Home Biography<<  
Worldknowledge1
 
 
 
 
 

William Harvey was born on 1 April 1578 in folk stone England, his father name is Thomas Harvey. William Harvey was one of the best physicians of his time, he was first one who described the fact of the circulation system, how does blood circulate all over the body by the help of heart? In other word we can say that he was played an important role in medical field. He was died on 3 June 1657.In this page you will find and read William Harvey biography in Hindi.

william harvey biografia, william harvey birth and death, william harvey information, william harvey inventions, william harvey in hindi, william harvey life history.

William Harvey

(Biography Of Harvey)

 

Birth Date : 1st April 1578

Death Date : 3rd June 1657

Azim angrez physician william harvey jis ne “khon ki gardish” or “dil ka fal” bayan kya, englistan ke ek qasba “fok ston” me 1578 me paida hua. Harvey ki azim kitab “hewanon me dil or khon ki harkat pr ek tashrihi maqola” 1628 me shaa hui. Ye kitab baja tor pr physiology ki tarikh ka sab se aham kitab mani jati hai. ye jadid physiology me ek aham mor sabit hui. Is ki asal ahmiyat is ke barahe rast intabaq ki bunyad pr nahi hai balke is bunyadi agahi me mazmar hai jo ye insani jisam ke wazifa se mutaliq hamen fraham karti hai.
Aaj hamare lye ye haqiqat k khon jism me gardish karta hai ek aam si bat hai. harvey ka nazarya hamen bilkul wazah or sacha malom ho ga. Lekin jo bat aaj hamen sada or ben malom hoti hai. wo gujishta biologists ke lye is tor wazah nahi thi. Hayatiyat ke mumtaz musanifin is tarha ke afkar bayan karte the. (1) khorak dil me ja kar khon me mubadil ho jati hai. (2) dil khon me hararat paida karta hai. (3) sharyanen hawa se bhari hoti hain. (4) dil “bunyadi arwah” ko paida karta hai. (5) khon sharyanon or ragon dono me utarta chaharta rehta hai, kabhi ye dil ki taraf behta hai or kabhi us ki mukhalif simt me. Dunyae qadim ka azim mahir physician gelan aesa admi tha jis ne zati tor pr murdon ki chir phar ki or dil or khon ki nalion ka bagor mushahida kya tha. Use kabhi guman na guzra k khon gardish karta hai. na hi ye khayal arsto ko aya halanke ye us ki dilchaspi ka aham mazmon tha. Hata k us ki kitab ke shaa hone ke bawajud mutadid mahir physician ne ye nazarya qabol na kya k insani jism me khon sharyanon ke ek mehdod nizam me musalsal gardish karta rehta hai jabke dil us ko dhakel kar mutehrik karta hai.
Harvey ne pehle ye nazarya waza kya k khon ki gardish ilm adad ke ek sada hisab ke tehat hoti hai. us ne andaza lagaya k khon ki miwdar jo har bar dil ki dharkan ke sath kharij hoti hai wo do once ke karib hai. jabke dil ek mint me 72 martaba dharakta hai. sada se hisab kitab se hum is natija pr pohnchte hain k karib 540 pound khon har ek ghante me dil se kharij hota hai. lekin ye miqdar ek aam insani jisam ke kul wazan se bhi zyada hai. jabke khon ki kul miqdar se to boht zyada hai. so harvey ko ahsas hua k wahi khon bar bar dil se kharij hota rehta hai or ye gardish dairwi hai. ye mafroza waza karne ke bad us ne 9 sal tajurbat me guzare or gardish khon se mutaliq tafsilat ikhati kin.
Apni kitab me harvey ne wazah tor pr bayan kya k sharyanen khon ko dil se dor le jati hain jabke veins use wapas dil me lati hain. Khurdben ki adam mojudgi me harvey khon ki barik ragon ko dekhne se qasir tha. Khon ko barik tarin nason se sharyanon me lata hai. tahum us ne sahih tor pr un ki mojudgi ki nishandagi ki. (un barik tarin nason ko itley ke mahir biologist “malpsi nepi” ne harvey ki mot se chand sal bad daryaft kya).
Harvey ne ye bhi kaha k dil ka fal khon ko ragon me jhatke se kharij karna hai. is aham nuqte pr harvey ka nazarya durst tha. Mazid ye k us ne tajurbati shawahidv ka ek tomar khara kar dya hai. or apne nazaryat ke difa ke lye brahin ka daftar khol dya. Ibtadan is nazarya ki shadid mukhalifat hui. Us ki zindagi ke akhir barson me albata use man lya gya.
Harvey ne embreyology pr bhi kaam kya jo dorane khon se mutaliq us ki tehqiqat ki nasbat kam aham hai tahum wo gair aham nahi. Wo ek mohtat mohqiq tha. Us ki kitab “hewanon ke amal tolid pr ek nazar” 1651 me shaa hui. Us ne haqiqi maino me jadid embreyology ka agaz kya. Arsto hi ki manind jis se harvey boht mutasir tha us ne qabal az tajurba tashkil sazi ki mukhalifat ki. Is mafroze ke mutabiq ek embreyo apne intadai marahil me bhi usi mukamal dhancha ka hamil hota hai jo balig insan me dekha ja sakta hai. albata ye nehayat kam tar darja pr hota hai. harvey ne baja tor pr ye dawa kya k ek embreyo ka hatmi dhancha batadrij irtaqa pazir hota hai.

Harvey ne ek daraz, dilchasp or kamyab zindagi guzari. Nojawani me us ne cembrej university ke “kaies collage” me dakhla lya. 1600 me wo tib ki talim ke hasol ke lye itley me “padua university” me dakhil hua, jo us dor ka behtrin tib ka idara mana jata tha. (ye amar qabile gor hai k us dor me glalileo usi university me ustad tha ye malom nahi ho saka k un dono ki kabhi baham mulaqat hui thi). 1602 me harvey ne padua university se tib me degree hasil ki. Phir wo englistan wapas aya. Jahan us ne mahir physician ke tor pr tawil or kamyab zindagi guzari. Us ke marizon me englistan ke badshah jems awal or charles awal or mumtaz falsafi francec bekan jse log shamil the. Harvey ne london me “collage of physicians” me “ilm tashrihul abdab” pr lecture dye.wo is collage ka ek bar sadar bhi muntakhab hua. (us ne khud hi apne ohde se istafa dya). Mazid barhan wo london me “sent bar tholo mioz hospital” me bars ha baras tak “chef physician” ke tor pr kaam karta raha. Jab 1628 me dorane khon pr us ki kitab shaa hui to wo europe bhar me maqbol ho gya. Harvey ne shadi ki magar us ki koi olad na hui. 1657 me wo 79 baras ki umar me london me fot hua.