Home Singer <<  
Worldknowledge1
 
 
 
 
 

Mauli Dave

(Interview)

Mauli deve was born on 3 june 1987 in ahmedabad India. maule davi is one of the multi tented girl India, she is a good Siger, dancer, actor and also work as host in television show. in 2007 she participate a singing reality show which name is Sa Re Ga Ma Pa, it is one of the most popular singing reality show, and mauli became the finalist of this competition and proved her self as a good singer, then she also participated in another famous reality show which name is chalo aerica boogie woogie, this show was on aired by the sony entertainment television. mauli also become the finalist of this show. In the age of 19 mauli moved to mumbai because she decided to start her career in music and acting. When she came in Mumbai then appeared as host in a dancing reality show which is on aired by zee tv and its name was Rock n Roll family. Then in 2008 she got a chance to start her acting career. She started her acting career from a television drama which name is Ek Anhonee, she also appeared in one episode of another drama serial which name was Parivar. It is also on aired by the zee TV. She also participated on a reality show which is hosted by Akshay Kumar and its name was khatron ke khiladi season 4, and it this reality show she came on top 2, she also appeared as Guest appearance in kahani comedy circus ki. In this page you will find and read mauli dave songs list.

Mauli dave songs saregamapa

  • Jis Jagah Pe Khatam
  • Chalte Chalte Yun Hi Koi
  • Ye Sama Sama Hai Ye Pyaar Ka
  • Waqt Ne Kiya Kya Haseen Sitam
  • Jaane Kya Tune Kahi
  • Kal Ki Talash Mein
  • Saregamapa
  • Dekh Le
  • Angry Young Man
  • Khuda Haafiz
  • Mayya Mayya

Question:suna hai tum ne boht choti umar me gana shuru kar dya tha ye batao k gane ki tarbiyat kahan se hasil ki?
Mauli Dave: main ne 8 sal ki umar se Hindustani classical ki talim hasil karna shuru kar di thi mere ustad dav bang thakur the jabke classical raqs ki tarbiyat shri radha menon se hasil ki 12 sal ki umar me diploma hasil kya or wapas apne walidain ke pas America chali gai main ne 2000 me hi professional singing shuru kar di thi is ke elawa main ne bharatanatyam, udesi or hip dip ki tarbiyat bhi li hai.

Question:apne back ground ke bare me kuch batana chaho gi?
Mauli Dave: main ahmedabad me paida hui main ne bolna bhi nahi sikha tha k gana shuru kar dya shayad is ki waja ye ho k mosiqi mere khon me rachi basi hai dhai sal ki thi k walidain ke sath America chali gai maa ne hamen har wo chez sikhai jo ainda zindagi me hamare kaam asakti thi maslan sport, marshal arts, classical dance, classical music, fine arts, performing arts wagera wagera phir walida ne hamen dadi ke pas ahmeda bad bhej dya jahan main ne classical music or classical dance ki tarbiyat hasil ki is ke elawa hindi, gujrati or thori boht sanskarat bhi sikhi 2000 me wapas America gai or 12 sal ki umar me professional singer ke tor pr career ka agaz kya is ke sath talim ka silsila jari raha or main ne houston university se greek communication me bachelor of arts ki degree hasil ki walida ke kehne pr 2007 me miss tafan india taxsas me hisa lya or fatah qarar pai isi sal march me mujhe Sa Re Ga Ma Pa me hisa lene ka moqa mila.

Question:ye batao k career ko aage barhane me talim se koi madad mili?
Mauli Dave:main samjhti hon k artist paidashi hota hai talim se us ki salahiyaten nikharti zaror hain lekin parh likh kar koi fankar nahi ban sakta khushi is bat ki hai k shuru se hi ache gru ki rehnumai mil gai or kuch sikhne ke lye acha ustad ek nemat hota hai unhon ne mujhe dil ki ghehraiyon se sikhaya jis ke lye main un ki sari umar ahsan man rahon gi.

Question:singing, dancing or hosting ke bad ab tum comedy ki taraf bhi agai ho ye batao k kirishna abheshek ke sath pair banane ka tajurba kesa raha?
Mauli Dave:kirishna or sudesh ki jori khub hai ye dono sirf ache comedian hi nahi balke boht ache insan bhi hain main ne in se boht kuch sikha or shooting ke doran bara acha waqt guzara hai.

Question:tumhare khayal me ek acha comedian banne ke lye kya khubiyan honi chahye?
Mauli Dave: main samjhti hon k is ki koi khas tarif bayan karna boht mushkil hai. stage pr us ki body language, aetamad, chehre ke tasirat or awaz ke utar charhao se hi us ki salahiyaton ka andaza lagaya ja sakta hai lekin ye khubiyan takhliq nahi ki jatin balke fitri hoti hain albata artist apni mehnat or tajurbe se is me nikhar la sakta hai comedy ek fitri salahiyat hai or koi shakhs zabardasti comedian nahi ban sakta.

Question:tumhara comedy karne ka tajurba kesa raha?
Mauli Dave:mujhe comedy se pyar hai sachi bat to ye hai k mujhe is me koi mushkil pesh nahi aai q k hamesha se hi shokh or khalandari waqa hui hon is lye jab comedy circus ke stage pr aai to yun laga k aam zindagi me kisi se baten kar rahi hon main ne is program se khub enjoy kya hai.

Question:tum boht achi dancer bhi ho kon kon se dance sikhe hain?
Mauli Dave:main ne bharatanatyam apni maa se sikha aap ko ye jan kar herat ho gi k sirf 6 sal ki umar me dance sikhna shuru kar dya tha 8 sal ki umar me ahmedabad aai or kormi puri sikha 5 sal bad dobara America chali gai or wahan udesi ke elawa hip pop bhi sikha main ne apni walida ke dancing school me 12 sal ki umar se hi perform karna shuru kar dya tha.

Question:tumhen dancing se itna lagao q hai?
Mauli Dave: main samjhti hon k ye bhi mosiqi ki tarha apni zat ke izhar ka tariqa hai balke main ise mosiqi ki hi ek shakal samjhti hon qk ridham ke bagair dance nahi hota ye mosiqi adakari or action ka mukamal imtaraj hai.

Question:Kya tum jhalak dikh la ja ka hisa banna chaho gi?
Mauli Dave:G han q nahi. Q k ye mukhtalif shobon se taluq rakhne wali celebrities ke lye india ka behtarin dance show hai sab se barh kar ye k main is show me shirkat kar ke apni shakhsiyat ka wo pehlo bhi zahir karna chahti hon jo logon ke samne abhi tak nahi aya log mujhe singer ke tor pr jante hain lekin main ek boht achi dancer bhi hon or is plate form ke zarye apne fan ka muzahira karna chahti hon.

Question:hal hi me tum ne Please ka title song bhi gaya hai bollywood ki film me gane ka tajurba kya raha?
Mauli Dave:is gane me mujhe boht hosla mila hai or main bollywood ki filmon me gane ke lye puri tarha charge ho gai hon main ne pehli bar abas mastan ki commercial movie ke lye gaya hai or mujhe khushi hai k logon ne ise pasand kya.

Question:tum ne 2007 me Sa Re Ga Ma Pa me mayya mayya ga kar be panah shohrat hasil ki yahan tak k mosiqar bapi lehri ne tumhen Indian sitara ka khatab de dala lekin aesa lagta hai k tum ne apne music career pr sanjidgi se tawaja nahi di warna bollywood tak ka safar te karne me itni dair na lagti?
Mauli Dave:aesi bat nahi hai main musalsal music se juri hui hon is doran main ne filmon ke lye gane gae or apni albums bhi release ki is ke elawa ab tak 150 conserts kar chuki hon is ki waja se mera zyada waqt traveling me guzar jata hai agar mustaqil Mumbai me qayam karon to music director mujhe aproch kar sakte hain isi lye shayad consert ki masrofiyat ki waja se filmon ko zyada waqt na de saki.

Question:tum ne Khatron ke khilari me hisa lene ka fesla q kya is se tumhen kya tawaqat wabasta thin?
Mauli Dave:main hamesha se hi ye program bari shoq se dekha karti thi or meri bari khawahish thi k is ka hisa bano mera khayal tha k is program me shirkat karne se mujh me mazid aetamad aae ga or main pehle se bhi zyada mazbot ban jaon gi.

Question:in dino tum tv show comedy circus me masrof ho go k tumhen is show me pasand kya jar aha hai lekin aam rae yahi hai k tumhen singing or acting pr tawaja deni chahye tum is bare me kya kaho gi?
Mauli Dave:mere dost or chahne wale bhi kuch is qisim ke mashware dete hain hal hi me archina uran singh ne kaha k tum ek khawab ki tarha gati ho jab k sohail khan ka kehna tha k main apni American English or hindi lehje me boht achi tarha balance qaim kar leti hon sab log yahi keh rahe hain k mujhe apne acting career pr tawaja deni chahye main filmon me kaam karne ke lye tayar hon mazi me kai television offers hoti rahi hain lekin un me se kisi ne bhi mujhe mutasir nahi kya chunancha main ne un offers ko qabol karna munasib na samjha agar mere tv pr kaam karne ka fesla kya to wo koi mufarid or mukhtalif kaam ho ga is waqt tv pr comedy kar rahi hon jo kisi bhi singer ke lye ek nayi bat hai jab main ne stage performance ki to logon ne mashwara dya k mujhe comedy me bhi koshish karni chahye main ne is maqsad ke lye comedy circus ka intekhab kya q k mujhe acting se muhabat hai.

Question:Kaha jata hai k tum har wo kaam karne ke lye tayar ho jati ho jahan se pese milne ki umid ho or yahi waja hai k kisi ek field pr tawaja nahi de pa rahi?
Mauli Dave:mujhe kaam karne ka janun hai or main ne hamesha wahi project kye jin se mutasir hui is ki waja ye nahi thi k waha se mujhe boht pesa mil raha tha mujhe modeling ki bhi kai offers huin lekin main ne unhen mustard kar dya q k mujhe us me koi challenge nazar nahi aay isi tarha daily soap me bhi kaam karne se inkar kar dya halanke wo boht ache pese de rahe the lekin mujhe rona dhona pasand nahi main mahine me 25 din screen pr ansu nahi baha sakti is lye ye kehna galat ho ga k peson ki khatir kaam karti hon.

Question:aditya narain ke sath tumhari relationship zoron pr thi phir kya waja hui k tumhare taluqat achanak hi khatam ho gae?
Mauli Dave:aditya se meri sirf dosti thi or main us se usi tarha baten karti jis tarha apni umar ke dosre larkon or larkiyon se kya karti thi samjh me nahi ata k us ke sath meri dating ki khabar kis tarha phela di gai logon ne to ye afwah bhi phela di k meri shadi ho chuki hai ye sach hai k in dino me kisi se mil rahi hon lekin shadi nahui hui mujhe us waqt boht herat hui jab bapi da ne pucha k tumhari shadi ho gai main ye wazah kar dena chahti hon k jab bhi shadi hui us ka baqaida elan karon gi is tarha ki afwahen sirf mujhe badnam karne ke lye phelai jati hain ta k apne career pr wataja na de sakon.

Question:kyat um samjhti ho k is industry me career ko aage barhane me boht zyada jadojehad karna pare gi?

Mauli Dave:G han mera koi god father nahi tha or mujhe kafi jadojehad karna pari sekron logon ke darmiyan main se rasta banana boht mushkil hai or aap koi moqa zayah nahi kar sakte meri kisi ne koi sifarish nahi ki lehaza janti hon k merit pr koi chance milne ki kya ahmiyat hai apne aap ko establish karne ke lye 5 sal tak family se dor rahi or aese kai mawaqe aae jab main apne walidain or bhai ko yad kar k rat bhar roti rehti thi.