Home Singer <<  
Worldknowledge1
 
 
 
 
 
Mohit chauhan was born in Naha, Himachal Pradesh, India. Mohit Chauhan started his career from a band which name was “silk rout’s” . his first famous song was “Dooba Dooba” from the album “boondein”, and then he started his career as playback singer in bollywood, Mohit Chauhan is of the successful singer at this time. In this page you will find and read Mohit chauhan Interview and Biography in Hindi and Roman urdu.

Mohit Chauhan

 
Mohit Chauhan

Profile

Indian pop or playback singer mohit chauhan himachal pradesh ke qasbe nahan sarmor me paida hua isi lye wo hindi ke sath pahari zuban bhi rawani se bol sakta hai pehle us ne dehli ke sent zeowers school me dakhla lya lekin bad me talim mukamal karne ke lye wapas himachal perdesh agya us ne dharma shala collage se geology me SSC kya use bachpan se hi mosiqi se lagao tha lekin us ne kisi se is ki baqaida tarbiyat hasil nahi ki wo gane ke elawa guitar, harmonium or flout bari umdagi se baja leta hai. Talim mukamal karne ke bad wo dehli agya jahan us ne 1996 me apne school me sathi camthri devi (piano nawaz) ke sath mil kar Silk rot ke nam se musical band qaim kya us ne is band ke sath pop singer ke tor pr apne career ka agaz kya or 1998 me do album Bonden or pehchan release kye is ka ek gana Dobi dobi ………. Boht hit hua tahum kuch arse bad ye band tot gya or mohit chauhan bhi waqti tor pr manzar se dor ho gya us ki wapasi 2005 me film me Meri patni or wo ke gane fancha……… ke zarye hui jise us ne khud hi compose bhi kya tha is ke bad mosiqar AR rehman ne apni film Rang de basanti me gane ke lye use approach kya. 2007 me Jab we meet ke gane Tum se hi……. Use boht zyada shohrat mili or us ka shumar industry me main stream glokaron me hone laga us ke maqbol gano me Tum ne jo na kaha……, (New york), Ye dorian……..,(love aaj kal), Pehli bar muhabat ki hai…….,(Kamine), Bhigi si………(Raj neti), Pee lon…..,(once upon a time in mumbai), Tujhe bhula dya…….., (Anjana anjani), Yun hi……., (Tanno wed manno), khas tor pr qabile zikar hain 2010 me use Masakali…….. ke gane pr behtrin playback singer ka film fair award mila.2011 me Rock star ke lye us ke gae hue gane chart buster sabit hue mohit chayhan ne isi doran bangali or tamil zuban me bhi gane gae film playback singing ke elawa us ne kai products ke lye jangles bhi gae hain.2007 me us ne 9x channel pr singing reality Mission ustad me hissa lya jis me us ke sath wasundhara das neb hi hisa lya is ke elawa us ne star plus ke show Music ka maha muqabla me bhi shirkat ki or apni team mohit fighter ko lead kya. Mohit chauhan young generation me boht popular hai or use mukhtalif collages ke functions me mado kya jata hai us ki ab tak 8 albums release ho chuki hain wo ab tak 55 filmo ke lye gane ga chuka hai or use apne career ke doran mukhtalif idaron se 17 awards mil chuke hain. Mohit chauhan ne 29 june 2012 ko dehli me muqim khaton sahafi prathna gehlot se shadi kar li woe k angrezi magazine me kaam karti hai or us ka taluq dehradon se hai ye shadi intehai khamoshi or sadgi se hui or is me sirf khandan ke afrad or karibi doston ne shirkat ki.

Mohit Chauhan Interview

Mard glokari me mohit chauhan ko is lehaz se khas ahmiyat hasil hai k us ne boht kam arse me gair mamoli kaam kar ke apne aap ko front line singers me shamil kar lya hai. 2005 me playback singer ki hesiyat se career shuru karne wale mohit ne is mukhtasar arse me 55 filmo ke lye gane gae jabke use 17 martaba behtrin playback singer ka award mil chukka hai jin me 2 film fair awards bhi shamil hai tahum mohit chauhan ka kehna hai k wo awards ke lye balke apne ander ke fankar ko bahar lane ke lye gata hai is dor me jabke non filmi album ka business ro bazawal hai wo apni 16th album lane ki tayari me masrof hai or us ka kehna hai k filmi gano ki tarha ye non filmi album bhi logo ko zaror pasand ae gi. Shadi ke bad us ke ahtamad me mazid izafa hua hai or ab wo kamyab professional life ke sath sath pursakon married life bhi guzar raha hai.

Question: tumhara bollywood career aese waqt me oper ki janib ja raha hai jab dosre singers music industry ke zawal ki waja se parishani me mubtala hain tum is bare me kya kaho ge?

Mohit: main samjhta hon k har kaam ka ek waqt mukarar hai or is se pehle ya bad me koi kaam nahi hota is muqam tak ek din me nahi pohncha, mazi me jo mehnat or jadojehad ki us ka phal ab mila hai agar dehli na ata to silk rot ka bhi wajud na hota is band ke famous ho jane ke bad mera safar asan hota chala gya. Pehli bar dehli me hi ek recording studio me dakhale ka moka mila aese hi ek recording session ke doran pritam se mulaqat hui isi tarha ek award function me AR rehman ne jab mera gana suna to bole k wo mere sath kaam karna chahte hain or jald hi mujhe phone karen ge ye or bat hai k unhen is telephone ka khyal 5 sal bad aya lekin ye intezar mere lye sod mand sabit hua is ke elawa mehsos karta hon k mera mumbai me dair se ana behtar sabit hua warna mujhe paharo me rehna ka moka na milta jis ki waja se meri awaz me ek makhsos rang agya.

Question: silk route ke gane kai sal guzar jane ke bad bhi fresh mehsos hote hain jabke in dino music band us jesa magic create nahi kar pa rahe is ki kya waja hai?

Mohit: jab hum ne gana shuru kya to kabhi na socha tha k kis tarha ka music kamyab ho sakta hai ya hum koi acha music takhliq kar saken ge hum sirf kaam karna chahte the or is ke elwa zehan me koi bat nahi thi hum ne dil se music takhliq kya tha jab ke aaj kal logo ke kaam me emandari nazar nahi ati meri hal hi me ek nojawan musician se mulaqat hui jo kisi band me dram bajane ka khwahish mand tha q k is me glamour hone ke sath sath larkion ki tawaja bhi milti hai jabke mere khyal me use rock star ki bajae acha musician bane ki koshish karna chahye aap aesa music takhliq karen jo dil se nikalta ho or kisi dosri bat ke lye parishan hone ki zarorat nahi.

Question: tum pr ye inteshaf kab hua k singer ban sakte ho?

Mohit: gane ka shoq to hamesha se hi tha or doston ki mehfil me beth ka ye shoq pura karta tha phir main ne paise kamane ke lye jungles gana shuru kar dye mujhe ek sarkari daftar me mulazimat mil rahi thi or mere samne do raste the k nokri kar lon ya jangles ke lye dhune banaon phir main ne socha k dosre ki gulami karne se behtar hai k aadmi apna bans khud ban jae or aaj mujhe is faisle pr boht khushi ho rahi hai.

Question: ab tum bollywood me ek mumtaz glokar ke tor pr pehchane jate ho is ke bawajud tumhare bare me boht kam chapta hai is ki kya waja hai?

Mohit: q k khabro me rehne ki zarorat mehsos nahi karta ye boht asan kaam hai k aap khud koi khabar banae or use media ke zarye phela den is se arzi tor pr to shohrat mil jati hai lekin asal ahmiyat to kaam ki hai agar acha kaam karen ge to khabar khud bakhud bane gi mujh se kai bar interviews ki farmaish hoti rehti hai lekin is mamle me kuch sust waqah hua hon wese bhi fankar logon se dor reh kar hi apni zat me gom ho kar kaam se insaf kar sakta hon mujhe yahi andaz pasand hai is tarha main muqable kid or me shamil logo ke hamlon se mehfoz rehta hon.

Question: tumhen guzishta 2 barson se award mil raha tha lekin is sal koi award hasil na kar sake kya is pr mayosi hui?

Mohit: award milne pr yakinan khushi hoti hai lekin agar na mile to afsos bhi nahi hota mayosi tab hoti jab awards ke lye ga raha hota lekin mera kabhi bhi ye maqsad nahi raha hum ek gana record karwate hain or wo 6 mah bad release hota hai is doran hum 10 mazid gane ga lete hain is lye agar ek sal award na mile to agle baras ke lye chance baqi rehta hai.

Question: guzishta bars tumhari shadi hui ab zindagi kesi guzar rahi hai?

Mohit: main ne boht dair me shadi ki lekin khush hon k ek orat ki rafaqat hasil ho gai ab kam az kam kisi ke sath apne khyalat or takhliqi ideas share kar sakta hon.

Question: kya waja hai k tum ne itni khamoshi se shadi kar li?

Mohit: shadi zati mamla hai or ise publicity ka zarya nahi banana chahta meri shadi apne abai shahar himachal me hui thi jahn mumbai se log bamushkil hi pohnch pate is me sirf khandan ke afrad or karibi doston ne shirkat ki albata mumbai wapas ane ke bad main ne apne karibi sathion ko reception dya tha.

Question: kya ye sach hai k shadi ke sirf 48 ghante bad tum dobara apne kaam me masrof ho gae the?

Mohit: G han! mumbai me mera busy schedule chal raha tha is lye mere pas is se zyada ki gunjaish nahi thi or mujhe jald az jald mumbai wapas ana tha isi waja se hum honeymoon pr bhi nahi ja sake.  

Question: kya tumhari wife ko bhi mosiqi se dilchaspi hai?

Mohit: profession ke lehaz se wo writer or journalist hai lekin use music se bhi kafi lagao hai goh k khud singer nahi hai lekin mosiqi ke bare me use kafi malumat hain wo meri ane wali album ke gano pr mashware deti rehti hai.

Question: apni nayi album ke bare me kuch batana chaho ge?    

Mohit: ye meri tisri solo album hogi jis me ek gana angrezi zuban me bhi hai is ki tamam dhunen main ne khud compose ki hain or meri biwi bhi is kaam me pura sath de rahi hai ye usi ka mashwara tha k main ek non filmi album pr kaam karon q k is tarha ki album me fankar ko puri tarha expose hone ka moka milta hai or use sab kuch kehne ki azadi hoti hai.

Question: rock star ke bad tumhen us jesa koi or gana mila?

Mohit: is tarha ka moka zindagi me kabhi kabhi milta hai oper wale ka kis zuban se shukar ada karon k us ne mujhe ye moka dya us ke bad mujhe aesi koi offer abhi tak nahi mili albata AR rehman ke sath dobara kaam kar raha hon tahum rock star jesa moka milne ke lye najane kitna intezar karna pare ga.