Queen Isabella of Spain
(story of queen isabella)

 
Home Biography<<
 

queen isabella of spain biography, queen isabella definition, queen isabella life, queen isabella early life, queen isabella birth and death, queen isabella bio, queen isabella history.

Queen Isabella was born on 22 April 1451 in Portugal but the people generally know her as a Isabella the catholic. Queen Isabella got marry with Ferdinand in 1469, she was a beautiful lady. Here you can read much more thing about Queen Isabella. In this page you will find and read Queen Isabella biography in Urdu Hindi and Roman Urdu.

Aaj beshtar afrad kestail ki Queen Isabella awal ko is hawale se jante hain k us ne behre oqyanos me safar karne ke lye kiristofar columbus ko mali maonat ki thi. Darhaqiqat wo ek tawana or ahal hukmaran thi jis ne mutadid aham fesle kye jin ke asarat spain or latini america pr sadiyon tak mojud rahe or jin se bilwasta tor pr aaj bhi lakhon logon ki zindagiyan mutasir hoti hain.
Darasal apni beshtar policoyan us ne apne isi darja zerk or qabil shohar fredenned of aragon se mushawarat ke bad waza kin or wo us ke feslon ke sath nathi thin. Tahum Queen Isabellaka nam is mazmon ka unwan ke tor pr muntakhab kya gya hai q k ye usi ki tajwiz thi jo in dono ke mushtarka feslon ki bunyad bani.  
Isabella kestail ki badshahat me (jo ab spain ka ek hisa hai) Madrigal ke qasba me 1451 ko paida hui. Nojawani me us ki sakht mazhabi tarbiyat hui or wo ek katar ketholok ban gai. Us ka sotela bhai henry 4th 1454 se apni fot ke san 1474 tak kestali ka badshah raha. Tab spain ki badshahat ka wajud nahi tha. Is ki bajae spain ka mojuda elaqa 4 badshahon me taqsim tha. (1) kestail jo sab se bari badshahat thi. (2) aragon jo mojuda spain ke shumal mashriqi elaqe pr mushtamil thi. (3) garnata jo janub me waqa thi or baware shumali elaqa pr muhit thi. 1460 ki dehai ke awakhir me Isabella jo kestail ke takht ki waris thi europe ki amir tarin waris thi. Mutadid shehzadon ne us se shadi ki darkhawast ki. Us ke sotele bhai henry 4th ki khawahish thi k us ki shadi partagal ke badshah se ho. 1469 me jab wo 18 baras ki thi Isabella ne inharaf kya or badshah henry ke mukhalifat ke bawajud fredenned se shadi kar li. Jo argon ke takht ka waris tha. Is sarkashi pr brangekhta ho kar badshah henry ne apni beti “hawana”ko apna janshin muqarar kya. Tahum henry ki wafat ke bad 1474 me Isabella ne kestail ke takhat pr apna haq jataya. Hawana ke hamiyon ko ye manzor nahi tha. So khana jangi ka agaz hua. February 1479 tak Isabella ki fojon ko fatah hasil hui. Argon ka badshah jan doim usi baras fot hua or fredanned argon ka badshah ban gya. Fredenned or Isabella ki spain ke bare elaqon pr hukmarani thi.
Asoli tor pr argon or kestail ki badshahaten alag alag rahin or in ke hakumati idaron ka intezam bhi juda raha. Lekin amli tor pr fredenned or Isabella tamam fesle ikathe karte the or apni ahliyat ke mutabik spain ke mushtarka hukmaranon ke tor pr hakumat karte the. Is mushtarka hukmarani ke 25 barson me un ki bunyadi hikmat amli ye rahi k ek mazbot badshahat ke jhande tale mutehid haspanvi badshahat qaim ki jae. In ka [pehla mansuba garbata ko fatah karna tha ye wahid elaqa tha jo musalmanon ke zere tasalt tha. 1481 ko jang ka agaz hua. January 1492 ko ye ikhtatam pazir hui. Fredenned or Isabella ko mukamal kamyabi hasil hui. Garnata ki fatah ke bad spain ki sarhaden itni wasi ho gain jitni aaj hain. (naware ki badshahat ko 1512 me alzibeth ki wafat ke bad apni qalmro me shamil kar lya).
Apne dor ke agaz me hi fredenned or Isabellane haspanvi tehqiqati idare ki bunyad rakhi. Ye jaj. Juiry, wakil istakhasa or police ke jasoson ka ek ishtarak tha. Ye idara apni sazaon ki shidat or apni karwaiyon ki yak tarfgi ke bais khasa badnam tha. Mulziman ko apne ilzamat ki tardid or apni safai ka moka ya to dya hi na jata ya phir nakafi dya jata. Inhen apne khilaf aid ilzamat ka sabot bhi pesh na kya jata hata k inhen ilzsam kanda se mutaruf na karwaya jata. Jo mulziman khud pr aid ilzamat ki tardid karte un pr shadid ieza rasai ki jati hata k wo aetaraf jurm kar lete. Eki mohtat andaze ke mutabiq kam az kam is idare ke qayam ke bad ibtadai 20 barson me 2000 afrad ko bandh kar zinda jala dya gya jabke is se kai zyada afrad ko digar sazaen di gain.
Is tehqiqati idare ka sarbara ek intehai mutasib rahib thoms detor kemada tha jis ke samne Isabella khud apne aetaraf gunah karti thi. Agarcha ye idara pop ke zere tehat tha lekin haqiqatan is ka intezam badshah ke hath me tha. Is idare ka ek maqsad to mazhabi ujaradari ko mustehkam karna tha, or kuch badshahat ke khilaf paida hone wali sarkashi ko dabana tha. Englistan me jagirdar nawab hamesha badshah ke ikhtayarat me mazaham hone ke darpe rehte the. Kabhi haspanvi jagirdar bhi taqat war the lekin haspanvi badshah is idare ko in khudsar jagirdaron ke khilaf ek hathiyar k tor pr istamal karte the. Or yun wo ek mutaliqul anan or mazbot badshahat ki istawari ke ahal the. Wo is idare ko ahal kalisa pr apni giraft ko mustehkam karne ke lye bhi istamal karte the.
Tahum is idare ka bunyadi hadaf wo log hote jin pr mazhabi sarkashi ka ilzam hota. Khas tor pr yahodi or musalman jo bazahir to ketholok ban jate lekin chori chupe apne sabqa mazhab ki ebadat ka ahtaram karte. Ibtada me ye idara aetaraf karne wale yahodiyon ke khilaf karwai nahi karta tha. Tahum 1492 me mutasib “tar kemado” ke israr pr fredenned or Isabella ne ek farman jari kya k tamam haspanvi yahodi ya esaiyat qabol kar len ya apni imlak ko yahin chor kar 4 mah ke andar mulk se chale jaen. 2 lakh ke karib abad yahodiyon ke lye ye farman ek holnak saneha tha. Mutadid kisi mehfoz muqam tak pohnchne se pehle hi mar khap gae. Spain se mulk ke intehai jafakash or mashaq tijar or fun karon ki ek bari tadad ke akhraj ne shadid mashi bohran paida kya.
Jab garnata pr qabza hua to aman muahida ke tehat ye teh hua k spain me rehne wale musalman apni mazhabi ebadatr ki adaigi me azad hain. Lekin haspanvi hakumat ne jald hi is muahide ko mansokh kar dya. “moron” ne bagawat ki lekin is bagawat ko kuchal dya gya. 1502 me spain me rehne wale musalmanon ko majbor kya gya k wo esaiyat ikhtayar karen ya mulk chor den. Wahi sorate hal jo 10 sal pehle yahodiyon ke lye paida ki gai thi. Isabella ek katar ketholok thi. Tahum us ne apni raskhul aqidgi ko kabhi haspanvi qomiyat parasti ki rah me hail nahi hone dya. Us ne fredenned ke sath mil kar kamyabi ke sath bhar pure kawish ki k spain me ketholok kalisa ka intazam pop ki bajae badshah ke hath me ajae. Yahi waja hai k 16 th sadi me “protestant aslah” spain me chandan sirayat nahi kar pai.
Isabella ke dor ka sab se aham waqa kirastofar columbus ka nayi dunya ko daryaft karna tha. Columbus ki meham ke lye kestail ki badshahat ne mali maonat ki (tahum te qisa farzi hai k is meham ko mali imdad muhaiya karne ke lye Isabella ne apne zewarat girwi rakh dye the). 1504 me Isabella fot hui. Apni zindagi me us ne ek beta or 4 betiyon ko janam dya. Beta hawan 1497 me chal basa jabke us ki betiyon me sab se marof “hawana” hui. Fredenned or Isabella ne hawana ki shadi philip awal se ki jo austrelia ke shehanshah ka beta or bargandy ki badshahat ka waris bhi tha. Is gair mamoli shahi shadi ke natije me Isabella ke nawase charles 5th ko puri tarikh ki sab se bari saltanat virasat me mili. Wo muqadas romi shehanshah ke tor pr bhi muntakhab hua or apne dor ke tamam europi badshahon me sab se amir or taqat war admi tha. Jin elaqon me us ne hakumat ki in mr sspain, germany, holand, baljium, hengry, yugosalavia or is ke elawa magribi kure ka ek bara hisa bhi shamil tha. Charles 5th or us ka beta philip doim pur khalos ketholok tha, jinhon ne apne tawil dor iqtadar me is nayi dunya ki dolat ko shumali europe me protestant riyasaton ke khilaf karwaiyon me istamal kya. Is tor fredenned or Isabella ke zere intezam hone wali is shadi ne un ki wafat ke karib 1 sadi ke bad europe ki tarikh pr ghehre asarat murtasam kye. Main ab fredenned or Isabella ke asarat or kamyabiyon ko ajmalan bayan karne ki koshish karon ga. Apni mushtarka kawishon se wo spain ki ek mutehad saltanat qaim karne me kamyab ho gae. Jis ki sarhaden 5 sadi qabal tak jon ki ton qaim rahin. Inhon ne spain me ek mutaliqul anan badshahat istawar ki. Moron or yahodiyon ke akhraj ke na sirf un jilawatniyon pr balke khud spain pr bhi ghehre asarat muratab hue. Jabke us ki mazhabi raskhul aqidgui or adalat ahtasab ne spain ke mustaqbil ki tamam tarikh pr apne asarat chore.   
Akhiri nuqta pr guftago hona chahye. Sada alfaz me ye kaha ja sakta hai k adalat ahtasab ne spain ko mazhabi tor pr mafloj kar dya. 1492 ke bad ki sadiyon me magribi europe ke beshtar hisa me bepayan mazhabi or scienci taraqi hui. Jabke spain is se merom raha. Aese mashre me jahan kisi qisim ka inharaf pasanad fikar ionsan ko adalat ahtasab ke tawast se shadid jani khatre se do char kar sakti thin ye amar bais tajub nahi reh jata k wahan haqiqi fikar parwan nahi charhi. Digar europi mumalik me ikhtalaf rae ki kuch azadi behrekef rahi. Spain me adalat ahtasab ne faqat raskhul aqida ketholok fikar hi ki gunjaish chori. 1700 tak baqi magribi europe ke muqable me spain zehni tor pr ek pasmanda mulk tha. Agarcha is amar ko 5 sadyan guzar cchhuki hain k jab fredenned or Isabella ne lat ahtasab qaim ki or is adalat ko tamam hue bhi 1 ½ sal bit chuke hain spain hanoz khud ko is ke asarat se azad nahi kar saka hai.
Mazid ye k columbus ki meham ke lye Isabella ki mali imdad se ye bat yakini ho gai k janubi or wasti america haspanvi coloniyan ban jaen gi. Is ka matlab ye tha k adalat ahtasab ke bashamol haspanvi tamadan or idare magribi kure ke ek bare hise pr qaim hue the. Ye amar bais tahir nahi hai k jis tarha beshtar magribi europe ke muqable me spain zehni tor pr pasmanda raha isi tor junub america me haspanvi coloniyan bhi shumali america me bartanvi coloniyon ki nasbat kam taraqi yafta hain.
Ye fesla karte hue k Isabella ko kis darja pr shumar karna chahye ye bat zere gor rehni chahye k kya ye tamam waqaya us ke bagair mumkin the? Ye durst hai k spain me mujahidana jazba khob taqat war tha jis ki waja 700 barson pr muhit jazira numa aiberia ko musalmanonm ke tasalt se azad karane ki jadojehad thi. Tahum 1492 me jab ye jadujehad apne ikhtatam ko pohnchi spain ko aage barhne ke lye makhsos rahibon ka intekhab karna para. Ye fredenned or khas tor pr Isabella hi thi jis ne spain ko gair lachak pazir mazhabi katar pasandi ki taraf mora.   Ke asarat ke bagair ye mumkn malom hota hai k spain ek kasrat mazahib se bura mashra ban jata.

Isabella ka englistan ki marof malika alzibeth awal se mawazna karna bilkul fitri bat hai. alzibeth Isabella jesi ek qabil orat thi. Apni nasbatan zyada rehamdilana or bardbar policiyon ke bais wo ek zyada qabile tehsin farmanarwa sabit hui hai. lekin us ne Isabella jesi judat tiba nahi thi, na hi us ke kisi iqdam ne itn ghehre asarat paida kye, jo Isabella ki adalat ahtasab ke qayam se zahir hue. Isabella ki chand policiyan to qatai makarwa thin lekin tarikh ke chand hi badshahon ke is qadar dor ras asarat zahir hue jo Isabella ke the.
 
queen isabella biography
Shanimuzik