Manicure And Pedicure Tips In Urdu
(Hathon Aur Pairon Ki Hifazat)

Home Beauty Tips <<

hath paon ki care in urdu - hathon ki khubsurti ke tips - paon ki hifazat ka totka - hathon ki khubsurti ke tips - manicure and pedicure at home in urdu - manicure tips and tricks at home - pedicure in urdu language - method of pedicure at home in urdu - hath paon k totkay in urdu - manikyur pedikyur in hindi

 

Manicure And Pedicure Tips In Urdu

 

Many people give attention to their face and avoid their other body parts like hand and legs which people notice. as you wants beautiful hands and legs you must use to manicure and pedicure which make your hands and legs soft and beautiful. In this page you will find and read Hathon Aur Pairon Ki Hifazat in Urdu Hindi and Roman Urdu.

Khobsorat nazar ana bilashuba ek fun hai. jis tarha ek pode ko zamin ki satah pr ubharne or phelne pholne ke lye khad, mitti or pani ke munasib imtaraj ki zarorat hoti hai bilkul isi tarha dilkash or husan ke hasol ka amal bhi jan jokho ka kaam hai. chehre ke sath hi libas or munasib jisamat ki mojudgi aap ko jazibe nazar banati hai tahum bat yahin khatam nahi ho jati. Chehre ki jild ki khobsorti ke sath sath hathon or peron ka shagufta or dilkash hona bhi mutawazan shakhsiyat ke lye zarori hai.

Hathon or peron ki siyah ungliyan

  • Adha cup dudh, ek bara chamach arqe gulab or chand qatre lemon ka ras mila kar hathon ki malish karen. Chand dino me siyah unglion me numayan fark pare ga.
  • Kacha dudh haldi or besen ko baham mila kar peste bana len. Is peste ko achi tarha hathon or peron pr malen ye amal bhi siyahi dor karne ke lye mufid hai.

Hathon Ko Naram Karne Ka Tarika

  • Hathon ki jild behad narm or patli hoti hai is lye koshish karen k ise dhop or roshni se zyada se zyada bachay jae.
  • Din me kam se kam 4 martaba hath dhone ke bad lotion istamal karne se in ki nami zail nahi hone pati.
  • Hafte me ek dafa cleansing cream se hathon ki achi tarha safai karne se dag dhabon se mehfoz rehte hain.
  • Roz mara ke kaam karne ke bad agar dastane pehan kar rakhe jaen to hathon pr khudra pan galib nahi ata. Khasosanghar seb bahar jate hue kapre ke dastane zaror sath rakhen is ke elawa chand gharelop totke bhi hathon ki khobsorti ko bahal karne me mawonat karte hain.

Hathon Ka Massage

Masaj is tarha karen k pehle hathon ke charo janib hath chalaen phir hateli ki pusht se kalai ki janib masaj karen phir unglion ki is tarha malish karen k rukh nakhunon ki nok ki janib ho is ke lye golai me malish karen. Hathon ki hifazat ka ye azmuda or pur asar tariqa hai.
Hathon Ke Lye Gharelo Lotion
Hathon pr lagaya jane wala lotion ya cream bhi ba asani ghar pr tayar kya ja sakta hai. jis ka tariqa ye hai.

Ek tehai pilayi gilisrin me do tehai piyali arqe gulab milaen. Is mehlol ko apas me baham achi tarha milane ke bad kisi bhi shishe ki botle me thnde or khushk muqam pr rakhen or bawaqt zarorat istamal me lati rahen. Ye mehlol din me kai dafa lagaya ja sakta hai tahum rat sone se qabal lagane ke bad cotton ke dastane pehan len. Hathon ki nami or dilkashi barqarar rahe gi.

Paon Ki Roz Mara Dekh Bhal

  • Paon ki achi tarha malish karne se haqiqi khushi hasil hoti hai. haftawar malish se paon ko aram milta hai or jild achi halat me rehti hai.
  • Paon ki rozana safai boht zarori hai. gandagi or galazat ko paon se rozana pani or sabun ke zarye saf karna chahye.
  • Talon ki murda jild ragar kar saf karne ke lye jhanwan istamal karna chahye.
  • Nakhunon ko rozana brush se saf karen.
  •  Paon pr rozana cream ka masaj karen ta ke jild narm rahe or paon khobsorat lagen.
  • Agar paon thake hue or dard kar rahe hon to ye masla paon ko garam or thande pani se bar bar dhone se hal ho jata hai. is tarha dorane khon me izafa hota hai or dard ko aram milta hai.

Paon Ka Massage Karna

  • Thora sa lotion ya masaj cream le kar unglion or hatelion ki madad se is tarah masaj karen k pandli pr unglion ka rukh per or ghutne ki janib or per pr jis tarha bhi mumkin ho unglion pr khasosi tawaja debn or in ka achi tarha masaj karen. Koshish karen k peron ko rozana masaj kya jae. Khasosan peron ki unglion or angothe ko wajishi andaz me ghumaen ta ke wo sakon ki halat me ajaen. Agar rozana thora waqt peron ki dekh bhal ko dya jae to in ki khobsorti hamesha bar qarar rehti hai. rozana istamal ke nuskhe mundarja zel hain.;
  • Peron ki sakht jild pr hair removing ka istamal karen ya phir per ragarne ke manjhe ko per ki jild pr is tarha ragren k jild ki sakht satah saf ho jae. Is ke lye peron ko pehle nem garam pani me dhuboen. Is tarha tamam gandagi or murda khalye asani se saf ho jaen ge. Agar is pani me thora sa samundari namak bhi mila dya jae to jild mazid shagufta mehsos ho gi.
  • Peron ko achi tarha tolye se khushk kar len. Khasosan unglion or angothe ki janib se agar nakun be dhange andaz me barhe hue hain to inhen apni unglion ki munasibat se tarash len phir nail filers ki mada se kinare brabar kar len.
  • Kisi achi cream ki madad se peron ka masaj karen. Masaj karte waqt peron ko niche or aeri ki janib se halke halke dabati rahen. Is maqsad ke lye hath ke angothe ka istamal karen jabke tukhne ki hadi pr unglion ki madad se golai ki harkat me masaj karen. Akhir me kisi saf cotton ke kapre ki madad se zaid cream saf kar len.
  • Masaj ke lye cream ke elawa tel bhi istamal kya ja sakta hai. tahum is bat ka khayal rakhen k mosam sarma me garam tasir maslan til ya sarson ka tel munasib rehta hai. jabke mosam garma me naryal ke tel ka istamal nehayat mufid hi. In qudrati telon ke masaj se peron ki roz mara ki takalif se bhi nijat mil jati hai

Paon Ki Warzish

Paon me mukhtalif wajuhat ke sabab masail paida ho sakte hain. Maslan jote jo fit na hon, khare hone, bethne ya chalne me galat andaz ikhtayar karna wagera. Jin khawatin ka wazan zyada hota hai un ke paon pr dabao zyada hota hai jis ke sabab paon me dukhan or dard hota hai or kamar me bhi. Baqaida warjish or nighadasht se boht se masail pr qabo paya ja sakta hai.

  • Paon ke lye behtrin warjish ye hai k agar mumkin ho to ghas pr nange paon chalen. Agar ye mumkin na ho to mutabadil warjish bhi ki ja sakti hain. Kisi moti si phone directry pr paon sidhe kar ke khare hon, paon ka rukh builkul samne ki taraf hona chahye. Age ki janib unglion pr khari hon or khud ko agli taraf jhukaen, is tarha paon ko taqwiyat milti hai or lachak paida hoti hai.
  • Apne angothe or shahadat ki ungli ki madad se paon ke angothe or ungli ke darmiyan wale hise ko dabaen isi tariqe se baqi unglion ke sath bhi yahi warjish karen.
  • Apne tukhne ko ek hath se mazboti se pakar len or dosre hath se apne paon ko daire ki shakal me aage piche harkat den. Ek mint bad yahi amal dosre paon ke sath azmaen.
  • Aram se beth kar apne paon phela len or unglion ko kam az kam 10 martaba mukhtalif simt me harkat den. Ek pencil farsh pr rakh kar use apni unglion ki madad se uthane ki koshish karen or pakar kar 5 tak ginti ginen. Ye warjish 10 martaba dhohraen.
  • Thake hue paon ke lye warjish kisi gol botle ke oper paon rakh kar use age piche karna hai. ye warjish kisi moch wagera me boht mufid rehti hai. is warjish ke lye aap khas latri ke bane hue exerciser roler bhi istamal kar sakti hain magar ek aam botle ka istamal sasta bhi rehta hai or faida mand bhi itna hi hota hai. khayal rahe k ye amal kisi jaga beth kar karen ta ke botle pr itna wazan na pere k wo tot jae.
  • Apne paon ko ek hath se mazboti se pakar len. Apne dosre hath ko muthi bana len or unglion ke joron ko paon ke oper se aeri ki taraf harkat den. Ye harkat halke se dabao ke sath honi chahye. Ise kam az kam 6 bar dhohraen.
Har ungli ke nichle hise ko pakar kar use dono simt me dairon ki shakal me ghumaen or halke halke khinchen. Dorane khon ko behtar banane ke lye aap halki halki chutkiyan bhi le sakte hain.
 
Hathon Aur Pairon Ki Hifazat
Shanimuzik