Adolf Hitler Ki Kahani In hindi

(biography of adolf hitler in hindi)

Home Biography<<

adolf hitler height in feet - adolf hitler height - adolf hitler biography - adolf hitler biography book - adolf hitler biography in hindi - hitler history in urdu - hitler death date - hitler death history in urdu - hitler age - hitler wife name - adolf hitler lifestyle - adolf hitler easy biography - adolf hitler short biography summary - adolf hitler speech - hitler ki aap beeti - hitler ki biography in hindi - biography of hitler in urdu - article on hitler in urdu - hitler story in urdu - biography of hitler in hindi

 

Adolf Hitler History In Hindi

 

Adolf Hitler Books

Mein Kampf - 1925
Zweites Buch - 1928
Hitler's Table Talk - 1951
Last will and testament of Adolf Hitler - 1946
My New Order - 1941
Hitler, Speeches and Proclamations - 1962
Letters and Notes - 1973
Der Hitler-Prozess vor dem - 1924
The Racial Conception of the World
Mein Kampf - the Official 1939 Edition
Bolshevism from Moses to Lenin: A Dialogue
Mein Kampf - My Struggle: Unabridged
Mein Kampf: The New Ford Translation
hitler's greatest speeches
Mein Kampf Bi-Lingual Edition: Mein
Mein Kampf: Volume 1: a Descriptive
uniting danzig with germany

Adolf Hitler was born on 20th days of April 1889 in Braunau an inn Australia Hungary. He started his practical life as an unsuccessful artist. He was a German politician and joined the party “Nazi” (NSDAP) in 1919 and became leader of this part in 1921. Between 1934 to 1945 he was chancellor of Germany. He was the president of national socialist German works party from 1921 to 1945. He played a very important role in first world war and did lots of struggle, efforts for his nation, his country and their citizens, and he left his whole life for those people who belonged from German till rest of his life. Adolf was also a writer who wrote many books. The year 1940 was the most important year for Hitler. His army were successful to destroy Denmark and Norway in April. In May they destroyed Holland, Belgium and Luxembourg. In June France had destroyed. In the some year England boldly face or fought with German. Adolf never successful to capture England. No doubt it is absolutely fact that in history else Hitler no, one registered his deeply effect or generation but after that all, effect of Adolf didn’t effected on  new generation. Hitler will be remember always by this way that he was a foreign hadn’t any political experience wealth he became a leader of such a powerful country under only 14th years. He got awards iron cross and wound badge. He died in 30th days of April 1945 at the age of 56th in Berlin Germany. In this page you will find and read adolf hitler history in urdu language.

Adolf Hitler Height: 1.75m

Hitler wife name: Eva Braun

Hitler ka Bach pan  ( Childhood of Hitler)

Adolf Hitler ke dada ka nam geohan jarg hitler tha. wo spatial nami shehar me February 1792 me paida hua tha.

Hitler ka bap 1837 me paida hua. Is ka nam pehle to alois heidler tha. Magar wo apne aap ko hitler kaha karta tha. Is ke bad me is ka nam alois Hitler ho gya. Ibtada me wo mochi ka kaam kya karta tha.

Adolf hitler 20 April 1889 ko suba bavaria ke shehar Braunau me paida hua. Braunau agarcha shehar to chota hi sa hai magar chunke Germany or Australia ki darmiyani sarhad pr hai is lye mehal waqoh ke lehaz se bari ahmiyat rakhta hai. Is wazah ke sheharon ke bashindon ko is sorat me waqtan fawaqtan bari musibat jhelni parti hai jab dono raston me sulah na ho.

Yahi halat Braunau ke bashindon ki bhi thi. Is shehar ke basne walon me se bache bache ki dili tamana yahi thi k kisi na kisi tarha dono hakomen mil kar ek ho jaen ta k aae din ki musibaton se picha chute. Yun hitler pr shuru hi se aese asarat pare jin me siasi uljhano ke suljhao ka rang tha.

Hitler ka bap koi khas aadmi na tha or is ne apni zati koshishon ke balbote pr hi changi ke mehakme me sarkari nokri hasil ki thi. Hitler ki maa ek gharib kisan ke ghar me pali thi magar wo bari zahin or samjhdar thi. Is ne Hitler ko bare lad pyar se pala chunke Hitler ki maa ko mosaowari se boht dilchaspi thi isi lye wo chahti thi k Hitler ek nami grami mosaower bane. Chunancha is ne Hitler ko unfwan shabab hi me tasver kashi sikha di. Magar Hitler ke bap ki khwahish ye thi k is ka beta ek unche darje ka ohdadar bane. Is garz ko samne rakh kar is ne bachpan hi se Hitler ki tabiyat me khudari or unche darje ke hasol ke jazbat paida karne chahe. Magar  khud Hitler ki tabiyat ka rang ye tha k wo officer nahi banna chahta tha. Wo is bat se nafrat karta tha k ek shakhs ghulam ki tarha din ke mukarara ghanto me ek office me bandha betha rahe. Use apne waqt ko apni marzi ke mutabik katne ka ikhtiyar hasil na ho or wo kagaz siyah karne hi me apni zindagi guzar de.

In khyalat ka Hitler ki zindagi pr ye asar para k wo bachpan hi se qoam parasti ka dildada ho gya or tarikh ki raftar ka sahi andaza karne ki salahiyat us me paida ho gai.

Hitler ka zamana talib ilmi (Hitler student life)

Jab wo bara hua to Hitler ke bap ne use linns nami ek gaaon ke school me parhne betha dya. Is madarse me ek mubahise ki anjuman bhi thi. Is me beshumar mozoat ke elawa tulba Germany or Australia ke taluk ke mozo pr bhi behaso mubahisa karte the. Jab ek dafa is anjuman me Australia ka sabika hakumat ke mozo pr mubahisa hua to is me Hitler ne bhi hisa lya. Is tarike se in nojawano ko is waqt gaaon ke madarse me bhi mulki siasiyat ki taleem mil rahi thi. Ye umar wo hai jab dosre bache apni zuban ke elawa qoam parasti ke bare me kuch bhi nahi jante.

Is ka natija ye hua k jawan hote hote Hitler german nationalism ka paka hami ban gya. Hitler ki mojuda nazi party ki asali bunyad aaj bhi yahi german nationalism hai.

Hitler ke ye qaom parastana khyalat ahista ahista zyada pukhta hote gae yahan tak k wo 15 bars ki umar hi me ye nukta samjhne laga k shahi khandan ki mohabat or mojuda nationalism me kya fark hai.

School me Hitler hamesha apni class me awal raha karta tha. bachpan hi se us me hukomat karne ka mada tha. Apne class fellows ke sath is ka tarze amal aesa tha goya wo in ka rehnuma hai. Is ki shakal sorat, chal dhal, or bol chal ke dhang me kuch aesi kashish thi k is ke sare class fellow is ki tarf khinche chale ate the.

Hitler vienna me (Hitler in Vienna)

Jis waqt Hitler Vienna me dakhil hua to is ke pas ek photi korhi bhi na thi. Wo bhoka piyasa shehar ki galiyon me or sarkon pr phirta raha. Jab guzare ki koi sorat dikhai na di or sab taraf se mayosi ho gai to is ne kuch tasveren banai. Magar jab wo in tasveron ko bechne k lye bazaar laya to khridna to darknar kisi ne in ki tarf dekha tak nahi. Is waqye se Hitler ke dil ko thess lagi. Is ne tesh me aakar tasver kashi ka kam chor dya or kisi dosre kam ki talash shuro ki. Magar nim khwanda nojawan ko nokri kon deta hai? Jab us ko kai mukamat ke chakar lagane pr bhi koi nokri na mili to is ne mazdori karne ka faisla kar lya. Chunancha ek makan banane wale mistiri ke pas kaam karne laga.

Is tarha bari mushkilen jhelne ke bad is ki rozi hasil karne ki dushwari dor hui. Is ka dil shuro hi se hassas tha. Wo bazaro me phirte waqt sheharion ki khushio musarat or ayashana zindagi ko dekh kar garibo ke dukh se parishan ho jata tha. Makano ki chaton me einten or chuna lagate me is ke dil me isi kism ke buland khayalat paida hote rehte the.

jang azeem se pehle hitler ka propaganda (Hitler’s propaganda before the world war)

Hitler ne 1913 or 1914 me boht si atarf me apne khayalat ka izhar shuro kar dya tha. Is ke is waqt ke khyalat hi aaj bhi national socialist tehrik ke saton hain.

Darasal german qaomo mulk ke zawal ka agaz is waqt se bhi boht pehle ho chukka tha. Magar is waqt awam ko ye malom na ho saka k hamare wajud ka satyanas karne wala kon hai? Qaomo mulk ne is marz ka elaj karne ki bar bar koshish ki magar in ki sab se bari bhol ye rahi k wo bimari ki elamat hi ko bimari ka sabab girdante rahe.

Hitler ki jang azim me shamuliyat (Hitler take  part in world war)
3 august 1914 ko Hitler ne bavaria ke badsha Ludwig soim ke pas darkhwast bheji k mujhe bhi bavaria ki foj me khidmat karne ka moka dya jae. Is waqt wazra ki council ke daftar me kaam ki boht zyadti thi. Isi lye Hitler ki darkhwast usi din manzor ho gai or use 16th bavarian paltan me sipahi ka ohdah mil gya. Jang me foji khidmat ka moka mil jane se nojawan Hitler ko bari khushi hui. Ab Hitler german foj me shamil ho kar jang me shamil hua. Jang jald hi khatam na hui bal k salha sal tak jari rahi. Germanon ke obalte hue khon ka josh ahista ahista thanda parne laga. Halat aesi ho gai k har shakhs sirf pabandi farz ke khayal hi se jang kar raha tha. Hitler bhi jis josh se jang me shamil hua tha aakhir tak usi josh se kaam na kar saka.

Ab nojawan volantier bhi borhe sipahiyon ki tarha g chore hue dikhae dete the. Ye tabdili bila istashna sari ki sari german foj me ronuma ho gai thi. Is thaka dene wali jang se german foj ke sipahi zaief or darmanda ho gae. Magar phir bhi tarha tarha ki taklifen bardast kar k is foj ne do tin sal tak jang ki.

Hitler majroh ho kar hospital me (Hitler in Hospital)
Mah October 1916 me Hitler jang me ghayal ho gya is waqt tak wo ek mamuli sipahi ke darje se tarakki kar k lence carpole ban chukka tha. Zakhmi ho jane pr is ko morcha chore kar ambulance car me germani wapas jane ka hokum dya gya. Do bars ke bad Hitler ne phir apne ghar ki sorat dekhi. Barlan ke karib ek hospital tha is me zakhmi Hitler dakhil ho gya.

Yahan ki fiza medane jang ki fiza se bil kul mukhtalif thi. Wo jazbat yahan bil kul mafqud the jo jang me larhne wale sipahiyo ke dilo me mojzan the. Germani akar Hitler ne wo baten suni jin se morche pr rehte hue is ke kan kabhi aashna nahi hue the.

Jab zakham ache hue or Hitler chalne phirne ke qabil ho gya to use barlan jane ki ijazat mil gai. Yahan muflisi ka dor dora tha. Lakhon ki abadi rakhne wala shehar mot or faka kashi ka shikar ho raha tha awam me bezari pheli hui thi. Jahan jahan sipahi jate the unhen be-itminani, becheni, bezari or muflisi dikhai deti thi.

Munich ki halat barlan se bhi gai guzri thi. Jab wo puri tarha tandurust ho gya to Hitler ko mehfoz foj me dakhil kar k Munich bheja gya. Is ne shehar ko bari mushkil se pehchana. Jaga bil kul hi badal chuki thi. Har goshe se gussa, narazgi or lanat malamat ki sada ati thi. Jang se aae hue sipahiyon ki dimagi kefiyat is se boht mukhtalif thi or inhen mulkion ki ye zehniyat boht ajib malom hoti thi.

Sarkari afsaron ki kuch kuch ezat ki jati thi. Sarkari uhdoon pr aksar yahodi kaam kar rahe the. Galiban har ek clerk yahodi or har ek yahodi clerk tha. Hitler ko yahodion ki is khasiyat pr bara tajub hua.

Jang me Hitler ki akhri dafa shairkat (hiter’s lost his last war)
Mah October ki 13 or 14 tarikh ko rat ke waqt bartanvi fojon ne yaprs ke samne german foj ke jnub me gas ke gole phenkne shuro kye. 13 october ko shamo sham Hitler or is ke sathi warwk ke jnub me ek phari pr the k asman se golon ki shakal me aag barasne lagi or ye log is ke narge me aagae. Rat bhar ye aag khatarnak tarike se barsai gai. Adhi rat gae in me se boht se sipahi zamin pr gir pare or baz hamesha ke lye so gae.

Ali al subha Hitler ke jism me shaded dard utha or ahista ahista barhta hi gya. Kuch dair ke bad Hitler ki ankhen lal angara ho gaien or 7 baje subha tak is ki ye halat ho gai k malum hota tha k ab nahi bache ga. Is ki ankhon tale andhera aagya. Hukumat ne use suba Pomerena ke elaqe peswak ke hospital me barae elaj bhej dya.

Yahin se use germani ke inkelab ka nazara dekhna tha.

Behri foj me bhi becheni barh rahi thi or is ke mutalik kisam kisam ki afwahen urh rahi thi. kaha jata tha k behri foj bhi boht josh me bhari hui hai. Hospital me har shakhs ki zuban pr jang ke khatmey ka zikar tha. Logon ko tawaqah thi k jang boht jald khatam hone wali hai magar Hitler us waqt itna bimar tha k akhbar bhi nahi parh sakta tha.  
  
Hitler ki siasi zindagi ka agaz  (Hitler at the initial time of the of the politics)
1918 me mah November ke akhir me Hitler Munich wapas aya or dobara mehfoz foj me shamil ho gya jo is dor me sipahiyon ki council ke ikhteyar me thi. Magar wahan ki sari fiza is ke lye itni gair muwafiq thi k is ne jald se jald wahan se nikalne ka faisla kar lya. scheidemann earnest dorane jang me sada Hitler ka hamdam bana raha tha. Apne is sache hamdar ko sath le kar Hitler Munich se tronsten chala gya or camp ke uthne ke waqt tak wahin raha.

March 1919 me wo dobara Munich wapis aya.

Abhi tak mulk me amano aman nahi hua tha. Inkalab ki aag ke phelne ka or bhi zyada imkan paya jata tha. Aznier ki mot se inkalab ki raftar or bhi taiz hui. Ek council mulk pr dictator ban bethi. Is ke dore hukumat ko “ yahodion ki aarzi hakumat ’’ka zamana kehte hain. Is waqt Hitler apne dimag me latadad programon ke mansubey bandha karta tha.

Naye inkalab me Hitler ne kuch aese kaam sar-anjam dye jin ki waja se markazi council is se naraz ho gai. 27 march 1919 pophate Hitler ko giraftar kar lya gya. Magar jab Hitler ne in pr apni bandok tani to is ke giraftar karne wale tino jawano ke chahke chot gae or wo jidhar se aae the udhar hi wapas chale gae.

Munich se is tarf chotne ke kuch din bad Hitler ko is commition me shamil kar lya gya. Jise infantry regiment  no 2 ke inkeleb ke silsile me waqiyat ki taftish pr taenat kya gya tha. Siasiyat me dakhil hone ka Hitler ka ye pehla moka tha.

Is ke chand hafte bad Hitler ko ye pegham mila k wo defence force ki membry ke lye talim hasil kar le. Is talim ka maksad ye tha k sipah ko hukumate waqt ke akide k wo mukarrar asol sikkae jaen jinhen sikh kar wo ache shehari ban sake.

Hitler is pr razamand ho gya q k us ne dekha k is tarha mera apne jese chand or afrad se taruf ho jae ga or main in ke sath tehrik ki halat ke bare me tabadlae khayal kar sakon ga. Is bat ka sabhi ko yakin tha k germani yakinan zawal pazir hai. November ke mujrim log,
center or democratic partyan or mutawast tabke ki nationalist sab is zawal ke lye rasta saf karte jate the.

Hitler ke humray sipahiyon ke chote se daire me ek nayi party banane ke sawal pr behas hui. Is party ka nasbul aein wahi rakha jana tha jo bad me german mazdor party ka nasbul aein karar paya. Nayi party ki garzo gayat ye thi k awam ki hamdardiyan apne sath wabasta ki jae q k agar tehrik me ye wasf na hota to sara nisbul aein bejan hi reh jata. Chunancha ye faisla kya gya k is nayi party ka nam social inkalab party rakha jae. Nayi party ka akeeda hi social inkalab barpa karna tha.

Is zamane me ek mashoro marof mukarar gotzar and feder bhi is masle pr takriren kar raha tha. Hitler ne bhi ye takriren suni. Ab is ke khyalat pukhta ho gae or is ne wo rah pakar li jis pr gamzan ho kar nayi party qaim ki ja sakti thi. Feder ki takriron me Hitler ko ainda jang ki awaz sunai di.

Hitler ki pehli siasi takrir (Hitler first political address)
Ek din Hitler ne ye elan kya k wo ek takrir karne ka khwahishmand hai samain me se ek ne ye socha k Hitler yahodiyon pr aetraz kare ga is lye is ne beshumar dalilen de kar yahodiyon ki tariff karni shuro kar di is se Hitler ko bhi mukhalifat karne ka hosla hua. Hazreen ki bhari aksaryat ne Hitler ka sath dya is ka natija ye nikla k chand din ke bad hi Hitler ko muhafiz ki shakal me Munich ki foj me shamil hona para.

Is waqt fojon me discipline bil kul nahi tha. Wo in taklif se dhukhi then jo jangi council ke waqt me uthani parti thi. Bari mushkil or hoshiyari se in ko matih kya gya. Is ke sath hi sipahiyon ko ye talim bhi deni thi k wo khud ko german qaom ke fard or germani ke bashinde samjhen. Ab ye kaam Hitler ne shuro kar dya or is ne in me mohabat or shok ki umang bhar di.

Apne is kaam me Hitler ko kafi kamyabi bhi hui. Apni takriron se Hitler ne senkron nahi bal k hazaron afrad ko qaom parast bana dya. Is tarha Hitler ki koshishon se fojen mukamal tor pr quvi ban gaen. Or is ke bad in me khud bakhud discipline ka mada paida ho gya.

Is ke elawa is silsile me is ki boht se aese sathiyon se jan pehchan bhi ho gai jo is ke humkhayal the or jo bad me nayi tehrik ki bunyaden parte waqt Hitler se mil gae. 

Hitler pehli dafa siasi jalse me (Hitler first time in Political gathering)
Jab fedar ki takrir ho chuki to Hitler jalse se rukhsat hone laga. Itne me plate form se ye awaz sunai di. “agar koi or sahab takrir karna chahe to wo bhi bol sakta hai.’’ Is pr Hitler ke g me aai k main bhi kuch kahon. Sadar ki ijazat se ek professor sahab takrir karne khare hue or unhon ne fedar ke paish kye hue dalalil pr etrazat kye. Fedar ne in etrazat ka bari khush aslubi se jawab dya or is ke sath hi ye bhi elan kya k nojawan party Bavaria ko parsha se elahda karane ke lye larhna chahti hai. Agar Bavaria parsha se alag ho jae to
mutehda german australia ka Bavaria se alhaq ho jae ga. Or yun germani me amano aman qaim ho ga. Jab wo betha to sadare jalsa ki ijazat se Hitler ne takrir ki or jo kuch kaha ja chukka tha us ki itni pur zor tardid ki k sadare jalsa ko jalse se farar hona para.
   
Hitler party ki sadarat ke mansab pr (Hitler’s political views)
Kuch arsey ke bad party ne naye qawaido zawabit banae or Hitler ko apna sadar chose kya. Is position me use kafi ikhtiyarat hasil ho gae. Ab comity ke faislon ki jaga sadar ko party ke nizam ki zimedari sonp di gai. Hitler ne apne in ikhtiyarat se kaam le kar in sab pichli baton ka sadbab kar dya jo is ke nazdik ghair wajib the is ne har member ko judagana fraiz sonpe or is tarha party ke jalson me jan dal di.

Hitler ka akhbar (Hitler’s news paper)
December 1920 ki national socialist party ne val kisher beobachter ke nam se ek akhbar nikala. Aage chal kar yahi akhbar party ki awaz ban gya.

Ibtida me ye hafte me 2 bar nikalta tha lekin 1923 se rozana ho gya. Ye akhbar boht jald mashor ho gya agarcha is me mazamian boht ache hote the lekin tijarti dhang se nahi chalaya ja saka q k is waqt tak party ke leaderon ka yahi khayal tha k ise awam ke chande se chalaya jae is waqt is bat ka tajurba nahi tha k ye mokabla ki jang me rasta bana kar apna bojh khud saharne ke qabil ban jae ga.

Is akhbar ke zarye Hitler ne 2 bars tak apne khyalat ka or bhi zyada zoro shor ke sath  propaganda kya.

Hitler ki khudnosht sawaneh umari (Hitler wrote a book about his life)
Jail me Hitler ne apni tab tak ki zindagi ke halat ko ek kitab ki shakal me likha. German zuban me is kitab ka nam “ main camp’’ or angrezi me “my struggle ’’ yani “ meri jado jehad ’’ hai. Is kitab me Hitler ne apni 1923 tak ki zindagi ke waqiyat bayan kye hain.

Hitler ki bacho ki tehrik (Hitler start work with children)
Bacho ki tanzim se bhi Hitler ki tehrik ko bari taqwiyat ponchi. Germani ki nojawan tehrik ka agaz jang azim ke zamane me hua tha. 1916 me communist nojawan organization banai gai thi. Lekin us waqt use khilaf kanon karar de kar tor dya gya tha magar 1919 me November ke mahine me khulam khula is ke qayam ka elan kar dya gya. Jahan tak national socialiston ka taluk hai unho ne bacho ki tanzim 1924 me Hitler ke jail se bahir ane pr shuro ki. Is ke bad 2 sal ke andar andar Hitler jawan organization ka jal sare mulk me bich gya. 1932 tak germani ke ost tabke ke sabhi bache ya to is me shamil ho gae ya in ko is se hamdardana taluk paida ho gya.

Is jamat me 10 se le kar 15 baras tak ki umar ke bacho ko bacha party or 15 se le kar 18 sal tak ki umar walon ko Hitler jawan or is se zyada umar walo ko gernal national socialist kaha jata tha. Tulba me bhi larke or larkion ki alehda alehda partiyan thi. In logon ki hosla mandi ki waja se germani bhar me national socialism ki ashaat ho gai.

Hitler ki shakhsiyat (Personality of Hitler)
Hitler wo shakhsiyat hai jo is waqt sari dunya ke insano ki tawaja ka markaz bana hua hai. Is ke perowon ka yakin hai k in ka rehbar insani osaf ke aetabar se mukamal insan hai. Jis tarha roman catholic log papaya rome ko mazhab or ikhlak ka mukamal namuna samjhte hain or is pr aetaqad rakhte hain isi tarha nazion ka yakin hai k german ke qoami or masharti haquq ke tahafuz ke lye in ke rehnuma pr puri tarha aetamad kya ja sakta hai.

Naziyon ka yakin hai k Hitler ko khuda ne german ki hifazat karne ke lye bejha hai. Hitler ek aesa mufakir hai jo apne har qoal ke jawaz me muskat dalail paish karta hai. Wo sanjida, phalsaphi or pukhta azam rakhe wala hai. Us ka faisla atal hota hai.

Jab Hitler kisi ko koi ohada deta hai to use us waqt tak alehda nahi karta jab tak wo gaddari ka mujrim na thehre ya wo puri tarha na ehal sabit ho na jae. Wo apne matehton ki galtion ko hamesha frakh dili se maf kar deta hai.

Hitler ki zindagi ki ek or khususiyat ye hai k wo ibtada hi se gair shadi shuda hai. Is ke dil me germani ki mohabat itni bhari hui hai k mutahil zindagi ke lye is me koi gunjaish hi nahi hai. Baz akhbarat waqtan fawaqtan ye afwah ura dete hain k Hitler kisi orat ke dame muhabat me asir hai. Lekin waqya ye hai k is ke dil me hubul watni ke elawa kisi orat ke lye jaga hi nahi hai. mashor musanif jan guenther ne “inside eroup ’’ nami ek kitab likhi. Is kitab me is ne Hitler ka zikar karte hue is ke shadi na karne ke kai asbab pr behas ki hai.jan guenther Hitler ke khilaf hi hai. Magar use bhi ye taslim karna para hai k Hitler kisi fitri kamzori ki waja se ghair shadi shuda nahi hai. Bal k hibul watni ne us ke dil me kisi orat ki mohabat ki gunjaish hi nahi chori hai.

Har chand wo oraton ki kurbat se gurez karta hai lekin herat ye hai k wo khud ghair shadi shuda reh kar bhi german ki oraton ko shadi karne or ghar basane pr kanonan majbor karta hai. Orat zat ka is ke dil me bara ehtram hai. Wo orat ko maa ki shakal me dekhta hai. Hitler ka jism sehatmand or gathela hai. Us ki ankho or chehre me ek makhsos kashish hai. Wo har ek shakhs se bare khalk or khule dil se milta hai. Us ka andaz takriban itna dilkash hai k aaj dunya bhar me use behtrinn mukarrar samjha jata hai. Wo mushkil se mushkil sawalat ke jawabat foran de deta hai. Is me rehbar banne ke sare osaf mojud hain phurti, bahaduri, jangi faham is ki khususiyat hain. Wo dor andesh or hosla mand hai. Mazdoron se use khas tor pr muhabat hai. Ghamand or ayari to wo janta hi nahi. Us ka sara waqt mulkio qoami khidmat me katta hai. Is ka maqsad germani ko dunya ki sab hakumaton se uncha banana hai.

Hitler ki Italy ka safar (Month May) 1938 (Hitler visit to italy in 1938)
Hitler ki speacial train 3 may 1938 ko barlan se sham ke waqt 4 baj kar 40 mint pr rawana hui or 4 ki subha ko 8 baje brez pohnchi. Jab wo italy ki hadud me dakhil hui to is ka istakbal karne ke lye 3 lakh afrad 480 mil tak katar bandhe khare the jis waqt train bologna station pr pohnchi to 200 enginon ne ek sath seti baja kar is ka istakbal kya. Station pr takriban 4000 afrad mojud the. 5 may ko har Hitler ne shehansha italy ki maiit me italy ke awam ko didar dikhane ke bad palazzo venezia me takriban dairh ghante tak masuleni se bat chit ki is ke bad Hitler me apne wazra samet shehansha italy ke sath khana khaya or phir is ne nepls me italy ke jangi jahazon ka muaina kya. Pehle 90 ghota khor jahaz 2000 aadmiyon ko le kar ek sath pani me dobe or phir tar barqi ka ishara milte hi ek sath pani se bahar aagae. Or phir shehanshahe italy, masuleni or Hitler ko salami di. Is ke bad italy ke jangi jahazo ko tar pedo lagaya gya. Behri foj ke muzahire ke bad Hitler 6 may ko rome wapas aaya jahan is ne masuleni ke sath dobara gufto shaned ki. 7 may 1938 ko har Hitler ne shehanshahe italy or masuleni ke sath fojon ke samne se guzarte waqt 30,000 afrad ki salami li ye foji sipahi 80 lakh sipah ki numaindagi kar rahe the jin ko jang ke waqt 24 ghante pehle notes de kar bulaya ja sakta hai. Is moke pr takriban 400 tank, 400 topen or digar samane jang ka muzahira hua. Boht se arbi sheh sawar noabadiyat ke numaindon ki hesiyat se aae the. lebya ke foji sipah ke daste bhi the. Us waqt hawai fojon ne bhi muzahire kye. 8 may ko har Hitler ke ezaz me plazo waneria  ke shahi mehal me ek shandar davat di gai is me takriban 1 lakh aadmi mojud the. Davat ke bad dono rehbarane qaom ki takriren huien. Jin ko 12 mumalik me brod cast kya gya. Is se ye pata chala k germani or italy ke arab 20 charor bashinde is waqt ek hi nasbul aein ki pairvi kar rahe hain.

Hitler 9 may 1938 ko sare 9 baje subha apni special train pr sawar ho kar Florence ko rawana hua. Sanyor masuleni us se pehle florance pohncha or wahan dobara is ka istakbal kya.

 
Adolf Hitler Ki Kahani In hindi
Shanimuzik