Niccolo do Bernardo Dei Machiavelli was born on 1469. he was belonged from Italy. Machiavelli was a Italian politician, diplomat and philosopher. Machiavelli also wrote the books, “the Prince” is one of the best book which is written by Machiavelli. Machiavelli Was died on 1527. In this page you will find and read Biography of Niccolo Machiavelli in Urdu Hindi Roman.

Machiavelli ka siyasi falsafa

(Niccolo Machiavelli Biography)

 

15th century  me turkon ne qustuntunia ki fatah ke bad se Europe me younani ulom aur tehzeeb ne farog paya aur in ke asar se Europe ki zehniyat ki kaya palat hogai aur wo mazhabi rishta jo masihi Europe ko mutahad ker sakta tha.. lamazhabiyat aur mzhabi tafarkon ki waja se na sirf kamzor ho gaya tha balkay khatam hogaya tha.. Italy me la mazhabiyat ne zor pakra aur germany me sahi ya asli masihat ko zindah kernay ki koshish mazhabi islah ki tehrik ki surat me shoru hoi. calisaya mazhab ki islah ki tehrik aur younani aur romi ulom ke mutalay ne logon ke khayalat me bari inqalabi tabdeli paida ki ab qadamat parasti, kora na takleed to hum parasti. Aba parasti aur jamod ki jaga roshan khiyali aur rawadari ne li. Taleem ke aam hojanay aur ilm ki zabardast ashaat honay ki waja se  dunya ki aalmi aur mazhabi qiyadat Europe ke hath me agai aur is ka zabardast asar siyasi nazaryon aur siyasi falsafo per bhi para.

Italy me Machiavelli aur germany me marten lther aesi shakhsiyat thi jin ke khayalat aur nazariyon ne is zamanay ke zehen ko bilkul badal dala khas ker Machiavelli ke nazryat ne.. ek to wo qaroon-e-wasta ke siyasi falsafay se bilkul bezar tha aur dosray is zamanay ke maroj-o-Muslim mazhabi rujhanat aur khiyalat se dono ne mazhabi aur siyasi zindagi ke baray me inqalabi tasawor paish kiye.

Machiavelli 1449 iswi me Italy me paida howa is ne ajeeb-o-ghareeb mahol me ankh kholi is ke mulk me siyasi etahad ki humesha zabardast khuwaish rahi lakin wo puri na ho saki. Mulk mutada choti aur bari mumlikaton me muntakeem tha jin me qoumi etahad aur yak-jehti ke band bay ka faqdan tha. Ghair mulki takatein mulk ke baray hissay me qabaz thein atalwi qoum parsati ka wajood  tak na tha. Lakin is ke bawajod  15th century ke akhir me Italy ke bashinday saray Europe ke Muslima almi zehni aur tehzeeb leader thay inhe is per fakhar tha ke wo qadeem roma-tul-akbara ya romi shehanshat ke waris hain lakin dosri taraf  khud in ke mulk ki siyasi halat had darja abtar aur zabon thi. Siyasi etabar se mulk ek na tha. Machallivi ke zamanay me Italy ke mutadba hissay per pa pa-e- azam ki saltanat qaim thi. Wo mutehada Italy ka mukhalif tha kiyon-ke mutahed ho janay se is ki saltanat khatam hojati shumali Italy maqdas roman shehenshhat ke zer-e-nageen tha aur junubi Italy spain ke zer-e-tasletat tha is ke ilawa wo mutedid choti bari shehar mumlikat thein. In me se her ek ko apni azadi be-had aziz thi.1494 iswi me france ne bhe  Italy k ek hisay ko harap ker liya aur is ke bad bhi Italy mukhtalif europian mumlikaton ke taslet ka ama jagah bana raha is intashar ki zimadari ek had tak Italy me pheley howay siyasi nazaryat aur khayalat per bhi thi is ki zehni tarakki 15th century me had kamali ko pohanch chuki thi aur ke natija ye nikala ke Italy walay in tamam pabandiyon se azad  hogae jo insane ko be lagam aur be-bak honay se rokti hai in me khandan baradri aur qoum se mohabat ka jazba bilkul khatam hogaya wo wafadari ko sab se bari akhlaki kamzori samjhnay lagay aur sirf bahaduri ko insani sirat ka sab se ziyada qabil-e-qadard suf samjhanay lagay is zamanay me larai ko tor tarikon aur islahat-e-jang me mukhtalif ijadon maslan toop aur bandok ki waja se zabardast tabdeliyan hoi aur is waja se fun sipa gari ek mustakil paisha ban gaya aur Italy ki choti choti mumlikat choti honay aur in ke wasail amdani maqool na honay ki waja se is qabil na thi ke bari mustakil foujein rakh sakay is liye wo apnay dusmano se muqablay ke waqt paisha-war sipahiyon se kaam lanay lagay. Ye paisha-war sipahi mukhtalif mumlikaton ki foujo me is lie bharti honay lagay ke moqa pa ker in mumlikaton per qabis ho jaein. Is zamanay me in harkaton ko bura nahi samjha jata tha balke isay foujiyon ki daleri ko khob saraya jata tha bhalay wo apna maqsad hasil kernay ke liye kese hi najaiz tarikay kiyo na ikhtiyar ker le.

Is fiza me Machiavelli ne apnay siyasi nazarye paish kiye is ki shehra afaqi tasnef “the Prince” me is zamanay me zehni kefiyat saf saf nazar ai hai madi kamyabi ka dildadah aur bay-baki ka qadar dan tha. Is sab se bara karnama ye hai ke is ne bay-baki aur jurat ko ek maqsad key tabay ker diya is se pehlay aur mufakireen ne is gaflat barki isay siyasi zabton  me na jakrein.. is se pehlay bhi amli siyasiyat ki dunya me jhot bolna wada khilafi kerna, dhoka dena ya fareeb dena aur zulm krna raej tha lakin pehlay log in baton ko bura samjh ker kertay thay. Lakin machalivi ne mumlikat ki baqa tahfuz aur siyasi iqtadar ko bilkul jaiz karar diya is ke nazdeek jab mumlikat ka wajod khataray me ho ya is ke mufad ko kisi kisim ka nuksan pohanch raha ho to phir hukumat ya barsar-e-iqtadar tabqay ke liye apnay upper kisi ikhlaqi asool ki pabandiyan zaror samajhna sirf himakat hai balkay bohat bara siyasi jurm hai.

Is ke ye khayalat is waja se thay ke wo apnay mulk ko gair qoumo ki ghulami se nijat dilana chahta tha aur saray mulk me ek mutehad paidar aur ba waqar hukumat dekhna chahta tha. Is ke khiyal me ye maqsad sirf ek mard kamil hi hasil ker sakta tha. Is ke mulk ki fori zarorat ye thi ke ek mutahed aur paidar hukumat qaim ho aur ye zarorat sirf ek bahadur adololazem aur nidar shakhsiyat ke hathon puri hosakti thi is liye is ne apni tasnif ka naam “ the prince” rakha aur apna hiro pap-e-azam alegesnder shisham ke larkay sisor borhiya ko banaya jisay apna maqsad hasil kernay ke liye buri se buri bat kernay aur baray se bara ikhlaki jurm kernay me mutalik bak na tha is ne thori se mudat me wast Italy me ek paidar aur munazam hukumat qaim kerli is liye bhi Machavili isay bohat ziyadah sarahta  tha.

Machavili taban qanoti yas parsh tha aur insani fitart se had-o-darja bad-guman. Wo insane ko itna ziyadah khud-garz , matlabi bura aur zalil samajhta tha ke is ke nazdeek naik aur ba-asol hukumran hona itna hi ziyadah mushkil hai. Jitna pathar se pani nikalna is ke khayal tha ke insani zindagi puray tor se taqder ki matihati me hai aur yahi is ke upar raj kerti hai. Taqdeer aur matlon-ul-mizaj aur bay-wafa aurat ki manind hai jis per kabhi bhi atamad nahi kiya ja sakta. Isi ke sath sath jabro kowat bhi insane ki himat aur azmaishein me puri tarah sharik hai insane in dono dushmano per is waqt tak kamyabi hasil nahi ker sakta jab tak wo khud apnay me salahiyaton ko paida na keray jo in pe fatah panay ke liye zarori hai yani taqdeer ki tarah her kisim ki daga-bazi aur fareb dehi se kaam lay aur jis tarah jabr-o-tashadud kisi shaks ya moqa ka lehaaz nahi kerta isi tarah insane bhi apnay maqsad ke hasil kernay ke liye her ikhlaqi pabandi se bilkul azad hona chaye wo taqdeer ki talon mizaji aur jabr-o-tashadud ke dabao ko insane ki poshidah fitri kowaton aur salahiyaton ko bedar kernay ka mosar tareen zarya tehra.

Machiavelli wo sab se pehlay siyasi mufakir hai jis ne qomi ghair mazhabi muqtadar-e-ala aur wahidani mumlikat ka wazay aur ghair mubhim tasawur dunya ke samnay paish kiya jisay dosri eorpian mumlikaton ne tamam o kamal ikhtiyar kiya yahan tak ke sara europeian siyasi nizam hi is ki bunyad per qaim howa. Is ne qaroon-e-wasta ke is nazarye ko bilkul mustard ker diya ke mumlikat ke ander khudmukhtar ba-akhtiyar imaginein ho sakti hai

Wo iqtadar-e-ala ke is bunyadi nazarye ka zabardast hami aur ilm bardar tha ke muqtadir-e-ala ko mumlikat ke jumla andoroni muamlon me bila-shirkat ghair-e-bala dast aur kharji muamlon me bilkul azad hona chaye.