Home fruit and vegetable  
Worldknowledge1
 
 
 
 
 

Anar (Pomegranate)

(Nemate Qudrat )

 

Benefits And Treatment

Pomegranate, is a yummy and juicy fruit, it is also called super fruit. According to research, it helps to destroy the cells which are responsible to cancer. It is good for heart and diabetes patients. it also help to decrease cholesterol, reduces high blood pressure, and skin care. In this page you will find and read Anar benefits in urdu hindi and roman urdu.
 

Taruf (Introduction)

Kehte hain anar un khush qismat phalon me hai jin ka zikar khuda tala ne quran pak me kya hai is se is phal ki fazilat zahir hoti hai or sab se bari bat ye hai k hamare pyare Rasol Hazrat Mohammad mustafa (S.A.W) ka anar pasandida phal hai is lye Allah tala ne surah inam me farmaya k ahal haq hi anar ki rohani khasosiyat se waqif ho saken ge ye bat naqabile tardid hai k Hazor Pak (S.A.W) se zyada sacha aaj tak paida nahi hua or is mujasim sachai ne farmaya hai bedana anar bahi, seb shami safeda angor kharmae taza jannat ke mewe hain or anar ke mutaliq farmaya anar sab mewon me behtar hota hai or pet bhare ko hazam tam hai dunyawi tamam anaron ki qismon me bedana anar hi wo qisam hai jo be zarar janat ka mewa hai or ek phal me sirf ek dana rohani khasosiyat ka hamil hota hai q k is me jannat ka pani hota hai jo shakhs anar salam khae to shetan 14 din tak us ki dil ki roshni se dor hota hai agar 3 bedana anar bek waqt khae to us ke dil ki roshni se shetan 1 sal tak dor rehta hai go ya banda gunahon se pak rehta hai jo mubtalae gunah na ho behasht me dakhil ho ga mazkora bala tamam khasosiyat saware kainat (S.A.W) ne farmai hain jin me zara brabar shak nahi kya ja sakta.
Anar ……… kehte hain anar ko bila shirkat pura khana chahye q k is me ek dana janat ka hota hai is phal ka shumar janatul firdos ke phalon me hota hai anar surkh or safed rangon me paida hota hai dunya bhar me ye phal paida hota hai in ke zaiqe bhi 2 aqsam ke hote hain tarsh sheren anar jise kabli anar bhi kehte hain khush rang or ras bhara hota hai tarsh danon wala qand hari anar kehlata hai jo k tarsh honeke bawajud maze dar hota hai anar ko rabul ezat ne dilkash rangon se nawaza hai jo har dekhne wale ko bhala lagta hai anar khush maza or rasila phal hai aam tor pr is ki 3 aqsam hain.
1 : kandhari anar
2 : bedana anar
3: khalis anar

Anar hamare mulk me ek aam phal hai or fawaid ke lehaz se apni misal aap hai mashor hai k anar ka phal kisi na kisi dard ko kho deta hai ye mahawara tawanai ke bare me aap ne zaror suna ho ga ek anar or so bimar ye haqiqat hai qudrat ne khobiyan anar me di hain.

Ajza (Ingredient)

Is me shamil ajza folad, calcium phasphorous, protien, ajza lehmia, sakar or vitamin C or G kafi miqdar me paya jata hai is ka mijaz sard tar hai.


Tibi Khawas Or Elaj(Pomegranate For Treatment)

Ye jigar meda ki kamzori jisim ki garmi, dast or qe ke lye mufid hai pet ka dard dor hota hai, bad hazmi, kathi dikaren piyas or hichki me anar ka sharbat mufid hai urine ki jalan dil ki ghabrahat dor hoti hai kami khon or zyabetis (sugar ) ke marizon ko mufid hai anar ko bichon ke sath khana chahye meda saf rehta hai ye pet ko narm karta hai urine jari karta hai naya khon paida karta hai.
Jigar ko taqat deta hai piyas ko taskin deta hai tamam aza raisa ko taqat deta hai is ka arq ma post daston ko band karta hai is ka jalaya hua post or khal khansi ke lye mufid hai meda ko qowat bakhshta hai hichki ko dafa karta hai is ka bama post pani nikal kar shakar dal kar pien yarqan ko nafa hai anar pet ke amraz ke lye amrit dhara hai ye garmi ko dor karta hai safrawi mijaz wale ise khasosiyat se istamal karen. Pet dard ke lye anar ke dane nikal kar in me namak or pisi hui kali mirch chirak kar khaen pet ke dard ka namo nishan na rahe ga jamal ghote ke asarat dor karne ke lye anar ek umda taryaq hai agar dast rokne me na aaen to mariz ko 2 anar ka ras ek ek ghont kar ke pilaen ge to dast band ho jaen ge daston ke sath khon ane me bhi taza anar le kar us ke dane istamal karne chahye anar dana mufid chiz hai ye tabiyat me shaguftagi paida karta hai chehre ki rangat nikharta hai dil or dimag ke lye farhat bakhsh tonic hai ye jigar or masane ki garmi ko dor karta hai bar bar piyas lagne ko rokta hai.
Darde chasham ke lye barg anar kot kar tikya bana kar ankhon pr bandhne se aram ata hai


Ahtiyati Tadabir(Precautions)
Anar ki lakri se khalal na karna chahye maskhora ka mada paida hota hai khata anar sard mijaz logon ko sardi ke mosam me nahi khana chahye daston ke doran anar ke chilke ka safof qabz hota hai anar dair hazam hai adrak or garam chezon ke istamal se ye dair hazam nahi balke zod hazam ho jata hai.

Mujarbat
Nuskha no 1 : “ Naksir khansi or amraze sina ke lye”(for cough and cheast)
Aksir khansi or amraze sena ke lye anar ke danon ka ras 125 gram or misri 500 gram dono ko mila kar qawam pakaen ye sharbat khansi ke lye behad mufid hai or sena ke amraz ko dor karta hai.

Nuskha no 2 : “anton ke kiron ke lye”(for stomach bugs)
Anton ke kiron ke lye anar ki chal 12 gram or 3 gram or aab taza anar ki chal saya me sukha kar safof bana len sote waqt aab taza ke sath istamal karen.

Nuskha no 3 : “ hamal band karne ke lye”
Anar ke taza phol 600 gram or pani 650 gram ragar kar phir is me shakar mila kar sirf 2 bar pilana kafi hai or hamal girne ka khatra tal jata hai.

Nuskha no 4 : “ binai tez karne ke lye” (Pomegranate for eyesight)
Binai tez karne ho anar ke danon ka ras 30 gram anar ke ras ko shishi me dal kar dhop me rakh den jab garha ho jae ankhon me lagaen binai tez hi jae gi.

Nuskha no 5 :”urine me khon ana band karne ke lye”(Pomegranate for acidity in urine)
Urine me khon ana barg sheren 12 gram or anjbar ki jarh 5 gram dono ko kot chan kar pien insha allah urine me khon ana band ho jae ga.

Nuskha no 6 : “ motion band karne ke lye” (Pomegranate for stoping motion)
Anar ke pate 10 adad or pani 60 ml ke sath pis kar chan len din me 2 bar pien motion band ho jae ga.

Nuskha no 7 : “dard-e-dant ke lye”(Pomegranate for tooth pain)
Pholon ka sanon taspal, gul anar, haldi, smaq, phitkari baryan, mazoba hisa brabar sab ko pis kar dant pr malen darde dant gaib ho jae ga.

Nuskha no 8: “yarqan ke lye” (Pomegranate for hepatitis)
Yarqan ke lye anar salam ma post ka ras, nisf kilo gram or shakar 50 gram salam anar ko bama post daba kar pani nikal len shakar mila pien yarqan ke lye behad mufid hai.

Nuskha no 9 : “phansi phoron ke lye’
Anar ke karishmati asar anar ki shagufta kaliyan 7 adad bagair hath lagae mun se tor kar khane se sal bhar us ke badan pr phansi phore nahi niklen ge or na hi us ka khon bigre ga.

Nuskha no 10 :u “nak ke naksir ke lye” (Pomegranate for nose)
Nak ki naksir anar ki konpal ka ras 12 gram kul rogan 6 gram dono ko mila kar aag me pakaen jab sirf tel reh jae to shishi me mehfoz kar len waqt zarorat 2 qatre nak me dalen.

Nuskha no 11 : “hez ka elaj ke lye”
Hez ka kasrat se ana naspal 25 gram nimco kar ke pani me 2 ghante bhigo kar chan len din me 3 bar 62 62 ml chal ko pani me josh den jab pani nisf reh jae rozana subha pien.

Nuskha no 12 : “mahwari ki ziyadti ke lye”
Mahwari ki zyadti anar ki chal 12 gram pani 25 ml chal ko pani me josh den jab pani nisf reh jae rozana subha ko pien.

Nuskha no 13 : “mun ke pakne ke lye” (Pomegranate for mouth sore)
Mun ka pakna anar ki chal, beri ki chalor beth har ek 25 gram or pani 1 liter tino ajza ko pani me josh de kar chan len din me is se 3 4 bar kuli karen.

Nuskha no 14 : “kuwe ka latak jana”
Kuwe ka latak jana gul anar, sahaga or mazo har ek ek gram barik safof bana kar 12 ml pani me milaen roi ki phireri se lagaen gale me lagane se aram ho ga. 

Nuskha no 15 : “ khon thokna” (Pomegranate for mouth bleeding)
Khon thokna gul anar or barh ki darhi har ek 6 gram ko 60 ml pani me pis kar chan len din me 2 bar pien khon ana band ho ga.

Nuskha no 16 : “ jal jane ke lye” (Pomegranate for burn)
Jal jana anar ke pate 12 gram pani me pis kar lep bana len jale hue hisa pr lagaen.

Nuskha no 17 : “ qe or matli band karne ke lye”(Pomegranate for stoping vomit)

Qe or matli band rab anar tarsh 1 kilogram shakar 250 gram ko qatai dar degchi me pakaen jab 4th hisa reh jae to shakar shamil kar ke qawam pakaen rib tayar hai ise pine se qe or matli band ho jati hai.