Home Health Care <<  
Worldknowledge1
 
 
 
 
 

Angina And Heart Attack

(Angina Chest Pain In Urdu)

Angina or heart attacks are two different appearances of same diseases. It is usually caused due to blood clot which stops the blood supply to heart muscles. The most common symptom of heart attack or angina is aside (left side) chest pain; the effect of this pain patient can feel on their back, neck, shoulders and jaws too. In this page you will find and read Heart Attack Angina in urdu in Urdu Hindi and Roman urdu.


 


Angina or Hamla qalb 2 alehda amraz nahi hain balke ek hi marz ke 2 mukhtalif madarij or mazahir hain. Angina shidat me kam or hamla qalb shadid tar hai.

    1. Lekin ye zarori nahi k hamesha angina or is ke bad lazmi tor pr hamla qalb ho.
    2. Kuch logon ko sirf angina ka dard hota hai.
    3. Kuch ko sirf heart attack
    4. Kuch ko pehle angina or bad me hamla qalb
    5. Baz martaba hamla qalb ke bad angina ka dard hone lagta hai or ye munhasir hai bimari ki umar adaat or atwar or khon rasani ke mutabadil nizam pr.
Dil ke zinda rehne or kaam karne ke lye feul ki zarorat hoti hain. Ye feul use oxygen or giza ki sorat me dil ki taji sharyane faraham karti hain. Kisi bhi dosre pathe ki tarha dil ko bhi jis qadar zyada kaam karna ho. Use isi qadar zyada fuel ki zarorat ho gi agar zarorat zyada ho or feul ki farahimi kam ho to dil ke pathe is kami pr ahtajaj karte hain. Aesa is sorat me hota hai jab dil ki taji sharyane bimari ki waja se tang ho jati hain ya in me rukawat paida ho jati hai or wo khon zarorat ke mutabiq muhaya nahi kar sakten. Dil ke ahtajaj ya shikayat ka izhar angina ke dard ki sorat me hota hai.
Angina sharyan me jazwi ya arzi rukawat ke natija me hota hai lekin agar koi sharyan bilkul band ho jae to pathe ke jis hisa ko khon milna band ho jata hai wo murda ho jata hai. medical ki zaban me use myocardial infarction kehte hain. Aam feham zaban me use heart attack ya coronary thrombosis kehte hain.
Heart attack (dil ke dora) ka sabab ek tawil doraniye ki bimari atherosclerosis (sharyan ka band ho jana) hai is bimari me dil ki taji sharyanen batadrij tang hoti hui bilakhir band ho jati hain.
Ye marz agarcha susti ke sath farog pata hai lekin is ka agaz balogat ke sath hi shuru ho jata hai. is ki alamat heart attack hai lekin ye alamat achanak samne ati hai. is ki mojudgi ka izhar baz oqat us waqt hota hai jab pehle se tang sharyan me khon ka koi lothra (clot) ya thrombosis ban jata hai. khon ki supply ruk jati hai. or dil, dil ki aziyat (dore) ka shikar ho jata hai.
Dil ke pathe ko pohnchne wale nuqsan ki shidat ka inhesar is bat pr hai k sharyan band hone pr kitni dair khon ki supply is hise ki ruki rahi. Dil ke pathe ko agar nuqsan pohnche to is ki khon ko gardish me lane ki salahiyat mutasir hoti hai. agar oxygen se mehrom hisa zyada bara hai to dil gair mustadi se pump karna shuru kar deta hai chunancha khon ki gardish nakafi hoti hai or zindagi ka khatra lahaq ho jata hai. intefaq se dil ki balai sharyano (taji sharyano) ke zarye feul faraham karne ka ek net work muyasar hota hai. aam tor pr ek sharyan ki mukamal bandish pure nizam ke kisi chote se hise ko mutasir karti hai. yahi waja hai k dil ke doron ki aksaryat me pathon ka pump bazat khud nakara nahi hota. Dil ke pathe or reshon ko chahe thori si jaga pr nuqsan pohnche lekin agar is se dil ke barqi nizam me khalal pare to nataij tashwish nak hote hain. 50 % heart attack mohlik sabit hote hain in me se adhi amwat attack ki alamaten shuru hone ke ek 2 ghanto me waqa ho jati hain. Kuch amwat to mehaz chand mint meho jati hain. In amwat ke beshtar sabab dil ke barqi nizam me khalal hote hain.

Dil ki raftar me yakayak kami ya mukamal band hona barqi nizam me complexion ki ek sorat hai. ye us waqt ronuma hoti hai. jab dil ke resho ka wo elaqa jo barqi ro ki tarsil karta hai. mutasir ya murda ho jae. Ek intehai khatarnak or jaan lewa complexion fori tor pr barqi kar kardagi ka darham barham hona hai. jise ventricle fibrillation kehte hain. Ek dafa jab barqi signal paida hone band ho jaen to pump karne ka mawon fal khatam ho jata hai. or ye signal hal na hon to chand mint ke andar mot waqa ho jati hai.
Agar heart attack chand ghante me complexion ka izhar na kare to agle hafte ke doran mot ka khatra 5% reh jata hai. adoyat se elaj or khon ke lothron (clot) ko tehlil karne ke iqdamat se zindagi ke imkanat mazid roshan ho jate hain.

Warning: The site just gives you general information about diseses and health care, for more features and for treatments please confer with your doctor.