Eyebrow Shapes In Hindi

(eyebrow banane ka tarika in hindi)
 
Home Beauty Tips <<

eyebrow shaping tips in urdu - techniques at home - threading shapes - islam

Eye brows plays the most important role in the beauty of eyes. Finely touching up eyebrows is the most easy way to highlight the face. Here is some tips to shaply threading eyebrows tips, for your guide to increases the beauty of your beautiful eyes and face. In this page you will find and read eyebrow threading at home in hindi.

Eyebrows Ankhon Ki Khubsurti Ujagar Karti Hain

Ek maqola hai k “ankhen hamesha sach bolti hain” jab ke ek muskurahat kisi ka dil lubha leti hai lekin ye k ankhen hi hain jo k kamal khubi se fareb de kar kisi dosre ka dil moh lene ke bad koi khub sorat bandhan takhliq karti hain.
Or jahan kahin ankhon ke husan ko bayan kya jata hai wahan is se peshtar us ki khub sorti ujagar karne wali chehre ke balai hise pr mojud ya ankhon se oper mojud Eyebrows ko zaror yad rakha jata hai. khawatin ki aksaryat baqaidgi ke sath Eyebrows ko brush karti hai or lehaza ye kaha ja sakta hai k ankhon ke sath khub sorat Eyebrows bhi qudrat ka aham atya hain.
Eyebrows pr brush pherna ya paint karna bhi itna hi zarori hai jitna ankhon ka make up lekin hamare han ki aksar khawatin inhen nazar andaz kar deti hain. Eyebrows pr brush karne ya inhen banane ke lye nehayat chabuk dasti or safai ki zarorat hai ta k aap pr parne wali har pehli nigah pr sehar tari ho jae.
Chand khawatin aesi bhi hain jo waqt ke sath kapron or fashion me tabdili ki manind Eyebrows ki banawat me bhi tabdili le ati hain lekin aksaryat taqriban 8,10 sal ke bad hi un me koi tabdili lati hai.
Tweezer or ek pencil ki madad se Eyebrows ko (pluck kar ke ya bana kar ) aap apne chehre pr ek khush gawar or herat angez tabdili la sakti hain lekin is ke sath zarori hai k aap thoro si taklif bardasht karne ki himat rakhti hon. In sab baton se pehle zarori hai k aap eye bros banane ki sahi fan se agah hon.jis ke mutabiq aap apni eye brow ko sahih line or thek tariqe se bana saken.
Zarori hai k Eyebrows banane ke lye aesi jaga muntakhab Karen k jahan aapke chehre pr bhar pur roshni par rahi ho or phir ek shafaf aina aap ke pas ho jis se wazah tor pr aap apne chehre ko dekh saken. Sab se aham bat ye hai k aap me itni qowat iradi ho k Eyebrows sanwarne ke doran hone wali taklif ko bardasht kar saken. Ab aap apni Eyebrows ke atraf me barf ka tukra pherne ki waja se wo jaga waqti tor pr sun ho jati hai or phir Eyebrows banane ke doran hone wale dard ka ahsas kam hota hai.
Is ke bad aap apne tweezer ki mada se Eyebrows ke balon ko mazboti se pakren or dosre hath ki madad se is jaga ki jild ko khinchen ta k jild (tweezer) ke sath na ajae.
Isi tariqe se aap Eyebrows ke gird ugne wale sab balon ko nikal dijye.
Eyebrows ko shishe me gor se dekhye. Phir un pr pencil pher lijye.
Aap Eyebrows ko har 2 ek din bad check Karen or agar ika duka bal ug aaen to unhen make up karne se pehle tweezer ki madad se nikal dijye.eye brow banane ke bad hone wale waqti dard ke lye aap ko koi bhi cream wagera lagane ki ijazat hai jis se k dard me kami or thandak ka ahsas ho.
Aap ko jab bhi Eyebrows banane ki zarorat mehsos ho to is tariqe pr amal kar ke gair zarori balon ko (tweezer) ki madad se safai ke sath khinch kar apni Eyebrows ko munasib shakal de sakti hain.
Baz khawatin jo k khud Eyebrows nahi bana sakti hain wo Eyebrows ko banane ke lye baqaida shew karna shuru kar deti hain.jo k intehai nuqsan dah hota hai. q k is se ek to jild pr nishan par jate hain. Dosre is ke bad ugne wale bal zyada sakht or tezi se barhte hain.
Aesi creams ke istamal se bhi ijtanab baratna chahye jo k bal sifa (hair removing) hoti hain. Q k hamari ankh ke gird ki jild hasas hoti hai or is tarha ki cream istamal karne me agar zara si be ahtiyati ki gai to ankhon ko nuqsan pohnchne ka andesha hai. (waxing) wagera ka istamal bhi is nazuk hise pr nahi karna chahye. Q k jab is ko utara jata hai to wahan pr gol daira ki shakal me nishan ban jate hain or utarne ke bad wahan ki jild pr rowon ke elaa khushk bhi rehne lagti hai.  

Eyebrows Ki Banawat:

Eye brow hamesha ankhon ki banawat ke mutabiq hoti hai agar cha k palkon or Eye brow ke darmiyan khasa khala mojud hota hai.
Kuch chehre be-ibtehai sada hote hain jabke baz intehai complex naqosh rakhte hain.
Agar aapki wo hadi jis pr k Eye brow mojud hoti hain boht barik hai to is pr qadre moti Eye brow mozon rahen gi agar ap is se gair mutmain hain to aap Eye brow ke niche mojud chand ek bal nikal dijye. Is me koi mazaiqa nahi hai.
Kuch logon ki Eye brow dono ankhon ke darmiyan barj ya nak ke oper ki hadi se aan milte hain. Jis ki waja se us ke chehre pr tanao mehsos hota hai is ke lye unhen (tweezer) ki madad se barj pr mojud balon ko saf kar ke wo jaga chori kar leni chahye or chehre ki mutabiqat se Eye brow bana leni chahye.
Ek khas umar me akar hamari jild ki shadabi baqi nahi rehti or jild murjhane lagti hai. is waja se eye brow ke niche mojud jild me bhi sakhti khatam ho jati hai to aesi khawatin ko chahye k wo eye brow banana ke bajae sirf pencil ki madad se eye brow banaen or inhen pencil hi ki madad se zarorat ke mutabiq shakal den.
Agar aap shumar un chand khawatin me hota hai jin ki eye brow qudrati tor pr barik tir ki tarha bani hui hain or sirf 2 4 balon ke lye parishan hon. Is ke bajae aap agar apne chehre ko saf suthra rakhye to aap ke wo bal aap ke chehre ki shaguftagi or shadabi me chup jaen ge. Wese bhi agar aap in 2 4 balon ko saf karne ke lye (tweezer) istamal karti hain to ho sakta hai k aap sahih tariqe se in balon ko nikal na saken balke qudrati tor pr bane hue Kaman numa eye brow ko bhi kharab kar den. Lehaza behtar hai k aap is khayal ko dil se nikal dijye. Or agar aap aesa hi zarori samjhti hain to is ke lye aap pehle kisi mahir beautician ke pas jaen jo k aap ko khush aslobi or chabukdasti ke sath safai se eye brow bananey ka fun sikha de or phir iske bad aap apne sikhe hue hunar ko istamal karne ke lye himat se kaam le kar eye brow banaen or eye brow ke curve ko intehai khubsorti se sanwaren. Bad azan eye brow pr brush wagera pher kar inhen mazid husan se hamkinar kijye.
 
Eye shapes
Shanimuzik