Home Scientist <<  
Worldknowledge1
 
 
 
 
 
Dr Noor Muhammad Butt was born on 3 june he got Ph.D in nuclear physics  also tought the many student in NUST.  In 1961 N.M Butt joined the Pakistan atomic commission. He got sitara-e-intiaz in 1992 for his best perfomence. In this page you will find and read biography of Dr Noor Muhammad in urdu hindi and roman.

Dr, N.M Butt (Noor Muhammad Butt)
(Dr, N.M Butt Nuclear Physician)

 
Noor Muhammad Butt

Dr, N.M Butt 1938 mein Lahore mein paida hoye. Sun shour ko puhnchey to taleem se nata jor lia. Taleem ke iptidai marahil kamiyaabi aur aizaz se tay kiye aur bala akhir M.S.C ke liye Government College Lahore ja pouhchey jaha se inho ne nihayat achi position se physic mein M.S.C ki degree hasil ki.
                                                                             Government Lahore ko ye munfarid aizaz hasil hai ke digar tamam shuba haye zindagi ki tarha science ke mukhtalif shubo mein numaya khidmaat anjaam dene wale science dano ki aksaryat ne issi adarey se taleem hasil ki. Iss ke sath sath  iss adarey mein aisey beshumar laik kabil, mehnati aur watan ki muhabbat se sir shar asatza bhi khidmaat sir anjaam dete rahey jinho ne tadrees wa tehqiq ke ilawa science ke mukhtalif shubo mein herat angeez numaya anjaam diye hain. Example Dr, Tahir Dr, N.M Butt wagera. Aisey hi asataza mein se aik Dr Muhammad Rafi Chaudhry they. Jinhain baba-aye atomi science daan bhi kaha jata hai. Inhon ne iss adarey mein Pakistan aur Asia ki pehli atomi research labortary kaim ki thi. Dr N.M Butt Dr, Rafi Muhammad Chaudhry ke shagird(Student) hone ka aizaz hasil hai. Wo Dr Saheb ke kareebi shagirdo mein se aik they. Inho ne government college Lahore ki iss atomi research labortary mein hi tarbiyat hasil ki jisey Dr Rafi Muhammad Chaudhry ne kaim kia tha.
           M.S.C karne ke baad Dr, N.M Butt Pakistan institute of nuclear science and technology (Pinstech) se wabasta hogaye. Dr, N.M Butt Pakistan institute nuclear science and technology Pinstech mein mulazmat ke duran hi aala taleem aur tarbiyat aur jadid tehqik ke hasool ki khatir England chaley gaye aur Birmingham university mein nuclear physic ke shubay mein taleem wa tehqik mein masroof hogaye. Aur apni tehqik ke natijey mein P.H.D ki degree se nawazey gaye. Inho ne apni tehqik ka daira kar mazeed wasi kar diya aur iss tarha Dr, of science (D.Dc) ki degree hasil ki Dr, N.M Butt pehley Pakistani they jinho ne ye aizaz hasil kia.
                                        Nuclear physic mein aala tareen degree hasil karne ke baad watan aziz wapis chaley aye aur dubara Pakistan institute of nuclear science and technology mein faraiz sir-anjaam dene lagey. Kcuh arsey baad inhain iss adarey ka chief scientist mukarar kia gaya. Taraki karte karte wo director general ke uhdey tak puhchey aur bala akhir 1998 mien issi uhdey se retair hoye. Dr, N.M Butt ko real society of physic London ke fellow honey ka intehai munfarid aizaz bhi hasil hai. Iss ke sath sath wo Islamic acadmic of science ke fellow bhi they.
                          Dr, N.M Butt ne nuclear physic ke 120 se zaid eham tareen tehqiqi mukalaat tehrir kiye hain. Dr,N.M Butt 26 se zaid mumalik mein 100 se zaid benul aqwaami conference, ijlaaso, seminaro aur work shops mein Pakistan ki taraf se numaindagi kar chukey hain aur lecture de chukey hain.

                                    
Dr, N.M Butt ka sab se eham aur numaya karnama Pakistan institute of science and technology (Pinstech) ki aabiyari wa-pardakhat hai. Jab wo iss adarey mein aye they to ye aik nu-zaida poday ki manind tha, jab wo iss adarey se sabak-dosh hoye to ye adara tanawaor darakht ban chukka tha.