Home Singer <<  
Worldknowledge1
 
 
 
 
 
Sara Raza khan was born on 9 November 1995. Sara Raza khan khan belong from a Muslim family which was present on Lahore Pakistan. She got singing training under the supervision of Mr. Abdul Rauf and Irfan gill. She won the prize of “Bright star” a singing show but she got famous when she participate in Sa Re Ga Ma Pa. she was also select on “Sur Kshetra”. In this page you will find and read Sara Raza khan Biography And Interview in Urdu Hindi and Roman Urdu.

(Sara Raza Khan)

 
Sara Raza Khan

Profile

Sara raza khan ka taluk pakistan ke shehar lahore se hai us ka gharana, waldain ke elawa 3 bhaiyon or ek behan pr mushtamil hai us ne yousaf school system se metric or canard collage se fsc kya sara raza khan ne boht choti umar se hi gana shuru kar dya tha mosiqi ki talim abdul raof or near ali dada se hasil ki is ke bad us ne alhamra artist council se do sal tak classical mosiqi ki tarbiyat li us ne professional singing ka agaz 2009 me india singing show Sare gama pa me shirkat se kya wo is show me hissa lene wali wahid pakistani glokara thi wo pakistan singing show Bright star ki fatah bhi hai hal hi me us ne pak bharat singing show sur kshetra me digar pakistani singers nabel shokat or mulazim hussain wagera ke sath shirkat ki or 23 december 2012 ko show se bahar ho gai tahum majmoi tor pr us ki glokari ko pasand kya gya wo is show me shirkat karne wali wahid singer hai jise har tarha ke gano pr abor hasil hai us ke bare me aam tasir yahi tha k wo is show ki behtrin singer hai lekin badkismati se final tak na pohnch saki sara raza khan ne hum tv ke show Sur zindagi hai me bhi shandar performance di is ke maqbol ganon me Mere qatil mere dildar…….., Main chand si………, Mere huzoor ……… wagera shamil hain is ke elawa sara lux style award sirf geo pr or madiha maliha me bhi glokari ka muzahira kar chuki hai.

Kehte hai k pot ke paon palne hi me nazar ate hai aesa hi kuch nojawan glokara sara raza khan neb hi kar dhikhaya hai use bachpan hi se glokari ka shok tha or is shok ko parwan charhane ke lye us ne ghar, school, collage or doston ki mehfil me apni salahiyaton ka izhar karna shuru kar dya dekhte hi dekhte us ke glokari ke charche hone lage or use parosi mulk ke channel pr singing show Sare gama pa me hissa lene ka moka mil gya wo is show me shirkat karne wali wahid pakistani larki thi us ne apne shandar performance se jujon or audience ko behad mutasir kya or use pakistan ki beti ke tittle se nawaza gya. Sara raza khan ne mosiqi ke medan me apna safar jari rakha or mukhtalif programo me shirkat karti rahi pichle dino wo high profile show sur kshetra me shirkat ke lye gai or behtarin performance ka muzahira kar ke shaiqin or nazrin ko herat zada kar dya 3 jujon me se ek legend singer aasha bhosle ne us ki gaiki ki khul kar tariff ki lekin baz wajuhat ki bina pr sara raza khan apna safar jari na rakh saki or show ki akhri do episode me us ki kami shidat se mehsos hui, zere nazar interview parne ke bad aap jan jaen ge k sara raza khan ne is show se aledgi q ikhteyar ki.

Question: gane ka agaz kab hua?

Sara: agar ye kahon to galat nahi hoga k main ne jab bolna shuru kya to is ke sath hi gana bhi gane lagi pehle shokiya gati rahi phir abdul raof ki zere nigrani alhamhera artist council se classical mosiqi ki baqaida tarbiyat hasil ki.

Question: sab se pehle tumhari salahiyato ko kis ne taslim kya?

Sara: wese to sab log hi meri glokari ki tariff kya karte the lekin meri pyari maa ne sab se pehle mere telent ko taslim kya or un ki hosla afzai se mujhe aage barne ki tehrik mili is ke elawa mere ustad sir abdul raof ne bhi training ke doran support kya or meri bhar pure tarike se hosla afzai ki.

Question: mosiqi ke hawale se tumhara kya back ground hai?

Sara: mera koi musical back ground nahi hai apne khandan ki wahid larki hon jis ne classical mosiqi ki talim hasil ki hai q k main is khudadad salahiyat ko baroekar la kar kamyabi ki manzil tak pohnchna chahti thi, training ke doran hi mujhe sabik sadar pervez musharaf ke samne perform karne ka moka mila unho ne meri karkardigi ko boht saraha or apni birthday ke moke pr awane sadar aaney ki dawat di is ke bad logo ne meri salahiyato ko taslim karn shuru kar dya, mujhe mukhtalif tv channels pr kai live shows me anchoring or singing ka moka mila.

Question: Sare gama pa ke lye tumhara intekhab kis tarha hua?

Sara: legend singer ghulam ali ne mujhe is show ke audition ke lye lahore se muntakhab kya main is show me hisa lene wali pehli pakistani larki thi or is munasibat se logo ne mujhe pakistan ki beti kehna shuru kar dya.

Question: Sa re ga ma pa me shirkat karne pr tumhare ghar walo, dosto or parosio ka kya rade amal tha?

Sara: rishtedaro ne meri is show me shirkat pr mile jule tabsire kye lekin zyada tar log boht khush or excited the is show me shirkat se na sirf ye meri fani qad me ezafa hua balke apne mulk ke image ko behtar banane me madad mili yahi waja hai k wapas ane ke bad main ne jis show me perform kya wahan mera taruf Pakistan ki beti ke tor pr karaya gya mujhe jo ezat or muhabat mili us ke lye ahale watan ki shukar guzar hon.

Question: Sa re ga ma pa me shirkat ka safar kesa raha?              
 
Sara: ye boht zabardast or ghair mamoli tajurba tha q k is show me hissa lene ka khwab dekha karti thi or jab ye khwab pura ho gya to main ne dil ki ghehrai se rab ka shukar ada kya is ke sath hi audience ki bhi behad shukar guzar hon k unho ne qadam qadam pr meri hosla afzai ki.

Question: aam tor pr reality shows me hissa lene walon ko jujes ya audience se shikayat hoti hai tumhari is bare me kya rae hai?

Sara: Sa re ga ma pa 2009 ke sare juj boht hi mukhlis, talented or hosla afzai karne wale the wo sab apne apne shobo me kamyab hain or meri khwahish hai k un ke sath kaam karon jahan tak audience ka taluk hai un ki mohabat or khlus ko lafzon me bayan nahi kya ja sakta unhi ke voton or duaon ki badolat main aage barhti rahi pore show ke doran nazrin ke sath meri wabastagi barkarar rahi or is show ki hasin yaden aaj tak mere zehan me mehfoz hain jis mohabat se wo mere nam pr taliyan bajate, autograph lete or mujhe dhero mails bhejte rahen wo sab meri yadon ka hissa hai meri dua hai k nazrin hamesha mujh se muhabat karte rahen or mujhe yad rakhen.

Question: mustaqbil ka kya program hai?

Sara: mere khyal me fankari ki koi manzil nahi hoti wo har waqt sikhne ke amal se guzarte rehta hai meri khwahish hai k classical music ki mazid tarbiyat hasil karon play back singing or live shows me apna nam banao mujhe dolat ki nahi bas ezat or shahrat ki tamanna hai.

Question: tumhara sab se bara khwab kya hai?

Sara: yahi k boht bari singer ban jaon meri pehchan ghar ghar ho jae jab shohrat milti hai to paisa bhi ane lagta hai main apni bari behan ko khush dekhna chahti hon is ke elawa un Orton ki bhi madad karna chahti hon jo kam umri me talaq ya bewa hone ke bad tanha ho gai hain or apne chote chote bachon ke sath halat ka muqabla kar rahi hain.

Question: tumhen mosiqi ki kon si sanf pasand hai classical, gazal, filmi gane ya pop music?

Sara: main har sanf me tibah azmai karna chahti hon mera khyal hai k classical sikhe bagair koi bhi singer nahi ban sakta jabke gazal hamari tehzibi riwayat hai or aaj bhi ise shok se suna jata hai, aam log filmi gano ko pasand karte hain jabke nayi nasal pop music me dilchaspi leti hai.

Question: tum ne mukhtalif tv show me hissa lya in me se kon sa show tumhare dil ke karib hai?
       
Sara: wese to mujhe apna har show hi pasand hai lekin hum tv ke musical program Sur zindagi hai se mujhe boht kuch sikhne ka moka mila is show me namwar mosikar or gazal singer salman alvi host the jabke main co host ke faraiz anjam de rahi thi. Salman alvi boht bare fankar hain lekin unhon ne is program me mujhe apni salahiyato ke izhar ka pura moka dya or main ne is show ki har episode me purane pakistani gane or gazalen sunai jinhen boht pasand kya gya is show ko main apne career ka ek yadgar program samjhti hon or mera khyal hai k television se is tarha ke shows hote rehne chahye take naye singers ko apni salahiyato ke izhar ke moke mil saken.

Question: tum ne hal hi me music show Sur kshetar me shirkat ki thi or tumhari performance dekh kar lag raha tha k ye moqabla tum hi jeto gi lekin akhri do episodes me na dekh kar boht mayusi hui kya tum is show se aledah hone ki waja bata sakti ho?

Sara: G han. Mujhe khud bhi is ka shidad se ahsas hai ye show boht acha ja raha tha or main apni performance se mutmain thi lekin akhri marhalo me ye show chorna para mere bare me elan kya gya k meri tabiyat nasaz hone ki bina pr main is me shirkat nahi kar pa rahi jab ke jin logo ne semi fainal round dekha hai wo jante hon ge k main ne kis waja se show chora main joery or khususi mehmano ki boht ezat karti hon or apni gaiki ki khamiyon ke bare me un ki har bat sunne ke lye tayar thi jesa k main ne classical round me kya lekin jab mahesh bhat sir or rana gee ne meri personality or dressing ke bare me baten karna shuru kye or runa gee ne mere pallo lene pr tabsira karte hue kaha k mujhe politics me hissa lena chahye to mere khyal me ye koi munasib bat nahi thi. Jeory ko hamari gaiki ke bare me bat karne or rehnumai ka haq hai lekin hamari galtiyon ki nishandahi karne ke bajae wo kisi ki shakhsiyat pr bolna shuru kar den to ise bardast nahi kya ja sakta ye dekh kar bhi boht sadma hua k meri team ke member bhi mujh pr tanqid kar rahe the or captain samet kisi ne bhi mere difah me kuch nahi kaha jabke captain sahab dosro ki himayat me barh char kar bola karte the behre hal meri khwahish thi k pakistani singer fainal tak pohnchen or rab ki meharbani se ye khwahish puri ho gai jahan tak mere aledah hone ka taluk hai to is se team ko koi nuksan nahi pohncha or mere nazdik isi bat ki ahmiyat hai.

Question: tumhara pasandida singer or music director kon hai?


Sara: sabhi glokar apni jaga ache hain lekin nayyara noor meri favorite hain jabke music directors me apne ustad abdul raof, Shankar maha devan or AR rehman ko pasand karti hon.