Home Biography<<  
Worldknowledge1
 
 
 
 
 
William T G Morton was born on 9 August 1819. his father name was James Morton, who was a farmer, William T G Morton was a dental surgeon, before complete his study he did many job like he worked as clerk, and salesman etc to continue his study, well here you can read much more interesting things about William T G Morton. In this page you will find and read William T G Morton biography in Urdu Hindi and Roman Urdu.
william tg morton biografia.

William T G Morton

(Biography Of William T G Morton)

 

Birth Date : 9th August 1819

Death Date : 15th July 1868

William thoms green Morton ka nam beshtar qarin ke lye jana pehchana nahi hoga. Wo mutadid digar marof ahbab ki nasbat kahin zyada mosar shakhsiyat ka malik tha. Q k Morton hi wo shakhs tha jis ne sergury ke amal me amal takhdir (anerthesia) ko asoli tor pr mutarif kya.
Tarikh me chand ejadat hi insani zindagion me is qadar waqat hasil kare sakin jo amal takhdir ke hisa me aain or un me se chand ek hi insani sorate hal me is qadar takhir ka bais banin. Us dor ke sergury ke operation ki kasafat ka tasawer aziyat dah hai. jab mariz jaga hota or dekhta k doctor us ke jism pr chir phar kar raha hai. is tarha ki aziyat ko rafa karne ki ahliyat hasil karna dar haqiqat in azim tahaif me se ek hai jo koi insan apne rafqa ko anayat kar sakta hai.
1819 me Morton maso chiost ke elaqe chartan me paida hua. Nojawani me wo “balti mor collage of dental sergury” me dakhil hua. 1842 me us ne dandan sazi ko bator pesha apnaya. 1842 se 1843 ke darmiyani arsa me wo ek qadre umar rasida dandan saz “horas wels” ki shikat dari me kaam karta raha jo khud amal takhdir (anesthesia ) me dilchaspi rakhta tha. Shayad un ki shirkat dari munafa bakhsh sabit nahi hui q k ye 1843 me khatam ho gai.
B  Amal takhdir se pehle khudai nehayat karbnak hoti thi jabke takhdir jese kisi amal ki zarorat behre hal mojud thi. Morton ne durst andaza lagaya k us ke maqasid ke lye nitcis acid munasi tor pr mosar nahi thi. So us ne ek se zyada taqatwar dawa ki talash shuru ki. 
Morton ke janne wale ek qabil doctor or scientist charles – t – jecsan ne use mashwara kdya k wo ether ka istamal kare. Ether me amal takhdir ki khobion ko karib 300 beshtar soidan ke ek marof mualij or chemist pera sels me daryaft kya tha. Aese hi chand tehqiqi maqale 19th sadi ke awail me shaa hue. Lekin na jecsan or na hi ether pr likhne wale ahbab ne hi is chemical element ko serjury ke amal me istamal karne ki koshish ki. 
Morton ko ether se bari tawaqat wabasta thin. Us ne is pr tajurbat kye. Pehle use (apne paltu kute samet) mukhtalif janwaron pr istamal kya. Or phir khud apbe aap pr. Akhir 30 september 1846 ko ek mariz pr ether ko istamal karne ka behtrin moka paida hua aeban frast nami ek shakhs shadid dant dard ke sath Morton ki elaj gah me dakhil hua us ne masore ki chir phar ke zarye is dard se chutkara pane ke lye kisi bhi dawa ke itlaq pr raza mandi zahir ki. Morton ne us pr ether ka itlaq kya or ant bahar khinch nikala. Jab frast hosh me aya to us ne bataya k chandan dard mehsos nahi ho raha. Is se behtar natija ki Morton tawaqa nahi kar sakta tha. Use kamyabi, shohrat or josh bakhti ke dar apne lye wa hote dikhai dye.
Operation chand nazrin ki mojudgi me hua or agle roz bostan ke akhbarat me is ki khabar bhi chapi lekin ye khabar awam tawaja hasil nahi kar saki. Zahir hai ek dramai muzahire ki zarorat thi. Morton ne bostan me “maso chiost gernal hospital” ke kehna mashq jirah doctor jan C waran se ek amli muzahire ki ijazat talab ki doctor jan razi ho gya. Hospital me muzahire ka din teh ho gya. 16 october 1846 me doctor or tib ke talib ilmon ki ek khasi tadad ke samne Morton ne ek mariz gebret aebet ko ether ka teka lagaya or “doctor warn” ne aebet ki gardan me se ek gilti nikali. Amal takhdir nehayat mosar sabit hua. Ye muzahira pur josh kamyabi se hamkinar hua. Mutadid akhbarat ne is muzahire ki khabar chapi or is ke bad agle chand barson me jirahi amal me is ka istamal aam ho gya.      
Aebet ke operation ke kai sal bad Morton or jecsan me us ki sand haq ejad hasil ki. Agarcha agle hi mahine ye sand use mil gai thi lekin is ke haqoq ke mamle me mukhtalif dawedaron ke bahimi tanaza ka hal nahi hua. Chand digar afrad ne Morton ke is dawa ke khilaf muqadma kar dya tha k wo is daryaft ka asal zimedar hai. in logon me jecsan bhi shamil tha. Mazid baran Morton ki ye tawaqa k us ki ye ejad use amir bana de gi puri na hui. Ether ko istemal karne wale beshtar doctors or hospitals ne use is ka maoza dene ki zehmat nahi ki. Muqadma bazi or haqdaron me apni bartari sabit karne me is se kahin zyada kharcha uth gya jitni raqam use is ejad se hasil hui thi. Wo mayos or maflokul hal ho gya. 1868 me wo newyork city me fot hua jab us ki umar puri 49 baras bhi na hui thi.
Dandan sazi or digar aham amal jirahat me amal takhdir ki afadiyat azhar man shams hai. Morton ki majmoi ahmiyat ka tain karne me asal dushwari ye hai k amal takhdir ke taruf ka kis had tak ejaz Morton or is tamam amal me shamil digar afrad ko ilna chahye? Digar afrad me aham tarin ye hain: horas wels, charles jecsan or jorjia ka ek tabib kraford W long. Haqaiq ko paishe nazar rakhte hue main ye kahon ka k in sab se kahin zyada aham Morton ka kirdar hai. isi aetabar se main ne us ki darja bandi ki hai.
Kis had tak ye bat durst hai k Morton ke ether ke kamyab istamal se karib do sal beshtar horas wels ne apni dandan sazi ki riyazat me amal takhdir ka istemal shuru kar dya tha. Lekin takhdiri hurba wels ne istamal kya wo nitris oxide thi jo amal jirahat me koi inqalab bapa nahi kar sakti thi. Chand muwafiq osaf ke bawasf nitiris acd ko aham amal jirahat me ek taqatwar amal takhdir ke tor pr istamal nahi kya ja sakta tha. (aaj kal use digar adoyat ke masnoi istrak ke sath dandan sazi me khas maraham me istamal kya jata hai). dosri taraf ek heran kun andaz me mosar or hama gir chemical element hai jis ke istemal ne amal jirahat me inqalabi tabdilian paida kin. Aaj beshtar muwaqe par kahin zyada muwafiq dawa ya adoyat ka murakab ether ki jaga istemal ho rahi hai. tahum apni is daryaft ke ek sadi bad tak ether hi bator takhdir sab se zyada istamal hota raha. Is ki qabahaton ke bawajud (ye atish gir hai or is ke istamal me ek mumkina qabahat istafrag ka waqo pazir hona hai) aaj bhi ye daryaft hone wali dawaon me sab se zyada aham bat ye hai k ye mehfoz or is ki iatadad kar behtar hai.
Karaford W long (pedaish 1815 wafat 1878 ) jarjia ka ek tabib tha jo Morton ke amli muzahire se karib 4 sal qabal 1842 me amal jirahat me ether ko istamal karta tha. Tahum us ne apni ejad ke nataij 1849 me hi shaa karwae. Tab tak Morton apne amli muzahire ke zarye ether ko tib ki dunya me amal jirahat ke lye ek sod mand dawa ke tor pr mutaruf karwa chuka tha. Natijatan long ki tehqiqat ne chand marizon ko hi faida dya jabke Morton ke karname se tamam tibi dunya ne istafada hasil kya. Charles jecsan ne Morton ko ether ke istemal ka mashwara dya tha or use is dawa ke marizon pr istamal ke hawale se bhi qabile qadar mashware dye the. Dosri taraf khud jecsan ne amli jirahat ke doran is dawa ko kabhi istamal karne ki koshish nahi ki na hi Morton ke kamyab amli muzahire se pehle kabhi jecsan ne tib ki dunya ko ether se mutaliq apni mufid malomat se agah karne ki sai i. Darasal Morton hi tha jis ne ek awami muzahire ke zarye apni zati hesiyat ko dao pr lagaya tha agar galbert aebet ki bister jirahat pr hi mot waqa ho jati to aesa mumkin dikhai nahi deta k jecsan is muzahire ki zimedari me apni shirkat ki zimedari qabol karne pr amada hota.
Morton or jozaf lister me ek mawazna munasib rahe ga. Dono hi tib ki dunya ke admi the. Dono ne amal jirahat or bachon ki nighadasht ke mamlat me naye tariqa kar mutarif kar ke inqalab bapa karne ke zimedar hue the. Dono ke mamlat me ye amar mushtarik hai k dono apni ejadat ko jo un ki kawishon ke sabab marof or maqbol huin istamal karne wale awalin log nahi the jabke dono apni ejadat ke lye wahid zimedar bhi nahi the. Main ne Morton ko lister se buland darja dya hai q k mera khayal hai k majmoi tor pr grasimkash adoyat ki nasbat amal jirahat me amal takhdir jese wasile ka istamal kahin zyada aham izafa hai. use kisi had tak amal jirahat ke doran becteria kash adoyat ko jarasimkash adoyat ki qilat me mutabadil ke tor pr istamal kya ja sakta hai. amal takhdir ke bagair pechida or tawil operation mumkin nahi hain. Hata k sada se sada operation me bhi is ke bagair karwai nahi ki jati.
Amal takhdir se mutaliq Morton ka awami muzahira jo us ne october ki ek subha ko 1846 me kya wo insani tarikh me ek aham mor sabit hua. Galiban us ki qabar i katba pr likhi hui is tehrir se behtar koi dosra jumla us ke karname ka durst ahata na kar sake

“William T G Morton”

Takhdir ke tariqa kar ka mojid or pegambar jis ke bais jirahati operation me se mariz ki aziyat ka azala or khatma hua. Is se pehle jirahat ek karbnak amal tha. Amal takhdir se science ne ye kurb rafa kar dya.