Home Scientist <<  
Worldknowledge1
 
 
 
 
 
Samara Mubarakmand was born on 17 september in 1942. in 1966 he was encouraged senior scientist dr, name Ahmad to join the the Pakistan institute of nuclear science and technology. Dr Samar Mubarakmand known for the nuclear deterrence program integreated missile program gamma ray spectrometer. He also got Nishan-e-Imtiaz, Hilal-e-Imtiyaz and sitara-e-Imtiaz. In this page you will find and read Biography of Dr'Samar Mubarakmand in urdu hindi.

Dr, Samar Mubarakmand
(Dr, Samar Mubarakmand Atomic Scientist)

 
Samar Mubarakmand

Dr, Samar Mubarakmand ka taluk Pakistan ke mashoor tareekhi, sakafati, adbi, tijarati, taleemi aur siyaasi markaz Rawalpindi mein paida hoye. 1956 mein metric ka imtehan nehayat aizaz ke sath pass karne ke baad Pakistan ke sab se mumtaz taleemi adarey government college Lahore mein F.S.C mein dakhla lia.1958 mein F.S.C First division se pass ki. 1960 mein issi adarey se B.S.C ki degree first class lekar hasil ki. Iss adarey se taluk barkarar rakha aur M.S.C physic mein dakhla le lia. 1962 mein M.S.C ki degree numaya tareen hesiyat se hasil ki aur acadmic rool of owner hasil kia. Inho metric F.S.C, B.S.C, aur M.S.C ke imtehan mein first division se pass kiye jo apni jaga khud aik aizaz hai.
                                 1962 mein hi wo mutalaati duray par bharat gaye they jahan aik hindu larkey ki muzahaika kheez bato ne inn ke dil wa dimagh mein halchal macha di thi aur kuch karne ka jazba bedar kardia tha. Jis ka izhar inho ne jald hi kardia aur M.S. C mein academic rool of owner ka aizaz hasil kia.
                                 M.S.C ke baad inn ke samne apni salahiyato ke izhaar ke liye kaai shubay jaat they, magar inn ki nigah intikhab Pakistan atomic energy commission par ja thahri. Inhain kamil yaqeen tha ke wo science ke iss shubay mein koi aisa kaam zaror karaingay jis se tamam pakistanio ka sir fakhar se buland ho jaye ga. 3 December 1962 wo mubarak din tha jiss roz inho ne Pakistan atomic energy commission mein apni mulazamat ka aghaz kia. Jald hi inho ne mehsoso kar lia ke jis medaaney karzar ka intikhab kia hai, iss ke mutalik inn ka ileem na-kaafi hai aur inhain jald az jald jaded tareen taleem aur tarbiyat bhi hasil karni chahye aur tehqiq ke jaded tareen asoolo se bhi agha hona chahye, chan-nacha inho ne bala ta-khair rakhte safar bandh lia aur apne ikhrajat par England chaley aye aur mashoor zamana dars gah oxford university mein dakhla le lia aur sirf 3 saal aur 3 maah ke arsey mein (Experimental Physic or Nuclear Physic) mein P.H.D Ki Degree nehayat aizaz ke sath hasil ki.
                                 Doctorate karne ke duraan inho ne aisey aala paye ke tehqiqi mukaley tehreer kiye ke oxford ke qabil aur munjhay hoye science daan bhi angasht badnidaan reh gaye. Dr, Samar mubarakmand ne atomi science mein baaz anasir ko torne ki aisi tekniq daryafat ki ke inn ke senior asateza inn ki zahanat par rushak karne lagey. Bad azza inhon ne doctor samara ki ijaad kardah tekniq ko hi apnaliya.
                                  Takmeel ileem ke baad jab Doctor Samar ne Oxford se koch ka irada kia to inhain mulazmat ki bohut si purkashish offers hoi magar watan ki mitti ki mehaq muhabbat inhain watan aziz wapis le aayi. Purkashish murat aur targhibat inn ka jazba muhabbat kam na kar sakeen. 1966 mein watan wapis aakar dubara Pakistan commission ke paec Lahore mein masroof ho gaye. Pakistan ke maya naz aur iss waqat ke sciencedano ke sarbarah Doctor I.H Usmani they. Inho ne Doctor samara mubarakmand ki hosla afzai ki aur doctor samara ne neutron physic mein tehqiq ka aghaz kia aur apni tehqiq aur tehqiqi nataij ko qalam band karte rahey. Bohut kam arsey mein inn ke tehreer kiye hoye nehayat aala paye ke 18 mukalaat mumtaaz bain-al-aqwaami jaraid aur rasail mein ashat pazeer hoye. Dunya bhar ke mumtaz atomi science dano ne inhain behad saraha jis se doctor samara ki bohut hosla afzai hoi aur wo pehle se bhi ziada mehnat aur lagan aur dailjami se tehqiq mein masroof hogaye. 1968 mein inn ki shadi hogayi inn ki begum khalda samar bhi issi field se taluk rakhti hain jis ke shehsawar doctor samara mubarakmand hain. Begum khalida samara  Physic mein M.S.C ki degree ki hamil hone ke sath sath quaid-e-azam university Islamabad se M.Phil bhi hain. Begum khalida samara ki rafaqat aur hum aahingi ke sabab doctor samara ko yaksuwi aur inhemak se kaam karne mein bohut madad mili aur youn wo apne kaam aur sargarmiyo mein magan rahey aur kamiyabio par kamiyabiyan hasil karte chale gaye.
                                 Doctor samara mubarakmand 1974 tak Pakistan institute of nuclear science and technology mein nuclear physic ke shubey mein thehqiq mein masroof rahey. Baaz na-guzeer majboriyo ki bina par wo dubarah Lahore muntakil hogaye. Lahore mein inhain nuclear research laboratory ka director mamur kia gaya. Wo 3 saal tak Lahore mein masroof rahey. Iss doran inho ne kaai tehqiqi mukalaat tehreer kiye jin ki bohut pazeerai hoi.
                                 1977 Mein Dr, Samar Pakistan institute of nuclear science and technology (Pinstech) se ba-toor technical member wabista hogaye. Iss hesiyat se inho ne giraan iqtidar aur bais baha khidmaat sir anjaam diye.
Dr, Samar mubarakmand ne Shaheen Missile banaya aur kamiyaab tajurba kia. Dr, samara mubarakmand Pakistan atomic energy commission mein ba-toor science daan wabasta hoye they. Bad aza taraki karte karte doctorate, member technical aur director general ke uhdey par mutmakin hain, magar tehqiq se nata na tora.

           
Hukumate Pakistan Doctor Samar Mubarakmand ko inn ki giraan qudrat khidmaat ke siley mein sitarah imtiaz aur hilal imtiaz ke aezazaat se nawaz chuki hai, magar jo izat inhain qoom ne di hai, iss ka koi nemul badal nahi.