Home Articles <<  
Worldknowledge1
 
 
 
 
 
All Pakistan Muhajir Student Organization or All Pakistan Muttahida Student Organization genrally known as A.P.M.S.O. There are many student organization. In 11 June 1978 Altaf Hussain who was the student of Karachi University created the A.P.M.S.O to represent the Muhajir student. In this page you will find and read Altaf Hussain History in Urdu Hindi Roman.

A.P.M.S.O
All Pakistan Muttahidda Students Organization

 

Altaf Hussain

Ye April aur may 1978 ke garam tapttey hoye din thay. Jamia Karachi mein aney wale election ki ibtidai tyaariyaan shuro ho chuki thein. Ayse garam dino mein ek larka Jamia Karachi ke degar talba wa tulbaat ke sath garma garam behesoon mein uljha hoa paya gaya. Behas ka mozu bhi bohut ajeeb hai. “Muhajiroon ke masail aur un ke sath hone wali ziadtiyaan”.
            Magar ye larka kon hai kiya chahta hai. Ye larka Altaf hussain hai. Jo Jamia Karachi ke ba shaour talba ko ehsaas dila raha hai, log sun rahey hain samjh rahey hai, magar log ja bhi rahey hain.
            Kuch log jama ho gaye hain. IBA ki rah dari mein ijlaas horahey hain. Magar tazbazab ka aalam hai. Kuch par umeed hain to bohut se na umeed bhi. Kuch hath barha rahey hain to bohut se daman chura bhi rahey hain.
            Lijye may ka mahina beet gaya. Log ekhatey hoye. Muhajiroon ke masail par batain hoin. Bohut khush wa khuram paya gay. Magar ab sakoot tari hai. Wo larka ab bhi mayoos nahi hai. Larkoon ko jama karaha hai. Log soch rahey hain. Aur phir pehla qadam uthtay hoye himatain buland hone lageen,
            Jamia Karachi ke election ne waza kar diya ke kia horaha hai.?. Kyun horaha hai. Sab samjh rahey hain. Mehsoos karahey hain. Magar kon pehal karey. Kon jurat ka muzaherah karey.

June 1978

Jun 1978 ki jhulusti hoi garam saa pehar aur IBA ki rah dari ek bar phir guzartey lamhoon ko thamne ki koshish mein masroof hai. Ye 10 june 1978 hai. Kuch karne ka waqat kareeb araha hai. Hum khayal talba apne iradey ko amli jama pehnane key liye masroof amal hain. Organization ka naam tay ho chukka hai. Election ke zarye organization ka intizami dhancha wajood mein aa chukka hai. Muhajir tulba wa talbaatek plate form par. Muhajiroon ke hakok ke tehafuz ke liye agay barhne ke liye tyaar. Pehla qadam uthaya gaya hai. Faisla ho chukka ke 11 june 1978 ko organization ka ba-kaida ailaan kiya jaye ga. Lekin kesey.? Marshala laga hoa hai, mukhalifeen ke campo mein hal chal machi hoi hai. Muhajir ki pehli awaz kuchalne ke liye sazishoon ka amal teez ho gaya hai. Magar hosaley bulan hai, azam ahan ke sath.

12 June 1978

Ye 12 june 1978 ki subha hai. Mahool par sakoot tari hai. Aaj Jamia Karachi mein kuch hone wala hai. Karkuno ki ek bari tadad khubsurat beej apne seeno par aur dil par aweeza kiye aur hathoon mein organization ka pehla dil aweez pumphilate liye. Jamia Karachi ke bus stop par busoon ke muntazir. Aur lijye 8 baje busain kataar dar kataar Jamia Karachi mein dakhil horahi hain. Jo hosla mand karkun agay barhey pumphilate ki takseem shuro hogai. Muhajir tulba wa talbaat ka josh wa kharoosh itna tha ke 5 hazar pumphilate 9 baje tak khatam ho gaye. Magar chehrey kuch soch rahey hain. Jamia Karachi ki rangeen fiza mein aaj ek naye rang ka izafa hoa hai. Bohut se cheharey par umeed hain. To kuch khamosh. Mahool ka sakoot tot gaya wo sadain buland horahi hain.
“Muhajir Jag Utha”
Muhajir Jag Utha
Sadain door tak buland hoin. Karachi ke mukhtalif taleemi adaron se talba arahey hain. Muhajir talba ke karwaan ke karwaan humarey hum safar ban rahey hain. Organization pheel rahi hai. Karachi ke mukhtaleef colleges mein units khulna shuro hogaye hain. Pehla unit NECT mein aur dosara NED mein khula. Silsila agay barha. Urdu college, Shipowner’s college, government college of technology, sindh medical college bhi hum safar aur sar garam amal hain. All Pakistan Muhajir Students organization ne apni mukhtasar si mudat mein muhajir tulba wa talbaat ke sath professional taleemi adaron mein kota system ki waja se dhandliyoon ke khilaf bhar poor awaaz buland ki hai aur iss sil siley mein organization ki jado jehad iss waqat tak jari rahey gi jab tak iss ghair munsifana lanat ko khatam nahi kar diya jata. Iss ke ilawa Muhajir talba wa talbaat ke sath mahool mein paish aane wale digar masail ke liye bhi musalsal jado jehad karti rahi hai aur ye azam lekar uthi hai ke ab Muhajiroon ki awaaz ko dabaya nahi ja skt. Muhajiroon ko (3) teesarey darjey ka shehri bane par majboor nahi kiya jaskta aur iss bat par yaqeen rakhtey hain ke Muhajir jab (Jag Uthey) to tamam manfi quamo ko sula kar dam letey hain.
(Initially Struggle Of All Pakistan Muhajir Student Organization)
  • Medical college mein first devision talba ke liye jedo jehad biyaanat, mulakatain aur press conference.
  • Medicoz election kameti ki talbaat ka nawab shah se Karachi tabadla ke liye jedo jehad, jis ke natijey mein 27 talbaat ka tabadla Karachi hogaya.
  • Jamia Karachi mein two (2) month ki taweel tareen dakhla muhim. Jis mein organization ne apne munfarid tareekey kar se mukhalfeen ko bhi tasleem karne par majboor kar diya ke All Pakistan Muhajir students organization na sirf Jamia Karachi mein bal-ke aur digar colleges mein bhi ek ubharti hoi sab se moasar kowat hai.
  • Jamia Karachi mein dakhloon mein dhandliyoon ke khilaaf bhar pur muhim aur mukamal aydad shumar ke sath press conference, jis ke natijay mein intizamia ko teesri aur chothi fehrast ka bhi aylaan karna para.
  • Tamam colleges ke units mein ek sath dakhla muhim chalai.
  • Haydrabad mein unit ka kayam.
  • Urdu ko taleem adaroon mein raij karne ke liye jedo jehad ki gayi jiss ke nataij ab samne ana shuro ho gaye hain..
  • Buson ke kiraya mein izafa ke khilaf media ke zarye mustakil jedo jehad jo ab tak jari hai aur jis ke natija mein talba ke liye busoon ka kiraya 20 paisey munjamid ho gaya tha.
  • Jamia Karachi mein ek ( weak )hafta talba se rabta muhim aur member sazi ka aghaz.
  • Jamia Karachi mein ek youm-e-shuhada mashriq Pakistan ki yaad mein azeem ul shan jalsa hoa jisey daikh kar mukhalif kowatoon par bukhlahat tari hogai.

Aala adab” mein shaya hone wali ek ghazal ke chand ashaar jis mein Muhajiroon ke sath ki jane wali na insaafi ka dard shamil hai.

Wo sar zameen jo tere shahedoon ke khoon se rashak jana bani thi
Wahin se tufaan uth rahey hain wahin se tufaan utha karain gay

Ye asar hazir ke meer wa jafar agar musalat rahey saroon par
To shehar gaaon ke gaaon khaak khoon mein mila karain gay

Uthaao parcham baghawatoon ke mita do aa saar ghsiboon keBisaat ishrat pe kab tak akhir ye dad ishrat diya karain gay

Cycle Par Safar

(A person “Altaf Hussain” who travel on cycle)

APMSO ke kayaam ke baad Jamia Karachi mein jo pehli dakhla muhim shuro hoi usey chalane ke liye Quaid-E-Tehreeq ko be inteha mehnat karma parti kun-ke wasail ki kami aur bagair kisi madad ke tanzeem ko chalana na sirf mushkil bal-ke na mumkin tha. Iss zamane mein tanzeem ke pas amdoraft ke liye koi sawari bhi nahi thi. APMSO ke ibtidaain ayaam mein Quaid-E-Tehreeq ne jamia Karachi mein cycle chala kar bhi kam kiya. larkey awazain lagate they ke cycle par safar karne wala kiya tanzeem chalye ga. Quaid-E-Tehreeq ne kabhi iss bat ka ehsaas nahi kiya ke wo cycle chala kar tehreeq ka kam karahey hain aur inn ke mad mukabil tanzeemo ke pas gariyaan aur be panah mali wasail hain. Quaid-E-Tehreeq dolat ya bari gariyoon se maroob hoye bagair bohut kam wasail se hi tehreeq ka kam karte rahey. Inhoon ne apni Quaidana salahiyatoon ki badolat chand saloon mein ek tanzeem ko apne peroon par khara kar diya tha jab ke inn ke mad mukabil talba tanzeemo ko apni siyasi jamaitoon se mali mawanat bhi milti thi aur inn talba tanzeemon mein kam karne wale larkon ka taluq khushhal gharano se tha lehaza inhain mali toor par kisi pareshani ka samna nhi tha wo apni caroon mein Jamia Karachi aatey they jab humare tamam sathi points ya phir mini bus ke zarye Jamia Karachi pohuchtey they.

Dakhla muhim par tamam tanzeemain Jamia Karachi ki arts laabi, science faculty, bepharmacy faculty, commerce faculty, aur digar faculty mein bhi apne install lagati thein. Quaid-E-Tehreeq apne chand sathiyoon ke sath subha saweeray Jami Karachi pohuch jate they aur tamam saman markazi istaal par late they aur phir waha se apne sathiyoon ke madad se tamam jaghoon par khud apne hathoon se istall lagate, tablain lagate, benners lagate aur phir ikhtitam par tamam saman ko sameete they. Ye tamam kam paidal nahi hoskte they iss liye Janab Altaf Hussain apne ghar se cycle le atey they iss cycle par saman rakh kar tamam isstalon par saman pohuchate they. Quaid-E-Tehreeq ki ye koshish hoti thi ke point ki pehli bus jab university pohuchey to humara isstal tyaar ho chukka ho aur aisa hi hota tha. Kyun ke Quaid-E-Tehreeq humare sath khud mojud hote theybal-ke sab se ziada kam bhi wohi kiya karte they. Jab tamam isstal mukamal ho jate they to Quaid-E-Tehreeq cycle par har isstal ka khud chakar lagate ke kahin kisi cheez ki kami to nahi hai agar kisi isstal par koi cheez kam hota to waha foraan saman pohuchate they. Inn kamo se farigh hone ke bad ap khud bhi isstal par kharey ho kar aane wale talba mein pumphilate taqseem kiya karte they. Din ke ikhtitam par jab dair ho jati to aksar sathi University se chale jaya karte they chand sathi isstal par baki reh jate they. Janab Altaf Hussain un ke sath milkar tamam mazain aur kursiyaan apne kandhoon par rakh kar ek jaga jama karte they tamam saman sameetne ke bad iss mein tala lagate they. Quaid-E-Tehreeq sab se akhr mein sathiyoon ke sath Jamia Karachi se jate they.