Home Singer <<  
Worldknowledge1
 
 
 
 
 
 
Ali Haider was the most famous Pakistan singer and actor but yet he is a Naat khwan, and Sufi singer was born on 22 September 1971 in Karachi. He Is commonly known for his famous songs chand sa mukhra, purani jeans aur guitar, and gore rung ka zamana. In this page you will find and read Ali Haider interview and Biography in Urdu Hindi Roman Urdu.
 

Ali Haider

 
Ali Haider

Profile

Ali haider Karachi ke elaqe firdos colony me pala barha wo NED university me civil engineering ka student tha jab us ke show business career ka agaz hua. 1990 se ab tak us ki 20 ke karib albums release ho chuki hain wese to us ke sabhi albums or gane behad pasand kye gae lekin Purani jens ……... ne use shohrat ki bulandion pr pohncha dya ye gana us ki 4th album Sandesa me mojud hai. ab tak Ali haider ki jo albums release ho chuki hain un ke nam ye hain. Janen ja sun, Chahat, Tarang, Qarar, Sandesa, Sanwala sanola, Dastan, janian, Mahi, Sayan, Jadu, Chandni raten, Tera nam lya to, Purani jens (remix), Jane do, Mola dil badal de, Shor hai mehshar ka, Ki jana main kon, wagera shamil hain jabke hal hi me us ki nayi album Bachpan ki badami yaden release hui hai guzishta dino Ali haider ke walid ko ek dhamki amez phone call mosol hui thi jis me 10,00,000 repe dene ka mutalba kya gya tha or dhamki di gait hi k adam adaigi ki sorat me us ke makan pr hamla kya jae ga un dino Ali haider apni video ki shooting ke silsile me mulk se bahar tha.

Ali haider ka nam sunte hi kanon me Purani jens or guitar………. Ki dhun ghonjne lagti hai shayad hi pakistani music me kisi non filmi geet ko itni maqboliyat hasil hui ho goh k guzishta 25salon me us ne dheir sara kaam kya us ki kai albums release ho chuki hain or boht se gano ko behad pazirai mili lekin Purani jens ……… aaj bhi us ki pehchan hai. darmiyan me ek hadse ke sabab ali haider ne riwaiti mosoqi tark kar ke apne aap ko sirf naton or marsion tak mehdud kar lya tha lekin ab ek bar phir wo mosiqi ki dunya me wapas agya hai or us ka naya album Bachpan ki badami yaden release ho gya hai jis me ali haider ki awaz me 12 gane shamil hain jabke guzishta june me us ne sofi album Ki janan main kon bhin kafi maqbol hui thi. Tawaqa ki jani chahye k ali haider ab pure josh or walwale ke sath apne shahiqin ko entertain karta rahe ga or hum ainda bhi us se Purani jens…….. jese kisi dhamake ki tawaqa kar sakte hain.

Question: tumhen music industry me kaam karte hue kitna arsa ho gya hai or ab tak kitni albums achuki hain?

Ali: main ne 1980 ki dhai ke akhir me gana shuru kya tha is tarha meri ab tak takriban 20 albums release ho chuki hain jo ek record hai.

Question: tumhara gana Purani jens………. Itna hit hua k tum abhi tak usi ke hawale se pehchane jate ho goh k us ke bad bhi tumhari kai music albums release ho chuki hain lekin tumhen aaj bhi one hit wonder kaha jata hai is bare me kya kaho ge?

Ali: agar aap Purani jens…… se pehle meri albums chahat or Qarar or Purani jens ke bad Chand sa mukhra or mahi ki farogt ka record check karen to aap ko apne sawal ka jawab mil jae ga. Is me koi shak nahi k Purani jens ………. Ek aesa gana hai jise hamesha yad rakha jae ga or isi ki bina pr mujhe one hit wonder kaha jata hai or sach pochen to ye mujhe bura nahi lagta.   

Question: tum ne 2009 me bete ke intaqal ke bad mosici se ye keh kar kinara kashi ikhtayar kar li thi k ab tumhen is se itminan nahi milta us ki kuch wazahat karo ge?

Ali: jo kuch main ne kaha wo sach tha q k us waqt aesa hi kuch mehsos kar raha tha us waqye ne itna mutasir kya k main mosici ke bare me soch hi nahi sakta tha tahum rab ki meharbani or chahne walon ki duaon ke tufel us dor se nikal aya hon.

Question: ye batao k baba bulleh shah se kis had tak mutasir ho?

Ali: main ne jab mosici se kinara kashi ikhteyar ki or sirf mazhabi kalam parh raha tha to mujhe baba bulhe shah ki shairi parhne ka itefaq hua ye wo waqt tha jab log mere na gane ke bare me mutadid sawalat kar rahe the us waqt mujh me itni taqat nahi thi k un sawalat ke jawab de sakta q k khud apne aap ko khoj raha tha. baba bulleh shah ki shairi ne mujhe apne aap ko daryaft karne me madad di or rafta rafta music ki taraf wapas agya.

Question: in dino kya kar rahe ho tumhari do albums achuki hain or suna hai k Qarar ke nam se fashion designing bhi shuru kar di hai?

Ali: piche mur kar dekhta hon to mehsosn hota hai k wo ek sikhne ka dor tha jab main ne apni shakhsiyat ke ek naye pehlo ko daryaft kya jin dino mazhabi kalam parh raha tha to rohaniyat se karib hone laga is tarha mere zakham mundamil hone lage or us jaga wapas agya jahan aap mujhe dekh rahe hain. Ye thek hai k main ne Qarar ken am se fashion designing shuru kar di thi lekin ab apni purani mohabat yani music ki taraf wapas achuka hon.

Question: ek singer ke lye mosici se dor rehna mushkil faisla tha tum ne use kis tarha deal kya?

Ali: q k ye faisla mujh pr musalat nahi kya gya tha is lye deal karne me koi dushwari nahi hui jin dino us tarik dor se guzar raha tha to sirf mazhabi kalam ne hi mujhe sakon bakhsha or ab is dor se bahar agya hon to mosici ke zarye dobara sakon or khushi mil rahi hai.        

Question: kya betian bhi tumhare kaam pr tanqid karti hain?

Ali: G han! kisi had tak agar unhen koi gana pasand na aae to wo mujhe us se mana kar deti hain.

Question: atif aslam or kuch dosre pakistani singers india me boht popular hain or musalasal kamyabian samet rahe hain is bare me kya kaho ge?

Ali: ye dekh kar bari khushi hoti hai k pakistani singers ko india me pasand kya ja raha hai bilkul isi tarha jese pakistan me bharti singers ki tariff ki jati hai.

Question: apni nayi pop album Bachpan ki badami yaden ke bare me kuch batao kya is album ke gane record karwate waqt tumhen apne most popular gane Purani jens ……… ki yad arahi thi?

Ali: main ne apni betion ke kehne pr ye gana record karwaya lehaza ek tarha se dekha jae to wahi dono mujhe music ki janib wapas le kar aai hain or isi lye main ne is album ko un dono ke nam mansob kar dya hai ye ek pop album hai or 5 sal ke waqfe ke bad aai hai. is album ke tamam gane mukhtalif mode ki akasi karte hain. Title song Bachpan ki badami yaden …….. shayad har ek ke bache se le kar high school ke safar ki kahani hai is gane ko sun kar har koi apne mazi me kho jae ga. Purani jens ……… ko bhi raton rat kamyabian nahi mili thi balke waqt guzarne ke sath sath ye logon ke dilo me jaga banata gya isi tarha main samjhta hon k Bachpan ki yaden ……… bhi logon ko hamesha yad rahe ga. Mujhe malom hua hai k samain abhi se us ka muwazna Purani jens ………. Se karna shuru kar dya hai jo mere lye khushi or ejaz ki bat hai.

Question: tum ne semi classical me bhi gane ki koshish ki hai ye batao k pop singing se semi classical ki taraf ane ka tajurba kesa raha?

Ali: gane ka har style mujhe kuch sikhne ka moka fraham karta hai Jane do ……… ek semi classical track hai or is ke zarye meri gaiki ka ek or rang samne aya hai. hum ne is gane ki video bhi banai hai jise ek purane railway station pr shoot kya gya tha.

Question: kim sharma ne Purani jens ……….ki video me kaam kyat ha kya ab bhi tum us se rabte me ho or dobara us ke sath kaam karne ka irada hai?

Ali: us se pehli bar Purani jens ……….. ki shooting ke doran rabta hua tha us ke bad phir kabhi mulaqat nahi hui jahan tak next music video me use lene ka taluq hai to is ka faisla mere directors hi kar sakte hain.  

Question: hum ne suna hai k tum indian filmon ke bare me kuch zyada pur josh nahi ho lekin bollywood se tumhare rabte hain or ye bhi sunne me aya hai k playback singing ke elawa tumhen indian filmon me kaam karne ki bhi offer hui hai?

Ali: G han! main kabhi bhi Indian filmon ke bare me jazbati nahi hua albata mere dil me bollywood or wahan kaam karne wale logon ke lye bari ezat hai mujhe acting or singing ki kai offers hui hain or un me se chand ek pr bat chit jari hai.

Question: tum ne apne career ke doran mosici me kai noiyat ke tajurbe kye pehle pop singing se ibtada ki phir nat ot marsia ki jinib agae us ke elawa semi classical me bhi taba azmai ki is ki kya waja hai?

Ali: Mujhe tajurbat karne ka shok hai agar ek hi tarha ke music me involve rehta to kabhi itna dher sara kaam nahi kar sakta tha aap ko hamesha versatile rehna chahye or naye chizon ki takhliq ki janib tawaja deni chahye main ne filmi pop se start lya phir pop ki taraf aya us ke bad Qarar or sandesa ………., jese gane gae Zalim nazron se ………, me fok music ka tajurba kya un logon se itefaq nahi karta jo sirf pop ya rock music sunna chahte hain music ek wasi field hai or jin dino nat or marsia parh raha tha to zehan me yahi khyal aya k ab kuch or karne ke qabil nahi rahon ga. Main ne apne purane albums sunna band kar dye the or sochta tha k ye main ne kya kia hai is tarha ke marhale har insane ki zindagi me ate hain or inhi tajurbat se wo boht kuch sikhta hai.

Question: yahi bat tumhare image ke bare me bhi kahi jati hai jise tum musalsal tabdil karte rehte ho?

Ali: ye bat wazah kar don k kabhi bhi karobari faide ke lye apna image tabdil nahi kya ye soch kar koi kaam nahi karta k dosre bhi aesa kar rahe hain main ne 5 sal pehle rohani kalam parhna shuru kya or log ab is ki janib ragib ho rahe hain.

Question: tum ne kuch dramon or filmon me bhi adakari ki hai ye tajurba kesa raha?

Ali: career ke agaz me kuch dramon me acting kit hi or mere zehan me sirf ye bat thi k koi mukhtalif kaam karon. Sara kazmi, zahir khan or iqbal ansari jese producers ke sath kaam kya is ke elawa sajad gul ke sath ek film bhi ki mujhe ab bhi acting ki offers hoti rehti hain lekin mosici mera janon hai. adakari karma ek acha tajurba tha or pehli bar mujhe mehsos hua k ek film me kaam karna 9 se 5 ki job jesa hai.