Galileo Galilei Biography

(galileo galilei biography in hindi)

 
Home Biography<<

galileo galilei biography in urdu

 

galileo galilei biography summary, galileo galilei inventions, galileo galilei information, galileo galilei for kids.

Galileo, the great scientist was born on 1564 in Pisa. When he was a university boy he need to left his studies due to financially problem. In 1589 he got chance to tought the same university where he were student. After few years he got job in Padua University, he were taught at this university till 1610. During the period of 1589 to 1610 he invented many things and had started his career as a scientist. his first important invention done in the field of mechanics he dismiss the concept of Arastu that a fallen body depends upon their weight because he worked on it and observed through many experiments and proved that a fallen body doesn't depends upon on their weight infect its depends upon the air friction. One of the most important invention of Galileo is that he possesses the "law of inertia “he also invented telescope in the year 1609 and under one year he expose many inventions in the field of astrology. He researched on gravity, sunspots, moon, planetary motions, and etc. He became lot o famous due to the invention of telescope. Galileo wrote seven books but published six. Named: Sidereal messenger(1610), letters on Sunspot(1613), letters to the grand duchess Christina(1615), the assayer(1623), Dialogue on the two chief system of World(1632), Discourse on the two new science(1638). His book letters to the grand duchess Christina, which is writer in favour of Copernicus concepts that Earth and other planets rotates around the Sun , which is against the Christian’s thought that were the Earth is in center of all. The book were published with the permission of Christians but after published lots of Christians became against of it. In Roam, a case did on Galileo by investigation team due to went against the Government laws, but it didn't prove a big crime therefore he got a simple punishment. Galileo was that first who introduced the way to do experiments to prove any scientific matter or questions and dismiss the concepts, that answers of scientific questions given by teachers thought... The great and famous scientist died on 1642 at the age of 78. In this page you will find and read information about galileo galilei and his inventions.

Azim atalvi scientist galileo galileika kisi bhi dosre fard ki nasbat scienci tarze fikar ki taraqi me sab se zyada hath hai, wo 1564 me “pisa” shehar me paida hua. Jawani me jab wo pisa university ka talib ilm tha to mali badhali ke sabab use silsila talim munqatah karna para. Tahum 1589 me use isi university me parhane ki mulazimat mil gai. Chand sal bad us ne padwa university me nokri hasil ki. 1610 tak wahan raha. Isi dor me us ki beshtar scienci daryaften mariz wajud me aain.

Us ki awalin aham daryaften “mechanics” ke shobe me ronuma huin. Arsto ka nazarya tha k bhari ajsam halke ajsam ki nasbat zyada shatabi se zamin ki taraf lapakte hain. Nasal dar nasal ulma hazrat unani falsafi pr aetamad karte hue is nazarya ko durst taslim karte rahe. Galileo ne is ki azmaish ka faisla kya. Azmaishon k eek silsilan ke zarye us ne jald hi malom kar lya k arsto ka khyal gair durst tha. Haqiqat ye hai k wazni or halki ajsam ek si raftar se niche girte hain. Istashna ye hai k hawa ki ragar un ki rafat ko mutasir karti hai. (halanke ye riwayat khasi gair mutabir hai k galileo ne is hawale se pisa ke ek taraf jhuke hue minar se ashya niche gira kae tajurbat kye the).

Ye malom ho jane ke bad galileo ne ek qadam mazid aage barhaya. Us ne khas waqt me girte ajsam ke teh karda fasle ki mohtat pemaish ki or ye malom kya k ye khas fasla is bich guzarne wale kul seconds ke muraba ke mutanasab hai. ye daryaft ( jo is tez raftari ki ek mumasil sharah ko mutarif karwati hai) apne tor pr nehayat aham hai. is se bhi zyada aham bat ye thi k galileo in azmaishon ke nataij ko ek riyaziyati equation ki sorat me bayan karne ke qabil ho gya jabke riyaziyati equation or riyaziyati tariqa kar pr israr jaded science ki ek numaya khobi hai.

Galileo ki daryafton me ek kahin aham daryaft jamod ka qanon (law or inertia) hai. is se qabal logon ka khyal tha k ek musalsal harkat me rakhne wali beroni qowat jari na rahe to ek mutehrik jism alial akhir sakin ho jati hai. tahum galileo ke tajurbat ne ye sabit kar dya k ye amomi nazarya yaksar galat hai. k agar muzahmati qowaten jese ragar wagera baqi na rahen to ek mutehrik jism qudrati tor pr lainteha waqt tak harkat karta rahe ga, is aham nazarya ki newton ne apne harkat ke 1st qanon ke zarye azsarno tasrih ki or use mazbot bunyadon pr istawar kya ye physic ke bunyadi tasawerat me se ek hai.

Galileo ki sab se yadgar daryaften ilm huiyat ke medan me hain. 1600 ke awail me falkiyati nazaryat me bari shadomd se kaam ho raha tha jabke copar neks ke shamsul markaz nazarya ke hamion or zamin ko markaz manne wale qadim nazarya ke perokaron ke bich garma garm mubahis chire hue the.

1609 me hi galileo ne apna khyal paish kya k copar neks ka nazarya durst hai lekin use sabit karne ke lye us ke pas koi thos shahadat nahi thi. 1609 me galileo ko halend me dorbin ki ejad ki babat malom hua agarcha use is ale ke mutaliq sarsari si malomat hasil thin. Wo apne johar khudadad ki bunyad pr khud se ek boht jasim dorbin tayar karne me kamyab ho gya. Is naye ale se us ke mushahidat ka rukh asmanon ki taraf mur gya. Sirf ek sal ke arse me hi us ne apni aham daryaften manzare aam pr paish kar dien.

Us ne chand ka mushahida kya or dekha k ye ek hamwar kura nahi hai balke is pr mutahdid atish fishan dhane oe pahar hain. Us ne natija akhaz kya k asmani ajsam hamwar or mukamal nahi hain, balke un me ek tarha ki nahamwarian mojud hain jin ka mushahida zamin se kya ja sakta hai. isi tor us ne kehkashan ka mushahida kya or dekha k ye dodhya rasta to hargiz nahi hai balk eek dhundla wajud hai jo beshumar sitaron pr mushtamil hai. jo insani ankh ko apne bad ke sabab baham madgam or dhundle malom hote hain. Us ne saiyaron ka bhi mushahida kya or malom kya k atarad ke gird 4 chand gardish karte hain. Ye is amar ka ben sabot tha k zamin ke elawa bhi ek fatkiyati jism kisi planets ke gird gardish karta hai. us ne suraj ka bhi mushahida kya or us pr dhabon ki nishandahi ki. (filasal digar afrad neb hi is se qabal in dhabon ki shanakht kit hi lekin galileo zyada mosar andaz me apne mushahidat ko manzare aam pr laya or scientist ki is taraf tawaja dilai.) us ne ye mushahida bhi kya k vens planet chand hi ki tarha mukhtalif adwar se guzarta hai. ye amar copar neks ke nazarya ke haq me ek thos sabot ki hesiyat ikhteyar kar gya k zamin or digar planets suraj ke gird chakar lagate hain.

Dorbin ki ejad or us ki digar daryafton ne galileo ko maqbol bana dya. Tahum copar neks ke nazarya ko taqwiyat dene ki padash me klesa me us ke khilaf shaded sargarmi wajud me aai. 1611 me us ko copar neks ke mafroze se dast bardar ho jane ke ahkam sarid kye gae. Galileo mutahdid baras is bandish ko toa “ karha” bardasht karta raha. 1623 me jab pop fot hua to us ka janashin galileo ki madahin me se ek tha. Agle baras naye pop arbin hashtam ne (qadre mabham andaz me ) ye ishara dya k ye bandish ab mazid bajawaz nahi rahi.

Galileo ne agle 6 baras apni marof aam kitab “do bunyadi nizam hae alim se mutaliq makalma” mukamal karne me sarf kye. Ye kitab copar neks ke nazarya ke haq me paish ki gai ek shahkar dalail sabit hui. 1632 me ye kitab kalisa ki manzori ke sath shaa hui. Tahum kitab ke manzare aam pr an eke bad ahale kalisa ne is pr bahami ka izhar kya. Jald hi rome me galileo pr tehqiqati majlis ki taraf se 1616 ki sarkari mumanat ki khilaf warzi karne ke jurm me muqadma chalaya gya.

Ek bat to zahir hai k aesa mumtaz scientist pr aesi pabandian aid karne kef aisle pr ahal kalisa ki ek makhsos tadad bhi khush nahi thi. Us dor ke kalisai qanon ke tehat bhi galileo pr ye muqadma jaiz nahi tha. Use nasbatan mamoli saza sunai gai. Use jel me qaid nahi kya gya balke mehaz arstry me us ke apne pur asaish ghar me use nazar band kya gya. Qanoni tor pr use kisi se milne julne ki ijazat nahi thi. Lekin saza ki is shart pr kabhi israr na kya gya.   Dosri saza ye thi k wo awam me apne is nazarya se sabkdoshi ka iqrar kare k zamin suraj ke gird gomti hai. is 69 baras ke scientist ne barsaradalat ye iqrar bhi kya (us ke mutaliq ek marof or qadre manghrat riwayat yun mojud hai k bayan den eke bad galileo ne niche zamin ki tarah dekha or narmi se sargoshi ki “ ye to ab bhi ghom rahi hai”. arstry me wo mechanics pr likhta raha. 1642 me us ka inteqal hua.

Science ki taraqi me galileo ke garan baha izafon ka boht pehle aetaraf kar lya gya tha. Us ki ahmiyat us ke mukhtalif scienci nazaryat ke sabab hai jese qanon jamod, microscope ki ejad us ki falkiyati mushahidat or copar neks ke mafrozat ko sabit karne ke lye us ke mushahid. Kahin zyada ahmiyat ke hamil scienci tariqa kar ki taraqi me u ka kirdar hai. mazi ke beshtar physician philosopher neb hi jo arsto se basirat hasil karte the aham mushahidat or is mazhar ki darja bandi ki. Lekin galileo ne is mazhar ki pemaish ki or bakasrat mushahiden kye. Pemaishon ki kasrat pr is qadar israr scienci tehqiq ka jazo lanefk ban gya.

Galileo kisi bhi dosre scientist ki nasbat scienci tehqiq ke tajurbati rawaiya ke farog ka kahin zyada zimedar hai. ye galileo hi tha jis ne pehli bar tajurbat ke muzahir k zarorat pr zor sdya. Us ne is khyal ko rad kar dya k scenci sawalat ka jawab sabqa ulma ki rae ki bunyad pr hi hasil kya ja sakta hai. chahe ye hawala kalisa ke faisle hon ya arsto ke nazaryat. Us ne pechida istakhraji tariqa hae kar ko motabar janne ki riwayat se bhi inharaf kya k jo tajurba ki mazbot bunyadon pr istewar nahi hote.

Azmun wasti ke ulma ne is sawal pr mufasil behas ki k kya hona chahye or waqyat q hote hain? Lekin galileo ne is sawal ke jawab ke lye k ashya asal haqiqat kya hai? tajurbat ki afadiyat pr israr kya. Us ka scienci rawaiya srasar gair sariyat pasandana tha. Is hawale se wo apne apne chand janashinon jese newton se zyada jadid zehan ka aadmi tha.

Ye amar qabile gor hai k galileo ek katar mazhabi aadmi tha. Apne muqadma or nazarya harkat ke bawajud us ne mazhab ya kalisa se inheraf nahi kya. Bas scienci amor ki tehqiq ko majroh karne ki kalisa ki masai ki mukhalifat ki. Bad ki naslon ne galileo ki ataqad parasti ke khilaf muzehmat ki bajae tehsin ki hai. us ne azadi fikar pr baikhteyar adaron ki dust darazi ko bhi najaiz  qarar dya. jadid scienci tariqa kar wzah karne me us ka kirdar be-inteha aham hai.
 
 
Shanimuzik