Edward Jenner Story

(edward jenner scientist)

Home Biography<<

edward jenner hindi translation - edward jenner birth and death - dr.edward jenner bio - dr edward jenner invention - edward jenner books

 

Edward Jenner Biography

 

Edward Jenner was born on 17 may 1749 in England, his father name was Stephen jenner. He was a famous scientist of his time who discovered the first vaccine of the world, after a long struggle he created small pox vaccine and saved the life of the others, he was died on 26 January 1823. In this page you will find and read Edward Jenner biography in hindi and roman urdu.edward jenner biografia, edward jenner birth and death, edward jenner biologist

Angrez tabib Edward Jenner hi wo shakhs tha jis ne chechak jesi holnak bimari ke khilaf waxing ka tika lagane ki hifazati tadabir mutaruf ki.
Aaj hum jener ke shukar guzar hain k chechak ki bimari dunya me khatam ho chuki hai. hum un khofnak amwat ko faramosh kar dene ki koshish karte hain jo qadim sadiyon me is bimari ke sabab huin. Ye is qadar mohlik hai k is ke marizon me 10 se 20 % tak mar jate hain. Jo bache rehte un me se 10 se 15 % afrad ki nanhe chechak ke danon se hamesha ke lye sorat bigar jati hai. chechak ka marz sirf europe tak hi mehdud nahi tha balke us ne shumali america, hindustan, chaina or dunya ke mutadid mumalik me bhi tabahi phelai. Har jaga bache is ka margob shikar rahe.
Salha sal se chechak ke sadbab ke lye hifazati iqdamat waza karne ki kawishen jari thin. Boht pehle ye malom ho chuka tha k jo shakhs ek bar chechak ki bimari ki zad me ata hai is ke bad tahayat wo is me mubtala nahi hota. Mashriq me is se ye riwayat paida hui. Sehat mand logon ko un logon ke khon wagera ka tika lagaya jata jinhen ye bimari mamoli had tak hoti. Ye is tawaqa pr kya jata k sehat mand admi is tarha khud bhi mamoli darja ke marz me mubtala ho ga or jab ek bar wo sehat mand ho ga to phir hamesha is se gair mutasir rahe ga.
Is riwayat ko englistan me 18th sadi ke awail me ledymery vertle montago ne mutaruf karwaya. Jener ki pedaish se kai sal pehle ye riwayat aam ho chuki thi. Khud jener ko jab wo 8 sal ka tha is tariqa se tika laga. Lekin is kham hifazati tadabir mebari qabahat thi. Is tariqe se un sehat mand logon pr bimari ka mamoli hamla na hota balke shadid mohlik hamla hota jis se un ka sara jisim danon se bhar jata. Haqiqat ye thi k tika lagae jane walon me 2 % log chechak ke shadid hamle ka shikar hote. Zahir hai k ek behtar tariqa kar ki ashad zarorat thi.
1749 me jener englistan me gloster shair ke qasba harkle me paida hua. 12 baras ki umar me wo ek sergon ke han mulazim ho gya. Bad azan us ne ilm tashrihul abdan ka mutala kya or ek hospital me kaam karne laga. 1792 me use sent and revers university se tib ki degree mili. 40 ki dehai ke wast me wo gloster shair me ek mualij or serjon ke tor pr khasa kamyab tha.
Jener is awami aqide se agah tha jo wahan gawalon or kisanon me aam tha k agar kisi shakha ko gothan setla (cow pox) ho jae jo maweshiyon ki bimari thi or insanon me bhi muntaqil ho jati thi to wo shakhs ta umar chechak se mehfoz rehta hai. (gothan setla bajae khud insanon ke lye mohlik bimari nahi hai. halanke is ki alamat aksar un alamat se mushabha hoti hain jo chechak ke intehai hamla ki sorat me zahir hoti hai). jener ne mehsos kya k agar kisanon ka ye aqida durst hai to cowpox ke mawad ko chechak ke khilaf insan me dakhil karna ek zyada mehfoz tadabir ho gi. Us ne is mamle pr tehqiq ki. 1796 tak wo jan gya k ye awami aqida durst tha. So us ne apne tariqa kar ke barahe rast itlaq ka fesla kya.
May 1796 me jener ne ek gawale ke hath pr nikale cow pox ke dane se mawad le kar ek 8 sala bache jemz fips ko tika lagaya. Jesa k mutawaqa tha larke me cow pox ke dane zahir hue lekin phir jald hi wo sehat yab ho gya. Kai hafton ke bad jener ne fips ko chechak ke mawad ka tika lagaya. Tahum bache me bimari ke koi asar paida nahi hue.
Mazid kuch tehqiq ke bad jener ne apne nataij ko ek mukhtasar kitab “chechak ki wexine ke asbab or asarat ke mutaliq tehqiq” me raqam kya jo 1788 me us ne khud hi chapaya. Isi kitab ke bais wexine ko jald hi aam istamal kya jane laga. Jener ne bad azan wexine se mutaliq 5 mazid maqole tehrir kye. Salha sal tak us ne apna peshtar waqt apne tariqa kar ke ilm ke tashir or use apnane ke amal ko behtar banane pr sarf kya.
Englistan me wexine ka istamal shatabi se aam hua. Jald hi bartanvi bari or behri foj me bhi is ke istamal ko zarori qarar de dya gya.                       
Jener ne apne tariqa kar ke aam istamal ki ijazat de di or is se nafa kamane ka khayal dil me na laya. Tahum 1802 me bartanvi majlis qanon saz ne shukar guzari ke tor pr use 10,000 pound inam dya. Chand sal bad majlis ne use mazid 20,000 pound mahamat kye. Use alamgir shohrat mili or mutadid aejazat or tamge dye gae. Jener 3 bacho ka bap tha. Wo 73 baras ki umar me 1823 me apne abai qasba barkle me fot hua.
Jesa k hum dekh chuke hain jener is khayal ka bani nahi tha ye khayal aam tha cow pox chechak ke khilaf mosar hai. us ne ise dosre se suna. Balke ye bhi suna gya hai k jener ke samne ane se qabal chand afrad ko umda cow pox ke mawad ke tike laga kar tajurbat kye ja chuke the.

Agarcha jener ek heran kun haqiqi scientist nahi tha lekin insaniyat ko apne kisi fal se itna faida kam hi logon se pohnchya ho ga. Us ne apni tehqiqat, tajurbat or tehriron ke zarye ek awami aqide ko jise tib ke mahirin ne kabhi darkhor aetana na jana ek ba waqar hesiyat di jis se an ginat logon ne istafada kya. So har chand k jener ka tariqa kar faqat ek hi bimari se bachao ke lye istamal kya ja sakta hai lekin ye bimari mamoli to nahi thi. Wo is aejaz ka waqiyatan mustehiq hai jise us ki nasal or bad ki tamam naslon se use dya hai.
 
Edward Jenner Story
Shanimuzik
 
 

Edward jenner famous books

  1. Vaccination Against Smallpox (Book by Edward Jenner)
  2. an inquiry into the causes and effects of the variolae vaccinae (Book by Edward Jenner - 1798)
  3. an inquiry into the causes and effects of the variolæ vaccinæ or cowpox (Book by Edward Jenner)
  4. The gold leaves : (being an account and translation from the ancient Greek of the so-called "Orphic" gold tablets)
  5. Letter from Doctor Edward Jenner, to William Dillwyn, on the effects of vaccination, in preserving from the small-pox (Book by Edward Jenner