Martin Luther History in Urdu

(martin luther life history in hindi)

 
Home Biography<<
 

martin luther king for kids, martin luther king life, martin luther king biografia, martin luther king birthday, martin luther king history essay.

Martin Luther was born in 10 November 1483, In 1501 when he was 19 year old, he admitted in a university which name is “ University of Erfurt”, and finally got his master degree in the year 1505. he is a German professor, from this page you can get more interesting information about martin Luther, and increase your knowledge very well. In this page you will find and read biography of Martin Luther in Urdu Hindi and Roman urdu.

Date Of birth: 10th November 1483

Date Of Death: 18th February 1546

Martin luther hi wo shakhs tha jis ne roman ketholuk kalisa ke khilaf khulam khula sarkashi kar ke protestant aslahat ki bunyad rakhi. Wo german ke qasbe aesliban me 1483 me paida hua. Us ne ala madarsati talim hasil ki kuch waqt ke lye (qadratan apne walid ke israr pr ) qanon ke asbaq bhi parhe. Tahum wo qanon ki talim adhori chor kar ogastenan rahib ban gya. 1512 me us ne watan barg university se alhayat me doctor ki degree hasil ki. Or jald hi isi me parhane bhi laga.

Kalisa ke khilaf luther ki mukhalifat batadrij zahir hui. 1510 me rome gyajahan wo romi ahal kalisa ki zar parasti or dunyadari ko dekh kar shashdar reh gya. Tahum wo sangin waqya jis ne us ke ahtajaj ko yakbargi shadid kar dya wo kalisa ki taraf se mafi namo ki frokht thi (har mafi nama darhaqiqat kalisa ki taraf se logon ko un ke gunahon ki saza se makat qarar dene ki kalisai sanad hata. Us me muqam saza me gunah gar ke lye muqarar waqt me bhi takhfif ki reayat shamil hoti thi). 31 october 1517 me luther ne watan barg ke girja ke darwaze pr apna 95 nuqat pr mushtamil mazmon tang dya. Is me us ne kalisa ki zarparasti or bilkhasos us ki mafi namo ki frokht ko shidat se mustard kya us ne apni arzdasht ki ek naqal manis je asqaf azam ko bhi rawana ki. Mazid baran us ne ise taba karwaya or us ki naqol irdgir tamam elaqon me taqsim kar den.

Kalisa ke khilaf luther ke tezise barhe. Jald hi us ne pop ke ikhtayarat ko rad kar dya or amomi kalisa anjumanon ko bhi or ye moqif ikhtayar kya k us ki rehnuma faqat injel Mubarak or sada aqal hai. is me tajub ki bat nahi thi k kalisa in afkar ko khatar me nahi laya. Luther ko kalisa ke ohdedar afsaron ke samne hazri dene ka hokum hua. Mutadid samaton or galti taslim kar lene ki kai hidayat ke bad use 1521 me kalisa ki anjuman ne badati qarar dya or us ki tehriron pr sakht mumneat aid kar di.

Us ka mutawaqa natija to yahi tha k luther ko khonte se bandh kar jala dya jae. Lekin us ke khayalat german logon me khase phel chuke the or digar mutadid afrad ke sath wo chand mosar german shehzadon ki himayat bhi hasil kar chukka tha. Luther ko karib ek sal ke dorania ke lye roposh hona para. Tahum germani me use is qadar himayat hisil ho chuki thi k wo sangin noiyat ke nataij se mehfoz raha.

Luther ek zarkhez zehan ka musanif tha. Us ki beshtar tehriren nehayat mosar sabit huin. Us ka ek intehai aham karnama injil ka german zuban me tarjuma tha us se kam az kam har khwanda shakhs ke lye ye mumkin hua k wo khud is muqadas sahifa ka mutala kar sakta tha or is muqsad ke lye use kalisa ya padiryon pr takya karne ki zarorat nahi thi (luther ki shandar nasar ne german zuban or adab pr ghehre asarat muratab kye).

Luther ki alhayati fikar ko is mukhtasar jaga pr ajmalan bayan karna dushwar hai. us ka ek bunyadi nazarya jawaz bar aqida ka asol tha. Ye asol sent paul ki tehriron se makhoz tha. Luther ka aqida tha k fitrati tor pr insane gunah se is darja aluda tha k mehaz nek afal hi use is fazihat se makt kar den eke lye kafi nahi hai. nijat sirf aqide ke wasile se hi mumkin hai or sirf khuda ki rehmat se. Ab wazah tha k kalisa ke mafi namon ki farokht ka watira gair munasib or gair mosar tha. Bilashuba ye riwaiti nuqta nazar k gija insan or khuda ke bich ek zarori salas mojuda hai darasal mabni bar galati tha. Agar luther ke aqaid ki pervi ki jati to romi ketholuk kalisa ka tamam nazaryati nizam yak qalam mustard ho jata.

Kalisa ki bunyadi kirdar pr aetraz karne ke elawa luther ne kalisa ki makhsos matno aqaid or ebadat ke khilaf bhi sadae ahtajaj buland ki. Missal ke tor pr us ne “ muqam saza” ke wajud se inkar kya us ne is riwayat ko bhi jhutlaya k ahal kalisa ke lye mujrid rehna zarori hai. khud us ne 1525 me ek sabqa rahiba se shadi ki. Us ke ek sath 6 bache hue. 1546 me wo fot hua us waqt wo apne abai qasbe aesliban me mojud tha.      

Martan luther awalim protestant mufakir nahi tha. Us se karib 100 sal pehle bohemya me jan hets or 14th sadi esvi me angrez alim jan waikalf ne aese hi khyaaalat ka parchar kyat ha. Jabke 12th sadi ke francici peter waldo ko ibtadai protestant mufakir me shumar kya ja sakta hai tahum in tamam ibtadai tehrikon ke asarat bunyadi tor pr muqami noiyat ke the. 1517 tak ketholuk kalisa pr adam aetamad is qadis se ye wazah hota hai k ar barh gai k luther ki tehriron ne shatabi se ahtajaj ka ek silsila jari kya jo europe ke ek bare hise me phel gya. So luther ko durst hi in aslahat ke agaz ka asal zimedar qarar dya jata hai.

In aslahat ka sab se ben natija mutadid protestant masalik ki tashkil ki sorat me zahir hua. Jabke khud protestant mat esaiyat ki ek shakh hai. agarcha is ke perokar boht zyada nahi hain phir bhi is ke mutaqadin budh mat ya digar mazahib ke mane walon se kahin zyada hain.

Aslahat ka dosra aham natija europe bhar me is se zahir hone wala mazhabi khana jangi ka phelao bhi tha. Un me se chand mazhabi jangen (missal ke tor pr germany ki 30 sala jang jo 1618 se 1648 tak jari rahi ) gair mamoli tor pr khonen thin. In jangon ke sath sath ketholuk or protestant firqon me siyasi tanazat bhi ubhare jinhon ne agli kai sadion tak europi siyasat me ek aham kirdar ada kya.

Aslahat ne magribi europe ki zehni taraqi me bhi ek pechida magar aham kirdar ada kya.  1517 se pehle sirf ek mustanad girja yani romi ketholuk kalisa mojud tha. Jabke us ke mukhalifin ko badati qarar dya jata tha. Is tarha ki sorate hal azadana fikar ke lye to yaksar gair mozon thi. Aslahat ke amal ke bad mutadid mumalik ne mazhabi fikar ki azadi ke asol ko aam kya. To digar mozoat pr mafroze qaim karna tab mumkin ho gya.
 
Luther khamion se manza nahi tha. Agarcha wo khud mazhabi adare ke jabar ke khilaf tha. Lekin wo khud in logon ke sakht khilaf tha jo mazhabi amor or us se mutafiq nahi the. Shayad ye luther ki adam bardasht hi ke bais hua k ye mazhabi jangen kisi dosre mulk jese englistan ki nasbat germany me kahin zyada tand kho or khonen sabit huin. Mazid ye k luther samion ke shadid khilaf the. Shayad us ki yahodion ke khilaf gair mamoli mukhasmana tehriron ne hi 20th sadi me germany me hitler dor ke lye rah hamwar ki.

Luther ne bar ha baasol awami hakumat ki atat ki afadiyat pr israr kya hai galiban us ka bunyadi maqsad yahi tha k kalisa awami hakumat ke kamon me madakhalat na kare (ye amar zehan nashin rehna chahye k aslagh tehrik faqat alhayati fitri masla hi nahi thi. Ek had tak ye rome ke khilaf ek qomiyat pasandana german bagawat thi or shayad yahi waja hai k luther ko german shehzadon ki is qadar pasht panahi hasil rahi). Luther ke maqasid se qata nazar is ke bayanat me mutadid protestant germanon ko siyasi malumat me mustalqiyat ko taslim karne pr amada kya. Is tor bhi luther ki tehriron ne hitler ke dor ke lye sorate hal ko muwafiq kya.

 
martin luther history in urdu
Shanimuzik