Home Health Care <<  
 

Jaundice (Yarkan)

(Jaundice Kya Hai)

Jaundice is also known as icterus. it is yellowing of skin and sclerae(white part of eyes), it is caused by a yellow coloured pigment in blood known as bolirubin.there are three types of jaundice named (1)hepatocellular jaundice, (2) hemolytic jaundice (3) obstructive jaundice. Hepatocellular jaundice is caused by liver injuries or diseases. Hemolytic jaundice is caused by increase of production of bilirubin in red blood cells. Obstructive jaundice caused due to bile duct which prevents bilirubin from leaving liver the symptoms of jaundice are: fever, vomiting, weight loss and abdominal pain. In this page you will find and read Yarkan in Urdu Hindi and Roman urdu.
 


Jaundice Kise Kehte Hain?(What Is Jaundice.?)a

Yarqan (jaundice) ko am afrad ek bimari ke nam se jante bhain magar medical istalah me ye kisi bimari ka nam nahi hai balke jigar ke baz amraz ki alamat hai ye jigar ke barh jane ke bad safra (bile) ki khon me amejish hone se lahiq hota hai khon me bilirubin jama ho kar ankhon ke rang ko pila kar deti hai yani bilirubin ke khon me miqdar 0.5 se 1.2 ml /dl tak hoti hai or jab ye miqdar 3 mg se zyada ho jae to jild or ankhon karang pila hona shuru ho jata hai jaundice chunke bimari ki alamat hai lehaza is ki waja malom karna boht zarori hota hai.
Jaundice ek mutadid bimari zaror hai magar chot ki nahi. Jaundice kialamat is tarha samne ati hain k bile duct kisi waja se band ho jata hai or bile antriyon me dakhil hone ke bajae khon me shamil hona shuru ho jata hai to khon me bilekimiqdar barh jati hai. ye bile khon ki warodon or sharyanon ke zarye dimag ke siwa pure jisim me pohnch jata hai is ki waja se urine ka rang pila brown or jild ka rang pila par jata hai beroni jild kitarha androni baften bhimutasir hoti hain.

Bile

Ab ye bat zehan me ati hai k bile kya hai bile maya shakal me hota hai.is kikhasiyat alkali hoti hai. bile ek balig insane ke jigar me rozana taqriban 500 – 1000 ml banta hai or phir ye bile duct ke zarye duodenum me dakhil ho kar kharij hota hai. bile 82 % pani jabke 16% bile salt ke ajza pr mushtamil hota hai. nizam hazam ke doran bile nehayat aham kaam sar anjam deta hai. ye margan or charbeli ashya ko tor phor kar (kimiyai tor pr) badan me jazb karta hai or safra ki waja se hi charbeli or margan gizaen hazam ho kar khon banti hain.

Dunya Me Jaundice Ki Sharah

Taraqi pazir or pasmanda mumalik khasosan janub mashriqi asia ke taraqi pazir mumalik is ke elawa africi mumalik me ye bimari kisi na kisi sorat me sara sal mojud rehti hai aalmi idara sehat ke mutabiq har sal is marz me mubtala hone wale afrad ki tadad 30 crore hai jinme se sahi tibi imdad or hifzane sehat pr amal na karne ki waja se 3 crore afrad har sal mot ke mun me chale jate hain.
Jaundice or hepatitis dono kharabiyan jigar se taluq rakhti hain lekin jaundice hepatitis se mukhtalif arza hai. jaundice apni jaga arza hai lekin hepatitis ki ek alamat bhi hai. jaundice ka sabab hepatitis ke elawa kuch or bhi ho sakta hai. tahum jaundice ko nazar andaz karna mumkin nahi.ye arza bhi adam tawaja or laparwahi ke bais khatarnak sorat ikhteyar kar sakta hai.
Jaundice
Jaundice isi sorate hal ko kehte hain jis me jild or akhon ke safed hise or jisimke mukhtalif jhaliyon ka rang zard ho jata hai. is zardi ki bunyadi waja ek khas qisim ke kimiyai made, bilirubin kikhon me zyadti hoti hai.
Mutadi Jaundice
Agarcha ye sorate hal mukhtalif tarha se paida ho sakte hai. tahum sab se aham or am tor pr hone wala jaundice jigar ke khas qisim ke khaliyon pr mukhtalif virus ke hamla awarhone se hota hai. virus ke mukhtalif qismon ko qisim A,B,C,D or E ken am dye gae hain. In ke elawa kuch or aqsam ke virus bhi kabhi kabhar jaundice ka bais ban sakte hain lekin zyada tar un aqsam me se hi koi ek qisim pr hamla awar hoti hai or mutadid jaundice paida karne ka mojib ban sakti hai.          
       

Gair Mutadi Jaundice
Mundarja bala viruses ke elawa digar wajuhat jin ki bina pr jigar ke khaliyon ko nuqsan pohnch kar jaundice ho jata hai.

    1. Jisim me difai nizam ki kharabi
    2. Kuch muzar adoyat
    3. Sharab noshi
    4. Khasosan baz atai hazrat ke tayar karda kashte wagera

Digar Aqsam Ke Nasbatan Kam Aham Or Kabhi Kabhar Hone Wale Mutadi Jaundice  Ki Aqsam Me

    1. Ek to khon ke surkh khaliyon ka boht zyada miqdar me jisim ke andar hi totna or
    2. Dosri qisim me jigar ki ratubat (safra) ko antriyon tak pohnchne wali nail ke raste me rukawat ka paida hona hai.

In dono qismon ke jaundice me jigar ke khalye bazat khud thek hote hain or jigar ko barahe rast koi nuqsan nahi hota.

Jaundice Ki Aqsam
Wses to jaundice ki boht si aqsam aesi hain jo k jigar ya safrawi amraz ke natije me paida hoti hain. Aaye ab in aqsam ka mukhtasar mutala karte hain:
1.     Pre hepatic jaundice
2.     Hepatic jaundice
3.     Post hepatic jaundice

Pre Hepatic Jaundice
Jigar ki is qisim me jigar bilkul normal hota hai lekin khon me bilirubin zyada miqdar me banti hai magar jigar itni miqdar ko kharij nahi kar sakta ho to bilirubin zyada miqdar me jisim me jama ho kar jaundice ka sabab ban jati hai.
Khon ki aesi bimariyan jin surkh khalye bari tezi se totna shuru ho jaen maslan hemolytic reaction or hemolytic anemia wagera zyada bilirubin banane ke bais bante hain.

Medicine
Jesa k pehle arz kya ja chukka hai sojish jigar ke marizon ko adoyat kam se kam istamal karni chahye. Tahum matli, ulti, bukhar, sar dard or be khawabi wagera ki sorat me mualij ki tajwiz karda adoyat istamal ki ja sakti hain.

Hospital Me mariz Ke Dakhle Ki Tarjihat
Jaundice ke har mariz ke lye hospital me dakhil hona zarori nahi hota tahum mundarja bala sorton me mariz ko behtar or musalsal nighedasht ke lye hospital me dakhil karana behtar ho ga
1.     Boht zyada qe ya khon ki qe ane ki sorat me.
2.     Mariz pr ganodgi tari ho rahi ho.
3.     Jaundice boht ghehra ho raha ho yani mariz ki rangat boht zard ho rahi ho.
4.     Mariz ka pet phol raha ho.
5.     Agar mariz ki tashkhez mukamal na ho tab bhi use hospital me dakhil kar lena zarori ho gat a k mukamal tashkhez ho sake.

Nanhe Munon Ko Hepatitis Se Kese Mehfoz Rakha Jae?
Bachon ko khasosan no-zaida bacho me jaundice amoman khatre ki bat samjha jata hai lekin jaundice ki halakat khezi ke pesh nazar ye lazim ho jata hai k ye zacha or bacha ko jaundice se mehfoz rakhne ki tadabir ikhteyar kijaen. Q k bache sabhi ki ankh ke tare hote hain or har maa ki dili khawahish hoti hai k us kiroshi kabhi manind na pare.
Qudrat ne insane jisim me kai aza 2 2 ke jore me ata kye hain maslan kan ankhen hath pao gurde or phephre. Lekin baz aza hayat insane ke lye intehai aham hone ki bawajud 2 ki bajae ek hi ata hue hain. Maslan dimag, dil, jigar meda wagera.

Hepatitis “A”
Jese jese medical science ne taraqi ki hai mahirin jaundice ke mukhtalif asbab ki shanakht karne me kamyab ho gae hain. Pakistan jese taraqi pazir mumalik me jahan istamal ke pani ki farahimi or nakasi ka nizam naqis hai. or hifzan sehat ka tasawar taqriban naped hai, sojish jigarqisim “A” (hepatitis “A”) bachon me jaundice ka sabh se bara sabab hai. ye pani ke zarye phelta hai or ek waqt me kisi khas elaqe shehar ya gao me waba ki sorat ikhteyar kar leta hai. khush qismati se amoman ye waba thore hi arsa me apni jhalak dikha kar gaib ho jati jai. Is ke natije me aam tor pr na to koi mustaqil qisim ka zarar pohnchta hai or na ainda is bimari yani sijish jigar “A” (hepatitis “A”) ka khadsha rehta hai lehaza ek bar is qisim ki sojish jigar se jaundice ho jae to baqya puri zindagi nahi hota.

Hepatitis “B”
Sojish jigar qisim “B” (hepatitis “B”) inhetai muhlik marz hai. pehli bar bachon me ye marz 1965 ke lag bhag daryaft hua tha. Ye ek “farebi qatil” hai q k 90 % se zaid mamlon me ye apni mojudgi ki koi alamat zahir kye bagair apne mariz ko halak ki manzil pr pohncha deta hai.
1.     Bacha jitna zyada kam umar ho ga ye marz utni hi khamoshi ke sath apna kaam kar jae ga.
2.     Dosri aham bat ye hai k kamsini me ye marz ek se dorse ko pohnchne ka amal bhi isi khamoshi ke sath anjam deta hai.
3.     Tisri aham bat ye hai k jo shakhs bhi is marz ke germs tawil arse (10 se 20 baras ) tak apne sath lye phirta rahe agar wo khud is marz ka shikar hone se bach jae to jigar se cancer (hepatocellular carcinoma) jese mohlik marz me luqma ajal ban sakta hai.

Bachao
hepatitis (sojish jigar) “B” ka koi elaj tahal daryaft nahi hua hai lekin is mohlik marz se hifazat ka ek mosar zarya mojud hai or wo hai hepatitis “B” ki vexing. Agar bachpan hi me ye vexing tike ki shakal me laga di jae to umar bhar hepatitis “B” se bachao ho jata hai. baron ke lye bhi ye vexing itni hi faida mand hai lekin bachon ko lagane ki sorat me ye ba kifayat bhi hai qk is ki kam miqdar ki zarorat hoti hai.

hamare mulk me jahan pani me bimaryon ke jarasim kasrat se mojud hain or elaj mualije ki saholat ka faqdan hai ye or bhi zyada zarorat ho jata hai k hepatitis “B” jese mozi marz se ahtiyat or bachao ki tadabir ikhteyar ki jaen or aam logon me is khatre ka shaor bedar kya jae.
Warning: The site just gives you general information about diseses and health care, for more features and for treatments please confer with your doctor.