Home Biography<<  
Worldknowledge1
 
 
 
 
 
Michelangelo Di Lodovico Buonarroti Simoni was generally known as Michelangelo, he was born on 6 march 1475 in Italy. he is famous poet of his time, Michelangelo was also an engineer, sculptor, architect and painter, in other word we can say that he was a multitalented person of his time, he showed his talent and proved him self and also spread that concept the art is a fun. Here we are discuss about different things and contribution of Michelangelo. In this page you will find and read Michelangelo biography in Urdu Hindi and Roman Urdu.
michelangelo artwork paintings, michelangelo biografia, michelangelo birthday, michelangelo life summary, michelangelo biography of his life.

Michelangelo

(Biography Of Michelangelo In Urdu Hindi)

 

Birth Date : 6th March 1475

Death Date : 18th February 1564

Nishat sania ke dor ka azim fun kar Michelangelo bona roti basri fanon ki tarikh ki ek gair mamoli shakhsiyat hai. ye zahin musawer, sang tarash or mahir tamirat Michelangelo apne piche she paron ka ek daftar chor gya hai jo 4 sadion se dekhne walon ke zoq ki taskin ka samna bana raha hai. us ke fun paron ne bad ki europi musaweri or sang tarashi ki taraqi me aham kirdar ada kya.
Michelangelo itley me florence se karib 40 miles ki dori pr ek qasbe kepres me 1475 me paida hua. Awail umri me hi us ke johar ne apna rang dikhana shuru kar dya. 13 baras ki umar me wo florence me ek marof musawer garlandaif ke han mulazim ho gya. 15 baras ki umar me florence ke farma narwa lorenzo azam ke khandan ke sath medici mehal me rehne laga. Lorenzo us ka sarparast ban gya. Apni tamam zindagi me us ne apne johar ko manwaya. Wo pop hazrat or betasub farma narwaon ke lye mukhtalif fun paron pr kaam karta raha. Us ki zindagi mukhtalif mehlon me basar hui. Tahum us ka beshtar waqt rom or florence me guzra. 1564 me wo 89 sal ki umar pa kar fot hua. Wo tahayat mujrid raha.
Wo apne umar rasida ham asar lionardoda wansi jesa fatin fun kar to nahi tha, lekin Michelangelo ke fun me boht hama giriyat hai. wo akela fun kar galiban sirf wahi hai jo insani masai ke do mukhtalif shobon me kamyabi ki ek si inteha tak pohncha. Bator musawer Michelangelo ka shumar sif awal ke fun karon me hota hai. na sirf apne kaam ki umdagi me wo sare fehrist fun karon me se ek hai balke bad ke musaweron pr apne asarat ke aetabar se bhi. Rom me sastain chepal ki chatv pr us ki abi rangon me tasver kashi dunya ke azim she paron me shumar hoti hai. tahum Michelangelokhud ko bunyadi tor pr ek sang tarash tasawer karta tha. Jabke mutadid naqdin us ko dunya ka sif awal sang tarash taslim karte hain. Us ke mashoro marof but “pieta” fun ke lazawal shah kar hain.
Michelangeloek ala mahir tamirat bhi tha. Is medan me us ke aham karnamon me se ek florence me “medesi chepal” ki imarat hai. mutadid barson tak wo rom me sent peter ka aham tarin mahir tamirat raha.

Apni zindagi me Michelangelone boht si nazmen bhi likhin. Jin me se 300 baqi bachi hain. Us ki beshumar sonet or digar nazmen us ki zindagi me nahi chapi thin. Un se us ki shakhsiyat ke israr khulte hain, or jin se ye bhi zahir hota hai k wo ek bara shair bhi tha. Jesa k shekspere pr apne mazmon me is bat ki wazahat kar chuka hon k mera aqida hai k fun or fun karon ke insani tarikh or roz mara zindagi pr nasbatan kam ghehre asarat istawar hote hain. Yahi waja hai k Michelangelo ek funkar ke ala osaf ka hamil hai.