Home Biography<<  
Worldknowledge1
 
 
 
 
 
 
Johann Sebastian Bach was born on 31 March 1685. He was a famous musician of his time who compose the music. He was died on 28 July 1750. Here can read about the Johann Sebastian Bach. In this page you will find and read johann sebastian bach biography summary..
johann sebastian bach life history, johann sebastian bach biography summary, johann sebastian bach biografia, johann sebastian bach birth and death, johann sebastian bach birthday, johann sebastian bach biodata.

Johann Sebastian Bach

(Biography)

 

Johann Sebastian Bach Songs

Air on A g String
Orchestral Suite
Toccata And Fugue in D Minor
Air On The G String
Cello Suite
Prelude Suite No 1
Christmas Oratorio
Ave Maria
Goldberg Variations

 

Azim mosicar Johann Sebastian Bach hi wo pehla shakhs tha jis ne magribi europe me mojuda mosici ke sabhi elaqai rang kamyabi ke sath baham madgam kar dye. So atalvi, francici or german mosici ki riwayat me se behtrin ko baham yakja kar ke us ne in sab ko ek dosre se bandh dya. Apni zindagi me wo zyada shohrat hasil nahi kar saka. Bach ko us ki mudat ke 50 baras bad tak nazar andaz kya jata raha. Guzishta 150 barson me us ko jaiz muqam or martaba mila. Aaj use tarikh ke 2 ya 3 azim mosicaron me se ek mana jata hai. balke logon ka ek gro to use dunya ka sab se bara mosicar manta hai.
1685 me Bach germany ke qasbe “Ansbach” me paida hua. Ye us ki khush Bachti thi k wo is mahol me paida hua jahan mosici ke johar ke qadardan mojud the. Mosici me maharat ki hosla afzai ki jati thi. Johann Sebastian Bach ki pedaish se boht pehle Bach khandan mosici ke medan me ek buland muqam hasil kar chuka tha.
Us ka bap umdah voiline nawaz tha us ke chacha honehar mosicar the. Jabke us ke mutadid am zad bhai mosici ke medan me bare marke mar chuke the.
Wo 9 baras ka tha jab us ki walida fot huin. Jabke 10 baras ki umar me wo yatim bhi ho gya. Nojawani me use lioni barg me saint michael's school ke lye wazifa mil gya. Ek to us ki umda awaz ki badolat or kuch is lye k tab inhen kisi ki zarorat thi. saint michael's se us ne 1702 me graduation ki. Agle hi baras use dawaton me mosici bajane wale sazandon me violine nawaz ki jaga mil gai. Agle 20 barson me us ne mutadid nokaryan badlin. Apni zindagi me Bach ki waja shohrat “argan” bajane me us ki maharat thi. Jabke us ki asal hesiyat ek ustad or mosicar ki thi. 1723 me wo 38 baras ka tha lepezg me sent aenthoni ke girja me use munajat gane wale taife ke nigran ki nokri mil gai. Ainda 27 baras wo isi ohde pr faiz raha, 1750 me wo fot hua.
Agarcha Bach mali tor pr kabhi wamanda khatir nahi hua or hamesha sahibe hesiyat raha. Lekin apni zindagi me wo kabhi itna marof nahi ho saka jitna mozarat or bethon the (ya jitna frans liszet ya frederk choin th). Na hi us ke tankhawah daron ne kabhi us ke asal johar ko pehchana. Lepezg me kalisa ki majlis ki khawahish thi k wo koi ala darja ke mosicar ko mulazim rakhe. Chunke wo in mosicaron ko mulazim na rakh sake jo un ke khayal me is ke ahal the. To majboran unhon ne ye ohda Bach ko pesh kya. (dosri taraf chand sal pehle jab us ne argan nawaz or muntazam natak ghar ki nokri se wemer ke diok ki adalat me istafa de kar nayi jaga taqrir ki sifarish ki to diok us ke sabkdosh hone pr is qadar nalan hua k use qed kar dya. Bach ne karib 3 hafte aqobat khana me guzara hata k diok ko us pr reham agya).
Bach ne 22 sal ki umar me apni am zad se shadi ki. Us se 8 bache hue jab wo 35 baras ka tha to us ki biwi fot ho gai. Agle baras us ne dosri shadi ki. Dosri biwi ne na sirf us ke sath bachon ki nighadasht ki balke use mazid 13 bacho ka bap banaya. In me se sirf 9 bache zinda rahe jin me se 4 apne dor ke bare mosicar bane. Ye ek honehar khandan tha.
Bach ek zarkhez zehan ka malik tha. Us ne 300 rag name (cantatas) likhe. Fugue or preludes ke 48 set tartib dye. Us ke digar kaam me 140 mazid preludes , 100 se zaid harpsichord pr banai gai dhunen 23 concertos, 4 overture, 33 sonatas, rasam eshae rabani ke 5 nagmat (masses), drama ke 3  geton ki dhunen or digar mutadid dhunen shamil hain. Majmoi tor pr Bach ne apne zindagi me 800 se zaid sanjida mosici ki dhunen tartib din.
Bach lother ke aqaid ka perokar tha or katar mazhabi tha. Wo apni mosici ke lye girja ki khidmat karna chahta tha jabke us ki dhunen aksar mazhabi thi. Us ne mosici ke naye zawiye khojne ki sai nahi ki. Balke is ki bajae maroj aqsam ko un ke kamal pr pohncha dya.
Us ki mot ke bad karib nasf sadi tak us ki mosici ko beshtar nazar andaz kya gya (ye amar qabile gor hai k us dor ke azim mosicaron jese baidan, mozart or bethon ne Bach ke fun ki madah ki thi). Mosici me naye tajurbat ho rahe the. Jabke Bach ki purani tarz ki mosici balae taq rakh di gai. 1800 ke bad Bach ki mosici me az sar no dilchaspi li gai. Is ke bad phir us ki shohrat or waqat me batadrij izafa hua. Aaj Bach boht maqbol hai jabke aaj us ke dor ki nasbat zyada azad fikar dor hai. ye bat albata ajib hai k ek mosicar jise 200 baras pehle apne andaz or mozo ke hawale se daqyanosi tasawer kya jata tha aaj dunya bhar me maqbol hai. is maqboliyat ki kya waja hai?
Pehli bat to ye hai Bach ko tamam aham mosicaron me funi tor pr sab se mazbot admi mana jata hai. wo apne dor ki mosici ke har rang se waqif tha or inhen maharat se istamal karne pr abor rakhta tha. Misal ke tor pr bad ka koi mosicar ragon ki “jor bandish” (counter point) me Bach ka ham sar na ho saka. Mazid ye k us ki dhunen sazina kari ki mantaq or hama giriyat mozoat ki dil nashini or motasir kun le ke sabab qabile tehsin thin.
Mosici ke sanjida talib ilmon ke lye digar mosicaron ki sehel alfeham dhunon ki nasbat Bach ki dhunon ki sakhat ki ghehrai or pechidgi zyada bais dilchaspi hai. jin logon ko mosici se wajibat si dilchaspi hai un ke lye Bach ek qadre dushwar pasand mosicar hai. tahum ye bat aham hai k us ke mutarfin ki tadad mehdud nahi hai. us ke records bethon ke elawa digar mumtaz mosicaron se zyada bikte hain. (majmoi tor pr un mosicaron ki nasbat jinhon ne kuch arsa ke lye har taraf dhom machai lekin waqt guzarne ke sath un ki shohrat pani ki jhag ki tarha beh gai. Bach or bethon ki maqboliyat dairpa hai).