Worldknowledge1
 
 
 
 
 
In this page you will find and read biography of Wright Brothers in Urdu Hindi and Roman urdu.
wright brothers information in urdu, wright brothers biography in hindi, wright brothers birthday, wright brothers inventions, wright brothers life story.

Wright Brother's

(Biography Of Wright Brother's)

Home Biography<<
 

In dono bhaion ki kamyabian is tor baham na the hain k unhen ek hi unwan ke tehat likha ja sakta hai. is mazmon me dono ka ahwal ek sath paish kya jar aha hai. Wilbur Wright 1867 me indiyana me melwehi ke muqam pr paida hua. Us ka bhai wehi Wright deten (ohio ) 1871 me paida hua. Dono larkon ne school ki ala talim hasil ki. Tahum koi ek bhi diploma hasil nahi kar saka.

Dono bhaion me mechanics ka khudadad johar mojud tha. Dono ko hi insani parwaz ke mozo me dilchaspi thi. 1892 me unho ne cycle bechne maramat or tayar karne ki dukan kholi. Us se unhen apni pur josh dilchaspi yani hawabazi se mutaliq tehqiqat ke lye mali imdad muyasar aai. Unhon ne bare ishteyaq se digar mahir hawabazi ki tehriren parhen. Jese otol lenthal, oktav chiniot or semioil pilange. 1899 me unhon ne khud hawa bazi ke mozo pr kaam shuru kya. December 1903 tak 4 sal ki mehnat mushaqat ke bad wo bilakhir kamyabi se hamkinar hue.

Ye bat bais tajub hai k Wright bradran kis tarha kamyab hue jabke isi shobe me mutadid diogar log nakam ho chuke the? In ki kamyabi ki mutadid wajuhat thi. Pehli bat to ye thi k ek se behtar do hote hain. Unhon ne hamesha ikathe kaam kya or mukamal muwafiqat ke sath ek dosre se jure rahe. Dosri waja ye thi k unhon ne bara danishmandana faisla kya k wo apne tor pr koi hawai jahaz tayr karne se pehle khud urna sikhen ge. Ye bat qadre baham mutanaqiz malom hoti hai k hawai jahaz ke bagair urna kis tarha sikha ja sakta hai? Is ka jawab ye hai k Wright bradran ne pehle glaider urana sikha. Unhon ne 1999 me glaider or patango se agaz kya. Agle baras wo ek bare volume ka glaider (jo ek aadmi ka wazan sahar sakta tha). Shumali kerolina me keti hok me lae or us ki azmaish ki. Ye qabile itmiman nahi tha. Unhon ne 1901 me dosra bara glaider tayar kar ke uraya. 1902 me tisra uraya. Ye tisra glaider un ki intehai aham ejadat me se chand ek pr mabni tha (un ki chand ejadat jin ka itlaq 1903 me hua un ke pehle taqat war jahaz ki nasbat isi glaider se wabasta hain). Tisre glaider me unhon ne 1000 se zyada kamyab perwazen kin. Apna taqatwar hawai jahaz tayar karne se pehle wo dunya ke behterin or intehai kehna mashq hawa baz ban chuke the.

Glaider ki parwazon me un ki kehna mashqi ne unhen kamyabi ke lye bunyad muhaiya ki. Beshtar jin logon ne pehle hawai jahaz banane ki koshish ki wo is nuqta pr parishan ho jate k kis tor ye is ke paiyon ko zamkin se buland kar ke fiza me parwaz karen ge? jahanara bradran ne durst tor pr ye adrak kya k asal masla to ye hai k is ko kis tor fiza me buland rakha jae? So unhon ne apna beshtar waqt or taqat aesa tariqa daryaft karne me sarf kya k jis se jahaz ko hawa me mutawazan or mustehkam rakha ja sake. Wo apne jahaz ko 3 axises wale nizam se qabo me rakhne ka tariqa ejad karne me kamyab ho gae. 

Wright bradran ne paron me mutadid izafe kye. Unhon ne jald hi adrak kya k mazi me isi mozo pr chupe goshware gair mutabir the. Unhon ne apna alag hawa ka khana banaya. Or is me unhon ne 200 se zaid paron ki mukhtalif shakhen banwain. In tajurbat ki bunyad pr wo apne goshware tartib dene me kamyab ho gae. Jin se ye amar mutarshah hota tha k kis tor “par” ke oper hawa ke dabao ka inhesar “par” ki sakht pr hota hai. In
malomat se wo apne hawai jahaz ke paron ki sakht mutain karn me kamyab hue.

In tamam kamyabion ke bais  wWright bradran agar tarikh me durst lamha me zahir na hote to kabhi mukamal kamyabi hasil na kar pate. 19th sadi ke ibtadai nasf me hawai jahaz urane ki kawishen naguzir tor pr nakami se do char ho rahi thin. Bhap ke engine is tawanai ki nasbat boht zyada wazni the jo in se paida hoti thi. Yahi dor tha jab Wright bradran in manzare aam pr aae. Dakhli afrokhtgi se chalne wale mutadid engine tab tayar ho chuke the. Tahum dakhli afrokhtgi se chalne wale engine jo aam istamal me the. In se hawai jahaz urane ke lye darkar tawanai paida karne me in ka wazan beinteha ho jate tha. Yun lagta tha k tab paida hone wali tawanai ki nasbat kam wazan ke engine tayar karna kisi ke bas me nahi tha.. Wright bradran ne ek misti ki madad se khu ek engne tayar ya. Ye in ki fatanat ki ek misal thi k agacha nhon ne engine ka dhancha tayar karne me nasbatan kam tawaja sarf ki. Is ke bawajud wo aesa ala engine tayar karne pr qadir the, wo is dor ke ala azhan ke bas me nahi tha. Unhon ne jahaz ke pankhe bhi khud hi banwae. 1903 me unhon ne jo pankhe istamal kye wo 66 % istadad ke hamil the.

Pehli uran ka waqya shumali kerolena me keti hok ke qarib dualhel ke muqam pr 17 december 1903 me ronuma hua. Is roz dono bhaion ne do do parwazen kin. Pehli parwaz wehi Wright ne ki jo 12 second jari rahi or 120 ft ka fasla teh hua. Akhri parwaz Wilbur Wright ne ki jo 59 second jari rahi or 852 ft ka fasla teh hua. In ka jahaz jis ka nam unhon ne “flyer 1” rakha tha (or jise aaj hum “keti hok” ke nam se jante hain). Ek hazar se bhi kam dollar me tayar hua tha. Is ke par 40ft lambe or karib 750 pond wazni the. Is me 12 hours power ka engine laga tha jis ka wazan sirf 170 pond tha. Ye jahaz washingtan DC me “ national air and space museum” me aaj bhi mehfoz hai.

Agarcha is parwazon ko dekhne wale 5 mushahid wahan mojud the. Chand hi akhbara e is ki khabar di (jooo beshtar gair durssst thi). Un ke aaapne qasbe ohio (deten) ke muqami akhbar ne use mukamal andaz kya. Darasal logon ko is bat ko amomi tor pr man lene me k insani parwaz mumkin ho chuki hai 5 baras ka arsa laga.

Keti hok me parwaz ka muzahira karne ke bad wo deten wapas aae jahan unhon ne naya hawai jahaz “flyer 2” tayar kya. Is jahaz me unho ne 1904 me 105 parwazen kin. Tahum wo awami tawaja hasil nahi kae sake. “flyer 3” ki sorat me ek behtar or amli hawai jahaz 1905 me tayar hua. Agarcha unhon ne deten me mutadid parwazen kin. Lekin kisi ko yakin nahi ata tha k hawai jahaz waqai ejad ho chuka tha. 1906 me “herald tibion” ke peres se chapne wale akhbar me Wright bradran pr “fliers or laiers “ (parwaz or freb) ke unwan se mazmon chapa.

1908 me Wright bradran ne in awami shakok or shubat ko tamam kya. Wilbur Wright apne ek jahaz me beth kar france pohncha. Wahan awami muzahiron ka ek silsila shuru kya. Or apni ejad ki frokht ke lye ek idara khola. Is doran america me wehi Wright aese hi muzahire karta raha. Bad qismati se 17 september 1908 ko us ka jahaz zamin se takra kar tabah ho gya. Ye wahid sangin nuqsan tha jis se unhen do char hona para. Ek musafir halak hua or or khud or wehi ki do pasliyan tot gain. Tahum bad me wo thek ho gya. Tab tak us ki kamyab parwazen america hakumat ko qail kar chuki thi k wi apne jangi shobe ke lye hawai jahazon ki rasad ke lye in se rabta kare. 1909 me qomi bajut ne foji hawa bazi ke lye 30,000 dollar mukhtas kye gae.

Ek dor me Wright bradran or un ke harifon ke bich is ejad ke haqoq ki nasbat muqadma bazi bhi hu. Tahum 1914 me adalat ne un dono ke haq me faisla dya. Is doran me welber Wright typhiod ke bukhar me mubtala ho kar 1912 me chal basa jabke us ki umar sirf 45 baras thi or wehi Wright ne 1915 me hawai jahazon ki company me apne hasas ko frokht kar dya. Wo 1948 me fot hua. Dono bhai tamam umar mujrid rahe. Is medan me is se qabal bhi mutadid tehqiq or masai or tajurbat ho chuke the lekin is amar pr kalam mumkin nahi hai k hawai jahaz ki ejad ka sehra Wright bradran  ke sir hi bandhta kai. Hawai jahaz ek tabati mashine ye dakhli engine se kahan kam aham ejad hai. Q k mokhara zkar dono ejadat ne insani tarikh me inqalab barpa kar dye the. Is ke bawajud is ki afadiyat apne tor kam nahi hui. Agli chand dhaion me hi hawai jahaz ne hamari wase or ariz zamin ko samet kar mukhtasar kar dya. Nez ye k insani parwaz ki kamyabi ne khalai safar ki taraqi ko bhi mumkin banaya.

Saha barson se insan hawai safar ka khwab dekhta aya tha. Amli logon ka hamesha ye khyal raha k alif lelvi dastanon ke jadoi qalin faqat khwab hain. Haqiqi dunya me aesa kabhi nahi ho sakta. Wright bradran ke khudadad johar ne insan ke is dairena khwab ko mumkin kar dikhaya or ek jadoi kahani ko haqiqat bana dya.