Home Biography<<  
Worldknowledge1
 
 
 
 
 
Johannes Kepler was born on 27 December 1571 in Germany. He was mathematician and astrologer of his time. He was played an important role in scientific revolution, Johannes Kepler started his career as mathematics teacher, he was died on 15 November 1630. In this page you will find and read Johannes Kepler biography in hindi and roman urdu.
johannes kepler biography summary, johannes kepler biografia, johannes kepler inventions, johannes kepler discoveries, johannes kepler definition, johannes kepler contributions, johannes kepler birthday, johannes kepler biografi.

Johannes Kepler

(Johannes Kepler books)

Johannes Kepler Books List

RudolPhine Tables
Somnium
Harmonices Mundi
Mysterium Cosmographicum
Astronomia Nova
Selections From Keplers Astronomia Nova
Epitome Of Copernican Astronomy

 

Saiyaron ki gardish ke qawanin daryaft karne wala johan kepler germany ke ek qasbe “wel deristod” me 1571 me paida hua. Tab coper neks ki azim kitab “de rovolution orbum coelestium” ko shaa hue 28 baras hue the. Jis me coper neks ne apna nazarya bayan kya tha k saiyare zamin ki bajae suraj ke gird chakar katte hain. Kepler ne tobenjen university se 1588 me graduation ki. 3 sal bad yahin se master ki degree hasil ki. Us dor ke mutadiod scientists ne coper neks ke markaz alshamsi nazarya ko manne se inkar kar dya. Tobenjan university me kepler ne ye kitab parhi or jald hi wo is se mutafiq ho gya.
Tehsil ilm ke bad kepler kai sal “giraz” me ek acedmy me parta raha. Jabhi us ne ilm falkiyat pr 1596 me pehli kitab likhi. Agarcha is kitab me bayan kya gya  kepler ka nazarya bad azan yaksar galat sabit hua lein is kitab me kepler ke riyazati johar or khayal ki jidat ke aesa wazah izhar milta hai k azim mahir falkiyat “taiko badahi” ne use prag me apni mushahida gah me mawon ke tor pr kaam karne ki dawat di.
Kepler ne ye peshkash qabol ki or january 1600 me taiko se ja mila. Agle baras hi taiko fot ho gya. Lekin in mahinon me kepler ne wahan apna aesa mazbot tasir qaim kya k muqadas romi shehansha rodelf doim ne foran hi use taiko ke janshin ke tor pr shahi mathematician muqarar kar dya. Baqi tamam umar kepler ne usi ohde pr guzari.
Taiko brahi ke janshin ke tor pr kepler ko saiyaron se mutaliq un tamam mushahidati tafsilat ka zakhim record bhi virsa me mila jo taiko ne un tamam barson me tayar kya tha. Microscope ki ejad se maqabal dor me taiko hi sab se behtar mahir falkiyat tha lekin wo dunya ke mohtat tarin or durst mushahidon me se tha. So us ki malomat besh baha thin. Kepler ko yakin tha k taiko mushahidat ke ek mohtat riyaziyati tajzia se wo is qabil ho jae ga k hatmi tor pr jan ley saiyaron ki gardish ka kon sa nazarya durst hai. aya k coper neks ka shamsiul markaz nazarya durst hai ya batlimos ka qadim arzul markaz nazarya taiko ne hi koi tisra nazarya waza kya ho? Salha sal ke shumaryati hisab kitab ke bad kepler ko malom hua k taiko ke mushahidat un me se kisi nazarya ke muwafiq nahi the.
Akhir kar kepler ne asal masla ko jan lya. Taiko brahi or coper neks or tamam qadim mahir falkiyat ki tarha ye man lya jae k saiyaron ki madar dairvi hain. Ya dairon ka majmoa pr mushtamil hain. Haqiqatan saiyaron ke madar dairvi nahi hain balke bezvi hain.
Ye bunyadi masla hal karne ke bad ye sabit karne ke lye use mutadid mahinon pechida or saqil shumaryati hisab me uljhe rehna para k us ka nazarya taiko ke mushahidat ke muwafiq hai. us ki azim kitab “astronomia nova” 1609 me shaa hui. Jis me us ne saiyaron ki gardish se mutaliq awalin 2 qawanin pesh kye. Pehle qanon ke mutabiq ek muqam pr muqarar suraj ke gird saiyaron ki gardish bezvi madar me jari rehti hai. dosra qanon ye bayan karta hai k jab saiyare suraj ke karib ate hain to sariul raftar ho jate hain. Saiyaron ki harkat is andaz se badalti hai k wo khat jis me saiyara or suraj ikihate ho jate hain brabar zamani waqfon me brabar makani faslon ko abor kar jata hai. 10 baras bad us ne apna tisra qanon shaa kya. Saiyara suraj se jis qadar dori pr ho ga. Usi qadar sust raftar se wo harkat kare ga.
Kepler ke qawanin ne suraj ke gird saiyaron ki gardish ko sahi sahi or mukamal bayan kya or yun ilm falkiyat ke bunyadi masail me se ek ko hal kya. Aesa masla jis ne coper neks or glaleo jese fatin logon ko uljhae rakha. Tahum kepler ne ye wazahat nahi ki k saiyare un madaron me gardish q karte hain? Ye masla bad azan aizek newton ne hal kya jabke kepler ke qawanin ne newton ke azim tarkibi nizam me aham kirdar ada kya. “ ye jo main ne dosre afrad se age dekhlya hai” newton ne ek bar kaha” to is ki waja ye hai k main bare qad awar logon ke kandhon pr khara hon”. Bila shuba kepler inhi qad awar logon me se ek tha jin ka us ne hawala dya.
Ilm falkiyat me kepler ke izafon ka mawazna baja tor pr coper neks se kya ja sakta hai. balke ek aetabar se kepler ke nazaryat kahin zyada mosar hain. Us ki soch zyada thos hai. or jin riyaziyati masail ka use samna raha. Wo bepayan the riyaziyati munhajat jese aaj irtaqa yafta sorat me hain wese pehle nahi the. Na hi kepler ke shumaryati masail ko hal karne ke lye aaj ki tarha koi “calculator “ mojud tha.
Kepler ke nazaryat ki ahmiyat ke peshe nazar ye amar heran kun hai jk us ke marozat ko ibtadan nazar andaz kya gya. Hata k glageo jese azim zehan ne bhi inhen qabol na kya. (kepler ke mushahidat ki glageo ki taraf sr tardid bhi heran kun hai q k dono ahbab ki apas me khato kitabat hoti thi. Nez kepler ke mushahidat glageo ko batlimos ke nazarya ki tardid me saholat de sakte the) us ke nazaryat ki tab jaiz pazirai na hoti tahum wo un ki waqat se gair agah nahi tha so ek juaga us ne likha:
“main ne apna mamla khuda pr chora meri kitab likhi ja chuki hai ho sakta hai is ko mere ham asar parhen ya agli nasalen. Meri bala se jesa bhi ho ho sakta hai ise apne qari ke lye 100 baras intezar karna pare.
Ainda chand dehaiyon ke arsa me kepler ke qawanin ki waqat science ki dunya pr batadrij ayan hui. Is sadi me bad azan newton ke qawanin ke haq me bari dalil yahi thi k kepler ke qawanin un se mustanbat (deduce) kye ja sakte hain is ke bar-aks newton ke harkat ke qawanin ke elawa us ka kashish saqal ka nazarya kepler ke qawanin se akhaz kya ja sakta tha. Lekin aesa sabit karne ke lye in se zyada taraqi yafta riyaziyai tariqa hae kar ki zarorat thi jo tab mojud the. Hata k in munhajat (method) ke bagair bhi kepler ne apni farasat ki bunyad pr ye mafroza pesh kya k saiyaron ki gardish pr suraj se kharij hone wali qowaten asar andaz hoti hain.
Saiyaron ki gardish se mutaliq apne nazarya ke elawa ilm malkiyat me mutadid mamoli izafe kye. Us ne ilm basriyat me bhi aham kaam kya. Bad ke barson me bad qismati se wo zati masail me ulajh gya. Germany 0 sala jang ke azab se guzar raha tha. Jabke ye shakhs gair mamoli tha. Jo apne sangin masaib se ohda brah hua.  

Ek masla to us tankhawah ke hasol ke mutaliq tha. ache zamanon me bhi rom ke muqadas shehanshah tankhawahon ki adaigi me bakhil waqa hue the. Jang ke zamane me to use kabhi puri tankhawah na mil pai. Kepler ne do shadiyan ki thin or us ke 12 bache the. Ye mali wamandagi us ke lye aziyat da thi. Dosra us ki mah ke mutaliq tha jo 1620 me “jadu gari “ ke ilzam me giraftar hui. Use koi aziyat pohnche bagair qed se rehai dilane me kepler ko khasa waqt zayah karna para. 1630 me wo bawarya ke shehar reginz barg me fot hua. 30 sala jang me us ki qabar tabah ho gai. Lekin us ke saiyaron ki gardish ke mutaliq qawanin us ki kisi sangin yadgar se kahin zyada dairpa sabit hue.