Home Health Care <<  
Worldknowledge1
 
 
 
 
 

Angina

(Angina Chest Pain In Urdu)

If you feel chest pain due to blockage in your heart arteries then yes its angina pain and you must be serious about it and treat it as soon as possible. Now a day’s a lot of treatment of angina are available and medicines for it are available too. but with  treatment preventions are musty required. In this page you will find and read Angina Treatment at Home in Urdu Hindi and Roman urdu.


 

Taji sharyano coronary arteries ka marz rafta rafta barhta hai ragen tang or sakht ho jati hain ye tangi rukawat namukamal hoti hai. jis ke natije me dil ke azlat ko munasib miqdar me khon nahi milta khasosan jab dil ko izafi kaam karna parta hai jese chalne ya sirhi charhne ke doran.

    1. Amoman 30 se 35 baras ke bad 2% afrad ko angina hota hai. or ye orton ke muqable me mardon me zyada jaldi zahir hota hai.

Wajuhat

  1. Ye bat zehan me rahe k angina us waqt samne ata hai jab jisim ya zehan me bujh pare is sorat me jisim ko zyada tawanai darkar hoti hai. lehaza dil ko zyada tez or qowat se kaam karna parta hai kaam ke lye tawanai zarori hai agar dil ki taji sharyanen (coronary arteries ) sehat mand hon to wo dil ke kaam ko asan banati hain.
  2. (agar is se laparwahi hoti jae to hamla qalb bhi ho sakta hai.)
  3. Angina ka izhar sirf mehnat or shidat jazbat ke waqt hota hai q k coronary ragon me khon ko rasani or mehnat ke darmiyan jo tawazan hai to bigar jata hai. aram karne or ya nitro glesrin ki goliyan zaban ke niche rakhne se dard rafa ho jata hai.
  4. Jab dil ko izafi khon darkar ho or kisi kharabi ki waja ke bais use na mile jis ki waja ye hai k jese jese umar barhti hair ago ki sakhti or tangi ke sath sath doran khon ken aye raste shakhsano (branches) ki shakal me bante jate hain or khon ki rawani ki rukawat ke bawajud mutabadil khon rasani ka nizam ban jata hai or sirf mehnat or jazbat ke waqt is ki kami ka ahsas angina ki sorat me zahir hota hai. heart attack ke dard ke baraks angina ka dard bar bar ho kar khatam ho jata hai. aksar afrad ko salhasal tak angina hoti rehti hai magar heart attack nahi hota. Baz martaba angina se aap se aap shafa ho jati hai or angina zail ho jati hai jis ki waja mutabadil khon rasani (alternative circulation) hai. ise qudrati bypass bhi kehte hain.
  5. Angina ke ¼ marizon ko heart attack hota hai jin logon ko heart attack se pehle angina hota tha. Heart attack ke bad un ki angina durst ho jati hai. jis ki waja ye hai k jo rag tang ho gait hi or jo musalsal bais dard thi ab wo band ho gai or dil ka wo hisa jahan pr khon ki kami thi ab wo murda ho gya lehaza khon ke doran ki zarorat nai rahi.  

 

Kind Of Angina

Asbab:

Is ka ek khas tarz or andaz hota hai is ke waqo pazir hone ke lye makhsos mahol or halat maslan mehnat, jazbat, wagera zarori hain maslan khane ke bad, bas pakarne ke lye tezi dikhai, mamol ke mutabiq lift ke bajae zina pr chahre, kisi chez ko Dhaka lagate hue ya sarkate hue isi tarha mamol se zyada gusa kya ya masrofiyat barha li.

Ilaj:
In angina me mustaqil mijazi hoti hai or pesh goi ki ja sakti hai k kab dard ho ga or dard nitro glesrine ki goliyan zaban ke niche chosne pr rafa ho jata hai.
Gair Mustehkam Angina (Unstable Angina)

Tarz Or Andaz:
Is angina ka dard pehle ke muqable me bar bar hone lage ya shiddat barh jae to jis bat se pehle dard nai hota tha ab hota hai ya pehle jis kaam se halka dard hota tha ab zyada shadid hota hao or zyada dair tak rehta hai jo dard pehle 2 mint tak rehta tha ab wo barh kar 8, 10 mint ya 15, 20 mint tak rehta hai.
Gair mustehkam angina ki kefiyat angina or heart attack ke ben hoti hai is ka dard or taklif angina se zyada shadid hoti hai or zyada dair tak rehti hai or bazahir aesa malom hota hai k heart attack ho gya hai lekin ECG kabhi durst bhi rehti hai magar amoman tabdiliyan khafif or arzi hoti hai or khon me qalbi enzyme (cardiac enzyme) ka bhi izafa nahi hota.

Wajuhat:

  1. Roz mara se zyada mehnat or mushaqat
  2. Shadid gusa ya hegan
  3. Pet bhar kar margan or mithi gizaen khana
  4. Jazbat ka talatam
  5. Mahol ki kashidgi
  6. Beinteha gamy a khushi garz koi bhi bat tawazan mutagair kar sakti hai.

Alamat:

Becheni Or Aztarab

  1. Nabz ki raftar tez ho sakti hai
  2. Dard ke sath pasina ana
  3. Jee ka matlana
  4. Ankhon ke samne andhera chana
  5. Sans ka phol

Ilaj:
Jis dard me nitro glesrine ki goliyan chosne se aram ajata tha ab un goliyon me itni tasir nahi rehti hai yani ab angina ka shumar or kirdar badal jata hai. is ki bari shiddat or waqfa me izafa ho jata hai. ab is angina me tawazan or istehkam nahi raha iski wazah badal gai hai isi hi waja se ise gair mustehkam angina kaha jata hai or is bat ka qowi andesha hai k ye barh kar heart attack na ban jae.

Gair mustehkam angina ki mukhtalif halaten
1.   Angina ka mariz koi gair mamoli kaam kare jis se dard hone lage or wo kaam band na kare na nitro glesrine ki goliyan chose balke kaam ko jaldi khatam karne ki koshish me mazid ujlat kare to is bat ka imkan hai k un ka mustehkam angina gair mustehkam angina me tabdil ho jae. Or phir na aram se na nitro glesrine se taskin mile.
2.   Ek sehat mand admi achanak kaam karte karte ya gair mamoli zor lagate hue dard ki giraft me ajae or jis ko wo galti se bad hazmi samjh le ye bhi angina se barh kar heart attack ho sakta hai.
3.   Ek jana pehchana dil ka mariz jo bazahir thek tha us ko pehle ki tarha dobara dard ho gya jo pehle to nitro glesrine ki goliyan se rafa ho jata tha lekin is martaba nahi hua or na hi aram se farq para matlab k ye shakhs gair mustehkam angina ke marhala me dakhil ho gya hai or heart attck ka sakht andesha hai.
4.   Ek shakhs ki angina qabile bardasht or mustehkam hoti hai ab ye shakhs kisi gair mamoli halat me ajae bacho ki shadi ya aziz ki rehlat ke silsile me kaam ka dabao jazbat ka utar charhao, bhag dor, khane pine me bad ahtiyati ye sab mil kar mustehkam angina ko gair mustehkam kar dete hain or ab nitro glesrine ki goliyon se or aram karne se bhi dard rafa nahi hota.
5.   Chand afrad ko angina ki taklif is qadar jaldi jaldi hoti hai k unhen rozana 50 martaba tak dard uth sakta hai is qadar taklif me hote hain k chalna phirna, gusul khana jana bhi mushkil hota hai. jhuk kar juta naho pehan sakte pura khana nahi kha sakte in sab se dard ho sakta hai. yahan tak k basa oqat sidha chat tak nahi let sakte (letne se dil ka kaam barh jata hai) dard ki waja se sote se uth kar bethna parta hai baz martaba dard barh jane ki waja bhi zahir hoti. Ye afrad latadad nitro glesrine ki goliyan choste rehte hain ye bhi gair mustehkam angina hai.
6.   Angina ki shikayat halat sakon ya sote me bhi ho sakti hai is sorat me heart attack ke imkanat barh jate hain.  

Angina Ke Mariz Or Mutaliqin Ke Lye Rehnuma Hidayat
Gair Mustehkam Angina

  1. Agar dard adhe ghante se zyada rahe ya aam tor pr jis qadar hota tha is se zyada rahe ya mazi ke muqable me kam mehnat se ho jae ya dard ki shiddat ya bari barh gai ya dard ka waqfa barh gya hai ya dard zyada dair tak raha or bazahir is me kharabi ki koi waja bhi nazar nahi aai or dard ke sath pasina aae ya jee matlae ya ikhtalaj qalb ho ya ankhon ke samne andhera cha jae ya zindagi me pehli dafa is tarha ki shikayat hui to is bat ka andesha hai k ye angina se badtar shakal, gair mustehkam angina ki hai or agar is ka fori sadbab nahi kya jae ga to is ka ikhtatam hamla qalb pr hoga or is ki ahmiyat bhi isi me mazmar hai k is ki shanakht kar ke har mumkin koshish is bat ki ki jae k dard is marhala pr ruk kar palat jar or hamla qalb bane na pae. Is ka elaj isi tarha kya jae jese k baqaida hamla qalb ka kya jata hai. qata nazar is bat ke k bimar ko shafa khana me dakhil kya jae ya ghar pr rakha jae fori tor pr tibi mashwara ki zarorat hai jis me dil ki pati (E.C.G) bhi zarori hai. agar dil ki pati (E.C.G) durst bhi ho to is ka elaj E.C.G ki nigrani zarori hai qk ho sakta hai shuru shuru me dil ki pati me marz ki puri shiddat zahir na ho.
  2. Aese admi ka elaj bister pr aram, (sakon awar) or dafa dard adoya , rago ko kushada karne wali adoya baz doctor khon ko patla karne wali adoya bhi dete hai. doctors me ek madarsa fikar ka moqif ye hai k gair mustehkam angina me arzi kharabi is lye waqa ho jati hai k coronary rag sukarhne ki waja se tang ho jati hai ya chipak jati hai jis ki waja se doran khon achanak munqata ho jata hai ya be inteha kam ho jata hai jo munasib tawaja or elaj se phir bahal ho jata hai.
Jin logon ko hamla qalb hota hai wo agar apne zehan pr zor dalen to un ko yad aae ga k hamla qalb se pehle un ko dil ki taklif ke halke halke asar the jin ki taraf unhon ne tawaja nahi di or pas manzar me ye gair mustehkam angina thi jo hamla qalb ki khabar ya is ka pesh khema thi jis ka munasib sadbab kar lya jata to galiban hamla qalb nahi hota or is hal tak nahi pohnchte.
Warning: The site just gives you general information about diseses and health care, for more features and for treatments please confer with your doctor.