Shi Huangdi
(shi huangdi information )

 
Home Biography<<
 

shi huangdi definition, shi huangdi death, shi huangdi religion, shi huangdi burn books, shi huangdi biografia, shi huang date of birth.

The great emperior "Shi Huangdi" he ruled as the first emperor of the Qin Dynasty from 220BC to 210BC. According to history he was born in 259BC. He was the son of king Zhuang of Qin his mother were Queen Dowager Zhao. He united the China with static forcess. He was born at the late of ruler duration of "Chaw" family, which started from 1100BC. Many Years before Shi Huang ruler, Chaw left the value of there leadership and china had diveded into many feudal states. slowly slowly many small leader had fallen down. In few more powerfull and Zheng Zhou states,  A Chun states is one of them, which is situated in Western area of China. Chun leaders follows Chini laws and philosphy for rulling. Confession stress, humans should rule by observing a morel leader. For that all this state became very powerfull Very powerful among all states. In this time shi huangti was born and at the age of 13 in 246 BC he had been a port of ruling and till 221BC he had proved himself as an only king of china. He urgently prepared to reform many thing which were became the cause of decline of chau leadership. He expired all feudal leadership. All empires divided into 36 Provence. Each Provence had an governor which were selected by king. He also announced, the post of Provence governor didn’t allot by inherited. King’s very famous or infamous work were that in 213BC due to an order of kind Shi Huangti all books of China had burned. He died in 210BC by his natural death. His son Ayerah shi huangti took his place but he wasn’t capable like his father. Sonly rebellion started and after 4 year he has killed. The castle and royal library had burned and cleared all things of chun family. In this page you will find and read qin shi huangdi early life.

Azim chaines shehansha Shi Huangdi 210 ta 238 qabal masih tak chaina pr hukmaran raha us ne askari qowat se chaina ko mutehad kya or mutadad jama aslahat kin. In aslahat ne chaina ke tehzibi itehad ke qayam me bunyadi kirdar ada kya jo hanoz wahan mojud hai.

Shi Huangdi (use chaina me si hawangti) ke nam se bhi jana jata hai). 259 qabal masih me paida hua. 210 qabal masih me us ki wafat hui. Us ke qad kath ke tain ke lye us dork e tarikhi pas manzar se mutaliq kuch agahi hasil karna zarori hai. wo chao khandan ke dor iqtadar ke awakhir me paida hua jo 1100 qabal masih me shuru hua tha. Us ke dor se sadion qabal chao hukmaran apna asar or rasokh kho bethe the, or chaina boht si jadirdarana riyasaton me taqsim ho gya tha.

Ye jagirdar farmanrawa amoman baham barsar pekar rehte. Mutadad chote hukmaran ahista ahista khatam hote gae. Chand intehai taqat war jingo riyasaton me se ek chin riyasat bhi thi jo mulk ke magribi elaqe me waqah thi. Chin hukmarano ne chaines falsafa ke shariyat parast maktaba fikar ke khyalat ko riyasati hikmate amli ki tashkil sazi ke lye rehnuma bana lya tha. Confueshas ne ye talqin ki thi k insanon ko ek ache hukmaran ki ikhlaqi misal ko paishe nazar rakh kar hukmarani karni chahye. tahum shariyat ka nuqtae nazar ye tha k beshtar logon pr is andaz se hakomat nahi ki ja sakti na hi unhen aese thos or gair janibdarana andaz me aid kye gae qawanin ke tehat munazan kya ja sakta hai. qawanin hukmaran khud banata hai or riyasati hikmate amli ke tehat us ki mansha ke mutabiq unhen tabdil bhi kya ja sakta hai.

Shayad isi lye wo shariyat pasandon ke ham khyal the ya shayad is lye un ke jugrafiyai halat mukhtalif the ya shayad is lye k chin hukmaran nehayat ahal the. Ye khas riyasat chaines riyasaton me intehai taqat war ban gar yahi zamana tha jab chang (jo bad azan Shi Huangdi kehlaya) paida hua. Yun to 13 baras ki umar me 246 qabal masih me wo barsar iqtadar aya. Tahum filhaqiqat 238 qabal masih tak us ke sath ek qaim muqam badshah hukmaran karta raha. Hata k wo khud balogat ko pehchana. Naye hukmaran ne qabil sipasalar mulazim rakhe or baqya jagirdarana riyasaton se shadid jangon ka silsila jari rakha. 221 qabal masih tak ye tamam maftoh ho gaen. Us ne khud ko tamam chaina ka wahid farmanarwa qarar dya. Mazi se har mutaliq ke mukamal inqatapr apne israr ke tehat us ne ek naya nam ikhteyar kya. Apne lye “Shi Huangdi nam muntakhab kya. Jis ka matlab “awalin shehanshah” tha.

Shi Huangdi ne fori tor pr bare tadad me aham aslahat ke lye kamar bandhi. Intashar ke ahtamal ke mukamal khatme ke lye Jo chao hakumat ke zawal ka sabab bana us ne tamam hakumati jagirdarana nizam ki tansikh kar di. Tama saltanat ki 36 sobo ki sorat me azsarno darja bandi hui. Har sobe ka ek governor hota jise shehanshah khud mutain karta. Shi Huangdi ne ye farman bhi jari kya k sobai governor ka ohda wirasati bunyadon pr tafwiz na kya jae. Is se ye silsila chala k chand barson bad hi governoron ko ek sobe se dosre me muntaqil kya jane laga ta ke is imkan ka qala qama kya ja sake k koi pur josh governor apne tor pr baikhteyar hone ki koshish na kare. Har sobe ka alehda ek sipasilar hota jise shehanshah mutakhab karta or apni mansha se sankdoshi bhi kar sakta tha. 3rd ye k wafaqi hakomat hi ki taraf se ahal kar mutain hote jo intezami or askari shobo me tawazan qaim rakhne ke zimedar hote. Mulk bhar me umdah sarkon ka ek jal bicha dya gya jo darulkhilafa ko sobon se jorta or jin se ye amar yakini ho ga k agar kisi waqt kisi sobe me khana jangi shuru ho to wafaqi fojen barwaqt imdad ke lye pohnch saken. Shi Huangdi ne ek aslah ye bhi ki k sabqa ashrafya ke baqya arakin ko “ hosin hong” muntaqil karwa dya gya jo us ka darul hakumat tha or jahan wo un pr nazar rakh sakta tha.

Tahum Shi Huangdi mulk me faqat siyasi or askari yakjai pr hi qanah na hua. Us ne tijarti shobo ko bhi munazam kya. Us ne mulk bhar me ozan or pemane ka ek mutehad nizam raij kya. Sakon ko mayar bakhsha mukhtalif ozaron or chakron ke dharon ko bertar banaya. Sarkon or nehron ko tamir ki nigrani ki. Us ne tamam chaina me munazam qawanin ka zabta lago kya or tehriri zaban ko mayari banaya.

Shehanshah ka sab se marof ( ya badnam tarin) fal us ka ye iqdam tha k 213 qabal masih me ek farman ke tehat chaina me tamam kitabon ko jala dya gya. Albata astasna in chand kitabon ke lye rawan rakha gya jo zaraat or tib ke mozo pr thin ya chin khandan ki tarikh se mutaliq thin or shariyat pasand musannifin ki falsufyana tehriron pr mushtamil thin. Tahum digar tamam makatib falsafa bashamol confueshas se mutaliq tehriron ko tabah kar dya gya. Is sakh ger farman jo galiban kitabon pr intana ki wahid bari missal hai Shi Huangdi tamam harif falsafo ke asarat ki tansikh karna chahta tha khas tor pr confueshas maktaba fikar ke khyalat ki. Tahum us ne hukum jari kya k tamam mamno kutub ki jilden shahi kutub khane me mehfoz rakhi jaen jo darul khilafa me waqa tha.

Isi tor Shi Huangdi ki kharja hikmat amli bhi tandkho thi. Us ne mulk ke janobi elaqe me waseh fatohat hasil kin. Yun jin elaqon me wo qabiz hua wo ahista ahista chaina ka hi ban gae. Shumal or magrib me bhi us ki fojon ne kamyabian hasil kin lekin wo in elaqon ke bashindon ke dilon ko taskhir nahi kar saka. Us ne in logon ke chaina pr mumkina dhao ke sadbab ke lye chaina ki shumali sarhadon pr pehle se mojud mutadad muqami diwaron ko ek azimul jasa diwar ki sorat me jor dya. Wo yahi azim diware chaina hai jo aaj bhi mojud hai. in tamirati mansobo or sath sath hone wali gair mulki jangon ne shehanshah ko awam pr mehsolat ka bar barhane pr majbor kya or wo apni awami maqboliyat kho betha. Chunancha us ki ahini hakumat ke khilaf bagawat namumkin thi so us ke qatal ki sazihen hone lagin jo bar awar na huin. Shi Huangdi 210 qabal masih me apni fitri mot mara.

Us ki jaga us ke dosre bete ne li jis ne apna nam “aerah Shi Huangdi” ikhteyar kya. Lekin wo apne bap sa ahal nahi tha. Jald hi bagawaton ne sir uthaya. 4 sal bad hi use qatal kar dya gya. Mehal or shahi kutub khana ko jala dya or chin khandan ka mukamal safaya kar dya gya.

Lekin jo kaam Shi Huangdi ne shuru kyat ha wo jari raha. Chaines khush the k us ki amarana hakumat ikhtetam pazir hui lekin ek bari tadad usi sabqae hakumat ke ahya ki khwahan bhi thi. Agle han khandan ne chin Shi Huangdi ke qaim karda intezami nizam ko hi qaim rakha. Haqiqat ye hai k 21 sadion tak chaines saltanat in khatot pr sabit qadmi se munazam rahi jo us ne istawar kye the. Agarcha chin ke durst qawanin ko han shehanshahon ne narm bana dya or agarcha tamam shariyat pasandana falsafa ko kaladm qarar de kar confueshas mat ko riyasati falsafa ke tor pr bahal kya gya lekin wo tehzibi or siyasi ishtarak jo Shi Huangdi ne takhliq kya tha badsator qaim raha.

Chaina or nam hesul majmo dunya ke lye Shi Huangdi ki naqdana ahmiyat ab wazah hai. magribi aqwan chaina ke bepanah volume se hamesha marob rahi hain. Lekin tarikh ke beshtar adwar me chaina kabhi europe se zyada gunjanabad nahi tha. Fark sirf ye tha k europe hamesha choti riyasaton me munqasam raha jabke chaina ek bari riyasat ki sorat me mutehad hai. ye imteyaz jugrafiyai halat ki bajae siyasi or samaji awamil ke bais qaim hua jabke dakhli bandish jese silsila hae koh chaina me bhi usi darja numayan the jitney europe me rahe. Lekin chaina ke itehad ko mukamal tor pr Shi Huangdi se hi mansob nahi kya ja sakta . mutadad digar afrad jese soi ven ti wagera ne bhi aham kirdar ada kya. Shi Huangdi ke markazi kirdar pr bhi koi kalam nahi kya ja sakta.

Shi Huangdi pr koi guftago us ke zehan or qabil qadar wazireazam “li so” ke zikar ke bagair mukamal nahi ho sakti hai. Shehanshah ki hikmate amlion pr li so ki fikar ke asarat is darja ghehre hain k ye janna mushkil hai k us dor ki azim aslahat ke lye tehsin or pazirai ko dono me kis sharah se taqsim kya jae? Yahi kya ja sakta k sehra Shi Huangdi ke sir bandha ( q k chahe rae li so ki ho hatmi faisla to shehanshah ka hi hota tha).

Kuch is lye k us ne kitabon ko jalaya tha. Bad ke confueshas mat ke musannifin ne Shi Huangdi ko lan tan ki hai. use amar, toham parast, badandesh, harami bacha or ost darje ka insan qarar dya gya. Jabke dosri taraf chaines ishtemaliyat pasandon ne us ko ek taraqi pasand mufakir ki hesiyat se tehsin ki. Magribi musannifin amoman Shi Huangdi ka mawazna napolian se karte hain. Tahum is se kahin behtar ye hai k us ka mawazna ogastas sessor se kya jae jo saltanat roma ka bani tha wo saltanaten jo unhon ne istawar kin kam or besh ek jese volume or population wali thin tahum saltanat roma kahin kam mudat tak barqarar rahi. Ogastas ki saltanat tadair apna dakhli itehad barqarar na rakh saki jabke Shi Huangdi ki saltanat tadair qaim rahi. Isi bunyad pr use awal azkar se kahin zyada mosar qarar dya ja sakta hai.
 
shi huangdi biography
Shanimuzik