Home Scientist <<  
Worldknowledge1
 
 
 
 
 
Muhammad Raziuddin  Siddiqui was born on 8 January 1908. his field was the theoretical physics. The prime minister of Pakistan zulfakar ali Bhutto requested to him to join the Pakistan atomic energy commission. He got sitara-e-imtiaz, hilal-e-imtiaz and nishan-e-Imtiaz. In this page you will find and read biography of Dr Muhammad Raziuddin  Siddiqui in urdu hindi and roman.

Dr, Raziuddin Siddiqui
(Dr,Raziuddin Siddiqui Nuclear Physician)

 
Dr Raziuddin Siddiqui

Dr, raziuddin siddiqui 2 January 1908 ko bare sagheer pak wa hind ke mashoor shehar  hyderabad dakan mein paida hoye. Taleem ke ibtedai marhail ehsan toor par tey karte hoye 1925 mein jamia usmania ja pohuchey jahan se graduation ki taleem ki piyaas inhain kasha kasha diyare ghair le gai. 1928 mein inho ne dunya ki qadeem aur azeem dars gah cambridge university London sey M.A Riyazi(Maths) ka imtehan bare aizaz ke sath pass kia.
                       Post graduation ke bad bhi hinoz ileem ka jam talab labreez na hoa aur ileem ki mazeed piyas bujhane ke liye Germany chale gaye. Dr, Raziuddin Siddiqui ne zaman talib ilemi mein hi dunya ke sciency halko mein apna aik munfarid mukam bana shuro kardia tha. waqat ke sath sath sciency dunya se inn ka shaghaf ba-tadreej barhta raha aur issi shok aur lagan ki waja se inhon ne inglistan, France aur Germany mein atomi tawanai aur nazarya izafat par tehqiqati kam ka aghaz kia aur iss ko intehaye urooj par pohuchane ke bad aik mabsut mukala likh kar 1931 mein Germany ki mashoor university Leipzig se P.H.D ki degree hasil ki.
              Takmeel ileem ke bad watan wapis lotey aur yaha akar dosaro ko apne ileem se seraab karma shuro kar dia. Aur 1931 se 1950 tak bare sagheer ki mashoor zamana daras gah jamai usmania (Hyderabad dakan Bharat) mein tabiyat aur riyazi ke professor ki hesiyat se tadrasi faraiz sir anjam dete rahey. Ye wahi daras gah hai jaha se kuch arsa kabal inho ne graduation kit hi. Dr, Raziuddin Siddiqui ki tadres ka anfaradi pehlo ye tha ke wo apna lecture urdu zuban mein dia karte they.
                   Taqseem bare sagheer ke natijey mein 14th august 1947 ko dunya ke naksey par aik nai islami mumlikat Pakistan ka zahoor hoa to Dr, Raziuddin Siddiqui hijrat kar ke Pakistan chaley aye. Ye 1950 ki baat hai yaha akar inho ne mukhtalif mukalat par mukhtalif hesiyato se faraiz sir anjaam diye. Doctorat research aur voice chanceler ki hesiyat se inho ne pishawar, sindh aur Islamabad mein khidmaat sir anjam dein. 1961 se 1973 tak Quaid-E-Azam University ke voice chanceler rahey aur iss university ko Pakistan ki saf awal ki university bana dia.
    Dr, Raziuddin Siddiqui kuch arsa Pakistan science acadmy ke chairman ki hesiyat se bhi kam karte rahey. In ki quaidana salahiyato ne iss adarey ko aik miyari adarey ki shakal de di. Wo kuch arsey sadar ke seceraterat ke sciency, techniki aur tehqiqaati shubay ke joint secretory Incharge bhi rahey. Iss ke sath sath wo taweel arsey tak Pakistan atomic energy commission ke rukun rahey.
            Dr, Raziuddin Siddiqui sciency ulom ke sath sath adab se bhi kafi lagao rakhte they. Iss liye riyazi, tabiyat, science, taleemi masaial aur iqbaliat par khama farsaai ki aur urdu aur angreezi mein kafi tasanif ke sahib taraz musanif tharey.
             Dr, Raziuddin Siddiqui arsa daraz tak daras tadress se wabasta rehney ki waja se taleem ke masail par gehri amiq nazar rakhtey they. Iss bare mein in ke apne khayalat aur nazaryat they. Jinhain inhao ne apni mashooor kiatab “Tellem ka masla” mein nehayat jama andaz mein tehrer kia hai.

                          
Ye azeem science daan danishwar, adeeb, muhakok , falsafi, muleem, muntazeem aur hama sift insane bala-akhir 2 January 1998 ko iss durafani se koch kar gaye.