Home Biography<<  
Worldknowledge1
 
 
 
 
 

Ts’ai Lun

(Biography)

Tsai lun was not very famous for lots of people. He was the inventor of “Paper”. It was a great invention but he is not very as he should be, for his great invention. He was born on 50BC in guiyang, China. He was an official person of China’s court. In 105AD he invented paper and submitted a sample of paper to the emperor of that time named “He of Han” family, the statements about Tsai Lun is in very simple and easy words and also able to trust. Tsai Lun always known as the inventor of paper among the people of China and he is very famous in China due to his great invention. The emperor He of Han was very agreed to his post. In the 2nd century use of paper become very Common and after some century, China started preparing paper and imported them, in different parts of Asia. Paper or use of paper is very common in whole world but before the Tsai Lun’s invention many books were written in the pages of Bamboo which looked very awkard And very heavy in weight, and many book were written in silk which is not heavy in weight but that were very costly. No doubt Tsai Lun gave an important thing of life, on few centuries paper spread for away from east. Today we have books, light in weight just because of Tsai Lun. Tsai Lun and Johan Gatan Burg were the two most important and great person of history. Tsai Lun is superior then Johan Gatan Burg due to some reasons. In this page you will find and read ts'ai lun paper.

 

INTRODUCTION

Kagaz ke mojid Ts’ai Lunka nam beshtar qarain ke lye marof nahi hai. us ki ejad ki afadiyat ke paishe nazar ye amar bais tahir malom hota hai k is qadar mosar shakhsiyat ko framosh kya gya. Bare bare qamosul ulom me Ts’ai Lunpr mukhtasar muzamin bhi shamil nahi kye gae. Us ka nam mayari tarikhi kutub me shayad hi milta hai. kagaz ki ben afadiyat ke paishe nazar Ts’ai Lunke mutaliq is darja adam tawaji sakok or shubat ko ubharti hai k kya waqayatan wo koi haqiqi shakhsiyat thi? Mohtat tehqiq se ye wazah hota hai k tasai lone k haqiqi insan tha. Wo chaines darbar ka ohdedar tha. Jis ne karib 105 me shehansha “hoti” ko kagaz ke namone paish kye the. Han khandan ki sarkari tarikhi dastawezat me Ts’ai Lunki kagaz ki ejad ka jo ahwal bayan kya gya hai. wo sidha sada or qabile yakin hai jis ne kisi jadu ya astoryati pehlo ka shaiba tak nahi hai. chaines ne hamesha kagaz ki ejad ka sehra Ts’ai Lunke sar bandha hai or ye nam chaina me bohr maqbol hai.

Ts’ai Lun kiarikhi dastawizat se malom hota hai k woe k makhnas tha. Ye bat bhi hamen malom hui hai k shehansha Ts’ai Lunki ejad se boht razi tha. Us ne mojid ki taraqi ke lye use ishtrafia ka khatab or ohda ata kya or dolat or akran se nawaza. Bad azan wo shahi mehal ki sashizon me malbos ho gya jis ne akhir amar use matob thehraya. Chaines dastawizat me hi ye waqiya bhi likha gya hai k apne jurm ki saza ke tor pr us ne gusul kya, umda libas zene tan kya or zehar pe lya.

Initial time of paper

Dosri sadi esvi me kagaz ka istemal aam ho gya. Agli chand sadion me chaina kagaz tayar kar ke asia ke mukhtalif elaqon me baramad karne laga tha. Tawil arse tak unhon ne kagaz banane ki tarkib ko makhfi rakha. 751 me chand kagaz saz chaines arbon ki aseri me aae. To us ke bad thore hi arse bad samar qand or bagdad me bhi kagaz tayar kya jane laga. Kagaz sazi9 ka fan batadrij tamam arb dunya me phel gya. Barwi sadi esvi me europi aqwam ne arbon se ye fan sikha. Kagaz ka istemal bhi batadrij barha. Johannes Gutenberg ne chapa khana ejad kya to kagaz ne europe me likhne ki bunyadi mawad ki hesiyat se charmi kagaz ki jaga le li.

Contribution

Aaj kagaz is qadar aam ho gya hai k hum use darkhor aetanahi nahi gardante. Ab ye qayas karma dushwar haik kagaz ke bagair ye dunya kesi thi? Chaina me Ts’ai Lunse pehle beshtar kitaben bans ki lakri pr likhi jati thi. Zahir hai aesi kitaben nehayat wazni or bedhangi hoti thi. Chand kitaben reshmi kapre pr bhi likhi jati. Lekin amomai istemal ke lye ye boht mehanga saman tha. Magrib me kagaz ke istemal se beshtar zyada tar kitaben charmi kagaz ya chamre ki barik jhili pr likhi jati thin. Jo khas tor pr bherh ya bachre ki khal se tayar ki jati thin. Is ki jaga unanion, romion or misrion ke margob “papers” kagaz ne li. Ye charmi ya opapers kagaz dono na sirf kamyab the balke un ki tayari bhi bari lagat ke bagair mumkin nahi thi.

Aaj kitaben or digar likhne ka kagaz arzan qimat or bari tadad me asani se tayar kya jata hai jo beshtar kagaz ke wajud ka sabab hai. ye sach hai k agar chapa khana ejad na hota to kagaz aaj is qadar waqaat ha hamil na hota tahum is me bhi koi shak nahi k agar chapai ke lye is qadar arzan or bakasrat kagaz mojud na hota to chapai khana bhi kabhi apni mojuda afdiyat ko barqarar na rakh pata.

So masla ye hai k kis shakhs ko zyada darja dya jae? Ts’ai Lunko ya Johannes Gutenberg ko. Agarcha mera khyal ye hai k dono brabar aham hain tahum main ne Ts’ai Lunka shumar pehle kya hai. is ki ye chand wajuhat hain: (1) likhne ke elawa kagaz digar kai tarha ke istemalat ka hisa hai. darhaqiqat ye ek heran kun hama jehat she hai jabke tayar kye jane wale kagaz ki bari miqdar chapai ke elawa digar maqasid ke lye istemal hoti hai. (2) Ts’ai LunJohannes Gutenberg se afzilat rakhta hai or ye bhi mumkin hai k agar kagaz ejad na ho chukka hota to Johannes Gutenberg bhi chapa khana ejad na kar pata. (3) agar dono me se bas koi ek hi ejad hui hoti to mere khyal me (Johannes Gutenberg se boht pehle mojud) sancho ki chapai or kagaz ke zarye bhi zyada kitaben tayar hoti banasbat faqat mutehrik chapa khana or charmi kagaz ke.

Kya ye munasib hoga k Ts’ai Lunor Johannes Gutenberg ko dasv intehai asar angez shakhsiyat me shamil kya jae? Kagaz or chapa khan jese ejadat kiafadiyat ke kuli ahsas ke lye un se mutaliqa chaina or magrib ki saqafati taraqi ko malhoz khatir rakhna zarori hai. dosri sadi esvi se pehle chaines tehzib europi tehzib ki nasbat kam taraqi yafta thi. Agli sadi ke doran chaines taraqi ki rafter europe se kai chand ho gai. Karib 7 ya 8 sadion ke waqfq me chaines tehzib mutadid hawalon se dunya ki sab se taraqi yafta tehzin ban gai. 15th sadi ke bad magribi europe ne chaina pr bartari hasil ki. In tagirat ke hawale se mutadid tamadan tawajihat paish ki gai hain lekin in me beshtar nazaryat ne is tojiha ko nazar andaz kar dya jo mere khyal me sada tarin hai.

Ye durst hai k chaina se pehle zraat or fan tehrir mashriqi wasti me frogh pa chuke the. Sirf isi haqiqat se ye wazahat na ho sake gi k akhir chaines tehzib q mustaqil tor pr magrib se piche rahi? Mere khyal me sab se aham waja ye thi k Ts’ai Lunse pehle chaina ne likhne ke lye khas kagaz mojud na tha. Magribi dunya me papers mojud tha. Goh is kagaz ki apni qabahaten thin lekin papaers ke palande bans ya lakri ki bani kitabon se behre kef afzal the. Chaines tehzibi taraqi ki rah me likhne ki kisi khatir khwan mawad ka na hona ek bari archan thi. Ek chaines musanif ko apni in tehriron ko dosri jaga dhone ke lye chakre ki zarorat parti thi jo aaj chand ek kitabon me sama sakti hain. Hum tasawer kar sakte hain k aese halat me ek hakomati intezam sanbhalna kis qadar dushwar hoga.

Ts’ai Lunki kagaz ki ejad ne tamam sorate hal ko yaksar tabdil kar dya. Likhne ke lye munasib kagaz ki mojudgi me chaines tehzibi taraqi ki rafter tez tar ho gai. Bas chand sadion me hi ye magrib se aage barh gae. Magrib me siyasi khalfsar neb hi aham kirdar ada kya lekin asal kahani se is ka koi taluq nahi tha. 4th sadi esvi me chaina magrib ki nasbat zyada adm itehat ka shikar tha. Us ne bawsf wo tehzibi medan me tezi se taraqi karne chala gya. Ainda sadyon me jabke magrib me taraqi ki rafter nasabatan sust thi chaines qutub numa, barod or zyada miqdar me tha so kahani ne ek naya rukh ikhteyar kya.

Kagaz ke istemal ke agaz ke bad magribi aqawam ne chaina se muqable me apni halat ko dusrt kya or tehzibi khala ko pur kya. marko polo ki tehriron se is amar ki tasdiq hoti hai k 13th sadi me bhi chaina magrib ki nasbat kahin zyada asoda hal tha.

Akhir kis tor chaina magrib ke muqable me pasti ka shikar hua? Us ki mutadad pechida tehzibi tozihat paish ki gai hain lekin shayad techniqi taraqi hi sada waja banti hai. 15th sadi me Europe ke ek fatin insan gatn barg ne kitabon ki wasih pemane pr ashaat ka tariqa ejad kya. Bad azan Europe ki tehzibi taraqi sabk ro ho gai. Chaina ke pas koi Johannes Gutenberg mojud na tha. Wo sanchon ki chapai tak hi mehdod raha or isi tanasub se us ki tehzibi taraqi bhi sust hoti gai.