Home Biography<<  
Worldknowledge1
 
 
 
 
 
Ludwig van Beethoven a famous German composer and pianist who was born on 17 December 1770 in Bann, his father name is Johann van Beethoven. Ludwig van Beethoven was one of a great musician of his time, he played the musical instrument from the early age, all the fans of Ludwig van Beethoven who inspire from his music and want to know about him, they can check this page. In this page you will find and read ludwig van beethoven biografia in urdu hindi and Roman Urdu.
ludwig van beethoven music, ludwig van beethoven biography summary, ludwig van beethoven life summary, ludwig van beethoven life story, ludwig van beethoven biografia, ludwig van beethoven birthday.

Ludwig Van Beethoven

(Ludwig Van Beethoven Biography)

 

Birth Date : 17th December 1770

Death Date : 26th March 1827

Ludwing Beethoven Occupation

  • Violist
  • Composer
  • Lyricst
  • Songwriter
  • Pianist

Dunya ka azim tarin mosicar ludwig van beethoven 1770 me germany ke shehar bon me paida hua. Ibtadai umar me hi us ne apne johar ka loha manwaya. Us ki ibtadai dhunen 1783 me chapin. Nojawani me wo wayana gya jahan wo mozart se mutarif hua. Tahum ye mulaqat boht mukhtasar thi. 1792 me wo dobara wayana gya or kuch mudat ke lye hiden se hasol ilm kya jo tab wayana ka numayan mosicar tha. (mozart ek sal qabal hi fot ho gya tha). Beethoven tamam umar wayana me hi muqim raha. Jo tab dunya me mosici ka ghehwara tha.

Piano bajane me us ki maharat ne sabhi ko herat zada kya.wo bator ustad or fankar nehayat kamyab raha. Wo jald hi mahir mosicar bhi ho gya. Us ki dhunon ki khob pazirai hui. Umar ki 20th dehai me us ne ba asani inhen publisher ko bech dya.
Umar ki 20th dehai ke awakhir me hi us me behre pan ki alamat zahir hona shuru ho gai thin. Nojawan mosicar is badshagofi pr nehayat parishan khatir hua. Ek bar us ne khud kashi ki bhi koshish ki.
1802 se 1815 ke darmiyani barson ko beethoven ki fan karana zindagi ka wasti dorania tasawer kya jata hai. is wwaqfa me us ke behre pan me istabdad aya or wo logon se alag thalag rehne laga. Us ke barte behre pan se logon ne gairb zarori tor pr ye tasir qaim kya k wo mardam bezar ho gya tha. Us ke mutadid orton se mashqe the. Tamam ka ikhtatam nakhushgawar hua. Us ne mujrid zindagi guzari.
Beethoven ka fan bad sator oj kamal pr faiz raha. Waqt guzarne ke sath us kii tawaja is dor ke samain ki dilchaspi ki mosici ki taraf kam hoti gai. Tahum wo phir bhi maqbol or marof raha.
Umar ki 4th dehai ke awakhir me beethoven mukamal behra ho gya. Natijatan us ne apne fan ke awami muzahire yaksar tark kar dye or mukamal khalot gazin ho gya. Us ki dhunen kam thin or unhen samjhna dushwar tha. Ab wo bunyadi tor pr apne lye or mustaqbil ke misali samain ke lye dhunen tartib dene laga. Us pr ye dawa karne ka ilzam dhara jata hai k us ne ek naqad se kaha “ye dhunen aap ke lye nahi hain balke aan wale dor ke lye hain”.
Ye qismat ka intehai behmana sitam tha k ye beinteha qabil mosicar behre pan ki bimari ka shikar hua. Beethoven ne irade ki mafoqul insani kawish se apne behre pan ke bawajud apni dhunon ke mayar ko bar qarar rakha. Ye bat mujazati or gair mamoli malom hoti hai. lekin sachai kisi afsane se zyada ajib hai. darhaqiqat mukamal behre pan ke barson me beethoven ne apni sabqa dhonon se kahin zyada mayari dhunen tartib den. Umar ke akhri barson me us ne jo dhunen banai wo is azim tarin she paron me shumar hoti hain. Wo 57 baras ki umar me 1827 me wayana me fot hua.
Beethoven ke jumla fun paron me 9 samfniyan, 32 piano. Sonatas, 5 piano pr maza meri nagmen (conccrto) piano or voilin ki sanget me 10 sonatas, tar ke sazon pr baje shandar choragon (quartets) ka majmoa, nataq mosici, theter ki mosici or boht kuch shamil hai. tadad se kahin zyada aham in fun paron ka mayar hai. us ki dhunon me jazbat ki shidat or fun ki pukhtagi ka garan qadar imtazaj mojud hai. beethoven ne sabit kya k alati mosici ko kisi aetabar se bhi fun ki ek sanwi hesiayt nahi di ja sakti hai. us ki apni dhunon ne is no ki mosici ko bam kamal pr pohncha dya.
Beethoven ala darja ka mosicar tha. Us ki mutarif karda tabdilian lazawal asarat ki hamil thin. Us ne sazande ka volume barhaya. Us ne samfni ki tawalat barhai or us ke daira kar ko phelaya. Piano ki beshumar imkanat ko zahir kar ke us ki sif awal ke sazon me shumar kya. Beethoven ne clasici mosici se romani ahsas ki mosici me kamal paida kya.

Beethoven ke asarat bad ke mutadid mosicaronn pr boht numayan hain. Un me mukhtalif alno andaz wale log shamil hain, jese berhamz, wegner, shobert or takiko fasti. Us ne berelez, gastaf mahlar, rachand stras or mutadid digar mosicaron ko bhi ek umdah riwayat virasatan muntaqil ki.