Peach  (Aarhu)

Benefits And Treatment

Peach is a juicy fruit. Regular intake of peach helps to loose weight, and protect from kidney disease. Peach is a skin care, help to decrease dark circles and wrinkles. it protect human body from many types of cancers and good for heart disease. In this page you will find and read Peach benefits in urdu hindi and roman urdu
 
 


Taruf (Introduction)

Peach ek qisim ka phal hai jise farsi me shaftalo or farkh bhi kehte hain peach 2 tarha ke hote hain ek gol amrodi ki shakal ka lekin niche ko chonch si nikli hoti hai or dosra chakai jo chipta hota hai peach ki ek qisim piuendi bhi hota hai jise peshawari kehte hain ye jasamat me bara or sheren hota hai peach haqiqat me ek khush zaiqa or laziz phal hi nahi balke is ke baraks ek dawai asarat ka bhi majmoa hai ye pat jhar darakhton ke gro me se hai jo khushbo shiren or lazat ke bais ye khas ahmiyat rakhta hai.

Ajza (Ingredient)

Is me shamil ajza folad, phasphoras, protien, vitamin A, vitamin B or vitamin C is ke elawa is phal me shakar lehmi mada or madni ajzat shamil hote hain is ka mijaz sard tar hai.


Tibi Khawas Or Elaj (Peach For Treatment)

Peach bukhar damwi or safrawi ko mufid hai garmi ke bukhar me mariz ko ek dana dena tabiyat ko farhat nasib hoti hai ye piyas ko rafa karta hai garmi ki waja se jin logon ko bhok nahi lagti un ke lye behad mufid hai ye qabz khush hai is ke phol phank lene se band hez jari ho jate hain is ke bichon ka tel kan dard ke lye mufid hai ye khon ki tezabiyat, phore phansiyon or jild ke amraz wagera dor karta hai or roh ko taskin deta hai.
Peach boht mufid hai or is se behra pan jata rehta hai is ke paton ka joshanda pet ke kiron ko or chamono ko marta hai mafrah or milen hai ye mede ko taqat deta hai bhok lagata hai blood preasure ke lye behad mufid phal hai ye jaryan ko rokta hai qowat bah ko zyada karta hai jigar or meda ko taqat deta hai zyabetis yani sugar ke marizon ke lye aram dah hai ye khoni bukhar khatam kar deta hai bawasir ke lye behad mufid hai mun ki badbu khatam karta hai ye anton ko saf karta hai qabz wale hazrat is ka bhar por istamal karen ye hazam ke nizam ko durst karta hai ye qabz kusha hone ki waja se marz bawasir me faida mand hai garm mijaz yani safrawi logon ko istamal se meda ko taqat deta hai or bhok lagata hai aese borhe log jin ka meda kamzor ho wo peach ko hazam karne ke lye shir ke hamrah istamal karen jis peach ki guthli asani se nikal jae wo peach acha peach kehlata hai peach balgami mijaz walon ke lye khas tor pr mufid hai ye maqwi meda jigar josh khon or tashangi ka miskan hai.


Ahtiyati Tadabir(Peach Care Tips)
Peach ko bhi dosre phalon ki tarha hamesha paka hua istamal karna chahye peach badi mijaz wale or mote taze logon ke lye faida mand nahi hai balke nuqsan dah hai ise khana khane se 2 ghante qabal khaen khana khane ke bad ise khana durst nahi hai badi or mote logon ko is ka istamal adrak ke sath karna zarori hai. Peach ko khane ke bad pani hargiz na pien or hamesha ise chilka samet istamal karen.

Mujarbat
Nuskha no 1 : “ pet ke kiron ke lye” ( Peach for stomach bugs)
Pet ke kire marne ke lye peach ki jar ka chilka 6 gram shakar hasbe zarorat or pani 50 ml pehle chilke ko pani me ghonten chan kar shakar mila kar pien or insha allah pet ke tamam kire mar jaen ge.

Nuskha no 2 : kan ke dard ke lye”(Peach for ears pain)
Kan dard behra pan or bawasir ke lye peach ki ghutli ka tel paka kar istamal karen ye in amraz ke lye behad mufid hai ye tel 5 qatre kan me dalen or bawasir ke mason pr lagane se bawasir ka khatma ho jata hai.

Nuskha no 3 : “ hamal ko saqit karne ke lye”
Peach ke phol 125 mg hamla ko khilana hamal ko saqit kar deta hai.

Nuskha no 4 : pet ke kire or khansi ke lye”( Peach for cough)
Gee me bhuni hui zara si heng peach ke ras me mila kar mariz ko pilane se pet ke kire halak ho jate hain is ke phol khansi ke lye behad mufid hain.