Home Singer <<  
Worldknowledge1
 
 
 
 
 
Shibani kashyap was born on Delhi, India. Shibani started her career for A.I.R.FM in 1996. and now she proved her self in bollywood, now a day she sung a beautiful song which name was “Sajna aa bhi ja”. Shibani kashyap also a part of the band black slade. She also sung a song for Pakistani darama serial. Which was on urdu language.this song hit in Pakistan and India. In this page you will find and read Shibani kashyap Biography in Urdu Hindi and Roman.

(Interview Of Shibani Kashyap)

 
Shibani Kashyap

Profile

Indian singer Shibani kashyap dehli me paida hui or us ne dehli university se English lecture me graduate kya wo western or indian classical music me specialize kar chuki hai us ne apne career ka agaz jungles se kya or dordarshan pr Subha sever show or Amol india jese program kye lekin use shohrat apni pehli pop album Hogai hai mohabat se mili jis pr us ne channel V award bhi hasil kya use 99s me qaziqistan me hone wale salana international music festival me india ki numaindagi karne ka moka mila 2000 me us ki sofi album Nag magi release hui us ne dunya ke mukhtalif mulko me live shows kye hain or apna pehla filmi gana Sajna aa bhi ja…….. 2003 me banne wali hindi film Wesa bhi hota hai ke lye record karwaya us ke bad wo kai filmo ke lye gane record karwa chuki hai jin me Zinda, 1971, or 7 nights qabile zikar hain. Use 2005 me san Francisco me hone wale sanget awards me best female pop singer award mila wo sahara film channel ke singing show Bath room singer me juj ke tor pr hissa le chuki hai us ne yakam august 2012 ko Mumbai se jantar mantar dehli ka safar kya take corruption ke khilif hone wali mehan me hissa le sake jahan us ne hazaron logo ke majma ke samne Ana hazare dip hamare g kar is meham me amli tor pr hissa lya taza tarin itlat ke mutabik us ki shadi 7 february ko dehli me rajeo roda ke sath ho rahi hai.

Question: Tumhara mosiqi ka safar kese shuru hua kya tum hamesha se hi singer banna chahti thi ya itefaqya hi is field me chali aai?

Shibani: main ne bachpan se hi singer banne ke bare me socha hamesha se hi ye khwahish thi or jab aap ke dil me koi khwahish jar pakre to qudrat bhi madad karti hai.

Question: kya tum ne mosiqi ki baqaida tarbiyat hasil ki hai? 

Shibani: g han! Or abi tak sikh rahi hon art ke har shobe me khwah wo music ho, acting ya dancing training lazmi hai is se aap ki salahiyat me nikhar ata hai agar aap practice nahi karen ge ya is kaam ki tarbiyat hasil nahi karen ge to aap ki fitrat salahiyat ko zang lag jae ga.

Question: kya tumhen kisi ne mutasir kya ya tum is field me kisi ki taqlid karti ho?

Shibani: kisi ki naqal nahi karti or har ek ke lye mera yahi pegam hai k wo is se bachpan albata rahat fatah ali khan or nusrat fatah ali khan se mutasir hon is ke elawa aasha bhosle ki boht bari fan hon q k mere khyal me wo ek versatile or natural hain.

Question: tum ne ek reality show Bath room singer me juj ke tor pr bhi shirkat ki hai jabke kuch logon ka khyal hai k is tarha ke talent hunt shows me jujes mukamal tor pr ghair janibdar nahi hote is bare me kya kaho gi?

Shibani: main nahi janti k log is tarha q sochte hai. Show me hissa lene wale singers jajes ke lye ajnabi hote hain is lye kisi kisim ke favor ka sawal hi paida nahi hota aesa kai martaba ho chukka hai k jujon ne ek singer ko pure number dye lekin wo audience ke votes hasil na kar saka.

Question: baz okat dekha gya hai k jujes kuch wajuhat maslan garib pasmanzar ya mazhabi aqliyat ki bina pr kisi singer se izhare hamdardi karne lathe hain jis se audience bhi mutasir ho jate hain kya tumhare khyal me ye rujhan durs hai?

Shibani: shayad aesa hota ho lekin mere ilm me aesi koi missal nahi hai juj kisi bhi performance ke bare me apni ray dete hain or un ka maqsad hargiz ye nahi hota k wo audience kef aisle pr asar andaz hon.

Question: in dino tumhari kya masrufiyat hai kya koi naya album ane wala hai?

Shibani: G han! Mera naya album boht jald T - series ke zarye release hoga is me qul 7 gane hain jin me ek ke siwa sab ki composition me ne di hai.

Question: tum ne Jungals se ibtada ki bollywood ki filmo me gana gae, reality shows me hisa leye or apni private albums bhi release kye tum is safar ko kis tarha dekhti ho?

Shibani: ye boht hi dilchaps or bharpur safar raha hai is tamam arse me mujhe apne aap ko daryaft karne or sikhne ka moka mila bahesiyat artist mehsos karti hon k hamen apni salahiyato ka izhar karte rehna chahye khwah wo bollywood ki filmen ho ya private album. 

Question: tumhara Sojourn ke nam se ek band bhi hai, is ke bare me kuch batao?

Shibani: G han ! ye mera shok hai is me shamil sab members boht zahin or basalahiyat hain hum log electronic music ki bajae rawaiti sazon ka istemal karte hain.

Question: kya tum samjhti ho k 90s ki dehai ke mukable me ab pop industry bohran ka shikar hai tumhare khayal me is ki wajuhat ho sakti hai?

Shibani: 90s pop industry ke uroj ka sal tha or bollywood music ki tarha pop music bhi sunne walon me maqbol ho raha tha lekin is ka zawal us waqt sguru hua jab bollywood ke music directors ne pop singers ko apni filmo me lena shuru kar dya is ke lye aap sirf fankaro ko hi dosh nahi de sakte balke is me media ki berukhi bhi shamil hai in dino shayad hi koi aesa music channel hoga jo pop music ke frogh ke lye apna kirdar kar raha ho jab me pop industry me aai or mera pehla album Hogai hai muhabat release hua to is ko is ko music channels se bhi support mili or M tv ne mujhe artist of the month ka tittle dya in dino music channels pr sirf  bollywood ke gane hi nazar arahe hain.
 
Question: apne ane wale projects ke bare me kuch btana chaho gi ?
 
Shibani: Meri  ek film seven nights zer takmil he jise sodapato chater gee ne direct kya he jabke raveena tandon is me markazi kir dar ada ker rahi hai, main ne is film ke lye do gane record karwae hain apni album ke bare me pehle hi bata chuki hon ye tayari ke akhiri marhale me hai main ne hal hi me is ke ek gane ka music video shoot karwaya hai jo unkarib channels pr release kar dya jae ga.

Question: tumhe apne gae hue gano me se sab se zyada kon sa gana pasand hai?

Shibani: ab tak jitney bhi gane gae hain un me Sajna aa bhi ja……mera favorite hai logon neb hi ise boht pasand kya hai or isi maqboliyat ki waja se main use apna treat mark song samjhti hon is film ki mosiqi bhi main ne hi tartib di thi lehaza is ke digar gane bhi mujhe boht pasand hain.

Question: apni humasar glokaraon me kis se khatra mehsos karti ho?

Shibani: main nahi samjhti k kisi glokara se koi muqabla hai q k sab ka andaz mukhtalif hai or har koi apne apne style me gar aha hai.

Question: naye ane walo ko kya mashwara dena chaho gi?

Shibani: main samjhti hon k aap ka kaam original hona chahye bahesiyat musician or singer mere nazdik is ki sab se zyada ahmiyat hai agar aap ne dosre logo ki naqal karma shuru kar di ya un ki taqlid ki to aap ki apni shanakht khatam ho jae gi is ke elawa singer ka masher se bhi ghehra taluk hota hai is lye main samjhti ho k hamen apni mosiqi ke zarye samaji khidmat bhi karni chahye jis tarha main ne hal hi me ek gana Don’t drank and driver………gaya hai jo k net pr mojud hai.

Question: tum play back singing stage pr performance ya music albums me sab se zyada kis se enjoy karti ho?

Shibani: mujhe live performance me maza ata hai lekin is ke sath hi album playback singing or jungles ko bhi pasand karti hon musician ke tor pr hamen har tarha ke music ko apnana chahye, manti hon k recording boht aham hai lekin live performance ki bat hi kuch or hai.

Question: 10 sal bad apne aap ko kis tarha ke music me hissa leta dekh rahi ho?

Shibani: is sawal ka jawab dena to boht mushkil hai q k 10 sal ek tawil arsa hai main samjhti hon k mosiqi me waqt ke sath sath tabdili ati rehti hai or is ke lye hum pehle se planning nahi kar sakte.

Question: agar singer na hoti to kis field me jana pasand karti?

Shibani: mumkin hai k teacher ban jati q k mujhe is field se boht dilchaspi hai or main unkarib ek music academy shuru karne wali hon jahan naye logo ko mosiqi ki talim di jae gi aap samjh sakte hain k teaching mera shok hai.

Question: ek kamyab singer hone ke bawajud tum kafi had tak down to earth nazar ati ho or tumhare andar zara sa bhi garor ya nakhra nahi hai tum ne ise kis tarha mange kya?

Shibani: ye mere lye boht bara compliment hai or ise main kisi bhi award ke muqable me aham tarin ejaz samjhti hon mere khyal me dosron ki ezat karna sab se zyada aham hai q k yahi chez zindagi me kaam ati hai or waldain ne mujhe hamesha yahi bat samjhai.