Home Articles <<  
Worldknowledge1
 
 
 
 
 
If we see in our society so we can easily to know that the trend of music is spread very fast in our culture, our youth take more interest in music, and also become the singer our musician etc, and also want to know about the favorite singer and his/ her new album or song, from this page you can easily to know about your singers and what’s new is coming up next? In this page you will find and read Music News in Urdu Hindi Roman.

Music News

Singer News In Urdu Hindi

 

Priyanka Chopra Ke Gane Me Desi Flavor

Adakara priyanka chopra apne pehle international
single in my city ……….. ki pazirai pr boht khush haio or us ka kehna hai k wo is gane ki vedio me kuch desi dance moves bhi shamil karne ka irada rakhti hai is bare me us ka kehna tha “main is vedio me desi dance shamil kar ke dunya ko apne culture ke bare me batana chah rahi thi or meri khawahish thi k ye gana puri tarha Indian nazar aae ta k jab log is vedio ko dekhen to unhen malom ho jae k hamari saqafti bunyad kitni mazbot hai.”

Sonal Chohan Ab Kare Gi Glokari

Mazi ki adakaraon noor jahan, suraiya or khurshid ke bad ab bollywood ki kuch or adakaraen acting ke sath sath singing ka shoq bhi pura kar rahi hain pehle karina kapore or johi chawla ke ye koshish ki is ke bad priyanka chopra ne apna ek international single launch kya or ab sonal chohan bhi inhi adakaraon ke naqshe qadam pr chalti hui nazar arahi hai. hal hi me us ne apni ane wali film 3 G ke lye ek gana record karwaya hai jis ke bol hain Kese bataon………. Ye ek romantic melody song hai jis me sonal ka sath glokar KK ne dya hai tahum abhi ye wazah nahi ho saka k sonal ka ye shoq sirf ek gane tak mehdud hai ya wo mustaqbil me mazid gane record karwane ka irada rakhti hai.

Mika Singh Ki Zamanat Pr Rehai

Guzishta dino mika singh ko airport pr muqarara tadad se zyada Indian or gair mulki currency late hue giraftar kar lya gya tha tahum dosre roz use 1 lakh rupee ki zamanat pr reha kar dya gya. Is waqya ki tafsil btate hue mutaliqa custom officer ne kaha “mika singh ke pas se 12000 americi dollar or 3 lakh rupee naqad baramad hue us ka kehna tha k ye raqam use bankok ke shows ke muavze ke tor pr mili thi custom role ke mutabiq gair mulk e anew ala koi bhi musafir 7500rupee or 5000 americi dollar se zyada nahi la sakta or apni amad ke foran bad use airport me hi raqam zahir karna hoti hai q k mika singh is currency ke bare me tasali bakhsh jawabat na de saka lehaza use custom act ke mutaliqa difat ke tehat giraftar kar lya gya.” Is khabar me herat ka pehlo ye hai mika singh jese pa eke fankar aae din berone mulk shows ke silsile me ate jate rehte hain kya unhen ye malom nahi k custom qawanin ke tehat ek muqarara had se zyada currency lane ka natija kya nikal sakta hai. 
Prachi Desai Or Item Numbers
Waqt or halat insan ko sab kuch karne pr majbor kar dete hain. Adakara parachi disai ke bare me ab tak yahi samjha jar aha tha k wo bare parde pr bhi girl next door ka image barqarar rakhne me kamyab rahi hai lekin ab yun lag raha hai jese o bhi behti ganga me hath dhone ke lye betab hai. shayad isi lye us ne item numbers ki khul kar himayat ki hai or us ka kehna hai “item numbers kisi bhi adakara ke lye intehai faida mand hain or in ki badolat zyada se zyada log aap ko dekhne ke lye bechen ho sakte hain. Aaj kal ek normal song or item number me koi farq nahi raha q k main item number ko bhi ek tafrihi gana samjhti hon.” Parachi disai ki nayi film I me or main 1st march ko release ho rahi hai or apne career ke bare me us ka kehna hai “is industry me kamyabi ka daromadar achi qismat pr hai or mujh jese out siders ke lye aage barhna boht dushwar hai maqboliyat hasil karne ke lye commercial film karna boht zarori hai or ab me isi janib tawaja de rahi ho.”
Neil Nitin Mukesh Ban Gya Composer
Lichand singer mukesh ke pote or nitan mukesh ke bête adakar nail nitan mukesh ne inkashaf kya hai k us ne hal hi me ek film ke lye 6 gano ka music record karwaya hai is ki tafsil batate hue nail ne kaha” main dhunen compose karta hon or piano bhi bajata hin. Hal hi me ek film ke lye 6 ganon ki dhunen record karwai hain filhal is bare me mazid kuch kehna qabal az waqt hoga umid hai k is sal ke akhir tak aap ye gane sun saken ge.” Nail nitan mukesh ne apni ane wali film 3G ke bare me bhi kuch baten kin us ka kehna tha “is film me aesa character kar raha hon jis ke mukhtalif shades hain ye ek aese shakhs ka kirdar hai jo waqt or halat ki munasibat se apne aap ko tabdil kar leta hai.” is film me nail nitan mukesh ke sath adakara sonal chohan ne main lead role play kya hai or ye film 15 march ko release ho rahi hai.

Baba Sehgal Ka Teligo Gana
Teligo filmon gabar singh or jalsa ke title songs se shohrat hasil karne wale glokar baba sehgil ne ane wali teligo action film Shedow ke lye ek or gana record karwaya hai is bare me tafsil batate hue baba sehgil ne twiter pr inkishaf kya “G han! Main ne super hit team thoman or mehar ramesh ke sath Shadow ka title song gaya hai is film ka music S S thoman ne tartib dya hai jabke direction mehar ramesh ki hai. wenkats siri kant or tapsi ne is film me lead role play kye hain. 

Glokar Shaan Ka Shikwah
Singer or tv host shank o shikayat hai k in dino music industry me ek boht hi galat rujhan chal para hai or wo ye k baz oqat kisi ek singer se gana record karwane ke bad film ki release se pehle use kisi dosre singer ki awaz me dobara dub kar lya jata hai us ne wazahat karte hue kaha “chand roz pehle hi malom hua k main ne ek bare production house ke lye jo gana record karwaya tha use dosre singer ki awaz me dobara dub kya gya hai ye kehna boht mushkil hai k album ya film ke release hone pr kis singer ka gana samne aae ga. Baz oqat la ilmi me hum se bhi aese gane dobara dub karwa lye jate hain jo kisi or singer ki awaz me pehle record ho chuke gain ye boht bari dhoka dahi hai or music director me itni ikhlaqi jurat honi chahye k wo is bare me singer ko pehle se bata den agar is rosh ko na badla gya to phir tamam singers ko mil kar koi line of action banana pare gi.” 

A R Rahman Direction Ki Janib
In dino industry me ye khabar garam hai k music director A R rehman mosiqi ke medan me jhande gharne ke bad film direction ke bare me soch rahe hain. Kuch logon ne to ye dawa bhi kya k in dino woe k script pt kaam kar rahe hain or mumkin hai k film agle sal ke shuru me set pr chali jae. A R rehman ne kuch arsa lass anjilas se script writing or film direction ka cource kyat ha us k eek qaribi dost ka kehna hai “hum dono kafi arse se script pr behas kar rahe hain q k A R rehman film shuru karne se pehle ise zarori samjhte hain is silsile me hum ne kuch adakaraon se bhi bat ki hai jahan tak film ke mozo ka taluq hai to ye kuch kuch mazi ke mashor film Black se milti julti ho gi.”
Kishor kumar ka gana bete ki awaz me
1983 ki hit film Himmat wala me jitandar or siri devi pr filmaya gya gana Naino me sapna ………….. kishor kumar ki awaz me record kya gya tha or ab is film ke remix me yahi gana ajay devgan or nayi adakara tamana pr picturise kya jar aha hai or khas bat ye hai k is gane ko kishor kumar ke bête amit kumar ki awaz me record kya gya hai is bare me tafsil batate hue film ke director sajid khan ne kaha “naino me sapna …… ko dobara record karna mere lye ek yadgar tajurba tha jab amit ne is gane ke bol ada kye to yun laga jese kishor da hamare samne khare ye gana ga rahe hain mujhe yaqin hai k ye film super hit ho gi or is ki kamyabi me amit kumar ke is gane ka bara contribution ho ga.” Mosiqar jori sajid wajid ne is ever green gane ki dhun muratab ki hai jabke amit kumar ka sath shreya ghoshal ne dya hai.

Ali Zafar Ka Inkar
Aam tor pr fan kar koi bhi aesa moqa gawana pasand nahi karte jis ke zarye unhen kisi qisim ke faide ki tawaqa ho lekin Pakistani singer or adakar ali zafar ne is silsile me ek nayi misal qaim kar di hai. is bare me zarae ka kehna hai “chashme bador ki launching ke moqe pr is ka title song sonu nigam ki awaz me record kya gya tha or khayal yahi tha k is gane ko title credits ke sath chalaya jae ga lekin director deved dhon ne fesla kya k ye gana us waqt jab film me ali zafar ka character introduce ho raha ho. Ali zafar bunyadi tor pr glokar hai or is se pehle Mere brother ki dulhan me ek gana gane ke elawa London peris new York ki mosiqi de chukka hai or is film ke gane bhi us ke tehrir karda hain lehaza Chashme bador ke makers ki bhi khawahish thi k is film ka title track ali zafar ki awaz me dobara record kar ke film me istamal kya jae lekin us ne ye keh kar mazrat kar li k wo sonu nigam ki boht ezat karta hai or use khushi ho gi k agar ye gana us pr picturise kya jae. Kafi tawil behas ke bad ye te paya k ali zafar is gane ka remix gae ga jo film me to nahi albata album me zaror mojud ho ga.