Home Biography<<  
Worldknowledge1
 
 
 
 
 
Wilhelm Conrad Roentgen was born on 27 March 1845, he is generally known as Wilhelm Roentgen. He completed his PhDs from Zurich University in 1869.He was also one of the famous German scientist of his era who played an important role in the field of physics. He was the first one who gave the information about electromagnetic radiation; Wilhelm Conrad Roentgen received the noble prize due to his contribution. He got marry with Anna Betha Ludwig, and he was died on 10 February 1923 when he was 77 year old. In this page you will find and read wilhelm conrad roentgen biography in urdu hindi and roman.

Wilhelm Conrad Roentgen
(Biography Of Wilhelm Conrad Roentgen)

 

“x ray” ka daryaft kanada Walehlam conerd Roentgen german ke qasbe lenp me 1845 ko paida ua. 1869 me us ne reorch university se (p.h.d)doctor ki degree hasil ki. Agle 19 barson me Roentgen ne mukhtalif jamat me kaam kya, or batadrij ek ala scientist ki hesiyat se apna loha manwaya. 1888 me wo werz barg university ke “physical institute” me physic ka ustad or director muqarar ho gya. Yahin 1895 me Roentgen ne wo she daryaft ki jis ne use mashor bana dya.
8 november 1895 ko wo cathode rays pr tajurbat kar raha tha. Ye electrons ki ek bahao pr mushtamil hoti hain. Jabke ye bahao kanch ki band mun wali nali jo hawa se tahi hoti hai ke kinaron pr mojud electrodes me zyada voltage ki barqi ro jari hone se paida hoti hai. cathode rays sarayat karne wali rays nahi hain. So hawa me chand cm fasle ke bad hi tham gain. Is moka pr Roentgen ne cathodes rays ki nali ko siyah kagaz se dhanp dya ta ke jab barqiyati ro jari ho to nali se kharij hone wali roshni dikhai na de sake. Tahum jab Roentgen ne cathode rays ki nali me barqi ro guzari to wo ye dekh kar heran reh gya k ek fluorescent parda jo brabar hi bench pr para tha damakne laga. Goya koi roshni us pr munakis hui ho. Us ne nali pr se kagaz hataya to wo parda jis pr barium platino – cynide yani ek tarha ka fluorescent mawad ka lep charha tha guzishta damak se tahi ho gya. Roentgen ne mehsos kya k jab cathode rays wali nali dhaki hui thi to barqi ro ke hjari hote hi nali se ek gair mari qisim ki radiant waqa hui. Us ki pur israr huiyat ke peshe nazar us ne ise “x” ray ka nam dya jabke “X” ek riyaziyati alamat hai or gair malom she ke lye istamal hoti hai.
Is itefaqi daryaft se tehrik pa kar Roentgen ne apna digar tehqiqati kaam multavi kar dya or “X rays” ke khasusiyat ki taftish me masrof ho gya chand hafton ki mehnat shaqa ke bad us ne darj zel haqaiq daryaft kye.
(1)        “Xrays” barium platino – cynide ke elawa mutadid chemical compound ko fluorescent bana sakta hai.
(2)        “X rays” in mutadid ashya me se guzar sakti hain jin me aam roshni munakis nahi ho pati. Roentgen ne ye bil khasos daryaft kya k “X rays us ke jisim ke ar par ho jati hain lekin hadiyon me se nahi guzar pati. Apne hath ko cathode rays ki nali or fluorescent parde ke bich hail karne pr Roentgen ne parde pr apne hath ki hadiyon ka aks dekha.
(3)        “X rays” ek sidh me safar karti hain barqi bar bardar ajza ke baraks maqnatisi medan me in rays ki simt me kami paida nahi hoti.
December 1895 me Roentgen ne x rays pr apna pehla mazmon likha. Is mazmon ne foran hi science ke halqon me shadid josho kharosh or dilchaspi ko paida kya. Chand mahinon me hi secron scientists x rays pr tehqiq me mashgol ho gae. Agle 1 baras ke doran is mozo pr secron maqole manzare aam pr aae. In me se ek scientist jis ne barahe rast Roentgen se mutasir ho kar tehqiq shuru ki thi wo aentineu henry bekiorel tha. Bekiorel ne “X rays” pr apni tehqiq ke doran radioactivity jesa ek zyada dilchasp mazhar daryaft kar lya.
Amomi tor pr x rays tab paida hoti hain jab ala tawanai ke electron kisi she se takrate hain. X rays khud electrons pr mushtamil nahi hoti, balke barqi maqnatisi lehron se mil kar banti hain. So wo bunyadi tor pr mari radiations ke mumasil hain (jo k roshni ki rays hain) bas itna fark hai k x rays ki lambai mukhtasar hoti hai.
X rays ka marof tarin istamal tibi mamlat or danton ki tashkhis ke lye hota hai. ek or istamal radiotherapy ki sorat me hai. jis me x rays kisi mohlik rasoli wagera torne ya us ki namo rokne ke lye istamal hoti hain. Sanat kari me bhi is ke mutadid istamalat hain. Maslan ye khas she ki kasafat ko mapne ya us ke panha masaib khojne ke lye istamal ho sakti hain. X rays scienci tehqiq ke mukhtalif shobon me bhi kar amad hain jin me hayatiyat se ilm huiyat tak mukhtalif alom shamil hain. Khas tor pr x rays ne scientists ko atomic or molecular structure ke mutaliq boht malomat faraham ki hain.
X rays ki tamam tar ejaz Roentgen ko hi milta hai. us ne tanha ye kaam kya us ki daryaft gair mutawaqa thi or us ne is pr khob tehqiqat ki. Mazid ye k us ki daryaft bekiorel or digar mehqiqin ko ek aham mehtij fraham kya.  
Tahum Roentgen ki madah sarai me mubaliga bhi nahi ana chahye. X rays ne itlaqat boht sod mand hain lekin ye nahi kaha ja sakta k inhon ne hamari tamam tecnology ko isi tor badal kar rakh dya hai jese frady ki barqi maqnatisi induction ki daryaft ne badala. Na hi ye kaha ja sakta hai k x rays ki daryaft scienci nazarya me haqiqi bunyadi ahmiyat ki hamil hai. ultraviolet rays (jin ki tawalat mari roshni ki lehron se kam hai) ek sadi qabal daryaft ki gai thin. X rays ka wajud jo balae banafshi rays se bas apni mukhtasar tawalat ke hawale se hi mukhtalif hain baja tor pr clasici physic me shumar honi chahye. Behre kef mere khayal me Roentgen ko ruther ford se kam darja dena munasib hoga jis ki daryaften zyada bunyadi waqat ki hamil hain.

Roentgen lawald tha tahum us ki biwi ne ek bache ko god lya. 1901 me use nobel inam barae physic mila. Wo ye inam hasil karne wala pehla shakhs tha. 1923 me wo germany ke shehar mionkh me fot hua.