Home Islam  
Worldknowledge1
 
 
 
 
 

Umrah Ada karne ka Tariqa

In this page you will find and read umrah guide in urdu.
 

Ahram:

jo koi mard ya aurat umrah kernay ke liye rawana ho is ke rastay me jo mikat parti ho waha se umrah ka aehraam bandh le khuwah kisi bhi sawari se guzar ho, agar andesha ho ke sawari ko driver mikat per nahi rokay ga ya mikat ka pata nahi chalay ( maslan hawai jahaz me guzar rahe ho) to miakt se pehlay hi aehraam bandh le. Aehraam ka tarika ye hai ke pehlay to gusul kerein, is ke bad aehraam ki 2 rik'at parhein. agar gusul na kiya aur wazu ker ke 2 rik'atein parh lein aur pani na honay ki surat me tayamum ker ke aehraam ke do-gana ada ker liya to ye bhi durust hai.
mard aehraam ki nafil shoru kernay se pehlay, silay howay kapray utar de, ek lungi ya chadar bandh le aur dusri chadar orh le, lakin namaz ki rik'at sar dhanp ker parhein. phir namaz-e-aehraam se farig ho ker sar khol ker umrah ki niyat ker ke talbiya parhay aur aurat hasb-e-mamul silay howay kapray pehnay rahay aur 2 rik'at namaz parh ker umrah ki niyat ker ke talbiya parh le.

Niyat Aur Talbiyah

2 rik'at namaz-e-aehraam parh ker is tarah niyat kerein "AE ALLAH! ME UMRAH KI NIYAT KERTA HUN PAS TU IS KO MERE LIYE ASAAN FARMA AUR IS KO MUJH SE QABOOL FARMA"
niyat zuban se kerna zarori nahi hai, dil me niyat ker lena bhi kafi hai, aur Arbi me niyat kerna bhi zarori nahi, urdu me ya kisi bhi zuban me ker lena kafi hai, niyat ke ba'ad parh lein, is ke alfaz ye hai
"ME HAZIR HUN, AE ALLAH! ME HAZIR HUN, ME HAZI HUN TERA KOI SHARIK NAHI ME HAZIR HUN- BESHAK SARI TAREEF AUR SARI NAYMATEIN AUR SARA MULK TERE HI LIYE HAIN TERA KOI SHARIK NAHI"
agar namaz parhnay ka muqa na milay (jese makro waqt ho ya namaz parhnay ki jaga na milay) to aehraam ki rik'at parhay bina hi umrah ki niyat ker ke talbiya parh parh lein. aehraam ke liye 2 rik'at parhna sun'at hai, farz ya wajib nahi.
mard ho ya aurat jab umrah ki niyat ker ke taliya parh le ga to aehraam me dakhil ho jae ga. agar aurat ka khas ayam yahi mahwari ke din ho to wo namaz parhay bagair hi umrah ki niyat ker ke talbiya parh le. is tarah wo aehraam me dakhil hojae gi. albat'ta us waqt tak tawaf shoru na keray jab tak wo pak na ho jati. agar mahwari ki halat me makka pohach gai aur umrah ka aehraam pehlay hi bandh rakha tha, pak honay ka intazar keray. jab pak hojae to gusul ker ke umrah ka tawaf aur sa'ai keray aur sab kaam anjam de. agar kisi aur ka bucha ki paidaish ki waja  se khon aa raha ho jese sharyat me nafaz kehtay hai, uska bhhi wohi hukum hai joj mahawari wali aurat ka hai yani mikat per namaz parhay bina aehraam bandh le aur makka pohanch ker pak honay ka intazar keray, jab shar'ai qaiday ke mutabiq pak hojae to gusul ker ke umrah ker le.

umrah ki niyat

Jinayat ka bayan

mamnu'at-e-aehraam aur in ki khilaf warzi per jaza ki tafsilat:
jinayat jama hai, jinayaat ki, aehram ki pabandiyon ki khilaf warziyon ko jinayat kehtay hai aur jinayat per jo kuch wajib hota hota hai is ko jaza kehtay hain. aehraam ki jinyaat 8 hain jo aehram-e-Hajj aur Aehraam-e-umrah dono me mam'nu hain
1) khusbu isstamal kerna
2) mard ko sila howa kapra pehn'na
3) mard ko sar aur chehra dhankna aur aur ko sirf chehrah dhakna
4) baal dor kerna
5) nakhun ka katna
6) miyan bivi wala khas taluq ko kaam me lana
7) wajibat me se kisi ko tark kerna
8) khuski ke janwar ka shikar kern