Home Articles <<  
Worldknowledge1
 
 
 
 
 
Usually people like to watch TV serials and for them it is the biggest source of entertainments now days. Daily serials got made parts in people hearts and they are getting lots of appreciations from their fans. Celebrities of mini screen are very important for serials lovers they really interested to knows about their personal life and much more about them. Here you get many information’s about your love one TV actor. In this page you will find and read Leading Indian Tv Actors in Urdu Hindi Roman.

Leading Boys

Indian Tv Actor's Leading Boys In Urdu Hindi

 

Ankit Gera

Zee tv ke show Sapne suhane larak pan ke mayank ka role play kar raha hai wo banaras ka rehne wala parha likha nojawan hai. behad modern or stylish hai or ek nojawan larki gunjan se muhabbat karta hai bazahir dono ke milan me koi rukawat nahi hai lekin kuch logon ko un ka milap pasand nahi ata or wo un ke raste me tarha tarha ki rukawaten khari karte hain tahum wo sabit qadmi se apne raste pr aage barhta rehta hai q k use yaqin hai k jeet usi ki ho gi. Ankit gera ka taliq dehli se hai us ne tv show Mahi vay se apne acting career ka agaz kya phir use popular show Man ki awaz partigya me adarsh ke role ke lye cast kar lya gya lekin show me lap ajane ki waja se us ne aledgi ikhteyar kar li q k wo bap ka role play karna nahi chah raha tha. Sapne suhane larakpan me us ka pair ropul teyagi ke sath hai or in dono ki chemistry ko boht pasand kya jar aha hai albata hal hi me us ne ropul ke sath ek hot seen shoot karwaya hai jis pr boht zyada tanqid ki ja rahi hai. 

Karan Singh Grover

In dino zee tv ke show Qabol hai me asad ahmed khan ka role play kar raha hai ek aese angry young business tykon ka character hai jo muhabat pr yaqin nahi rakhta or use tazih oqat samjhta hai wo boht zyada raze rode or mazhabi insan hai.us ne zati koshishon se apna business parwan charhaya or kisi ki madad hasil nahi ki q k wo apne ghar me wahid mard hai us ki zindagi ka wahid maqsad kamyabi hasil karna hai. tv dekhne walon ke lye karan singh grover ka nam kisi taruf ka mohtaj nahi us ne star one ke show Dil mil gae me doctor arman ka role play kar keg air mamoli maqboliyat or shohrat hasil ki, wo 23 february 1982 ko Mumbai me peda hua us ne Mumbai se hotel management me degree hasil karne ke bad shertan hotel musqat me job kar li lekin ek sal bad hi Mumbai agaya. Or 2004 me modeling se apne career ka agaz kya. Television pr us ka pehla show Kitni mast hai zindagi tha. Is ke bad us ne popular tv show Kasoti zindagi ki me ek negative role play kya phir Sola singhar or CID me adakari ke johar dikhae lekin Dil mil gae me doctor arman ke kirdar se use zabardast shohrat or maqboliyat mili. Us ke bad us ne reality shows Zara nach ke dikha or Jhalak dikhla ja ke session 3 me bhi hisa lya. 2009 me us ne colour tv ke music Ideal ya rock india ki hosting ki. 2010 me us ne Fair factor khatron ke khilari session 3 me hisa lya 2011 me reality show perfect couple ki hosting ki. August 2012 me star plus ki tele film Tere meri love stories me kaam kya or ab wo zee tv ke show Qabol hai me markazi kirdar ada kar raha hai us ne bollywood film Lori da the dhol me bhi kaam kya hai jo anqarib release hone wali hai.    

Gurmeet Choudhary

Zee tv ke show punar wiwah me yash suraj partab sandhya ka role play karne wale gurmit chaudhry ka taluq behar ke shehar patna se hai lekin us ki oparwarish jabul pure me hyui or us ne wahin apni talim mukamal ki us ne apne career ka agaz modeling se kya or taqriban 5 sal tak entertainment industry me jaga banane ke lye jadu jehad karta raha is doran us ne modeling ke elawa south Indian tv show Mayavi bhi kya jo behad popular huais ke elawa us ne ek film Koi aap sa me aftab shev dasani ke collage fellow ka role bhi play kya kuch music video me performance den eke elawa us ne south ki chnd filmon me bhi kaam kya hai. television pr us ka pehla show Ramain hai jis me us ne Raam ka role play kyat ha. Is ke elawa wo Geet hui sab se pyari, Jhalak dikhla ja 5, dance with stars, Pati patni or wo me bhi hisa le chuke hai use use Jhalak dikhla ja 5 me winner rehne ka ejaz bhi hasil hai. Punar wiwah me woe k aese shakhs ka role play kar raha hai jis ki biwi mar chuki hai or us ki 2 betiyan hain jin se wo boht muhabat karta hai. biwi ke marne ke bad bhi wo use nahi bhula paya or use yad karta rehta hai phir us ki zindagi me arti ati hai or wo apni bachiyon ki khatir us se shadi kar leta hai. gurmit chaudhry ko apne mukhtasar career ke doran kai ejazat mil chuke hain wo mister jabal pure ka title hasil kar chukka hai. us ke elawa us ne mister india ke muqabla me bhi hisa lya tha. Ramain me Raam ka role play karne pr wo new talent award of the best new male actor bhi hasil kar chukka hai is ke elawa 2 martaba zee gold award or 1 martaba zee rishta award bhi us ke hise me aya hai.  
Ashish Sharma
Zee tv ke show Rab se sohna ishq me ranvir ka role play kar raha hai. is show me us ka character ek aese nojawan ka hai jis pr larkiyan marti hai. is show ki kahani ek larki sahiba ke gird ghomti hai jise us ka mehbob aen shadi wale din dhoka de kar chala gya. Shiba us ko dhonti hui panjab se London pohnch gai jahan us ki mulaqat ranvir se hoti hai or wp sahiba ki madad karta hai. ashish Sharma ne is show me kaam karne ko is lye tarjih di k is ki shooting 90 din tak London me hona thi. Ashish Sharma 30 august 1984 ko rajhistan ke shehar jepure me paida hua us ne fashion designing me graduation kar rakha hai wo collage ke zamana me hi dramon me acting karta raha hai. apne shoq ki takmil ke lye wo Mumbai chala aya or us ne anupam kher ki acting school me dakhla le lya. Ashish ne acting ka agaz diba karbnergi ki film Love sex or dhoka se kya. Tv pr us ka pehla show Gunahon ka devta tha jis me us ne ek don ka role play kya. Us ke bad use chandar geet moria me kaam karne ka moqa mila or ab wo Rab se sohna ishq me ek romantic role kar raha hai is ke elawa wo Alaha o dil, zindagi tere nam, pr This and that name filmon me bhi kaam kar raha hai.
Hiten Tejwani
Zee tv ke show Pavitar rishta me manao desh much ka role play karne wale hitan tejwani ka shumar television ke senior or popular actors me hota hai wo 5 march 1976 ko Mumbai me paida hua us ne sent france high school or je hind collage se talim hasil ki. Acting ka agaz ekta kapor ke serial Ghar ek mandir se kya. Is ke bad us ne ekta kapore ke soap Kabhi sotan kabhi saheli, Kahin kisi roz or Kutumb wagera me kaam kya. Co actor gori pardhanke sath us ki jori itni hit ho gai k channel or production house ne In dono ko le kar Kutumb ka dosra session shuru kar dya. Ekta kapore ne bhi apne popular show Q k sas bhi kabhi baho thi me unhen cast kar lya. Is show ke ikhtetam pr un dono ne star plus ke serial Kumkum me mukhtasar role play kye. Bad azan hitan ne Kitni muhabat hai, Palam pure express, choti bahu or rang badalti orhni me kaam kya. 2011 me us ne Mukti bandhan me aham role play kya or isi sal ke akhir me ekta kapore ne use Pavitar rishta me cast kar lya. Nazrin or naqdin ne us ne performance ko behad saraha or use kai awards se nawaza gya wo ab tak 28 tv shows me kaam kar chuka hai jabke us ke reality shows ki tadad 6 hai wo 3 filmon me bhi adakari ke johar dikha chuka hai. pavitar rishta me wo manao name ek handsome mechanic ka role play kar raha hai jo din bhar mehnat kar ke apni family ke lye pese kamata hai wo un logon me se hai jo apne walidain ki ezat karte hain. Wo koi amir shakhs nahi hai or na hi us ke onche khawab hai us ka ek hi maqsad hai k wo apni family ko support kar sake q k wo apne ghar me ahid kamane wala hai is lye us pr behad zimedariyan hain.  

Sumit Wats
Zee tv ke show Hitler didi me rishi kumar dewan ka role play kar raha hai wo17 april 1981 ko nayi dehli me paida hua us ne bhagat singh collage se graduation or bhartia widya bhon se journalism me post graduation kya wo theater me adakari karne ke elawa singing or dancing se bhi dilchaspi rakhta hai. is ke elawa us ne acting achool se adakari ki tarbiyat bhi li hai us ne apna acting career sony tv ke serial Soriya the super cop se shuru kya is shiow me us ne ek tehqiqati officer chirag ka role play kyat ha is ke elawa us ne colours tv ke show Mukhti bandhan me jimi ka character bhi ada kya. Wo ND tv ke show Kashi or zee tv ke show 12/14 qrol bag me bhi kaam kar chuka hai. jis me wo rakhi khanna ke bilmuqabil lead role play kar raha hai use wo apne career ka sab se aham character qarr deta hai or us ka kehna hai k rakhi khanna jesi ba salahiyat adakara ke sath kaam karna koi asan bat nahi q k show ki kahani us ke character ke gird ghomti hai is lye creative team ki tamam tawaja us pr markoz hai jis ki waja se dosre adakar dabao me agae hain is ke bawajud sumit ne kisi marhale pr ye mehsos hone nahi dya k ragni ka character us pr hawi hota jara hai balke wo har lehaz se is character ke bil muqabil ane ki koshish kar raha hai. farig oqat me wo mukhtalif khel yani cricket, hockey, football or volleyball khelta hai jabke cycle chalana us ka mehbob mashgala hai.  

Anirudh Dev
Ye nojawan adakar zee tv ke show House wife hai sab janti hai me kahaiya ka role play kar raha hai. ani radh dev 21 july 1986 ko Mumbai me paida hua us ne imagine tv ke show Rah kumar narain se apne career ka agaz kya is ke bad use sahara one ki popular serial Wo rehne wali mehlo ki me devon ka role ke lye cast kar lya gya us ne Mera nam kare gi roshan me rajvir or Phulwa me lakhya ke role play kye woe k film Tere sang me bhi kaam kar chuka hai jise satesh koshak ne direct kyat ha television pr us ka akhiri show Ruk jana nahi tha jis ne us ne indu singh ka role play kyat ha or ab wo zee tv ke show House wife hai sab janti hai me nazar araha hai.

Nandish Sandhu
Zee tv ke show Phir subha hogi me thakur aditya singh ka role play kar raha hai is se pehle ye character noj sachdev ko dya gya tha lekin us ne na malom wajuh ki bina pr show se aledgi ikhteyar kar li. Nandesh sandhu 25 december 1981 ko rajhistan ke shehar bharat pure me paida hua us ne apne career ka agaz modeling se kya. Television pr us ka pehla show Kasturi tha jise ekta kapore ne produce kya. Us ka dosra show Qayamat or tisra show Khawahish bhi ekta ne hi produce kye the is lehaz se use ekta ka favorite bhi kaha jata hai. 2008 me use zee tv ke show Hum larkiyan me cast kya gya jo super hit sabit hua lekin use sahi maino me shohrat colours tv ke show Utran se mili. March 2012 me us ne is show se aledgi ikhteyar kar li or us ki jaga vikas bhala ko le lya gya. Utran se alag hone ki waja ye batai gai k is show me 18 sal ka lap agya tha or wo apni umar ke kirdar ke bap ka role play karne me apne aap ko comfortable nahi samjh raha tha. June 2012 m use Phir subha ho gi me cast kar lya gya. February 2012 me us ki shadi reshni disai se ho gai jo Utran me us ki co star thi. Nandesh sandhu ab tak Kasturi, Qayamat, Khawahish, Shish phir koi hai, Hum larkiyan, Utran, Laughter ka phatka, Jhansi ki rani, Kitchen champion session 2, Comedy circus, Entertainment ke lye kuch bhi kare ga, wagera me kaam kar chuka hai. use umdah perform,ance pr Utran me 8 awards or Phir subha hogi pr 1 award mil chuka hai.