Home Islam  
Worldknowledge1
 
 
 
 
 

Khutbah Hajjatul Wida

(nabi di akhir khutbah)

In this page you will find and read complete khutba hajjatul wida in urdu
 


Hazrat Muhammad(S.A.W) Akhri Hajj Ke mouqay per Makkah k qareeb  jabal –e-rehmat per medan-e-arfaat mai mojud ek lakh se zada insanon se khutba farmaya. Muhammad(S.A.W) k in irshaadat ko khutba hajja-tul-vida kaha jata hai. Khutba hajja-tul-vida tamam bani nuh insane k liye ek lazawal lahiy-e- amal hai. Infaradi or ijtamai satah per ye azeem khutba asool ikhlaqiyaat or zawabt-e-husan maashrat-o-mumliqaat ka aisa fiker angeez, dil aawaiz-o-jaama dastoor-al-aamal hai k 14 saddiyan guzarne k baad bhi is mai kisi hijjat se koi tarmeem-o-izzafa mumkin nahi ho saka or na hi ainda iska imkaan hai.Quraan-e-naatuk Muhammad(S.A.W) ki zaban Mubarak se farmaye hue ye alfaaz waqai hurf-e-akhir sabit huwe jo mustaqil or daaimi insane manshoor ki hasiyat se hamesha mashaal-e-rah rahen ge. Parhne walon se guzarish hai ye azeem pegham zada se zada logon tak pohanchayn ta k log is per amal kar k aswah-e-husna (S.A.W) ki perwi kar sakain.
Haj k din Muhammad (S.A.W) arfat main tashreef laye or aap ne wahan qayam farmaya. Jab suraj dhalne laga to Ap (S.A.W) ne Qaswa(apni oontni)ko lane ka hokum farmaya oontni tayar kar k hazir ki gai to Ap (S.A.W) is per sawar ho kar baatan-e-wadi mai tashreef farma huwe or apna wo khutba irshad farmaya jis mai deen k ahem umwaar bayan farmaye. Muhammad(S.A.W) ne Allah pak ki hamd-o-sana karte hue khutbe ka yun aaghaz kiya.
Allah k siwa koi aur maaboud nahi hai. Wo yakta hai koi Uska saathi nahi. Allah ne apna wada pora kiya. Isne apne bande Rasool (S.A.W) ki madad famayi or tanha Iski zaat ne baatil ki sari majtaama quwatoon ko zair kiya. Logon! Meri baat suno. Main nahi samajhta k ainda kabhi hum istarha ki majlis mai yakta ho saken gain (or ghaliban is saal k baad main haj nahi kar sakunga).
Logon! Allah pak ka irshaad hai k: “insanon! Humne tum sub ko ek hi mard o aurat se paida kiya hai or tumhe jamaton or qabilon mai bant diya hai ta k tum alag alag pehchane ja sako.tum mai zada izat-o-karamat wala Allah ki nazar mai wohi hai jo Allah se darne wala hai.” Lehaza is aayat ki roshni main na kisi arbi ko ajmi pe, na kisi ajmi ko arbi pe, na kisi gore ko kale pe, na kisi kale ko gore pe foqeeyat hasil hai, foqeeyat sirf “taqwa” ki bunyaad per hasil hai. Insane sare Adam (A.S) ki aulaad hain or Adam(A.S) ki haqeeqat is se zada kya k wo mitti se banaye gaye hain. Ab fazeelat-o-bertari k sare daawe, khoon-o-maal k sare mutable aur inteqaam mere pairon tale roondhe ja chuke hain .
Phir Muhammad (S.A.W) ne irshaad farmaya: “ Quraish k logon! Aisa na ho k Allah k hazur tum is tarha aao k tumhari gardanon per tu dunya ka boojh lada ho aur dusre log saaman-e-akhraat le k pohanchyn or ager aisa hua main Allah k samne tumhare kuch kam na aa sakunga.
Quraish k logon! Allah ne tumhari jhuti nakhuwat ko khatam kar dala or baap dada k karnamon per fakhar-o-mubaahat ki koi gunjaish nahi. Logon! Tumhare khoon-o-maal or izzatain ek dusre per qattan haram kar di gai hai hamesha k liye in chezon ki ahmiyat aisi hai jese tumhare is din ki or is maah-e-mubarak ki (zil hajj) ki khas kar is shehar mai hai tum sub Allah k agy jaoge or Wo tumse tumhare aamal ki baabat bazpars farmaye ga.
Dekho! Kahin mere baad gumrah na ho jana ke apas mai hi kasht Wa khoon karne lago. Ager kisi k pas aamanat rakhwai jaye to wo is baat ka paband hai ke amanaat rakhwane wale ki amanaat pohancha de.
Logon! Her Musalman dusre Musalman ka bhai hai or sare Musalman apas mai bhai bhai hain, apne ghulamon ka khayal rakho han ghulamon ka khayal rakho. Inhe wohi khelao jo khud khate ho aisa hi pehnao jesa khud pehante ho. Door-e-jahalat ka sb kuch maine apne pairon se roondh diya hai. Zamana-e-jahalat k khoon ke sare inteqam ab qaladum hain. Pehla inteqam jise main qaladum qarar deta hun mere apne khandan ka hai. Rabbiyaat bin al haris k dudh piete bete ka khoon jise banu hazil ne mar dala tha main muaf karta hun. Door-e-jahalat ka sood ab koi hasiyat nahi rakhta pehla sood jise main chorta hun. Abbas bin abdul mutallib k khandan ka sood hai ab ye khatam ho gya.
logon! Allah ne har haqdaar ko iska haq khud de dia. Ab koi kisi waris k liye wasiyaat na kare.bacha iski taraf mansub kiya jayega jis k bister per wo paida hua. Jis per haram kari sabit ho iski saza pathar hai. Hisaab-o-kitaab Allah ke yahan hoga jo koi apna nasb badlega ya koi ghulam apne aaqa k muqable mai kisi or ko apna aaqa zahir karega us per Allah ki laanat.qarz qabil-e-adai hai. Tohfe ka badla dena chahye or jo kisi ka zaamin bane wo taawan ada kare. Kisi k liye jaiz nahi k wo apne bhai se kuch le siwaye iske jis per iska bhai razi ho aur khushi khushi de khud per or ek dusre per ziyadditi na karo.
Aurat k liye ye jaiz nahi k apne shoher ka maal iski ejazat k bina kisi ko de, dekho! Tumhare upper tumhari aurat k kuch haqoq hain ishi tarha in per tumhare haqoq wajib hain.auraton per tumhara ye haq hai k wo kisi aise shaks ko na bulaye jise tum pasand nahi karte or wo koi khayanat na kare, koi kam behayai ka na Karen, or ager wo aisa Karen to Allah ki janib se iski ejazat hai k tum inhe maamuli jismani saza do or wo baz ajayn to inhe achi tarha khelao, pehnao. Aurton se behter saluki karo kyun ke wo tumhari paband hain or khud apne liye wo kuch nahi kar saktin. Lehaza in k bare mai Allah ka  lehaz rakho k tumne inhe Allah k naam per hasil kiya or ishi ke naam per wo tumhare liye halal hui. Logon! Meri baat samajh lo main ne haq-e-tabligh ada kar diya. Main tumhare darmiyan aik aisi chez chore jata hun ke tum kabhi gumrah na hoge ager is per qaim rahoor who Allah ki kitaab hai or han daikho deeni mamlon mai ghaloon se bacho tumse pehle k log in hi baton ki wajeh se halaq kar diye gain. Shaitan ko ab in baton ki koi tawaqo nahi reh gai k ab is ki is shehar mai ibadt ki jayegi lekin iska imkan hai k aise mamlaat mai jinhe tum kam ahmiyat dete ho iski baat maan li jaye gi or wo is per razi hai. Islea tum is se apne deen-o-eiman ki hifazat karna.
Logon! Apne Rub ki ebadat karo 5 waqt namaz qaim karo, mahine bher k roze rakho, apne maalon ki zaakat khush dili k sath dete raho, apne Allah k gher ka hajj karo or apne ahl-e-amer ki ataa’at karo tu apne Rub ki jannat mai dakhil hojaoge.”
Ab Mujrim khud hi apne jurum ka zimedar hogaaur ab na baap ke badle beta pakra jaye ga naa bete ka badla baap se liya jaye ga.
                       
Sunoo! jo log yaha mojood hain inhain chahye ke ye ehkaam aur ye batain inn logon ko bata dain jo yahan nahi hain hoskta hai ke koi ghair mojood tumse ziyada samjhne wala ya mehfooz rakhne wala hoaur logon tum se mere bare mein Allah ke yahan sawal kiya jaye ga, Batao tum kia jawab do gay logon ne jawab diya ke hum iss baat ki shahadat daingey ke Ap (S.A.W) ne amant-e-deen puhuncha di aur Ap (S.A.W) ne haq risaalat ada farmaya aur humari kheer khuwahi farmai.

Ye sun kar Huzur (S.A.W) ne apni angashte shahadat asmaan ki janib uthaai aur logo ki janib ishara karte hoye 3 martaba farmaya. “Allah gawah rehna ! Allah Gawah rehna ! Allah Gawah rehna.