Home Health Care <<  
Worldknowledge1
 
 
 
 
 

Cough Treatment(Khansi)

(Cough Home Remedies In Urdu)

Coughs are many in types, dry cough, chesty cough, winter cough etc. there are many causes of cough like dust, virus or bacterial attack. It may causes of throat sore or rashes. There are many medicines are available for get relief from it but with medicines preventions are must. In this page you will find and read Cough Treatment At Home in urdu in Urdu Hindi and Roman urdu.
 


Khansi:

Khansi hawa ki mail ki luab dar jhili ki sozish ki waja se lahaq hoti hai. is ki chand ek aqsam hain jo k alamat ke lhaz se ek dosre se mukhtalif hoti hain jo darj zel hain:
  • Sardi ki khansi (winter cough): is qisim ki khansi sardiyon ke mosam me amoman borhe afrad or bachon ko ho jaya karti hai or chand din reh kar khud ba khud mawom ho jati hai lekin agar baqaida perhez na kya jae to ye khansi daimi sorat ikhteyar kar sakti hai or sardi barhne ki waja se ye bhi barhti jati hai.
  • Khushk khansi (dry cough): ye khansi bachon me amoman dekhi jati hai is qisim ki khansi me ya to balgam bilkul nahi hota or agar hota hi hai to nehayat mamoli sa jabke mariz khans khans kar halkan ho jata hai.
  • Balgam wali khansi (bronchorrea): is qisim ki khansi me patla lesdar chamkila mada bakasrat kharij hota hai.

Khansi ki koi bhi qisim ho us ka bar waqt elaj kya jae to boht jald shafayabi ho jati hai zel me khansi ki mukhtalif aqsam ke elaj ke lye adoya bayan ki ja rahi hain.

Homeopathic ilaj:

Arsenicum Album
Khansi khushk or rat ke waqt zyada ho. Jis me chati ghati hui malom ho is khansi ki waja se bacha nind se fori tor pr jag jata hai or phir shadid becheni se sari rat so nahi sakta. Aesi sorat me is dawa ka istamal safi elaj hai.

Aconitum Nap 200:

Aesi khushk khansi jo thandi hawa lagne se lahaq hui ho is dawa se thek ho jati hai is dawa ka mariz had darja beechen or tashwish me mubtala rehta hai.
Bryonia 30, 200:
Khushk khansi ki sartaj dawa hai. jis ki khas alamat ye hai k khanste or lamba sans lete hue chati me dard mehsos hota hai. aesi khansi jo subha jagne ke bad bister se uthte waqt zyada ho. Khansi ke hamle ki in alamat ke lye mufid dawa hai. ibtada me thora boht balgam nikalta hai lekin bad azan khushk ho jati hai. garam kamre me khansi zyada ho jati hai.
Belladonna 30, 200:

Aesi khushk khansi jo rat ke waqt zyada ho jae or mariz nind se jag jae. Khanste khanste mariz lal surkh ho jae. Sar dard ki shikayat kare. Doran khon sar or chehre ki taraf barh jae. Halaq me gard ka ahsas ho jis ki waja se khansi shuru ho jae or sans lene me waqt ho to ye dawa aksir hai.

Pulsatilla 30
Khushk khansi jis ka hamla rat ke waqt zyada ho jo letne se barh jae or uth kar bethne se kam ho ke lye aksir dawa mani jati hai. aesi khansi din ke waqt tar hoti hai jabke rat ko khushk hoti hai.

Rumex 30, 200

Aesi tashkhiji khansi jis me balgam mushkil se kharij ho or sina ki hadi or trachea ke muqam pr dukhan mehsos ho to ye dawa mufid hai. aese bache jin ko thandi hawa me jane se khansi ka dora pare un ke lye bhi ye aksir dawa hai.

Cina 30

Aesi khushk khansi jo jhatkon ki shakal me ho ya lagatar rahe. Aese bache ke pet me kire hon un ke lye aksir dawa hai. bacha hamesha nak ko ungli se khujlata rehta hai.

Sulphur
30
Khans khans kar awaz bhari ho jae. Gale me shadid khushki jis ki waja se dard ho. Sine me dukhan ka ahsas. Balgam ki khar kharahat jo rat ke waqt zyada ho. Duble patle bache jo jhuk kar chalen un ke lye khas dawa hai.

Phosphorus 30, 200

Jab khansi ke sath namonia bhi ho ya amoman aesi khushk khansi rahe jo gle ya sine ki kharash ki waja se ho to ye dawa nafa hoti hai. parhne, bolne, hansne ya pani pine se taklif barh jae. Sham ke waqt aese malom ho jese k sine ko bandh kar kas dya gya hai. aese bache jin ke khandan me tib daq ki history pai jae un ke lye ye dawa mufid hai.

Carbo veg 30

Aese bache jo khanste khanste nile par jaen un ke lye mufid dawa hai. mariz ki tangent thandi rehti hain or baqi jisim ka darja hararat bhi mamol se kam hi hota hai.

Causticum 30

Bacha khanste khanse urine pr control na kar sake khanste khanste urine nikal jae to mufid dawa hai. khansi amoman subha ke waqt zyada hoti hai. sine me kasawat or tanao mehsos hi. Khansi ko thanda pani pine se aram mile.

Calc carb 30, 200

Khansi ke sath halaq me kharash malom ho is ki waja se bacha shadid bechen ho or har waqt gale me ungli dalna chahye. Feeding ke bad ya pani pine ke bad khansi zyada ho. Aese mariz jo thora sa chalne pr sans pholne ki shikayat Karen wo is dawa se thek ho jate hain. Mote, pilpile or sust bachon ki khas dawa hai. 

Kali carb 30, 200

Khansi ke sath chati ghati hui mehsos ho. Khansi ke sath chati me dard or chuban. Khansi rat ke akhiri pehar me barh jae.

Lachesis 200

Khushk khansi lekin sath hi aesa malom ho k jese balgam kharij ho ga lekin balgam gale tak akar wapas chala jata hai. narkhare me kharash si ho or zara sa dabao parne se zor ke sath khansi ka dora pare or dam ghutne lage. So kar uthne ke bad is me izafa ho jae or gale ke gadud me mazman sozish ke lye mufid dawa hai.

Note:
30 or 3x taqat ki adoyat din me 3 martaba, 200 taqat ki adoyat din me ek martaba or un se onchi taqat ki adoyat hasbe zarorat ya mahir physician ke mashware se istamal karni chahye. Tama adoyat (qatre ki shakal me) 5 qatre per khorak ek ghont pani me dal kar istamal ki jati hain jab k mother tincure ya Q ki alamat se zahir ki jane wali adoyat ko per khorak 10 se 15 qatre 2 ghont pani me dal kar istamal karna chahye. Biochemic adoyat ko 4 goli per khorak din me 3 martaba zaban pr rakh kar chosne se kya jae.

Warning: The site just gives you general information about diseses and health care, for more features and for treatments please confer with your doctor.