lekin is tarha ka character kabhi nahi kya main samjhta hon k is me boht kuch karne ki gunjaish hai kabhi socha bhi na tha k is tarha ke character ka koi wajud ho ga. Aese shows zaror pesh kye gae jin me riwaiti negative shade nazar aya lekin mera character un se bilkul mukhtalif hai q k is me mukhtalif shades hain or audience mujhe hero or villain dono soraton me dekh sakte hain. woe k moqa pr mujhe zalim samjhe ge lekin is ke sath sath wo ye bhi sochen ge k ye itna khush shakal or charming larka hai wo ye dfesla nahi kar paen ge k shorya se muhabat Karen ya nafrat.

Question: kya tumhare lye aesa role play karna ek challenge hai?
Vatsal: G han ye boht bara challenging ho gya hai q k is character ke 2 shades hain mujhe charming ke sath sang dil bhi nazar ana hai jab rehearsal ke lye script milta hai to main apne character ko pur kashish banane ke lye is me jidat paida karta hon missal ke tor pr phone karte waqt use loud speaker ke andaz me kandhe pr rakh leta hon sharab pite waqt bhi mukhtalif andaz ikhteyar karta hon or apne character ko stylish banane ki koshish kar raha hon mujhe choti choti baton ka khayal rakhna parta hai ta k character intresting nazar aae.

Question: is show me ab tak tumhara safar kesa raha? Kya tum is se enjoy kar rahe hon?
Vatsal: ab tak ye safar boht dilchasp raha hai q k ek mashor kun job kar raha hon or achi bat ye hai k log ise pasand kar rahe hain jab main ne ye naya project shuru kya to yaqin nahi tha k ise le kar aage barh sakon ga lekin ab tak ye boht zabardast raha hai.

Question: kya parastaron ki taraf se tumhen is character pr manfi tabsire mile hain?
Vatsal: herat hai k abhi tak aesa koi tabsira sune me nahi aya warna main to samjh raha tha k log mera jena dobhar kar den ge. Shayad is ki waja ye hai k audience ab bashaor ho gae hain or wo jante hain k parde pr jo kuch dikhaya jar aha hai wo masnoi hai or haqiqat se is ka koi taluq nahi isi lye wo actor ki bajae character se nafrat karte hain.

Question: co stars ke sath tumhara excuation kesi hai?
Vatsal: boht achi ayub khan ke sath is se pehle to Bat paki me kaam kar chukka hon lehaza hamare darmiyan us waqt se hi ghehra taluq qaim hai. smone singh or sanjida sheikh thande mijaz ki hain hum sab ek sath boht acha waqt guzarte gain. Zyada tar ye log mere kamre me hi hote hain hum ek sath khana khate or hansi mazaq karte hain.

Question: amitabh bachan or anupum kher jese bare stars tv shows kar rahe hain kyat um samjhte ho k film ke muqable me tv zyada mosar medium hai or ye bhi batao k tumhare television pr wapas ane ki kya waja thi?
Vatsal: ek actor ke lye film or television pr kaam karne me koi farq nahi hai balke acha role milna zyada ahmiyat rakhta hai. mujhe yaqin hai k anil kapor ne television seris 24 sirf is lye ki q k is ki kahani dilchasp thi yahi case amitabh jee ka bhi hai main ne ye show is lye qabol kya q k ye character interesting hai agar mujhe kisi film me challenging role mile to zaror karon ga. Koi bhi jan bujh kart v ya film ka intekhab nahi karta.

Question: kya tum apne mojuda muqam se mutmain ho?
Vatsal: G han boht mutmain hon q k adakar ke lye tawaqa ke mutabiq kaam milna boht mushkil hota hai or main is lehaz se khush qismat hon k jo chaha wo mil gya or is se zyada khushi is bat ki hai k audience ki taraf se positive response mil raha hai jesa k main ne aap ko pehle bataya k is character ke bare me yaqin nahi tha k ise kar sakon ga q k mera look villain jesa nai hai main dekhne me riwaiti badboy nahi lagta or na hi mera muscles wala jisim hai lehaza yaqin nahi tha k log mujhe is role me qabol kar len ge.

Question: hal hi me tumhen best stylish award mila hai kesa mehsos kar rahe hon?
Vatsal: boht khush hon k meri tamam koshishon ka sila mil gya main ne apne character me naya pan lane ke lye boht research kit hi mera look, libas, hair style, or khare hone ka andaz ab ek trend ban gya hai. ye award mujhe audience ke votes ki madad se mila hai jis se zahir hota hai k wo mere character ko pasand kar rahe hain salman khan ko boht pasand karta hon or mere tamam malbosat being human se lye gae hain.

Question: kon si bat tumhen khush ya afsurda kar deti hai?
Vatsal: jab log meri performance ki tarif karte hain to nboht khushi hoti hai mere khayal me falastin or gazwa me is waqt jo kuch ho raha hai wo intehai wehshiyana hai be gunah or masom log mare ja rahe hain jis ki waja se me boht afsurda hon. Isi tarha mujhe us waqt bhi boht afsos hota hai jab log hakumat ki janib se hamare faide ke lye banae gae qawanin ki pabandi nahi karte.

Question: kya tum shorya ka role play karte hue khof zada nahi hote?
Vatsal: khof zada to nahi albata ye mushkil zaror lagta hai q k agar main ise sahih tariqe se nahi karon ga to mera character tabah ho jae ga or hum ise sahih tarha portry karne ke qabil nahi rahen ge.

Question: agar TRP ki bat ki jae to ye show nayi bulandiyon ko cho raha hai or is ki kahani bhi mutasir kun hai tum is bare me kya sochte ho?
Vatsal: main producers or channel ka boht shukar guzar hon k wo aesa concept le kar aae ye hum sab ki boht bari kamyabi hai or mehsos karte hain k hamara show shayad trendster ban jae. Is ke bad audience aese shows dekhna chahen ge jin ka concept munfarid ho. Main samjhta hon k is show ki badolat aese log bhi is ke audience ban gae jo pehle shows nahi dekhte the. Industry ke kai doston ne mujhe bataya hai k wo ye show baqaidgi se dekhte hain or agar koi episode miss ho jae to bad me is ki recording dekh lete hain.

Question: tum apne career ka credit kis ko dena chaho ge?
Vatsal: kisi ek shakhs ko ye credit nahi dya ja sakta main ne apne career ko mustehkam banane ke lye bare sabar se kaam lya hai or sirf muntakhab role kye hain.

Question: kya dobara filmon me jane ka imkan hai?
Vatsal: main film chor kar nahi aya dar asal kuch arse se mujhe filmon me intresting or challenging role nahi mil rahe the jab Ek hasina thi ki offer hui tab bhi ek film karne wala tha lekin mujhe ye role ab tak ke kaam se bilkul mukhtalif laga lehaza main ne dosri bar sochne ki zarorat mehsos ki or ise qabol kar lya lekin film industry se mera taluq barqarar hai or jab bhi koi acha role offer hua to zaror karon ga.

Question: television ki kis adakara ke sath kaam karne ki khawahish hai or q?
Vatsal: wese to sabhi adakaraen talented or charming hain lekin mujhe hina khan ke sath kaam karne ki shadid khawahish hai jo shayad hi puri ho sake q k is waqt wo apne show me masrof hai or kuch nahi kaha ja sakta k ye show kab tak chalta rahe ga?

Question: kya ye sach hai k tum sanjida sheikh ke sath kaam karte hue comfortable nahi ho?
Vatsal: ye bhi unhi afwahon me se ek hai jo k aksar or beshtar media ki zinat banti rehti hain agar aap ye show dekh rahe hain to meri or sanjida ki screen chemistry dekh kar hi jan jaen ge k humdono kaam karne ke doran kitne comfortable hain.