Home Biography<<  
Worldknowledge1
 
 
 
 
 
Werner Heisenberg was born in 5 December 1901 in Germany. He was one of the famous theoretical physicist he received his degree in 1923 from University of Munich. who played an important role to create the quantum Machine and also got the noble prize for this invention, Werner Heisenberg was died on 1 February 1976, in the age of seventy four. In this page you will find and read werner heisenberg biography in Urdu Hindi and Roman Urdu.
werner heisenberg atomic theory, werner heisenberg discovery, werner heisenberg history, werner heisenberg life history, werner heisenberg birth and death.

Werner Heisenberg

(Biography)

 

Birth Date : 5th December 1901

Death Date : 1st February 1976

1932 me german mahir physic werner cork Heisenberg ko quantum mechanics ki takhliq me aham kirdar ada karne pr nobel inam barae physic dya gaya. Ye science ki jumla tarikh me ek nehayat aham kamyabi thi.
Mechanics physic ki wo shakh hai jo madi ajsam ki harkat se mutaliq amomi qawanin se muamla karti hai. ye physic ka intehai bunyadi shoba hai jo tamam sciences me bhi nehayat waqat ka hamil hai. 20th sadi me ibtadai barson me ye batadrij wazah hua k mechanics ke musalma qawanin intehai mukhtasar ajsam ke kirdar ki wazahat ke lye nakafi hai jese atom or andaron atom ajza. Ye bat mayos kun bhi thi or uljha dene wali bhi. Q k ye musalma qawanin bare ajsam pr bari kamyabi ke sath muntabiq hote hain (jese infradi atoms se kahin jasim ashya).
1925 me werner heisenberg ne physic ki ek nayi tashkil sazi ki jo newton ki clasici stashkil sazin se bunyadi tor pr mukhtalif thi. Ye naya nazarya  hesanberg ke perokaron ki chand tramim ke bad nehayat kamyab she sabit hua. Aaj ye har no or volume ke tabiati nizamon ke lye qabile qabol hai. 
Is ko riyazayati tor pr yun bayan kya ja sakta hai k macroscopic nizamon ka taluq hai. is hawale se quantum machenics ki peshan goian clasici mechanics se in ajsam ke zaman me mukhtalif hain jo itne sagir hain k un ki pemaish mumkin nahi hai. (is waja se clasici mechanicsjo quantum mechanics se riyaziyati aetabar se kahin sada hai beshtar scienci marozat ke lye zere istamal asakti hai), tahum jahan atomi abad (oimensions) ke nizamon ka amal dakhal hai wahan quantummechnics ki peshan goian baetabar ahmiyat clasici mechenics se mukhtalif hain. Tajurbat se sabit hua hai k aese mamlat me quantum mechenics ki peshan goian durst hoti hain.
Hesanberg ke nazarya ke nataij me se ek “gair yaqiniyat ka asol” (uncertainty principle) ki sorat me zahir hua jo us ne 1927 me waza kya. Is asol ko science ki dunya me intehai jama or dor ras asolon me shumar kya jata hai. uncertainty principler ka kaam ye hai k ye scienci pemaishon ki hamari ahliyat pr mojud khas nazaryati hadud ka tain karta hai. is asol ki itlaqat bepayan hain. Hata k intehai mawafiq sorate ahwal me bhi agar physic ki bunyadi qawanin ek scientist ko is nizam ke durst tarin ilm ke hasol me mana hote hain to ye zahir hai k mustaqbil me is nizam ke kirdar se mutaliq yaksar peshan koi nahi ki ja sakti. Uncertainty principle zahir hota hain k hamare pemaishi mayarat me koi taraqi hamen is dushwari pr galib ane me muawanat nahi kare gi.
Uncertainty principle hamen yakin dahani karwata hai k ashya ki asal huiyat ke hawale se physic shumaryati peshan goion se barh kar koi ahliyat nahi rakhti. (misal ke tor pr ek scientist jo radioactivity ke amal pr tehqiq kar raha hai. basd is had tak peshan goi kar sakta hai k ek cror khrab redium ke atom agle roz koi 20 lakh ke karib gema shuaen kharij karen ge. Tahum wo kisi khas redium atom ke bare me aesa nahi keh sakta k ye in 20 lakh me shamil hai). kai amli soraton me ye bunyadi bandish nahi hai. jahan bari tadad me atom mojud hon, wo shumaryati tariqa hae kar amal ke lye nehayat qabile aetabar bunyad fraham kar sakte hain lekin jahan mamla kam tadad me atoms ka ho to shuryati peshan goiyan gair motabar ho jati hain. Darhaqiqat jahn mukhtasar nizam mojud hon, to uncertainty principle hamen hatmi tabiati sabbiyat (causality) ke apne qawanin ko rad karne pr majbor karta hai. us ne science ke bunyadi falsafa me ghehre tagirat bapa kye. Jo itne saqil the k ainstain jesa azim scientist kabhi inhen manne pr amada na hua. “main ise taslim nahi kar sakta” ainstain ne ek bar kaha k “khuda kainat se juwa khelta hai”. ye nazarya is qadar aham hai k beshtar jadid mahirin physic ke lye ise mane bagair chara nahi hai.
Nazaryati nuqtae nazar se quantum mechenics ne nazarya izafiyat ki nasbat kahin zyada shidat se hamare tabi dunya ke mutaliq bunyadi tasawerat me tabdili paida ki q k nazarya ke nataij faqat falsufyana satah pr hi zahir nahi hue.
Us ke amli itlaqat ka natija y jadid alat hain jese electron, microscope, lasser or transistor wagera shamil hain. Quantum mechenics ke nuleai tabiat or atomi tawanai ke shobe me bhi mutadid itlaqat mumkin hain. Ye spectrosocopy ke mutaliq hamare ilm ki bunyaden muhaiya karti hain. Jabke ilm huiyat or chemistry me bhi is ke ghehre asarat hain. Sayal helium ki khasusiyat, sitaron ki dakhli huiyat kari, ferromagnetism or tab kari jese mukhtalif alno shobon me bhi is ka wasih pemane pr itlaq hota hai.

Werner heisenberg 1901 me germany me paida hua. 1923 me us ne mionah ki university se nazaryati physic me doctoriyat ki degree hasil ki. 1924 se 1927 tak us ne kopan hegen me denmark ke azim mahir physic neils bohar ke sath kaam kya,quantum mechanics pr us ka pehla mazmon 1925 me shaa hua, jabke uncertainty principle us ne 1927 me waza kya. 1976 me hesanberg fot hua jab uski umar 74 baras thi. Us ke lawahiqin me ek biwi or 7 bache the.