Home Scientist <<  
Worldknowledge1
 
 
 
 
 
Rafi Muhammad Chaudhry also known as R.M chaudhry was born on 1 july 1903. he got  awarded Sitara-e-Khidmat (1964), Sitara-e-Imtiaz (1982) and Hilal-e-Imtiaz (2005). In 1960 chaudhry  joined the Pakistan atomic energy commission and spent his time in the research. In this page you will find and read biography of Dr Rafi Muhammad Chaudhry in urdu hindi and roman.

Dr Rafi Muhammad Chaudhry
(Dr, Rafi Muhammad Chaudhry Atomic Scientist)

 
Dr Rafi Muhammad Chaudhry

Dr, Muhammad Rafi Chaudhry 1 July 1903 ko (Hindustan) India ke zila Rohtak district ke aik gaon kahnaur mein paida primary tak ki taleem apne gaon se hi hasil ki. Jab-ke rohtak shehar se apni sanvi taleem mukamal ki aur 1923 mein scholarship par muslim university aligarh chaley gay. Wahan inho ne kai aizazat(Gold Medal) hasil kiye. Jis mein se aik 1929 mein university ke M.S.C physic ke imtihan mein 1st aaney par jab-ke dosara tamam sciency muzameen mein sb se ziada number lene par aur 1st position hasil karne par hasil kiya. Inn ka ye record aik chuthai sadi tak barkarar raha.
                                                                                                 Rafi Muhammad Chaudhry ke shandar taleemi career se mutasir ho kar nawab of Bhopal ne inhain mazeed taleem ke hasool ke liye England ki mashoor daras gah cambridge university ke liye scholarship de diya, chu-nancha wo Cambridge nawarad they aur waha ke dakhla ke nizaam ke barey mein kuch na jante they, iss liye wo mashoor zamana noble inaam yafta science daan loard Radford ke pas chaley gaye aur inn se mashoor Cavendish laboratory mein kisi jagha ke mutalik daryafat kia. Loard Radford ne in ki madad ki aur inhain fitness vilium house (abd fitness velium college) mein jagha dilwa di. Iss ke sath sath inhain research talib ileem ke toor par rakh lia. Iss waqat inn muzuat par professor J.J thomson bhi abhi tajurba gah mein tehqiq mein masroof they.
                                                                                                 Dr, Rafi Muhammad Chaudhry ne 1923 ke awa akhir mein apna doctorate ka muqabla mukamal kar liya. Inhone Cavedition mein kayam ke duraan istafadah karte hoye numaya hesiyat se kaam kia aur P.H.D ki degree hasil kar li. Dr, Rafi Muhammad Chaudhry hamesha iss bat par fakhar karte rahey ke wo cavedetion mein apne sunharey door ke duraan Radford ke talib-ileem they.
                         1933 ke aghaz mein Dr, Rafi Muhammad Chaudhry P.H.D ki degree hasil karne ke baad wapis (India) Hindustan chaley aye.. Wapis aaney par apne hi gaon mein inn ki shadi kardi gai. 1933 mein hi inn ki pehli taqreer ghair munkisim Hindustan mein Islamia College Lahore mein batoor physic ke professor ke toor par amal mein. Wo 1938 tak iss adarey mein tadrees faraiz sir anjaam dete rahey. Wo iss duraan physic ke chairman bhi rahey.
                                1938 mein muslim university aligarh ne inn ki khidmaat hasil kar lein aur inhain shuba physic mein professor ke sath sath chairman shubaa physic mukarar kia.yaha inho ne gasso ke ikhraaj par apni tehqiq jari rakhi.
                                                                                                 1946 mein professor sir mark aulifant ki dawat par bremen university ke shuba physic mein batoor field fellow ke toor par kam karne ke liye dubara England gaye.
                                                                     Professor Rafi Muhammad Chuaudhry 1948 mein Pakistan chale aye. Pakistan aatey hi inhoon ne fori toor par government College Lahore mein physic ke M.S.C ke course ka aghaz kar dia. Jis ke akhri saal mein final year mein Theses bhi shamil kia gaya tha. Aur iss tarha government College Lahore mein post graduation ki taleem ka aghaz hogaya. Professor Rafi Muhammad Chaudhry muslim university aligarh se apne sath aik dost bhi le aye jin mein se aik professor Tahir Hussain they. Professor Rafi Muhammad Chaudhry ki taqleed mein government Lahore mein dosarey sciency uloom ke courses ka bhi ajar kiya gaya.
Professor Rafi Muhammad Chaudhry apni retairment tak khud atomic and nuclear physic par lecture dete rahey. 1954-55 mein professor Rafi Muhammad Chaudhry aur un ke sathiyon ne tajurbaat ke duran aik naai cheez daryafat ki.silver dhaat ke namune par kaam karte hoye inho ne dhati satah par spectrum ke musalsal akhraaj ko daryafat kia.
                                   1965 mein professor Rafi Muhammad Chaudhry retair ho gaye. Physic department ke sarbarah ne leboratory ka charge bhi sambhal lia aur laboratory ka naam tabdeel kar ke nuclear research leboratory rakh dia.
         1970 ke owail mein inhon ne Punjab university ke center far sold state physic mein gosha afiyat talash kar lia. Jahan inho ne plasma physic ki naai research laboratory qaim ki. Iss laboratory mein inho ne university ke mutadid talba ko M.S.C aur M.Phil ke liye tarbiyat di. Iss kam se mutaliq bari tadad mein mukalaat bhi tehrir aur shaya karay gay.
                                  Professor Rafi Muhammad Chaudhry ki Punjab university se shuro se hi wabastagi rahi. Wo 1960 se 1977 tak Punjab university mein aizazi professor ke toor par khidmat anjaam dete rahey.

                   
1977 mein Punjab university ne inhain taa hiyat professor of amretus mukarar kia. 4 december 1988 ko aik mukhtasar aalat ke bad Dr, Rafi Muhammad Chaudhry iss dara faani se kooch kar gaye, magar ileem ki jo shama wo roshan  kar gaye, wo rehti dunya tak roshani pheelati rahe gi.