Home Biography<<  
Worldknowledge1
 
 
 
 
 
Julius Caesar was born on July 100BC in Roman Republic, he was one of the famous writers of Latin prose, Julius Caesar was also a politician and played an important role to founded the Roman Empire. He was died when his aged was fifty five. In this page you will find and read Julius Caesar biography in urdu hindi and roman urdu.
julius caesar summary, julius caesar birth, julius caesar biography summary, julius caesar birth chart, julius caesar birthday, julius caesar life summary, julius caesar history.

Julius Caesar

(Biography)

 

Mashor romi askari or siyasi qaid julius caesar 100 qabal masih me paida huaor jo gair mamoli siyasi abtari ka dor tha.
Dosri sadi qabal masih me dosri chiong jang me karthej pr fatah hasil kar ke romiyon ne ek azim saltanat qaim ki. Is fatah ne romiyon ko be inteha amir kar dya. Tahum jangon ne rom ki samaji or mashi zindagi ko buri tarha shakta kar dya. Be shumar kisanon ko apni zaminon se be dakhal kar dya gya. Intadai tor pr romi majlis qanon saz ek chote shehar ke lye danao ki ek majlis thi wo saf or mosar andaz me ek azim saltanat ka intazam sanbhalne me nakam sabit hue. Siyasi unwani apni inteha ko pohnch chuki thi. Jabke behra rom ka tamam elaqa romiyon ki bad intezami ka shikar tha. Khud rom me bhi inteshar ka dor guzra jo 133 qabal masih me shuru hua. Siyasatdan, sipasalar or fitna angez khatib iqtadar ke lalach me baham dasto gar bayan the. Jabke hangami fojen (jese 87 qabal masih me mares or 82 qabal masih me rom me dandanati phirti thin).agarcha ban intezami ka masla sab pr ayan tha beshtar romi sheharyon ki khawahish thi k jamhori hakumat hi rahe. Julius caesar galiban awalin aham siyasi rehnuma hai jis ne wazah tor pr dekha k rom me jamhori hakumat ki ab waqat nahi rahi.
Khud julius caesar ka taluq romi rosa ke khandan se tha. Us ne ala talim hasil ki. Nojawani hi me wo siyasi zindagi me dakhil hua. In tamam ohdon jin pr us ne kaam kya or us ke matno ishtarakat or us ke siyasi uroj ka zikar tafsil se khali nahi hai. so yaham inhen bayan karne ki koi kawish nahi ki jae gi. Tahum 58 qabal masih me jab wo 42 baras ka tha use rom ke zere tasalt beron mulk 3 sobon ka governor muntakhab kya gya. Sesalpain gaol (shumali itley) alairekam (mojuda yogo salavia ke sahili elaqe) or narbonez gaol(france ki janubi bandargah). Us ki matehti me tab 4 daste the jo tarib 20,000 sipahiyon pr mushtamil hote.
51 se 58 qabal masih ke doran sessor apni in fojon ke sath gaol ka baqi hisa fatah karne me masrof raha. Is elaqe me mojuda france or baljam or is ke salqa holand, germany or soizerland ke chand hise shamil the. Halanke us ki foj tadad me boht kam thi lekin tamam “galik” qabail ko shikast dene or rahain darya tak tamam elaqa ko romi saltanat ka hisa banane me kamyab hua. Us ne ek foji meham bartanya ki taraf bhi rawana ki jahan use mustaqil noiyat ki fatohat hasil nahi huin.   
Gaol ki fatah ne sessor ko jo pehle hi rom ki ek marof siyasi shakhsiyat tha ek hero bana dya. Us ke siyasin harifon ki rae me kahin zyada taqatwar or maqbol. Jab us ki askari zimedariyan tamam huin to romi majlis qanon saz ne use ek shehri ki hesiyat se rom ane ki ijazat di. Yani apni foj ke bagair aae. Sessor ko khadsha mehsos hua jo shayad durst hi tha. K agar wo apne daston ke bagair rom ko wapas jata hai to us ke siyasi harif use tabah karne ke lye is moka ka istamal karen ge. 49 qabal masih 10 – 11 january ki rat ko romi majlis qanon ki wazah hukum adoli karte hue sessor apne daston ke sath dobekan darya se ho kar shumali itley tak aya or rom me dakhil ho gya. Is wazah gair qanoni iqdam ne khana jangi cher di jis me ek taraf sessor ki foj thi or dosri taraf majlis qanon saz se wafadar foj. Jang 4 sal jari rahi or sessor ki mukamal fatah pr muntaj hui. Akhir jang 45 qabal masih me 7 march ko spain me “manda” ke muqam pr lari gai.
Sessor is natija pr pohnch chuka tha k jis muntad or aslah yafta shakhsiyat ki rom ko zarorat hai wo khud is ke elawa kisi me nahi hai. wo 45 qabal masih me october me rom pohncha or wahan tahayat amar bana raha. 44 qabal masih february me us ko takhat nashini ki peshkash ki gai jise us ne rad kar dya. Tahum chunke wo ek foji amar tha. Us ka ye iqdam us ke jamhori harifon ki tasali na kar saka. 44 qabal masih me 15 march ko sazishon ke ek gro ne majlis qanon saz ke ajlas me sessor ko qatal kar dya.
Zindagi ke akhiri 5 barson me sessor ne ek zehnim aslahi mansube ka agaz kya. Us ne ye mansuba banaya k aham foji shakhsiyat or rom ke shehri gurba ko tamam saltanat me gorohon ki sorat me abad kya jae. Us ne rom ki shehriyat ke haqoq mutadid izafi afrad ke grohon tak phela dya. Us ne italvi shehron ke lye ek baldiyati hakumat ke mumasil nizam ka mansuba banaya. Us ne tamirati mansube bhi banae or romi zabta ko tartib war kya. Us ne kai digar aslahat bhi kin lekin wo rom ke lye ek hakumat ka qabile itminan aini nizam tashkil dene me kamyab nahi ho saka. Or galiban yahi us ke zawal ki bunyadi waja hai.
Manda me apni fatah ke waqya ke faqat ek sal bad rom me use qatal kar dya gya. So us ke mutadid mansube kabhi paya takmil ko nahi pohnch sake. Or ye kehna bhi dushwar hai k agar wo zinda rehta to us ka intezami tariqa kar kis qadar taraqi yafta or fal hota. Us ki tamam aslahat me se ek jis ne sab se dairpa asarat chore ek nayi taqwim (calendar0 ka ajra tha. Jo taqwim us ne mutaruf ki wo mamoli si taramim ke sath aaj bhi zere istamal hai.
Julius caesar tarikh ki nehayat sehar angez shakhsiyat me se ek tha or mutadid jawahir khudadad ka hamil tha. Wo ek kamyab siyasatdan, zerik sipasalar or ek shandar khatib or musanif tha. Us ki kitab (de bello galico) ko jo gaol ki jang ki tafsilat pr mabni hai clasici adab me shumar kya jata hai. mutadid talib ilmon ki rae me wo latini clasici adib ki sab se dilchasp or zyada parhi jane wali kitab hai. sessor ek nidar, joshila or khobsorat admi tha. Wo ek badnam “don hawan” tha jabke us dor ke mayarat ke mutabiq bhi wo ek ayash tabi insan tha. (us ka sab se marof mashqa qlopatra se chala).
Sessor ke kirdar pr bari tanqid bhi hui. Wo iqtadar ka mutmani tha. Us ne apne siyasi ikhtayarat ko dolat sametne ke lye istamal kya. Tahum beshtar purjosh siyasatdanon ke baraks wo amomi tor pr na gumrah kun tha or na fareb. “gaolon” ke sath jang ke doran us ne berehmi or safaki ka muzahira kya. Dosri taraf wo apne romi harifon ke mamle me bara ali zarf bhi tha.
Ye us ki azmat hi ka aetaraf hai k german shahi khatab “qesar” or romi shahi khatab “zar” ek hi lafz “sessor” se akhaz kye gae.wo apne par pote ogistas sessor se jo saltanat roma ka haqiqi bani tha kahuin zyada maqbol tha. Tahum us ki maqboliyat or tarikh pr us ke asarat me koi barabri nahi hai. ye sach hai k us ne romi jamhoria ke inhetat me ek aham kirdar ada kya. Lekin is hawale se us ki ahmiyat me mubaliga nahi karna chahye q k rom me jamhori hakumat yun bhi amada ba zawal thi.
Sessor ka sab se aham karnama us ki gaol ki fatah thi. Jo elaqe us ne fatah kye karib 5 sadiyon tak romi qalmro me shamil rahe. Is doran me wo kali tor pr romi tehzib me dhal gae romi qawanin, rasmo riwaj or zaban ko ikteyar kya gya or bad azan romi esaiyat ko bhi. Mojud francici zaban ek had tak is dor ki roz marah ki latini zaban se akhaz ki gai hai.
Gaol ki fatah ne bhi rom pr aham asarat qaim kye or sadiyon tak ye elaqe itley ko shumali simt se yalgar ke difa ka tahafuz dete rahe. Beshak kul saltanat roma ke difa me gaol ki fatah ka kirdar boht zyada raha.

Agar sessor na hota to kya romi jald ya badair gaol ko fatah kar lete? Inhen galik qabail pr tekniki ya foji mukhalif ke aetabar se koi bartari hasil nahi thi. Dosri taraf sesssor ke gaol ko fatah karne se pehle rom boht tezi se phel raha tha. Us dor ki romi fojon ki ala askari istadad kar rom or gaol ki qurbat or galik qabail ke bahami adam itehad ke peshe nazar yahi zahir hota hai k gaol zyada dair romiyon ki giraft se bache rehte kisi bhi sorat me ye amar gair mutanaza fia hai k sessor hi wo sipasalar tha jis ne bari “kalatk “ fojon ko shikast de kar gaol ko fatah kya.