Home Biography<<  
Worldknowledge1
 
 
 
 
 

Liaquat Ali Khan in Urdu

(liaquat ali khan in hindi)

liaquat ali khan history, liaquat ali khan achievements, liaquat ali khan essay in urdu, liaquat ali khan in urdu, liaquat ali khan bio data, birthday of liaquat ali khan, liaquat ali khan speech in urdu, liaquat ali khan history urdu.

Nawab Liaquat Ali khan was born in 1 Oct 1895. his father name is Nawab Rustam Ali khan, Liaquat Ali khan was belong a land lord, and his mother name was Mehmuda begum, she was the resedent of rajpur. khurshid ali khan was his elder brother who was attempt succide due to some reasons. liaquat ali khan was the cool minded person. if we see in his family back ground so we can know that his family relatated from shirwani aadil shah irani families. Liaquat ali khan mother want to his marrage with her nice, thats way when he received education in 10th class when he married with jhangira begum in 1914 and Vilayat ali khan was born in 1919, vilayat ali khan was the son of liaquat ali khan, after few year liaquat ali khan got second marrage with rana begum, and she born two sons who's name was akbar ali and ashraf ali.liaquat ali khan was the religious person and spent his life according to Islam. he always tried to follew those rule and regulation which is come behalf of Peace Be Upon Him.he performed namaz in his chilhood and took fast in the summer season when he was took fast in first time she was just 4 year old and also charity to the needy people and also helped to friends and other. Liaquat Ali khan received his degree from Aligarh university, he respect very much of sir Syed Ahmed khan who was the founder of Aligarh university and also famous philosopher who think about the Muslim of south Asia. He became the first prime minister of Pakistan. In this page you will find and read liaquat ali khan history in urdu.

liaquat ali khan in urdu

Sawaneh Hayat Pedaish Or Mukhtasar Khandani Halat

Qaid-e-azam ka haqiqi janshin or milate Pakistan ka darakhshanda sitara liaquat ali Khan 1st October 1895 ko sar zamin karnal pr wajud me aya. Qaide milat apne walid buzurgawar rukun aldola shamsher jang nawab rustam ali khan ke dosre sahabzade the. Un ke bare bhai khurshid ali khan ne chand nagehani jhagron se tang akar apne aap ko khud apni raifal ki goliyon ka nishana bana lya tha. Nawab rustam ali khan ek ba waqar or ba ezat khandan kr fard the jin ka silsila hasbo nasb no shirwan aadil shah irani se milta hai. wo intehai munskral mijaz, ali hosla or dor andesh the. Liaquat aliki walida mohtarma mehmuda begam jo baqide hayat hain Saharan pur ke ek qasba rajpur ki rehne wali hain. Un ke walid buzurgawar nadir ali khan qarbo jawar ki mashor tarin hastiyon me se the or jin ka khandan musalman rajpoton k eek mumtaz khandan me se hai. is tarha liaqat ali marhom ke khandani aqar dadhyal or nanhyal dono taraf se virse me mila tha.

Qaid milat ki walida majida ko apne chahite farzand ki shadi ka bara arman tha jesa k amoman har maa ko hota hai. chunancha 1914 me jab liaqat ali 10th class me talim pa rahe the to un ki shadi un ki chacheri behan jahangira begam se kar di gai or 1919 me us ke batan se vilayat ali khan paida hue. Kuch arsa bar marhom ne dosri shadi rana begam se ki or masha allah un se bhi 2 honehar bache akbar ali or ashraf ali mojud hain.

Shaheed Milat Ka Bachapan

Marhom bachpan se hi kam sukhun, bazla sanj, reham dil or khush ikhlaq the. Mazhab ki chaon hi me unhen shuru se sakon or aram milta tha. Namaz intehai khazo or khasho or zoq or shoq se parhte the. Namaz ke bad ramzan sharif ki azmat, mafhom or faraiz se jab pehli bar waqif hue to januni kefiyat tari ho gai or jis waqt pehla roza rakha to un ki umar sirf 4 sal kit hi. May or june ke tarpane wale dino me jabke bare baron ke chake chok jate hain ye bacha ramzanul Mubarak ki aao bhagat karta or sawab ki roshni se apna dil munawar karta. Yahi nahi balke apne jeb kharach me se aksar garibon or miskinon ko de kar un ki duaon se ek khas lazat mehsos karta. Apne bannhe or kamsin sathiyon ko namaz, roza or kherat ki ahmiyat aksar or beshtar batlaya karta. In baton se andaza hota hai k bachpane hi me liaquat alimarhom ko islami asolon se kis qadar dilchaspi thi.  Shahide azam Husain ibne ali se bhi unhen khas lagao tha. Ek bar ayam muharam me jab logon ko sarkon pr matam karte dekhta to khud bhi ghar a kar ek tajia banaya. Zahin to the hi. Nohe or marsiye bhi yad kar lye. Chunancha ari dhom dham or shan or shokat se apne sathiyon ke hamrah nohe or marsiye parhte hue jalos nikala. Ye isi shahide azam ki mihabbat thi jis ne unhen shahadat ke itne bare martabe pr faiz kya. Bachpan hi se marhom ka amal un ke pur azmat mustaqbil pr dalalat larta tha. Chunancha kisi bat pr gusa ko dakhal na dena, har shakhs se yahan tak k mulazimin se bhi munsifana salok karna hamsar larkon me beth kar apne wazir or security muntakhab karna faryadiyon ki faryad ko pohnchna or apni kamsuni ki bawajud thos or madlal feslon se har dil ko qabo me kar lena har shakhs ka kaam nahi hota. Ye khuda ki din hai k us ne liaqat ali marhom ko mumlikat Pakistan ki azim tarin hasti banne ke lye shuru se aesa dil or dimag ata kya.

Mehbob Mashagil

Har shakhs apni zindagi me aese lamhat zaror nikal leta hai jin me us ke mashagil pure hon. Chunancha liaquat alibhi apne pasandida mashagil ke sath hamen nazar ate hain. Unhen bachpan hi se kushti larne or warjish karne ka shoq tha. Apne bhaiyon se zor azmai kya karte. England jane se qabal tak wo is shoq ko brabar pura karte rahe. Khelon me yun to taqriban har khel se dilchaspi thi lekin un ka margob tarin khel cricket tha or is khel me unhon ne itna nam hasil kya k ali garh jesi mashor university ki cricket team ke captain muqarar hue. Mutadid matchkhel kar apni khel kod ki salahiyat ko bhi ujagar kya or kafi shohrat hasil ki. Mosiqi ka shoq liaquat aliko apne padar bugurgawar nawab rustam ali khan se virsa me mila tha. Nawab rustam ali khan apne waqt ke behtrin mahrin fun me shumar kye jate the. Marhom liaqat ali bhi bachpane hi se rag ragniyon ke dildada the. Phir qudrat ne awaz me bhi loch or kashish de kar sone pr suhage ka kaam kya. Chunancha allah rakha name ek mirasi un ka ustad tha jo baqaidgi se unhen talim deta or jo ab bhi mahom ke bare sahab zade viladat ali khan ke sath hai.allah rakha se unhon ne pake rag, harmonium or bansuri me kafi maharat hasil kar lit hi. Is ke elawa him chand name ek bangali doctor ne piano se bhi dilchaspi paida kar di thi or is ka bajana bhi sikha dya.

Talim (Education)

Nawaben ke khandan aksar talimi dolat se mehrom rehte hain. In ke mashgale or in ki dilchaspiyan rahe talim ke rorhe bante hain lekin marhom liaquat alime zehanat or jazba talim bachpane se hi kot kot kar bhara hua tha. Amoman dekha gya hai k bache parhne se behad ghabrate hain or un ke walidain hi unhen is raste pr lagate hain lekin yahan bat hi ulti nazar ati hai. bacha khud walidain se talim hasil karne ki zid karta hai. chunancha ghar pr ibtadai talim khatam karne ke bad apni zid ke bais 1910 me liaqat aligarh chale gae. Jahan wo 1918 tak imteyaz shank e sath imtehanat me kamyabi hasil karte rahe. Hum jamaton pr un ki qabiliyat ka sika jama hua tha or un ke ustad bhi un ki zahanat ke qail the.

Aligarh se BA ki sanad lene ke bad kuch arse alabad me talim hasil karte rahe lekin ala talim hasil karne ki dhun unhen bachpane hi se tha. Is lye 1919 me englistan rawana ho gae or 2 sal ki janfshani ke bad MA ki degree hasil ki. Is ke bad talim ka ye shedai berestry ki taraf ruju hua or 1922 me berestry ki sanad le kar liaqat ali marhom ne Hindustan ka rukh kya.

Siyasi Zindagi Qabile Pakistan

Liaqat ali ko kamsini ke alam hi se siyasiyat se kafi dilchaspi thi. Doran talim school or collage ke intekhabat me brabar hisa lete rahe or mukhtalif shobon ki anjumnon ke sadar or secretary muntakhab hote rehte.school or collage ki siyasat ki ahmiyat se kisi ko inkar nahi ho sakta chunancha yahin se liaquat alime siyasi shaor ki dag bel pari. Muqami anjumanon ki mali or amli imdad bhi karte rehte jis ki waja se har dil aziz hote gae or intekhabat me kamyabi ka sehra hamesha unhen ke sar rehta. school or collage ki fiza pr cha jane ke bad jab qaid milat englistan gae to wahan bhi unhon ne apni siyasi dilchaspiyon ko barqarar rakha. Chunancha un ki siyasi salahiyat ko parakhne ke bad unhen majlise Hindustan ka khazanchi muqarar kar dya gya or jis ko wo kamyabi se nibhate rehte.
Englistan me berestry ki degree hasil karne ke bad jab marhom ne Hindustan me akar UP me sakonat ikhteyar ki to bajae kisi adalat me wakalat karne ke qom ki wakalat or khidmat karne ka bera utha lya or apni tamam salahiyaton ko azadi hind ke lye waqf kar dya. 1923 me unhon ne muslim league ko apna medane amal banaya or phir 1926 me UP assembly ke intekhabat me hisa lya. Yahan bhi unhon ne apni purani riwayat ko bar qarar rakha or assembly me democratic party ke leader muntakhab ho gae.
Isi tarha liaquat ali14 sal tak bahesiyat rukun UP assembly or 6 sal tak bahesiyat naib sadar assembly apni zahanat ka sabot dete rahe or jab qaid-e-azam ki dorbin nazron ne un ki belag khidmat ka andaza kar lya to 1937 me unhen kul hind muslim league ka ejazi secretary muntakhab kya.

Liaquat aliki aham siyasi zindagi ka agaz bhi yahin se hota hai. isi zamane me gair aqwam apni siyasat se musalmanon ko tabahi or barbadi ke raste pr lagana chahti thin. Musaklmanon ka shiraza bikhra hua tha. Aksar aastin ke sanp bhi dasne ko tayar the. Musalmanon ki siyasi zindagi ek nazuk tarin dor se guzar rahi thi. Mazi or hal mustaqbil ki tariki pr dalalat karta tha. Manzil ka koson dor pata na tha. Angrez apna bister gol kar rahe the in ka iqtadar siskiyan le raha tha. Ram raj ka selab tezi se barh raha tha. Aztarab or parishani ka dor dora tha k yaka yak qaid-e-azam ki awaz fiza me gonji. Awaz ki garj, zor or asar se fiza kanp uthi. Logon ne apne ka nisi taraf laga dye or jab is awaz me “naye watan” ka naya or dilkash rag mehsos kya to un ko umid ki halki kiran dikhai dene lagi. Khan liaquat aline barh kar is rag ko apnaya or ise logon ke dil or dimag me utarna shuru kya. Suba dar suba, shehar dar shehar or kucha dar kucha qaid-e-azam ka pegam pohnchaya. Parishan or heran logon ko muslim league ke jhande tale mutehad ho kar apni qismat aap banane ki dawat di. Kul hind congress ka talsum tot gya or log joq dar joq islami parcham ke saya me jama hona shuru ho gae.

Shahadat

Memar Pakistan, milat ka saya, croron insanon ke dil, awal wazire azam Pakistan khan liaquat ali16 october 1951 ki manhos sham ko Pakistan or qom ki khidmat karte hue shahed ho gae. Yaqin mehkam or tanzim ka rehbar supurd khak ho gya. Milate Pakistan yatim ho gai or aman pasand insaniyat sogwar ban gai.

16 october 1951 ko subha 3 baje qaide milat khilafe mamol uthe apne ghar ke tamam kamron ka jaiza lete phire. Phir Rawalpindi jane ki tayariyon me masrof ho gae. Isi asna me un ke chahite farzand ashraf ki ankh khul gai or us ke israr ke bawajud aap apne safar se baz na aae. Bête ko tasali or tashfi de kar subha 5 baje mari pure ke hawai ade pr pohnch gae. Ek bar phir khilafe adat sab ko khuda hafiz kaha. Mamol or adat ke khilaf marhom ne jo baten kin un se aesa zahir hota k farishta ajal ne unhen apni amad ka pegam de dya tha. Garz qaide milat 11 baj kar 40 mint pr Rawalpindi pohnch gae or 3:45 baje company bag me apni zindagi ki aham taqrir karne pohnche. Moncipal board ka adres pesh hua. Phir sadar muslim league Rawalpindi ne mukhtasar si taqrir ke bad qaide milat se taqrir karne ki darkhawast ki. Marhom apni puri mutanat or sanjidgi ke sath uth khare hue. Fiza “Pakistan zinda bad” or “liaquat alizinda bad” ken are se gonj uthi. Ek mukhtasar se sakot ke bad qaide milat ne mukhatib karne ke lye sirf “baradarane milat” hi kaha tha k yake bad digar 2 goliyon ne unhen zamin pr gira dya. Pehli goli dil ke koi ek inch qarib or dosri goli tilli me piosat ho gai. Aap ke political secretary nawab sidique ali khan ne sanbhalne ki koshish ki. Majma pr ek hejani kefiyat tari ho gai. Qatil liaqat samar sani yazid ki olad sayed akbar ko sedaiyane liaqat ne foran hi wasil jahanum kar dya or jisim ke tukre tukre kr dale. Qatil afganistan ka bashinda tha or 8 sal se aebtabad hi me muqim tha. Liaquat aliakhir waqt bhi khuda or Pakistan ki yad se gafil nahi rahe. Naza kea lam me bhi un ki zaban pr Pakistan ka nam tha. Aese waqton pr log apni aziz tarin chezon ko yad karte hain. Qaide milat ki aziz tarin chezen hi bas yahi thin. Chunancha unhon ne pehle ahista ahista kalma parha. Phir hanif awaz sunai di. “goli lag gai” is ke bad phir kalma parha or akhir me jo awaz sunai di wo ye thi “khuda Pakistan ki hifazat kare”.

Aik yad Gar Taqreer

Qudrat ne liaquat Ali Khan ko jo qabil-e-Rushk salahiyatain ataa ki thein inhi mein se aik andaazey taqreer bhi hai. Aur bela shuba Quaid-e-azam ke bad un se behtar muqarar sar zameen Asia mein nahi dikhai deta. shahanshah iran ne bhi un ki taqreer sun kar kaha tha. Mere aziz anerbel wazir e azam aap ne mujhe bohut mutasir kiya. Ye unki kowat goi ka hi asar tha ke wo itne har dil aziz thay. Taqreer se zahanat wa liaqat ka andaza hota aur aisa mehsos hota goya mu se phool jhar rahey hain. Taqaron mein tanz aur zarafat aik khass andaz aur lutaf paida karti jiss ki waja se in ka maqsad ba-asani hal ho jata . inn ki awaz ke zeer o baam ke sath sath awaam ke diloon mein bhi wahi kaifiyat ho jati hai. Agar marhoom ke ilfaz par josh nikalte to awaam ke bhi josh walwala ke samandar mein aik aisa toofan nanazr ata ke log saron se kafan lapetay dikhai dete. Difaa Pakistan ke khooni halaf namay tehreer kar diye jate. Chunancha marhoom ki 29 July 1951 wali Rawalpindi ki taqreer ka youn jawab milta hai ke hum apni khidmaat Pakistan ke hawale karte hain. Aur iss baat ka halaf utha te hain ke Dushman ki har jarihana karwaai ka mu tor jawab dene ke liye bilawaza har maahaz par larain gay.

            Baharhaal Quaid e millat ki hazaron taqreerain hain jo tawaju ki mustahiq hain. Unn ki aik yadgar taqreer paish ki jati hai jo unhon ne 15th August 1951 ko Jahangir park mein youm-e-istaqbaal Pakistan ke jalsa mein ki thi.. Aur jis ki dil hila dene wali garajti hoi awaaz ab bhi kaano mein aati hai ke “Pakistan ki baqaa ke liye agar qoom ko khoon bahana para to iss mein liaquat ka khoon bhi shamil hoga.