Home Scientist <<  
Worldknowledge1
 
 
 
 
 
Dr. Saleem-Uz-Zaman Siddiqui was born on 19 October 1897. he interested in Organic chemistry, and observed different  natural product chemistry. He got different awarded like Fellow of the Royal Society,Hilal-e-Imtiaz,MBE,Pride of Performance,Sitara-e-Imtiaz and Tamgha-e-Pakistan is also included In this page you will find and read biography of Dr Saleem-Uz-Zaman Siddiqui in urdu hindi and roman..

Dr, Saleem Uz Zaman Siddiqui
(Dr,Saleem Uz Zaman Siddiqui)

 
Dr Saleem Uz Zaman Siddiqui

Dr Saleem Uz Zaman Siddiqui science ki dunya mein nehayat qad awaor shakhs ka naam hai. Pakistan mein jab bhi science daanu ki tareekh likhi jaye gi to wo doctor Saleem Uz Zaman Siddiqui ke naam giraan qadro paish baha kaam ke bagair mukamal na ho sakey gi.
                 Dr, Saleem Uz Zaman Siddiqui 19 October 1897 ko barre sagheer ke mashoor tareekhi ilemi adbi aur sakafati shehar lucknow city india mein paida hoye. Ibtedai taleem ke sare marhail apne abai shehar mein hi ba-ehsan tay kia. 1917 mein sir syed ahmed khan ke kaim kiye hoye azeem taleemi adarey aligarh muslim college ka rukh kia aur 1919 mein 22 year ki age mein nehayat aizaz ke sath graduation ki degree hasil ki. Iss waqat ye darus gah musalmanu ki sab se bari pasndedah darus gah thi. 1920 mein isey university ka darja mila. Aaj ye university Hindustan ki bal-ke dunya ki behtareen university’s mein se aik hai. Aligarh muslim college ke shafiq aur ileem dost asatzaa ki rafaqat ne nujawan Saleem Uz Zaman Siddiqui ke dil wa dimagh mein ileem wa tehqiq ka shok aisa bhara ke wo aala taleem wa tehqiq ke liye be-chain ho gaye. Innki be-chaini, be-karari mein badli to 1921 mein iss ka madwa karne ke liye beroon muluk aala taleemi aur tehqiqi adaro ka rukh kia. Sab se pehley university college London mein aatish shok bujhatey rahey, Frankfurt University Germany mein ja pohchay jahan mashoor German science daan professor Jules Van Bron apne shagirdo ki ileemi piyaas bujhane par mamor they. Dr, Saleem uz Zaman Siddiqui ne inn ki zeer nigrani Dr, Of philosphi (D-Phil) kia. Professor Jules Van Bron ne innki ileemi piyaas to bujhai magar tehqiq wa justujo ki wo lagan inn ke dil wa dimagh mein paida kardi ke jis ne sari umar inhain chain se bethane na dia. Natijatan inhon ne umar aziz tehqiq ke naam kar di.
                 1927 mein nujawan Saleem Uz Zaman Siddiqui mazeed be-chaini sametne watan lot aye. 1928 mein inn ki mulekat tab ki mashoor zamana shakhsiyat aur
Tibbia College Delhi ke baani hakeem Muhammad Ajmal khan se ho gai. Hakeem Ajaml khan ki sehar angeez shakhsiyat ka asar aisa kabol kia ke inn ke kaim kardah adarey
Tibbia College Delhi se wabastagi ikhtiyar karli. Yaha inhain apne juwahir ka khoob khoob muka meyasar aya. Inho ne yaha adwayat ki tehqiqi institute kaim karne ke liye din rat aik kar dia aur bala-akhir apne maqsad mein kamiyabi hasil kar ke dam lia. Phir wo musalsal 10 barus tak iss adarey ke director ke toor par tehqiqi amoor mein masroof rahey. Iss doran inho ne na sirf bohut si adwiyat ke barey mein tehqiqaat kein bal-ke baree sagheer mein adwaya sazi ke kai planets bhi nasab karain. Khass toor par mukhtalif podun ko daway ke silsiley mein bohut mehnat aur lagan se kaam kiya. Inn ki aik tyar kardah dawa “Ajmaleen” ko duniya bhar mein zabardast pazeerai hasil hoi.
1940 mein iss waqat ke aik bare sciency wa tehqiqi adarey council of scientific and industrial research (C.S.I.R) ne in ki khidmaat mustaaray lain. Jang-e-azeem doaim  ke ikhtitaam tak wo iss council se wabasta rahey. Iss doraan inhon ne sanati tehqiq ke liye giraan qadar khidmaat anjaam dain.
                 1947 ke aghaz mein inho ne aik aur eham sciency adarey national chemical laboratory’s ka director mukarar kia gaya.
                             14th August ko Pakistan marooz wajud mein aya to Dr, Saleem Uz Zaman Siddiqui ne sab kuch wahein chor kar aur apne barey bhai aur tehreeq azadi ke azeem rehnuma chaudhary khaliq Uz Zaman ki mayeet mein hijrat kar ke Pakistan chaley aye aur Karachi ko apna maskan bana ya. Karachi iss waqat Pakistan ka darul hukumat aur sab se bara shehar tha. iss waqat Pakistan mein kisi sciency aur tehqiqi adarey ka wajud na tha. Hukumat Pakistan ne Dr, Saleem Uz Zaman Siddiqui ki khidmaat se istafadah karte hoye sciency wa sanati tehqiq ke aik adarey Pakistan council of scientific and industrial research (P.C.S.I.R) ki bunyad rakhi. 1953 mein iss adarey ne inn ki zeer nigrani tehqiqi kaam ka aghaz kia. 1961 mein aik aur sciency adarah Pakistan national science council ki bunyad rakhi gai. Dr, Saleem Uz Zaman ko duhri zimadari sonpi gai aur P.S.R.K.Sath sath iss adarey ka bhi pehla chairman mamoor kar dia gaya. Apni retairment tak wo inn donu adaro ke sarbarah ke toor par faraiz anajam dete rahey. Pakistan national science council ki tarveej ke liye bhi inho ne koi kasar utha na rakhi aur issey bhi aik mustanad adarey ka roop de dia.
                             1966 mein Dr, Saleem Uz Zaman Siddiqui apni mulazmati zimadario se ehsan toor par sabak dosh hoye. Juhi inho ne retairment li Jamia Karachi ne inn ki khidmaat hasil kar lein aur in-hain shuba chemistary ka professor aur research director mukarar kia.
                             Jamia Karachi mein inhain mukamal azadi ke sath apni khuwahishat ke mutabiq kaam karne ka muka mila. Shuba kimiyai ki halat daikh kar inn ke dil mein ye khuwahish paida hoi ke iss shubay ki halat ko behtar bana ya jaye bal-ke issey aala aur miyari science tehqiq ka adarah bana dia jaye, chunan-cha inho ne roz awal se hi apni koshisho ka aghaz kar dia. Iss maqsad ke paish nazar 1967 mein inho ne jamia Karachi ke shubay kimiya ki aik choti si tajurba gha mein post graduation institute of chemistry ki bunyad rakhi.
                             Dr, Saleem Uz Zqaman Siddiqui ki heart angeez shakhsiyat aik taraf tehqiq ke liye zindagi tiyag dene wale science daan mahir kimiya gir ki tasveer paish karti hai to dosari taraf fun masuri, shairi, fanone latifa se gehri aur sachi wabsatagi inn ki zaat ko munfarid bana deti hai. Inn ki shakhsiyat ka heart angeez pehlo inn ki masuri hai. Duniya ka shayad hi koi aisa science daan ho jo bakaidah masuri ke miyaar par bhi puri utri hon aur jisey ehle fun ne bhi khob khob sarha ho.
                             Dr, saleem Uz Zaman Siddiqui ki tasaveer ki mutadid numaishain munakid hoin. Inn ki tasaveer ki pehli numaish August 1964 mein germany ke mashoor shehar Frankfort ki art gallery mein hoi jahan emil nolde aur maya alerjisi mashoor maroof masuwaro ki takhliqat inn ke sath numaish ke liye inn ke sath rakhi gai thein. 1967 mein inn ki takhlikat ki dosari numaish bhi Frankfort germany mein hi hoi. Ilawa azain digar numaishain Bangalore, kolkata, Karachi aur delhi mein munakid hoian.
                             Dr, Saleem Uz Zaman Siddiqui ko apni zindagi mein aik aur munfarid aizaz bhi hasil hoa. Wo ye ke inho ne heli ka dumdar sitara 2 bar daikha. Ye wazah rahey ke ye sitara 80 years bad namudar hota hai aur dikhai deta hai.
Pakistan ke sciency ufaq ka ye sitara 14 April 1997 ko hamesha hamesha ke liye ghroob hogaya aur Pakistan ko aik nakabil talafi nuksan se do chaar kar gaya magar iss sitarey ki roishani hamesha hamesha dosaro ke liye mishal raah bani rahey gi.

Aizazat:
Hukomat Pakistan ki taraf se mukhtalif waqto mein mukhtalif aizazat inhain nawaza gaya 1958 mein tamgha Pakistan, 1962 mein sitara imtiaz, 1966 mein sadarati tamgha, “tamgha baraye hussun kar kardagi” aur 1980 mein hilal e imtiaz jesey aizazat shamil hain.