Home Islam  
Worldknowledge1
 
 
 
 
 

Roze ke Masail

Roza (fast) is one of the pillars of Islam. It is a way of worship for Allah and it is done in Ramadan, the ninth month of lunar calendar. Roza is worship which can do by both man and women but there are some rules of roza. Here we are providing you the rules and regulations of roza and discuss all issue releted to this. In this page you will find and read roza ke masail urdu.
 
  • 1)  ramzan ke rozay rakhna her aqil aur balig per farz hai, maah-e-ramazan ke ilawa baki mahinay me roza rakhna nafil hai. siwae 5 dino ke kiyon ke is 5 din me roza rakhna jaiz nai. ek eid-ul-fitar ka din, dosra bakra-eid ka eid aur 3 din bakra-eid ke bad ke, agar kisi ne eid ke din roza rakh liya to isi surat me roza tor de.

  • 2) jab larka ya larki roza rakhnay ke laiq hojaein to in ko rozah shoru kara dena chahye, jab 10 saal ke hojae to rozay ki taqeed aur ehtamam kerwana chahye, agar dant dapat aur marnay ki zarorat paray to hadod me rehtay howay is ki bhi ijazat hai. agar puray rozay na rakh sakay to jitnay rakh sakay rakhwana chaye. na-balig larka yar larki roza rakh ker tor dein to aesi surat me qaza wajib nai.

  • 3) kisi shaks ne rozay ki nazar mani to isay pura kerna zarori hai, nazar ke rozay ko pura kernay ki niyat bhi raat se kerna lazmi hai. darasal nazar 2 tarah ki hoti hai, ek to ye ke din aur tarikh muqarar ker ke nazar mani jae ke agar mera falan tarikh ko kaam hojae to roza rakho ga.nazar ki dosri kisim ye hai ke din aur tarikh muqarar ker ke nazar nai mani balke itna hi kaha ke agar mera kaam hogya tw ek din roza rakho ga.

  • 4) Ramazan ke mahinay me agar kisi ne nafil rozay ki niyat kerli to aese surat me ramazan ka hi roza hoga, nafil nahi hoga. agar kisi ne bagair kisi waja ker ramazan ka roza chor diya ke bad me qaza rakh lo ga to aesa jaiz nai. hadees me ata hai ke agar ramazan ke ek rozay ke badlay agar saal bhar bhi rozay rakhtay rahe tab bhi itna sawab nai milay ga jitna ramzan me ek roza rakhnay ka milta hai.

  • 5) Ramazan ke mahinay ke siwa saal bhar me jis din chahein nafil roza rakhein. jitnay ziyadah rozay rakhay ge gein utna ziyada sawab milay ga, albat'ta eid-ul-fitar aur bakra-eid ke 3 din roza rakhna haram hai. in 5 din ke ilawa baqi saal bhar me kisi bhi din roza rakhna jaiz hai, nafil roza rakh lene se wajib hojata hai.

  • 6) Muharam ke 10 tarikh ko roza rakhna mustahib hai. hadees me ata hai ke "jo shaks is din roza rakhay ga is ke pichlayek saal ke tamam gunnah muaf ker diye jae ge". wazah rahe ke 10 muharam ke rozay ke sath 9 muharam ya 11 muharam ka bhi roza rakhna chahye. bakra-eid se ek din qabal matlab 9 zil-haj ko roza rakhnay ka bohat sawab hai. hadees pak ke mufhum ke mutabiq "is se pichlay ek saal aur anay walay ek saal ke gunnah muaf hojatay hain". agr zil-hajj ke shuro se 9 zil-hajj tak roza rakha jae to ziyadah behtar hai.

  • 7) Roza dar agar bhol ker kha pi le to esi surat me roza nai tot'ta, agar-cha pait bhar ker kha pi le ya kai martaba kha pi le. agar kisi ne roza dar ko bhol ker khatay pitay dekh liya to esi surat me dekha jae ke agar roza-dar is qadar takat rakhta hai ke rozay se ziyadah taqleef nahi hoti to rozah yaad dilana wajib hai, agar wo kamzor hai to yaad dilana wajib nai, isay khanay pinay dein.

  • 8) Rozay ki halat me surma, tail, yar khushbu songhna durust hai, makrooh bhi nai. is se roza me kuch nuksaan nai ata, agar-cha took ya renth yani naak ki mail me surma ka rang dekhai de, agar halaq ke ander makhi chali gai ya dhowan ya gard-o-gubar khud ba-khud chala gaya to esi surat me roza nai tot'ta, thook nigalnay se bhi roza nahi toot'ta.

  • 9) agar khud Kee ( Yaani Ulti) hogai to esi surat me roza nai toot'ta, albat'ta agar jaan bojh ker apnay akhtiyar se  ki aur wo mu bhar ker hoi to roza toot gaya, yaad rahe ke mu bhar kee  ye hai ke ruknay se bhi na rukay.

  • 10) Roza me bhaap li ya naak me upar khenchnay wali koi dawa li ya kaan me tail yar jalab ke lie amal liya lakin pinay ki dawa nahi li to in sab bsurat me roza toot jata hai. agar kisi ke mu se khoon nikalta hai aur wo is ko thook ke sath nigar leta hai to esi surat me roza toot jata hai.

  • 11) Rozay ki halat me tooth paste yar manjan istamal kerna makrooh hai agar is me se kuch halak me chala jae ga to, roza toot jae ga. lakin maswak se dant saaf kerna durust hai, chahe wo sokhi ho ya tar-o-tazzaah.

Roza Kab Tor Sakte Hain:

  • 1) Sharyat ne insan ko her tarah se asaniyan farhaam ki hain aur logo ki majboriyon ka khayal rakha gaya hai. chuna-cha agar koi aesa bimar hogaya ke agar roza na toray to jaan janay ka khatra hai ya bimari barh janay ka khatrah hai to roza torna durust hai. misal ke tor per ek dum pait me esa dard utha ke insan be-taab hogaya ya kisi mozi janwar sanp (snake) wagairah ne dans liya to esi surat me dawa pi lena aur roza tor dena jaiz hai.

  • 2) Isi tarah agar aesi bhook ya piyas lagi ke kuch na khaya piya jae to jaan chali janay ka andesha hai to bhi roza tor dena durust hai, kisi hamla aurat ko koi aesi baat paish agai jis se iski ya iske buchay ki jan chali janay ka khof ho to aesi surat me bhi rozay tor denay ki ijazat hai.

  • 3) Aesi bimari jis me roza nuksan-dah ho ya ye dar ho ke agar roza rakhay ga to bimari barh jae gi ya sehat me ta-kher ho jae gi ya jaan chali jae gi to roza na rakhnay ki ijazat hai. lakin khud se aesa samjh lene se roza chor dena durust nahi, jab koi den-dar doctor keh de ke roza is bimari me nuksan-dah hai to choranay ki ijazat hai.

  • 4) Roza totnay se kufarah tab hi lazim hota hai jab Ramazan me rozay rakh ker tor dalay, ramazan ke ilawa kisi bhi roza tornay per kufarah lazim nahi hota. chahe wo ramazan ki qaza hi kiyon na ho.