Home Singer <<  
Worldknowledge1
 
 
 
 
 
Abhijeet sawant was born on 7 October 1981 in Mumbai India is a singer and first winner of Indian Idol and the first runner up of jo jeeta wohi superstar. His two album janoon and apka abhijeet Sawant has launched. In this page you will find and read Abhijeet Sawant interview and Biography in Urdu Hindi Roman Urdu.
 

Abhijeet Sawant

 
Abhijeet Sawant

Profile

Abhijeet sawant 7 october 81 ko mumbai me paida hua us ke walid bombe monsiple corporation me office superintendent the us ne bandra me waqya chetan collage of commerce and ecomonic se talim hasil ki lekin 12 class ke bad us ka dil parhai se uchat ho gya or wo singing me dilchaspi lene laga us ne bhaodip jee pure wala se classical mosici ki talim hasil ki or do sal tak gazal gaiki ki tarbiyat leta raha. Is ke sath hi us ne kuch or kaam bhi sikhe computer programming ka course kya or mumbai university se sound engineering ki talim hasil ki. Us ke chacha sanje sawant bhi singer hain wo un ke sath mukhtalif shows me perform karne laga. Indian idol me shirkat karne se pehle us ne kai dosre muqablon ke lye audition dya lekin kamyab na ho saka use Indian idol ke pehle winner hone ka ejaz hasil hai. is show ka pehla session October 2004 se march 2005 tak sony tv pr jari raha is session me jujs ke fraiz anu malik, sono nigam or farah khan ne anjam dye the jabke hosting ki zimedari aman warma or mani mathor ko sonpi gai. Us ke bad abhijeet ne apni pehli album aap ka abhijeet ken am se release ki. Jakarta me hone wale aeshin idol ke pehle audition me shirkat ki jo December 1007 me munadiq hua tha tahum muqabla singa pure ke hadi mirza ne jeet lya jabke abhijeet 3rd raha. Us ki dosri album Janon bhi behad pasand ki gai use kai filmon me playback singing ka moka mila hai jabke tisri album Farida is sal april me release hui hai.

Question: sab se pehle hum tumhari nayi album Farida ki bat karte hai is bare me kuch kehna chaho ge?

Abhijeet: is album ki launching ho chuki hai or jesa k aap jante hain k ye album sofi music pr base karti hai mujhe khushi hai k launching ke moke pr doston ne mera pura sath dya or sabhi sathi singers is moke pr mojud the jin me kelash kher, miyang chang, soweta pandit, anoshka dandekar, aditi singh, naqash aziz or rageo bhala wagera shamil hain. Album me 7 gane hain jin ka music harpit singh, rageo bhala, naqash or amit sawant ne tartib dya hai main is album pr 1 sal se kaam kar raha tha jesa k aap jante hain k aaj kal ki mosici filmon ki mohtaj ho gai hai or non filmi album ko promote karna boht mushkil hai tahum mosici ke shahiqin ne is album ka garam joshi se istaqbal kya hai jis se mujhe boht hosla mila.

Question: tumhara guzishta album Janon 2007 me release hua tha or us ke takriban 5 sal bad ye album aya hai itne bare gap ki kya waja thi?

Abhijeet: main ne abhi kaha k in dino non filmi album tayar karna bare jan jokhon ka kaam hai main ye nahi kehta k log non filmi album ko pasand nahi karte magar karobari lehaz se ye ghate ka soda hai q k album release hote hi log use net pr down load kar lete hain or kisi ko market se us ka cased ya cd lene ki zarorat nahi hoti jabke production ki cast me musalsal izafa ho raha hai isi waja se aaj kal non filmi ka karobar manda jar aha hai jis se hamari mosici bhi mutasir ho rahi hai. tahum mujh jese diwanon ne abhi himat nahi hari or dair se hi sahi lekin apni tisri album lane me kamyab ho gya.

Question: apne back ground ke bare me kuch batana chaho ge?

Abhijeet: main ne ek muwast gharane me ankh kholi walid sahab monsiple corporation me office superintendent the or hamen maham ke elaqe dharwi se sarkari makan mila hua tha main ne collage me inter tak talim hasil ki us ke bad parhai se dil uchat ho gya or mujh pr singer banne ki dhun sawar hui. Hamari itni hesiyat nahi thi k paise kharch kar ke mosici ki talim hasil karta lehaza main ne apni birthday manana chor di q k walid pr gair zarori bojh nahi dalna chahta tha phir meri mulaqat bhaodip jee pure wale se hui jinho ne mujhe kisi maoze ke bagair classical singing ki talim di albata gazal singing ke lye mujhe ek or ustad siraj khan se fees de kar tarbiyat leni pari. Shuru se hi ye ahsas tha k walid ke retair ho jane ke bad ghar ki zimedari mujhe hi sanbhalni hai chunancha jald az jald kamane ke bare me sochne laga mere ek chacha singer the un ke sath functions me gana shuru kar dya us ke sath hi mukhtalif muqablon ke lye audition deta raha lekin kahin kamyabi na hui phir kismet ne palta khaya or main Indian idol ke audition me kamyab ho gya. Is bare main ghar walo ko kuch nahi bataya tha jab show ke promos chalna shuru hue to unhen malom hua k main television ki tarikh ke sab se bare reality show me hisa le raha hon. Oper wali meharbani se mujhe Indian idol ke pehle winer ka ejaz hasil hua us ke bad ki kahani aap ke samne hai.

Question: Indian ideal ka muqabla jeetne ke bad tumhare andar kya tabdili aai hai boht se logon ka kehna hai k achanak milne wali shohrat or paise ne tumhara dimag kharab kar dya tha kya aesa hi hai?

Abhijeet: is me koi shak nahi k ye ejaz milne ke bad meri zindagi me boht bari tabdili aai or logon ne mujhe magror kehna shuru kar dya. Aaj jab piche mur kar un logon ko yad karta hon to ahsas hota hai k waqai achanak milne wali shohrat ko sanbhalna boht mushkil hota hai lekin aesa nahi tha k mera dimag 7th asaman pr pohnch gya ho darasal kuch logon ko meri maqboliyat achi nahi lagi is lye unh one is tarha ka propaganda shuru kar dya. Main ne ek sal ke doran takriban 1,00,00,000 kamae or jab pehli bar 10,00,000 rupe mile to main ne ek makan book karwa lya lekin property dealer ne bemani ki or mujh se 35,00,000 lene ke bad bhi makan ka qabza nahi dya. Bari mushkilon se mujhe us raqam ka kuch hisa wapas mila phir main ne ek or makan book karwaya 4 sal bad hum log gore gao shift ho gae or baqi raqam main ne kisi jaga invest kar di.

Question: kya waja hai k music reality shows me kamyab hone ke bad singers ko bollywood me playback singing ke boht kam moke milte hain or tum bhi un me se ek ho?

Abhijeet: dosron ke bare me kuch nahi keh sakta albata mera mamla thora mukhtalif hai meri shadi Indian ideal ke foran bad ho gai thi. Shilpa se 7 sala relationship thi or jab main ne Indian idol ka muqabla jeeta to dono gharano ne socha k shohrat milne ke bad kahin irada na badal jae lehaza unhon ne hamari shadi kar di. Us ke bad main ne sony ke lye shows karna shuru kar dye q k ye meri contract me shamil tha 3 sal tak television pr masrof raha jahan tak mujhe or dosre reality shows singers ko bollywood me kam moka milne ka taluq hai to main samjhta hon k ye dono bilkul mukhtalif industries hain. Kuch logon ko ye khush fehmi hoti hain k reality show jeetne ke foran bad hi un pr bollywood ke darwaze khol dye jaen ge jabke haqiqat is se bilkul mukhtalif hai. sunedhi chauhan jesi top singer ko bhi reality show jeetne ke bad bollywood me jaga banane ke lye kafi struggle karna pari thi albata is mamle me sharya ghoshal kafi khush kismet sabit hui. Indian idol ne mujhe shohrat ke sath sath boht sa kaam bhi dya or us waqt se le kar ab tak musalsal shows kar raha hon. Mujhe achi tarha yad hai k ek show me sharukh khan or priyanka chopra bhi mojud the or priyanka ki performance ke bad jab meri bari aai to log crazy ho gae. Show khatam hua to priyanka ne mujh se kaha k tum hum se bhi bare star ho, oper wale ki meharbani se mere parastaron ki tadad boht zyada hai or kabhi bhi ye ahsas nahi hua k mujhe playback singer banna chahye lekin boht se log yahi samjhte hain k acha singer wahi hai jo filmon me gana gae.

Question: kya waja hai k tum ne film industry me jaga banane ki koshish nahi ki?

Abhijeet: agar kisi ne filmon me gane ki offer di to main ne kabhi inkar nahi kya lekin mere pas itna waqt nahi hai k music directors ke aage piche phirta rahon is industry me mojud hon or agar kisi ko meri zarorat hai to wo mujh se kaam le sakta hai.

Question: tum ne ek film Lotry me adakari bhi ki thi lekin us ke bad kisi dosri film me nazar nahi aae is ki kya waja hai?

Abhijeet: bad qismati se wo film kamyab na ho saki chunancha main ne faisla kar lya k mazid filmon me kaam nahi karon ga aese kaam se kya faida jis me aap mahinon masrof rahen or 3 ghante me us ki kismat ka faisla ho jae.

Question: as a singer tumhari kya masrofiyat rahi?

Abhijeet: main ne bad me bhi television pr reality shows kye jin me Jo jeeta wahi super star or Nach balye session 4 shamil hain. Career ke doran ek din bhi farig nahi raha albata ab main ne kafi arse se reality shows nahi kye q k lag raha tha jese ek hi kaam ko repeat kar raha hon kabhi kabhi dil chahta hai k Big boss show me hisa lon lekin abhi tak unhen mera khyal nahi aya. Playback singing me zyada moaza to nahi milta lekin aap mashor ho jate hain jis ki waja se stage shows or album wagera me aap ki mang barh jati hai ab main bhi zyada tar stage show hi karta hon 9 aadmion ka group bana rakha hai or hamen ek show ke 5 6 lakh mil jate hain agar berone mulk show karen to ye raqam 10 lakh tak pohnch jati hai. main sal me 2 mahine ke lye bahar ja kar kam az kam 20 shows karta hon jabke apne mulk me ye ost mahine me 10 shows ki hai. is sal album ki tayari ki waja se berone mulk nahi ja saka is bat ki khushi hai k waldain mere kaam se mutmain hain dedy ne to usi waqt mulazimat chor di thi jab main ne Indian idol ka muqabla jeeta tha. 
            
Question: mustaqbil ka kya program hai?

Abhijeet: is industry me planning kaam nahi ati yaha kamyabi ka ek hi mantra hai or wo ye k aap mehnat, lagan or khalos ke sath kaam karte rahen to oper wala bhi aap pr meharban rahe ga bunyadi tor pr ek singer hon or apni gaiki se logon ko us waqt tak entertain karta raho ga jab tak wo mujhe sunna chahen ge.