Home Articles <<  
Worldknowledge1
 
 
 
 
 
Television actress and actress are those personality always stay on heart of many people, and they want to know about his/ her favorite actor and actress, and get all information, her you can easily know about the television stars. In this page you will find and read Tv Celebrities News in Urdu Hindi Roman.

Tv News

Tv Actor's News In Urdu Hindi

 

Ragini Khanna Panjabi Film Me

Tv adakara ragni khanna akshe kumar ki pehli Panjabi film me kaam kare gi. Is ki tasdiq karte hue ragni ne kaha “G han! Is film me kaam kar rahi ho or akshe kumar khud bhi ek mukhtasar kirdar kare ga ye boht hi shandar project hai or mujhe is ka hisa banne pr khushi hai. is film ki shooting shuru ho chuki hai or zyada tar aksbandi panjab me ki jae gi.” Malom hua hai k is film ki direction carry on jata ke shohrat yafta sunip kang den ge. Ragni khanna is se pehle tv show Radha ki betiyan kuch kar dikhaen gi me adakari ke johar dikha chuki hai or hal hi me us ne Jhalak dikhla ja me hosting ke faraiz anjam dye the.

Varun Badola Action Seen Me

Tv adakar warun badola zee tv ke show Phir subha ho gi me action seen karta hua nazar aae ga lekin us ka kehna hai k wo khud is shooting me hisa nahi le ga balke us ki jaga ye kaam duplicate se lya jae ga. Warun badola is show me thakur vikram singh ka role play kar raha hai or us ka kehna hai k ek zamana tha jab wo stunt seen khud hi kar lya karta tha lekin ab umar is ki ijazat nahi deti. Warun badola is se pehle tv shows Koshish, Kutumb, Ye hai Mumbai meri jan, Des me nikla ho ga chand, Aastiva or Ek chabi hai paros me perform kar chuka hai is ke elawa us ne kuch filmon maslan Hasil, Chiras, Or main, Meri patni or wo wagera me bhi adakari ke johar dikhae hain.   

Rohit Rai Hitler Didi Me

Zee tv ke show Hitler didi me ek naye track ka izafa kya gya hai jis me talented or stylish actor rohit rae bhi nazar aae ga ye adakar mazi me star plus ke show Sajna tere pyar………me kaam kar chuka hai or ab Hitler didi me ek ashiq ka role play kare ga ye kabir chaudhry name ek army officer ka role hai jo Pakistan ki foj me mulazim hai or us ka taluq wahan ki hindu aqliyat se hai lekin wo apni mehbuba indra se milne ke lye tamam rukawaton ko abor kar ke india ata hai. is silsile me rohit rae ne bataya “G han ! Hitler didi me ek boht hi acha role play kar raha hon or us ki 2 wajuhat hain. Pehli ye k is tasir ko dor karna chahta tha k main chote parde pr kaam karna nahi chahta or dosri waja ye hai k Hitler didi ka script boht hi mukhtalif hai or main ise apne lye ek challenge role samjhta hon.” 
Kavita Kaushik Ki Ho Gai Chutti

Tv adakara kavita kaushik jo guzishta 7 sal se popular serial FIR me inspector chandar mukhi ka role play kar rahi thi ab is show me nazar nahi aae gi q k generation lap ajane ki waja se ek nayi police officer us ki jaga le rahi hai jo k kahani ke mutabiq chandar mukhi ki beti hai. ye role chak de……. Ki adakara chitrashi rawat play kare gi. Kavita ke elawa is show se aamir ali or tiku sharda bhi alag ho gae hain jis ki waja yahi generation lap hai. is bare me production house ke ek tarjuman ne wazahat karte hue kaha “7 sal guzar jane ke bad hum ne mehsos kya k ab is show me kuch tabdiliyon ki zarorat hai wese bhi kavita isi channel se ek or show me hisa le rahi hai jis me us ka role chadar mukhi ke bilkul baraks hai.”

Amitabh Bachchan Daily Soap Me Acting Ke Lye Tayar
70 sala adakar amitabh bachan television ki ek bare bajut ki serial me kaam Karen ge ji is sal ke akhir tak shuru ho gi. Hal hi me amitabh bachan ke show Kon bane ga crore pati ka 6th session khatam hua hai or ab wo television pr ek mukhtalif andaz me entry dene ki tayari kar rahe hain. Is project me un ka zati production house ABCL mushtarka tor pr sharik ho ga jabke digar tafsilat abhi khufya rakhi ja rahi hain albata ye te hai k amit g pehli bar kisi fiction show me kaam karte nazar aaen ge malom hua hai k show ki digar cast ke lye auditions andheri me waqa chand studios me kye ja rahe hain. 

Chahat Khanna Ki Show Se Aledgi
Kafi arse se ye afwa gasht kar rahi thi k tv adakara chahat khanna balaje telefilms ke show Bare ache lagte hain se aledgi ikhteyar kar rahi hai ab malom hua hai k us ne 4 february ko akhiri bar apne hise ka kaam shoot karwaya tha or wo ainda is show me nazar nahi aae gi us ki aledgi ki waja ye batai jati hai k boht jald wo shadi karne wali hai chunancha ab is show me chahat khanna ko ek accident ke natije me marta hua dikhaya jae ga.

Kishwar Merchant Ki Hon Gey Juda Na Hum Me Entry
Tv show Amrit manthan or Channel V ke Best friend me kaam karne ke bad adakara kishor marchand ek bar phir chote parde pr wapis agai hai or wo Hon ge juda na hum me niyati ka role play kar rahi hai ye character comedy hone ke sath thora sa negative bhi hai. is ke bare me kishor ne bataya “ye mera tisra behari character hai or is se khob enjoy kar rahi hon is ke elawa mere shohar ka role karne wala adakar bhi boht rawani se behari bolta hai jis ki waja se mujhe kafi asani ho rahi hai.”

Bhansali Ka Pehla Tv Show
Hum dil de chuke sanam, Devdas or Black jesi filmon ke khaliq sanjay lila bhansali ab chote parde pr rv show Sarasvati chandar le kar arahe hain is ke promos dekh kar andaza hota hai k bhansali ne tv drame me bhi apna style bar qarr rakha hai or yahan bhi hamen us ki filmon ki tarha bare set or mukhtalif locations dekhne ko milen gi tawaqa ki ja rahi hai k ye show un nazrin ke lye hawa ka taza jhonka sabit ho gi jo Kitchan, politics pr mabni shows dekh kar tang achuke hain. Ye show popular gujrati novel se makhoz hai. 1968 me director govind sarhaya ne is novel pr ek film banai thi jis me notin or manesh ne lead role play kye the is film ke gane Chandan sa badan…….. or Phool tumhen bheja hai khat me ……….. boht masor hue the. Bhansali ke show me tv adakar gotan rodh or jennifer wanget markazi kirdar ada kar rahe hain jabke monika bedi is me manfi role play kare gi.

Anas Rashid Master Sheaf Me
Popular serial Diya or bati hum me suraj rathi ka lead character karne wale anas Rashid ko tv nazrin boht jald Master sheaf ………… me celebrity judge ke tor pr dekh saken ge is bare me tafsil batate hue anas Rashid ne kaha “main show ke shirka ko mukhtalif item banane ke lye kahon ga jis se un ki qabiliyat ka andaza ho sake ga.” Jab us se pocha gya k wo Diya or bati hum me apne kirdar ki waja se khud ko sheaf kehalwana pasand karta hai to us ne jawab dya “shuru me bara ajib lagta tha jab log mujhe halwai samjhte the lekin jab is show me mujhe singapure me hone wala muqabla jete hue dikhaya gya to ab logon ne mujhe actor ke bajar sheaf samjhna shuru kar dya hai jis se andaza lagaya ja sakta hai k me is role me kitna kamyab hon.”

kajal Pisal Pyar Ka Dar…….. Me
Kajal pasal ko akhiri bar Bare ache lagte hain me dekha gya tha or ab wo star plus ke show Pyar ka dard hai mitha mitha pyara pyara me entry de rahi hai zarae ke mutabiq wo is show me doctor shiwani ka role play kare gi jo haresh (nitesh pande) ka elaj karti hai jis se avantika (manasi salvay ) ko shak guzarta hai k shiwani or haresh ek couple ban chuke hai or yahan se kahani aage barhti hai. adakara kajal ne is khabar ki tasdiq karte hue kaha “ G han! Main ne is show ki shooting shuru kar di hai or raj shiri production me kaam karna mere lye ek bara ejaz hai. set pr sabhi logon bilkhasos nitesh pande or manasi salvay ne bari garam joshi se mera istaqbal kya or bilkul nahi mehsos hone dya k is show me nayi hon.”

Karanveer Bohra Ban Gya Film Producer
Tv adakar karan veer bohra ne film production ke medan me qadam rakh dya hai or us ne ek Panjabi film mukamal kar li hai. is project ke bare me tafsil batate hue us ne kaha “ main ne mehsos kya hai k in dino boht achi Panjabi filmen ban rahi hain jis tarha elaqai filmon ke lehaz se south ke cinema ko foqiyat hasil hai isi tarha ab Panjabi cinema bhi mazbot ho rahi hai lehaza main ne bhi ek Panjabi film banane ka fesla kya.” Karan veer is film ka producer hi nahi balke us ne is me adakari bhi ki hai us ki biwi TJ sidhu bhi us ka sath deti nazar aae gi. Karan veer ka kehna hai k use Panjabi film me acting karne ka yaqin nahi tha lekin biw ke kehne pr tayar ho gya us ne taslim kya k wo Panjabi bol sakta hai lekin use yaqin nahi tha k wo puri film ka bojh sanbhal sake ga. Is film ke digar adakaron me ragho ram, wandu dara singh or singer herry anand shamil hain.

Sayantani Ghosh Ka Naya Show
Malom hua hai k balaji telefilms ne apne naye show Custardy ke lye adakara siyantani ghosh ko approach kya hai is show ki kahani manju pure ke navel pr mabni hai ye bhi malom hua hai k production house ne is show ke lye chote parde ke baz bare namo maslan iqbal khan, anupriya kapore, nonit nishanat, nena kalkarni or priya bapat se bhi rabta kya hai. siyantani ghosh ne is khabar ki tasdiq karte hue kaha k abhi bat chit chal rahi hai or kuch te nahi hua.

Partigya Ki Wapsi
Tv nazrin ke lye ye khabar khushi ka bais ho gi k boht jald star plus pr un ke pasandida show Man ki awaz partigya ka dosra session shuru hone wala hai hamare zarae ka kehna hai k production house ne is show ki planning shuru kar di hai. bataya gya hai k pooja gor is show ke session 2 me bhi hisa le gi jabke arhan behal ki janib se abhi tak shirkat ki tasdiq nahi ho saki ye andesha bhi zahir kya jar aha hai k shayad arhan behal session 2 me kaam na kare q k Partigya ke akhiri dino me production house ke sath us ke kuch ikhtelafat ho gae the. Darmiyan ke kuch log arhan behal ko is show me shirkat pr amada karne ki koshish kar rahe hain lekin abhi sorate hal wazah nahi hai.