Home Articles <<  
Worldknowledge1
 
 
 
 
 
The 1st Hum tv awards ceremony held on 28th April 2013 al expo center Karachi Pakistan. this award presented by Hum television network and it was directed by M.Nadeem J(hum network limited). This ceremony mainly hosted by Mahira Khan, and Mikaal Zulfiqar and the co-host were Vasay chaudhry and Bushra Ansari. in this ceremony Mahira Khan got the best actress award, and Noman Ejaz got best actor award. In this page you will find and read 1st Hum Tv Awards(2013) in Urdu Hindi Roman.

1st Hum Tv Awards(2013)

First Hum Tv Awards In Urdu

 

Presentation Of Pride:

Pehle service award ka ineqad Karachi ke expo centre me kya gya shehare qaid keg air yaqini halat me sitaron or rangon ki is taqrib ko Saturday 9 march ki bajae Tuesday 12 march ko muaqid kya ja saka. Is moqe pr security keg air mamoli intezamat dekhne me aae or shirka ne pure itminan or tawaja se taqrib enjoy ki.
Expo centre ke wasi or ariz area me red carpet pr sitaron ki jhag mag or chaka chond dekhne laiq thi media ko coverage ka bhar pure moqa muyasar tha or isi lye print or electronic media se taluq rakhne wale professionals ba asani kaam karte hue yahan mojud latadad sitaron se raaz or nayaz ki baten kar ke khabron or fitures ko pur kashish or up date bana rahe the. Thori dair bad mehmanon se kaha gya k andar hall ki taraf chalen jahan taqrib ka agaz hua chahta hai. yahan bas thori si afra tafri ya miss menegment ke bais kuch mehmanon ko boht dair tak khare rehna para tahum back stage ke bar bar darkhawast ki jati rahi k mehman jald az jald set pr tashrif farma hon ta k award taqrib ka baqaida agaz kya ja sake. Chunke mehmanon ki tadad zyada thi or bad me malom hua k cards ki hera pheri se kai bin bulae bhi andar agae the is lye nashishton ka problem hua.
Abhi tamam mehman nashishton pr birajman bhi nahi ho pae the k taqrib ka agaz abida perveen ki munfarid or bemisal gaiki se kar dya gya. Unhon ne 2 gane sunae or is doran pure hall me sanata sa chaya raha q k sab abida perveen ki gaiki me maho ho gae the. International fem rakhne wali sofi singer ke jate hi taqrib ke host mikal or mahira tashrif lae. Kuch dair tak nok jhok chalti rahi jis me mahira ne mikal ki khush shakli or gori rangat ko target kya or kaha k use sirf un actors ke sath kaam karna acha lagta hai jin ke samne wok hob sorat lage. Awards ke baqaida agaz se pehle hum tv ki pichli 8 sal ki karkardgi ko ek brief documentary ke zarye pesh kya gya. Is choti se dastavizi film se hazirin ne jana k kitne thore waqt me hum tv ne itne boht se hum nawa bana lye hain. Is ke bad host ne awards ki taqsim ka silsila shuru kya or pehla award den eke lye asif raza mir or ayan ko stage pr bulwaya, ye award tha best solo artist music ka jis ke lye namzadgiyan thin abbas ali, fakhir, shehzad rae, falak or hadiqa kiyani ki jabke award mila shehzad rae ko chunke shehdaz mulk me nahi the is lye un ka award kami ne wasul kya. Agle award best music video ke lye maram abro, syed ali raza, ahsan rahim or usman mukhtar ki namzadgi thi or ye award aya syed ali raza ke hise me. Best ost award alamgir or ek sponsor ke hathon serial Mere qatil mere dildar ko dya gya jabke is shobe me Roshan tara, Sanjha, mutanae jan hai to, nidamat or mat bhi namzad the. Ab moqa tha life time achievement award ka jise pesh karne ke lye senior writer anwar maqsod ko stage pr bulwaya gya. Chunke wo akele aae the is lye ate hi mazah ke rang bikhere k koi khatoon un ke sath ane ko tyar nahi thin. Unhon ne mahom moin akhtar ken am ka elan kya or ye award wasol karne ke lye moin akhtar ke sahab zade mansor akhtar taqrib me mojud the lekin kisi waja se elan nahi sun pae chunancha un ki jaga bushra ansari ne apne marhom bawaqar sathi ka award wasol kya. Jab mansor akhtar ka nam pukara jar aha tha or log be sabri se daen baen dekh rahe the tab anwar maqsod ki hise mijaz bharak uthi or unhon ne be ikhteyar kaha k moin akhtar boht hi shariful nafs insane the un ka koi or beta ho hi nahi sakta lehaza zyada daen baen na dekha jae.
Moin akhtar ko is tarha tribute pesh karne ke bad pehli sports based Pakistani movie Main shahid afridi hoon ka ek song stage pr pesh kya gya lekin is doran sound ki kharabi ki waja se ye item bich me hi rok dya gya jis ke foran bad mahira or mikal ne fashion based awards shuru kar dye. Sab se pehle nabila or tipo jury ne khawatin ke behtrin malbosat ke lye asifa or nabila, ali zeshan, fehad Husain, nomi ansari or nida azor ki namzadgi bayan ki or phir award winner nomi ansari ka nam pukara. Best designer men wear ke lye arsalan, imran rajpot, noman afreen, zahir abbas or depik parwani me se award mila depik ko. Best female model ke lye mehrin syed, neha, rabia bhat, fozia aman, nadia ali or amina ilyas me se 7th model ayan winner qarar pai. Best male model ke lye abdulah, efi, Muhammad, athar amin or abbas jafri namzad the is award ka elan waniza ahmed or ek sponsor ne kya or abbas jafri ko is bawaqr title se nawaza gya.      
Fashion awards ki takmil ke bad stage pr LED butterflies ki amad hui jin ke malbosat pr lage hue dheron blub stage pr alag hi rang or roshni ka sama kar rahe the. Is khob sorat item ke bad jab hazirin taliyan baja rahe the to hum net work ki janib se Pakistan ke 10 maya naz or senior fan karon ko salam pesh karne ke lye khasusi awards ka elan kya gya. In awards ki pesh kash se pehle hum net work ke chief executive dured qureshi tashrif lae or English me likhi apni speech parhi jis pr sath khari bushra ansari maze maze ke luqme deti rahin. Is ke bad Pakistan ke lechand fan karon neyor kamal, zahin tahira, badar khalil, qazi wajid, quwi khan, talat Husain, munawar saeed, anwar maqsod, shakil or abid ali ko regnation award se nawaza gya. Taqriban sabhi fan karon ne apne lambe safar ko mukhtasar lafzon me bayan kya or yad dehani or pazirai pr hum net work ki head sultana sidiqui sahiba ka tahe dil se shukarya ada kya.
Ab moqa tha halki phulki entertainment ka mahira ke sath mikal nahi balke wasi chodhery the in dono se mil kar mehmanon ke sath truth or dear game khela barjista sawalon ke khule khule jawab sun kar hazirin mehzoz hue bina reh na sake. Is ke bad tv awards ka silsila shuru kar dya gya or tv ka pehla award best mazahiya adakar sidcom ka tha jise den eke lye Ayesha umar or amo stage pr aaen. Barkat sidiqui, ismail tara, arosa sidiqi or Danish nawaz me se ye award arosa ke hise me aya. Dosri category yani best sidcom ke lye extras, one way ticket, halka na lo or fan khana namzad the or ye award extras ke hise me aya. Best mezban or drama serial ke awards den eke lye farhan ali aga or alishba yousuf ko mado lya gya pehli category me fehad Mustafa jabke dosri me anjilin malik ko Kitni garhen ab baqi hain ke lye bina competition award se nawza gya.
Is ke bad mehwish hayat or ahsan khan ne fast tempo me bhar pure dance item pesh kar ke taqrib ke josh or kharosh me izafa kya or itne dher sare rang bikher dye k har taraf bas chaka chond hi dikhai dene lagi. Taqrib ke agle his eke lye phir mekal hasan or mahira stage pr ae or ab best actress soap ka award den eke lye imran abbas or sanam jhang ko bulwaya gya. Namzadgiyan thin sunbul, komal rizwi, urj Fatima or marwa ki or award ki hiq dar thehrin Raju rocket me behtrin kar kardgi dikhane wali sunbul un ki gair mojudgi me ye award madiha ne wasol kya. Best actor soat ka award den eke lye anjilin malik or depik parwani ko mado kya gya is shobe me imran aslam, Danish temor, farhan khan aga, or junaid khan namzad the award mila Nikhar gae gulab sare me behtrin or be dag kaam dikhane wale imran aslam ko. Behtrin soap ke lye Raju rocket, Mar jaen bhi ti kya, Mujhye rothne na dene or Nikhar gae hain gulam sare ko namzad kya gya tha or ye award ke lye bulwaya gya misbah Khalid or sajid ko ye award Mujhe rothne na den eke hise me aya.
Best new tv sensation award den eke lye umema malik or adil Husain stage pr aae or unhon ne is category me namzad sohai abro or sheharyar munawar dono ko awards dye. Umar sharif ne logon ko hansa hansa kar lot pot kar dya un ke item bar waqt or bar jista the or hamesha ki tarha energy se bhar pure. Pakistaniyon ko aina dikhane ki ek or kamyab koshish kar ke labon pr muskurahat sajane wale umar sharif ke rukhsat hone ke bad awards ka silsila phir shuru kya gya or mawon adakara ka award den eke lye zeba bakhtiyar or ejaz aslam ko bulwaya gya. Shagufta ejaz, samina pirzada, saba hamid, sajal, hina dilpazir or syeda imam me se award mila Roshan tara ke lye samina pirzada or Mere qatil mere dildarke lye shagufta ejaz ko. Dono ne kaha k hum is award ko ek dosre ke nam karte hain.
Best mawon adakar ke lye muhib mirza, kashif mehmud, rehan sheikh, babar khan, or imran aslam ko namzad kya gya ise den eke lye hina beyat khawaja or asif raza mir tashrif lae or Shehre zat ke lye muhib mirza ko award dya gya.
Is ke bad fehad mirza ne apni gaiki or dance performance ke zarye mehfil ko char chand laga dye. Award ka silsil phir shuru hua to is bar mikal or wasi chaudhry taqrib conduct kar rahe the. Best drama writer ke lye Mere qatil mere dildar, Mat, Yahan pyar nahi, Shehre zat, Roshan tara, Ek tamanna la hasil si, Bilqis kor, or mutae jan hai to jese bemisal serials ken am lye gae or award mila Mat ke writer umera ahmed ko ye award mashor musanif noor-ul- huda shah ne pesh kya chunke umera taqrib me mojud na thin is lye un ki jaga amina sheikh ne award wasol kya. Noman ejaz or saba qamar ne best dorector drama serial ka award pesh kya jis ke lye sarmad khosat, amna nawaz, asim ali, sirajul haq, faroque rand, fahim barni, adnan faroqi, mehrin jabar, saif hasan or haiasam hasan ko namzad kya gya or award mila serial Sanjha ke lye faroque rand ko. Best drama serial ka award dene ke lye atiqa odho ek sponsor ke sath tashrif laen is shobe me namzadgiyan thin Mere qatil mere dildar, Mat, Yahan pyar nahi hai, Shehre zat, Roshan tara or Bari apa ye award mila Shehre zat ko jise wasol kar ke lye co producer Abdullah kadwani or momina druid stage pr tashrif lae.
Mushkil tarin mozo pr dye jane wale award ko pesh karne ke lye qowi khan or sanam saeed ko bulwaya gya or ye award serial Dastan ke hise me aya jise serial ki team momina druid, haisam Husain or sumera fazil ne wasol kya.
Agl;e marhale pr rabi sher gul ki performance hui jis pr hazirin ne dil khol kar dad di. Ab waqt tha shoba mosiqi me behtrin karkardagi ka muzahira karne pr special award ka jise den eke lye javed sheikh or samina pirzada ko mado kya gya. Ye award ustad raees khan ko boht ezat or ahtaram se pesh kya gya sath hi hum tv keg air mamoli tor pr kamyab rehne wale serial Humsafar ki team ko idare ki head sultana sidiqi ki juanib se khasosi awards dye gae. Taqrib ki akhiri performance umema malik ne pesh ki jis ke bad award ki akhiri categories shuru ki gain. Best on screen jori ka award Hum safar ke lye mahira or fawad ko dya gya jise den eke lye real life kapil muhib mirza or amina sheikh ko bulwaya gya. Is categories ki digar namzadgiyan thin mikal or mahira or ahsan khan or mehwish hayat. Best actress ke lye saba qamar, mehwish hayat, mahira khan, sanam baloch, bushra ansari, sawera nadem or amina sheikh me se mahira ko Shehre zat ke lye award yafta qarar dya gya. Best actor ka award den eke lye one and only samina pirzada stage pr aaen is category me mikal, ahsan khan, adnan sidiqi, imran aslam or noman ejaz namzad the or Bari apa me shandar karkardagi dikhane wale noman ejaz ko award yafta qarar dya gya or yun kai hum nawaon ke sath saji hum ki ye bemisal pehli award taqrib ek shandar shuruwat ko tasalsul se jari rakhne ke wade ke sath ikhtetam pazir hui.