Home Biography<<  
Worldknowledge1
 
 
 
 
 
James Watt was a Scottish mechanical engineer and inventor whom improve the steam engine. He was born on 19 January 1736 and expired on 25 August 1819 at the age of 83. He developed the concept of S.I unit of power.In this page you will find and read James Watt biography in Urdu Hindi and Roman Urdu.
james watt birthdate, james watt birthplace, james watt biografi, james watt biografia.

James Watt

(james watt biography summary)

 

19 january 1736 Greenock Scotland

Died 25 august 1819(83 Years) England

Invention list

Watt Steam Engine
Photocopier

 

Scotland ke mojid jems watt ko amoman dakhani engine ka mojid qarar dya jata hai wo sanati inqalab ki ek aham shakhsiyt tha.

Darhaqiqat watt dakhaani engine banane wala pehla aadmi nahi tha. Aesi kalen awalin sadi esvi me sikandarya ke hero ne bhi banai thin. 1698 me thoms sevre ne ek dakhani engine ke jumla haqoq mehfoz karwae the jo pani ko khinchne ke lye istamal hota tha. 1712 me ek angrez thoms newkomen ne ek qadre behtar engine ejad kya. Lekin us engine ki istadad bhi aesi behtar na thi or ye koila ki kanon se pani khinchne ke lye istemal hota tha.

1764 me watt ki dakhni engine me dilchaspi paida hui. Jabke wo newkomen ka engine durst kar raha tha. Agarcha us ne awzar ke karigar ke tor pr bas ek hi baras ki tarbiyat hasil ki thi tahum us me ejad ka gair mamoli johar tha. Us ne newkomen ke engine me jo izafe kye wo is darja aham the k watt ko bilashuba awalin amli dakhni engine ka mojid qarar dya ja sakta hai.

Watt ka aesa pehle engine jis ke haqoq ki us ne 1769 me sand hasil ki woe k alehdah ala taksif ke izafe wali ek kul tha. Us ne ek dakhni belan ka bhi izafa kya. 1782 me us ne ek dohre amal wala engine tayar kya.

Chand chote izafon ke sath ye ejadat dakhni engine ki istadad me izafe pr mantaj huin. Amli tor pr istadad me is izafe se ab ek tez raftari magar kahin kam karamad kul or ek bepayan sanati afade ke hamil ale me imteyaz qaim hua tha.

1781 me watt ne engine ki do tarfa harkat ko ek dairvi harkat me tabdil karne ke lye dandane dar chakron wale purze ejad kye. Is ale se dakhni engine se lye jane wsle istamalat me bepanahizafa hua. 1788 me watt ne ek dafaul markaz nigran ala ejad kya. Jis ke zarye engine ki raftar khud kar andaz me kam ya tez ki ja sakti thi. 1790 me ek maqyasul dabao ejad kya. Phir ek miqdar numa bhap ke akhraj ka sorakh or digar mutadid izafe kye.

Watt ek ache karobari zehan ka aadmi tha isi lye 1775 me us ne metho boltan se sharakat dari ki jo ek engineer tha or karobari guno se behra war tha. Agle 25 barson me watt or boltan ke idare ne bari tadad me dakhni engine tayar kye. Dono sharakat dar amir ban gae.

Dakhni engine ki afadiyat me mubaliga karna dushwar hai. sach to ye hai k sanati inqalab me boht si ejadat ne aham kirdar ada kya. Kan kani me paish raft hui dhaton ko saf karne ki sanat me behtari paida hui or kai tarha ki sanati kulen tayar huin. Chand ek ejadat ne to watt ke kaam pr bhi foqiyat hasil ki. Lekin dosri ejadat ki aksaryat ne ne infradi tor pr mukhtasar paishe raft zahir ki or in me se koi ek infradi tor pr sanati inqalab me markazi hesiyat hasil na kar saki. Dakhni engine ka mamla yaksar mukhtalif raha jis ka kirdar intehai aham tha. Or jis ke bagair sanati inqalab bilkul mukhtalif hoti. Pin chakion or pani ke paiyon ka kirdar bhi kam aham nahi hai lekin taqat ka asal manba phir bhi insani aza hi rahe. Ye bat sanati istadad ko ek khas had se barhne na deti jabke dakhni engine ki ejad ke sath ye had bandi khatam ho gai. Ab paidawar ke lye bari miqdar me tawania dastiyab thi. Jo batadrij bebaha andaz me barhti gai. 1973 ki tel ki amad pr pabandi ne hamen ye ahsas dilaya k tawanai ki arzani kis tarha tamam sanati nizam ko hila kar rakh sakti hai bas yahi tajurba hamen sanati inqalab me watt ki ejadat ki afadiyat ko hum pr munkashaf karta hai.

Karkhanon me tawanai ke ek wasile ki hesiyat ke elawa bhapn ke engine ke digar kai istemalat hain. 1783 tak markeves di jafroe abins engine ko kashti chalane ke lye istamal kar chukka tha. 1804 me rachard trevethak ne pehla harkat karne wala engine tayar kya. In ibtadai namonon me se koi ek bhi tijarti tor pr karamad nahi tha. Tahum agli chand dahaiyon me hi dakhni engine ki kashti or train ne zamini or abi zrae amdoraft me inqalab barpa kar dya.

Tarikh me sanati inqalab ronuma hua to te wahi dor tha jab america or francici inqalab bhi zahor pazir hue.

Tahum us dor me bat itni wazah nahi thi jitni aaj hai k in aham siyasi inqalabat ki nasbat is sanati inqalab ne insanon ki zindagion pr kahin zyada ghehre asarat muratab kye. Bas isi nasbat se hum jems watt ko dunya ki intehai asar angez shakhsiyat kehtey hain.